Sii-nyaan 8:5 - LAWA A BOO SONBORE

⁵ Bɛ lɛ ganaa, lon a dia dí-a wole lɛ gón gìĩ kɔɔ̃n-a tã ǹ màn lɛ saa, tɛ mɛn bɛ́ wúlu bɔ ǹ bǎã lɛ nɛ, á bɛ bɔ á kaa a nɛ a pã, á zũ tán la. Bɛ nə́ n baa la a paraa wuun lɛa, la a tɛ-pɛn lɛa, ka tán bìn diɛ nɛ.

LAWA A BOO SONBORE 2011

⁵ Bɛ lɛ ganaa, lon a dia dí-a wole lɛ gón gìĩ kɔɔ̃n-a tã ǹ màn lɛ saa, tɛ mɛn bɛ́ wúlu bɔ ǹ bǎã lɛ nɛ, á bɛ bɔ á kaa a nɛ a pã, á zũ tán la. Bɛ nə́ n baa la a paraa wuun lɛa, la a tɛ-pɛn lɛa, ka tán bìn diɛ nɛ.

Sii-nyaan 8:5 ပူးပေါင်းရင်းမြစ်များ

Kiin1 19:11

Dɛnaa Lawa pɛ nɛ: «Soo n golee bii-a kele lɛ la, masɛ din Dɛnaa Lawa yɔrɔ-a.» Á ke man die kiɛ̃. Dɛnaa Lawa tɔ́n piɛ̃ gole gole kɔn da bɔ ganaa bɔrɔ a nyɛɛnɛ. Bɛa piɛ̃ lɛ kelen yuyu, á paran yɔyɔrɛ, sɛnɛ Dɛnaa Lawa goã kun ka bɛa piɛ̃ lɛ-n wa. Piɛ̃ lɛ a bɔ kio, tán bìn da sɛnɛ, Dɛnaa Lawa goã kun ka bɛa tán bìn diɛ lɛ-n wa.

Loen 18:13

A bɛ́ tɛ pii die, labaran kɛn man baa sii, la gii kɛ n boe lon kiɛ, a n tɛ pii yɛlɛlɛ yɛlɛlɛ.

Bɔ bɛ̀rɛbaa nɛ 19:16

A lɛawaa sɔɔbaa ǹ wɔ pinaa lɛ kəni, lɛ̀ bɛ́ á waa, la a ginii wuu bɔ, ka la a tɛ-pɛn nɛ, tɛmaa bara kaara kɔ́n nə́ n kɔ kele lɛ lɛ, bɛn wuu kaka goon bɔ. Zaman lɛ tumaa bìn da ǹ giã ǹ bǎã nɛ.

Izayii 29:6

Dɛnaa Lawa Pàãyiidɛnaa á re sii zɛnɛɛ n wɔ a paǹ li, ka la a ginii ni, tán a bìn diɛ nɛ, ka bìn diɛ gole ne piɛ̃ gole giulun, la giulun ka la a tɛ-pɛ nɛ.

Izayii 30:30

Dɛnaa Lawa lɛn tá re boe ka paraa gole ne. Á re n pàã nyɛɛ, ka a foo-yoo ne ka kurukuru, á re nyɛɛ tɛ bii la gole li kiɛ ka la gii ni.

Izayii 66:6

Ka n too kɔ bìn diɛ kɛ li boe kiwi, bìn diɛ ke boe Lawa a kion, Dɛnaa Lawa lɛn nɛ: A zɔ́ɔn nə kɔnbɔ ka màn mɛn nɛ, a n bɛ lɛ koe ǹ la.

Zeremii 51:11

Dɛnaa Lawa n zoɛ̃ li a Baabilonii ziziɛ̃. Bɛ lɛ nɛ, á Mɛdi gána a kiin sɔsɔmɔ á ǹ da a zɛnaa ganaa. Dɛnaa Lawa n gɛ̀ dòo boe, a na a kion sonbore lɛ a gɛ̀ dòo boe. Ka kaa kiɛn lɛ bɔ, ka kaa goóron goa.

Lawa a wúlu-bɔlen 16:12

a tɛ nàn bɔ *wúlu bɔ ǹ bǎã kɛ nɛ, lɛ kɔ kɔn la ǹ goo lɛ yɔrɔ-a, da yon gìĩ kɔɔ̃n tã ǹ fɔlɔ tàãn kɛ piɛ̃, ka da yon gìĩ kɔɔ̃n wùsu ni, a gɔn paa piɛ̃, a da ǹ nɛ kion bii kuru kɔn-a ǹ mɔnaa kɛ nyɛɛnɛ.

Zakarii 14:5

Bɛa nyankɔrɔ lɛ kɛ lɛ kelen lɛn bii ni, ka n die baa sii ka bɔ ka bɛ lɛ nɛ, a giala, a n woe yǎa Asali. Ka n die baa sii, ka ka digolon wɔ bɛ́ lɔn, Zudaan kii Oziasi a waáraa, tán a bìn diɛ pinaa. A da yaa, Dɛnaa Lawa, maa Lawa n die die ka a lon a dia dí-a wolen kɛn tumaa nɛ.

Matiə 24:7

A giala tɔrɔn tá re zia biɛ tɔrɔ kɔsɔn ganaa, gánan tá re zia biɛ gána kɔsɔn ganaa. Bǎã gigiã nɛ, bòo á re we, tán tá re bìn diɛ.

Luku 12:49

Yezu pɛ: «Masɛ n má daa ka tɛ nɛ kanaa gɔ́ɔ̃ nɛ. Bɛ̀ a na á n lɛ sã gɔrɔ, bɛ̀ a n kɔɔ̃n masɛ ganaa!

Nya ǹ dín 16:26

Bǎã goon ne, tán nə́ bìn da ka pàã gole ne, yǎa kion lɛ a gòã yii bìn da. Kiɛnlɛn lɛn tumaa nə́ n bũ a din bǎã-n gɔrɔ, fɔlɔ biɛn mɛnɛn bɛ́ kòso nɛn lɛn-a, bɛn nə́ na.

Nya ǹ dín 4:31

Ǹ bɛ́ ǹ nə́ Lawa nyankɔ ǹ nə́ nya, ǹ lɛ bɛ́ soe-n kɔn bǎã mɛn nɛ, bɛa bǎã lɛ bìn da, Lawa a Yiri Fu gisĩ ǹ tumaa la. Ǹ nə́ Lawa a boo da ka foo-doa nɛ.

Sii-nyaan 11:13

A din biikoo goon kɛ lɛ li, tán bìn-diɛ bɔbɔnɛɛ goon nə́ n zɛnaa. Á kiwi lɛ a talakɔn fùbaa ǹ wɔ dɛ á kaa. Min duu sɔbaa dɔ́ gã bɛa tán bìn-diɛ kɛ lɛ gɔ́ɔ̃ nɛ. Min mɛnɛn nə n bɔ a nɛ, nyɛ́ɛ gole bɛn kũ, ǹ nə́ lon a Lawa tɔ guguru kɔ.

Sii-nyaan 11:19

Lawa a kion mɛn bɛ́ lon, bɛ nə́ n lɛ bũ, má *lɛ kɔ kɔn la ǹ goo lɛ yɛ. Bɛ ganaa, la tɛ pɛpɛ, la gigini, la gii dadaran nə́ kaa, tán bìn da.

Sii-nyaan 4:5

La na á goã parɛɛ, a n tɛ pii kii dankan lɛ yɔrɔ-a. Lɛn dɔ goã boe walan. Bolon sɔbaa goã kuĩ dankan lɛ yɔrɔ-a, Lawa a Yiri sɔbaa kɛn ka bɛ nɛ.

Sii-nyaan 6:12

Má yɛ, a bɛ́ á sɛ́wɔ lɛ tã ǹ bǎã lɛ a sɔrɔbaa ǹ wɔ bũ, tán bìn da gole gole. Wasa nə́ n bɔyaa á tì kɔ ka mɔnaa tì bɛ́ lɔn, mui tumumaa tã kɔ ka mà bɛ́ lɔn.

Sii-nyaan 8:3

Lon a dia dí-a wole goon kɔsɔ daa golee wúlu bɔ ǹ bǎã yɔrɔ-a, ka da gón gìĩ kɔɔ̃n tã ǹ màn ná a gɔn, a n sana lɛa. Da gón gìĩ kɔɔ̃n gigiã nə́ n kɔ la, mà a kaa kun ka Lawa a min sonboren tumaa a Lawa nyankɔ nɛ, a ǹ kɔ Lawa la. *Wúlu bɔ ǹ bǎã mɛn bɛ́ sana lɛa doa-n kii dankan yɔrɔ-a, mà a ǹ kaa bɛ la.