Sii-nyaan 8:10 - LAWA A BOO SONBORE

¹⁰ Lon a dia dí-a wole sɔɔbaa ǹ wɔ tɔ́n a bɛn pɛ. Leere gole goon bɔ lon, a n kuĩ ka tɛ buə̃ bɛ́ lɔn. Á mɛ tà mun laanka mu yalan talakɔn sɔɔbaa ǹ wɔ li.

LAWA A BOO SONBORE 2011

¹⁰ Lon a dia dí-a wole sɔɔbaa ǹ wɔ tɔ́n a bɛn pɛ. Leere gole goon bɔ lon, a n kuĩ ka tɛ buə̃ bɛ́ lɔn. Á mɛ tà mun laanka mu yalan talakɔn sɔɔbaa ǹ wɔ li.

Sii-nyaan 8:10 ပူးပေါင်းရင်းမြစ်များ

KZS2 32:3

Á pɛ a kiãn laanka a lɛduə̃lin manɛ, mà mu yala mɛn tumaa bɛ́ a ba kiwi lɛ gɔ́ɔ̃-n wa, mà ǹ nə ǹ tã. Ǹ nə́ daa n dɔ lɛ.

Izayii 12:3

Ka á re mu sii ka foo kɔɔ̃nbaa nɛ kirisibaa ǹ mu yalan lɛ-a.

Izayii 14:12

Sɔ̀ tɛ-pɛle, nsɛ baayɛlɛ a nɛ, a n siɛ lɔn kəni n tá niɛ̃ lon mɛnɛɛ? Ń bɔ lon ń mɛnaa! Ǹ nə́ n zũ tán, nsɛ mɛn goã tɔrɔn bɔyɛɛ ǹ kiɛ.

Zakarii 13:8

Dɛnaa Lawa Pàãyiidɛnaa a da ǹ boo á ke: «Gána lɛ a zaman a talɛɛ sɔɔ a talɛɛ paa n die giɛ̃, a talɛɛ goon yii goã koo.

Zakarii 13:9

Ǹ talɛɛ goon mɛn lɛ yii bɛ́ re goɛ̃ koo, man die ǹ zoɛ̃ ka tɛ nɛ, ma ǹ yoreen kɔ ka ǹ bɛ́ wɔrɔ yoreen koe lɔn, man die ǹ yoe ka ǹ bɛ́ sana yoe lɔn. Bɛa biikoo li kəni, ǹ tá re ma bíi we, ma á re ǹ lɛ sii, ma pɛ ǹ nɛ "Ka n maa zaman lɛa", ǹ dɔn tá re pii: "Dɛnaa Lawa, n nə n wɔa Lawa lɛa".»

Matiə 25:1

Bɛ̀ Lawa ná a kiibaa ǹ dí lɛ nya a ná a lɛ pã ǹ mɛn waáraa, a kɔnbɔ ǹ sii n ka kɛ nɛ: Nɛniɛ fù kɔ́n nɛ, ǹ nə́ bólonən goa, mà ǹsɛn man woe n diɛ lɔ tii ǹ zuũ lɛ.

Luku 10:18

Yezu nə́ n toa ǹ ganaa: «*Sɛtaan nə́ bɔ lon á mɛnaa! Masɛ yii na á bɛ yɛ foaã nɛ ka la a tɛ-pɛ bɛ́ lɔn.

Zude 1:13

Bɛa minin kɛn lɛn man ka yìsi mu a bìn-diɛ gàãnaa bɛ́ lɔn, yìsi mu bɛ́ woe lɔn a kaã gɔgɔrɛ toa walan, ǹ nya ǹ dín là n ka ǹ dinin sìi ni. Maǹ goon ka leeren bibiə̃ wolen kɛn nɛ, Lawa na á ǹ koa wɔlɔ tì biribiri kɛ wɔn lɛa yǎa duduu.

Sii-nyaan 1:20

Leere sɔbaa ke ń yɛ ma gusin ni, ka sana bolon koa ǹ bǎã sɔbaa kɛ nɛ, ǹ bɛ́ sii-duriin mɛnɛn giala pii, ǹ nə́ ke: Leere sɔbaa kɛ n Lawa a sɔmɔ sɔbaan kɛn lon a dia dí-a wolen lɛa, sana bolon koa ǹ bǎã sɔbaa kɛ n Lawa a sɔmɔ sɔbaa kɛ lɛa.»

Sii-nyaan 12:4

Á leere talakɔn sɔɔbaa ǹ wɔ nɔɔ ka a mui ni, á kaa tán. Á daa golee lɔ nɛ-yɛle lɛ yɔrɔ-a, bɛ̀ a ná a nɛ lɛ yɛ lɔn gɔrɔ, a kũ a sɔ̃.

Sii-nyaan 14:7

Á goã pii ka a lɛn gole-n kɛnɛn: «Ka nyɛ́ɛ baa Lawa nɛ, ka a guguru kɔ! A giala, a kiri wɔ minbuiinin ganaa biikoo dɔ. Lawa mɛn lon zɛnaa, ka tán nɛ, ka yìsi mu gole ne, ka mu yalan nɛ, ka bɛ guguru kɔ.»

Sii-nyaan 16:4

A sɔɔbaa ǹ wɔ woo a wɔ binyə tàn nɛ, ka mu yalan nɛ, ǹ mu nə́ n bɔyaa á mà baa.

Sii-nyaan 6:13

Leeren nə́ bɔ lon ǹ nə́ kaa, ka piɛ̃ gole bɛ́ gɔ́rɔ nɛ burun kiɛ lɔn.

Sii-nyaan 8:7

Lon a dia dí-a wole bibinaa bɛ́ a ná a bɛn pɛ, la gii bɔ a nɛ kun ka tɛ nɛ, lɔlɛ-n kɔn ka mà nɛ, ǹ nə́ kaa tán la. Á tán talakɔn sɔɔbaa ǹ wɔ kũ ka lenlen, á dan talakɔn sɔɔbaa ǹ wɔ dɔ kũ, buu buruu mɛn tumaa bɛ́ tán la á bɛ dɔ kũ ka lenlen.

Sii-nyaan 9:1

Lon a dia dí-a wole soorobaa ǹ wɔ tɔ́n a bɛn pɛ. Má yɛ leere goon bɔ lon á mɛ tán. Ǹ nə́ nɔmaa ǹ nyankɔrɔ zuzulu kɛ a goo nɛ kɔ la.

Sii-nyaan 9:15

Ǹ nə́ lon a dia dí-a wole màn sii lɛ kaa. Maǹ nə́ goã ǹ nə́ ǹ yɔrɔ bɔ lɛlɛndun bɛa biikoo kɛ lɛ a lɛa, bɛa lɛawaa lɛ a lɛa, bɛa mui lɛ a lɛa, bɛa lɛ̀ kɛ lɛ nɛ, ǹ doamaa nɛ ǹ minbuiinin talakɔn sɔɔbaa ǹ wɔ dɛ ǹ gã.

Sii-nyaan 9:18

Bɛa koe, bɔ̀n màn sɔɔ kɛ n soe ǹ lɛ-n, tɛ nɛ, ka kiribi wùsu ni, ka tɛmaa nɛ, bɛn lɛn man nə́ minbuiin talakɔn sɔɔbaa ǹ wɔ dɛ ǹ nə́ gã.

Sii yɔrɔ-bɔlen 15:11

Zudaa minin lɛn giĩ duu sɔɔ woo Etamu a kele yala lɛ lɛ-a, ǹ nə́ pɛ Sansɔn nɛ: «N ba doɛ̃ mà Filisiti minin lɛn man wɔ mìi la wa? Wàa mɛn sii n ka kɛ nɛ, ń zɛnaa wɔsɛn manɛ?» Sansɔn tɔ́n pɛ ǹ nɛ: «Ǹ sii mɛn zɛnaa ma nɛ, ma dɔ má bɛ lɛ miã zɛnaa ǹ dɔn manɛ.»