Sii-nyaan 9:2 - LAWA A BOO SONBORE

² Leere lɛ bɛ́ á bɛa nyankɔrɔ zuzulu kɛ lɛ lɛ bũ, tɛmaa soo a nɛ, a n kɔnboe ka kùsì kaara tɛmaa nɛ. Nyankɔrɔ lɛ a tɛmaa wasa kũ á baa tì ka lon tumaa nɛ.

LAWA A BOO SONBORE 2011

² Leere lɛ bɛ́ á bɛa nyankɔrɔ zuzulu kɛ lɛ lɛ bũ, tɛmaa soo a nɛ, a n kɔnboe ka kùsì kaara tɛmaa nɛ. Nyankɔrɔ lɛ a tɛmaa wasa kũ á baa tì ka lon tumaa nɛ.

Sii-nyaan 9:2 ပူးပေါင်းရင်းမြစ်များ

Siin Giala 15:17

Wasa bɛ́ á mɛ, kùsì kɔ́n a tɛsiã goã boe wɔlɔ tì lɛ li, a tɛ buə̃ bɔ siĩ lɛkaran lɛn bii ni.

Siin Giala 19:28

Á n yii saa á ga Sodɔmu laanka Gomɔɔrɔ ganaa, ka ǹ lɛkoro lɛ-a bǎãn kɛn tumaa nɛ. Á tɛmaa yɛ yui tán kurukuru ka kùsì gole wɔ bɛ́ lɔn.

Bɔ bɛ̀rɛbaa nɛ 19:18

Sinayii kele lɛ goã tɛmaa lɛa, a giala, Dɛnaa gisĩ la tɛ bii. A tɛmaa lɛ yoo ka n pɛ mà kùsì gole tɛmaa nɛ, kele lɛ tumaa bìn da taãn-taãnɛ.

Izayii 14:31

Ka wuu pɛ ka n lɛ dɛ kaa kiwi a kiɛnlɛn bii! Filisiti gána tumaa foo n ziziɛ̃ nɛ. A giala, tɛmaa bara n boe gɔsɛ a lɛ̀gɔn la die. Zɔ́ɔn bii, min kɔn ba n wɔlɔ lui zia-baalin ganaa wa.

Zowɛli 2:10

Tán nə bìn diɛ ǹ nyɛɛnɛ, lon nə ka a n die niɛ̃ a mɛnaa, wasa laanka mui ba folon kiɛ doo wa, leeren ba tɛ-pii doo wa.

Zowɛli 2:2

A pinaa n die wɔlɔ tì biribiri biɛ, min yii a die wɔlɔ yii wa. A n die goɛ̃ wɔlɔ tì lɛa. Á ke tɔrɔ kɔsɔn nə́ kɔn paã ǹ nə́ die. Ka tèlò bɛ́ lɔn, maǹ gigiã, kakaarɛ, ka bisin bɛ́ lɔn. Kɛ miã bin tɔn nə n zɛnaa wa, ǹ miã dɔ din ba re n zɛnɛɛ doo wa.

Nya ǹ dín 2:19

Ma á re kaãbaa ǹ siin zɛnɛɛ lon, ma á re ǹ zɛnɛɛ tán. Minin tá re mà yii, ka tɛ nɛ, ka tɛmaa bara nɛ.

Sii-nyaan 14:11

Ǹsɛn mɛnɛn bɛ́ Tɔɔ kɛ laanka a nyín guguru koe, a tɔ n kiɛ̃ nɛ ǹ ganaa, tèlò-n ka baayɛlɛ nɛ, ǹ ba re susui yii wa. Tɛ mɛn bɛ́ re ǹ kuĩ, a tɛmaa á re yui yǎa duduu.»

Sii-nyaan 16:10

Lon a dia dí-a wole lɛ a soorobaa ǹ wɔ ná a wɔ binyəə Tɔɔ lɛ a kii dankan ganaa. A pàã giulun minin tumaa papaã wɔlɔ tì li. Min tumaa goã sɔn doe a din lɛwɔn ganaa là-paparɛɛ gɔn.

Sii-nyaan 8:12

Lon a dia dí-a wole siibaa ǹ wɔ dɔ tɔ́n a bɛn pɛ. Wasa laanka mui ka leeren talakɔn sɔɔbaa ǹ wɔ gã, ǹ folon dɔ a talakɔn sɔɔbaa ǹ wɔ nimi. Bɛ tɔ́n toa baayɛlɛ ka tèlò a talakɔn sɔɔbaa ǹ wɔ́ goã wɔlɔ tì lɛa.

Sii-nyaan 9:1

Lon a dia dí-a wole soorobaa ǹ wɔ tɔ́n a bɛn pɛ. Má yɛ leere goon bɔ lon á mɛ tán. Ǹ nə́ nɔmaa ǹ nyankɔrɔ zuzulu kɛ a goo nɛ kɔ la.

Sii-nyaan 9:11

Min mɛn bɛ́ nɔmaa ǹ nyankɔrɔ zuzulu lɛduĩ, bɛ nə ǹ kii lɛa, á ǹ nyɛɛnaan sa boe. Maǹ bíi "Minin-Ziziɛ̃li", *Ebrəə bɔlɔ nɛ, maǹ bíi "Abadɔn", Grɛki bɔlɔ nɛ, maǹ bíi "Apoliɔn".

Sii-nyaan 9:17

Ma sùidɛnan lɛn yɛ ka yɔrɔ mɛn nɛ, bɛ yɔrɔ n ke: Maǹ nə́ fɔlɔ dɔnkɛ tãtãn wɔ, bɔlɔn lɛa, ka kùsi ni. Ǹ sùin lɛn mìi n ka yàra mìi bɛ́ lɔn, ǹ lɛ n tɛ boe, ka kiribi wùsu ni ka tɛmaa nɛ.