Sii-nyaan 8:11 - LAWA A BOO SONBORE

¹¹ Maǹ bɛa leere lɛ bíi "Kɔɔsɛ". Mun lɛn talakɔn sɔɔbaa ǹ wɔ nə́ n bɔyaa á kɔɔsɛ kɔ. Min gigiã gã mu lɛ a mi taman yii, a giala, mà á kɔɔsɛ kɔ á la yii ni.

LAWA A BOO SONBORE 2011

¹¹ Maǹ bɛa leere lɛ bíi "Kɔɔsɛ". Mun lɛn talakɔn sɔɔbaa ǹ wɔ nə́ n bɔyaa á kɔɔsɛ kɔ. Min gigiã gã mu lɛ a mi taman yii, a giala, mà á kɔɔsɛ kɔ á la yii ni.

Sii-nyaan 8:11 ပူးပေါင်းရင်းမြစ်များ

Bɔ bɛ̀rɛbaa nɛ 15:23

Ǹ nə́ daa dɔ mu bǎã kɔ́n nɛ, a tɔ n Maaraa. Sɛnɛ, ǹ boo la ǹ nə́ Maaraa a mu lɛ mi wa, a giala, a n kɔɔsɛ. Bɛ lɛ nɛ, bǎã lɛ tɔ á Maaraa (bɛ giala mà "kɔkɔsɛ").

Suusun 5:4

Sɛnɛ, a nə n gɔn nyɔmiɛ̃ kɔɔsɛ ka sèwò bɛ́ lɔn. A n baraa ka gɔya sa lɛ bɔle bɛ́ lɔn.

Zeremii 23:15

Bɛ lɛ nɛ, Dɛnaa Lawa Pàãyiidɛnaa á kɛ pii Lawa a boo gii-dalin paǹ li: Man die liɛ kɔɔsɛ koe ǹ la ǹ sɔ̃, ma sèwò kɔ ǹ la ǹ mi. A giala Zeruzalɛmu a Lawa a boo gii-dalin lɛn man ka mu yala gɔ̀dɛnaa bɛ́ lɔn, n daɛ gána lɛ tumaa la.

Zeremii 9:15

Tɔrɔn mɛnɛn bɛ ǹ dininmaan laanka ǹ díin nə ǹ dɔ̃ wa, man die ǹ pɛsɛ̃ bɛn bii. Ma á re zia yiɛ ǹ ganaa, ma ǹ yii dɛ lenlen.»

Busii pɛ 3:19

N taasɛ maa fuu kɛ laanka maa nɔmaa kɛ nɛ, maa foo ziziɛ̃ laanka màn kɔɔsɛ kɛ nɛ.

Busii pɛ 3:5

Á ma kũ á ma lɛ tã. Á ma lɛnpɛnɛ ka foo-busii laanka nɔmaa nɛ.

Amɔɔsi 5:7

Á ke, ká taãn-pɛ bɔyaa ká baa kɔɔsɛ, peperebaa ke, ká bɛ naa tán.

Amɔɔsi 6:12

Ka bin nə́ sùi yɛ baa sii gɛ̀fu la? Ka bin nə́ ǹ yɛ gɛ̀fu kɔsɛ ka diin kána nɛ? Wàa na a baa, ká taãn-pɛ sɛ bɔyaa ká baa sèwò lɛa, ká peperebaa bɔyaa ká baa kɔɔsɛ.

Zakarii 13:8

Dɛnaa Lawa Pàãyiidɛnaa a da ǹ boo á ke: «Gána lɛ a zaman a talɛɛ sɔɔ a talɛɛ paa n die giɛ̃, a talɛɛ goon yii goã koo.

Zakarii 13:9

Ǹ talɛɛ goon mɛn lɛ yii bɛ́ re goɛ̃ koo, man die ǹ zoɛ̃ ka tɛ nɛ, ma ǹ yoreen kɔ ka ǹ bɛ́ wɔrɔ yoreen koe lɔn, man die ǹ yoe ka ǹ bɛ́ sana yoe lɔn. Bɛa biikoo li kəni, ǹ tá re ma bíi we, ma á re ǹ lɛ sii, ma pɛ ǹ nɛ "Ka n maa zaman lɛa", ǹ dɔn tá re pii: "Dɛnaa Lawa, n nə n wɔa Lawa lɛa".»

Timəə dí-pɛn 29:18

Bɛ̀ min mɛn dɔ́ bɛa liɛ ǹ boon lɛn ma, yǎa a taasɛ a din gɔ́ɔ̃ nɛ, mà asɛ wɔ na á bǐɛ̃ kɔ, á n pii: «Ma bɛ́ má n tã, má kɔ ma din a taasiɛ lɛ, maa sii tumaa á ke á bǐɛ̃ kɔ!» Sonbore, tán mɛn bɛ́ basiɛ̃ nɛ, mu boro a bɛ ganaa doo wa.

Ebrəə 12:15

Ka n yiri kɔ ka dinin li, min kɔ́n baran da ka bɔ Lawa a bǐɛ̃baa kɛ li wa, min kɔ́n baran n baa da kɔɔsɛ lɛa, a bɔ tán a yoo, a minin tumaa lɔlɔkɔn, a ǹ ziziɛ̃ wa.

Sii-nyaan 12:4

Á leere talakɔn sɔɔbaa ǹ wɔ nɔɔ ka a mui ni, á kaa tán. Á daa golee lɔ nɛ-yɛle lɛ yɔrɔ-a, bɛ̀ a ná a nɛ lɛ yɛ lɔn gɔrɔ, a kũ a sɔ̃.

Sii-nyaan 8:7

Lon a dia dí-a wole bibinaa bɛ́ a ná a bɛn pɛ, la gii bɔ a nɛ kun ka tɛ nɛ, lɔlɛ-n kɔn ka mà nɛ, ǹ nə́ kaa tán la. Á tán talakɔn sɔɔbaa ǹ wɔ kũ ka lenlen, á dan talakɔn sɔɔbaa ǹ wɔ dɔ kũ, buu buruu mɛn tumaa bɛ́ tán la á bɛ dɔ kũ ka lenlen.

Sii-nyaan 9:15

Ǹ nə́ lon a dia dí-a wole màn sii lɛ kaa. Maǹ nə́ goã ǹ nə́ ǹ yɔrɔ bɔ lɛlɛndun bɛa biikoo kɛ lɛ a lɛa, bɛa lɛawaa lɛ a lɛa, bɛa mui lɛ a lɛa, bɛa lɛ̀ kɛ lɛ nɛ, ǹ doamaa nɛ ǹ minbuiinin talakɔn sɔɔbaa ǹ wɔ dɛ ǹ gã.

Sii-nyaan 9:18

Bɛa koe, bɔ̀n màn sɔɔ kɛ n soe ǹ lɛ-n, tɛ nɛ, ka kiribi wùsu ni, ka tɛmaa nɛ, bɛn lɛn man nə́ minbuiin talakɔn sɔɔbaa ǹ wɔ dɛ ǹ nə́ gã.

Uruti 1:20

Sɛnɛ, asɛ na á goã pii ǹ ni: «Ka baran masɛ bíi Naomii doo wa, ka ma bíi Maaraa, a giala, Pàãyiidɛnaa na á kanaa kɔsɛ masɛ ganaa á la yii ni.