Sii-nyaan 7:3 - LAWA A BOO SONBORE

³ «Ka n dinin kũ. Tán nɛ, yìsi mu gole ne hinlaa dan nɛ, ka nyan sii kɔ́n zɛnaa bɛn man bɔrɔ wa, yǎa wɔsɛn nə nyaǹ kiɛ̃ wɔa Lawa a dí-nyalin nyanlɛ ganaa wɔ nya.»

LAWA A BOO SONBORE 2011

³ «Ka n dinin kũ. Tán nɛ, yìsi mu gole ne hinlaa dan nɛ, ka nyan sii kɔ́n zɛnaa bɛn man bɔrɔ wa, yǎa wɔsɛn nə nyaǹ kiɛ̃ wɔa Lawa a dí-nyalin nyanlɛ ganaa wɔ nya.»

Sii-nyaan 7:3 ပူးပေါင်းရင်းမြစ်များ

Bɔ bɛ̀rɛbaa nɛ 12:13

Mà lɛ n die ka lɛduə̃ ǹ sii biɛ, ka bɛ́ re goɛ̃ kionən mɛnɛn nɛ, a goã bɛn kiɛnlɛn ganaa. Ma á re bɛa mà lɛ yii, bɛ̀ ma á Ezipti minin lɛn dii, basaã kɔ ǹ dɔlɔ kɛ a re doe ka ganaa wa, a giala, ma á re kiɛ̃ ma ka toa walan.

Bɔ bɛ̀rɛbaa nɛ 12:23

Dɛnaa á re boe Ezipti gána gɔ́ɔ̃ nɛ, a dɔlɔ bɔ a ganaa, á re mà lɛ yii kaa kiɛnlɛ-a ǹ gɔnɔn ganaa, a lon laanka a wàã li ǹ wɔn nɛ. Bɛ lɛ a lɛa, Dɛnaa á re kiɛ̃ kiɛnlɛ lɛ lɛ-a, a re toɛ bɔ̀n-dali lɛ wɔ kaa kionən ne, a bɔ̀n da wa.

Izayii 27:8

A na á dɔlɔ bɔ ǹ ganaa, á ǹ loo, bɛ̀ á kiri we ǹ ganaa. A lɛ gɔ́ɔ̃ ǹ piɛ̃ nə́ ǹ pɛsɛ̃, piɛ̃ kɛa daa pinaa boe lɛ̀giala-n.

Izayii 54:17

Ziabaa ǹ màn mɛn tumaa nə n zɛnaa n tɔ ganaa, ǹ kɔn ba re boe la a màn kɔn zɛnaa n ganaa wa. Min woo min yoo n ganaa ka kiri ni, n tá re a siɛ̃n nyɛɛ nɛ. Maa dí-nyalin gii bɛ́ ka màn mɛn nɛ má koa ǹ nɛ, ma bɛ́ peperebaa mɛn koe ǹ la, bɛ n ka kɛ nɛ. Masɛ Dɛnaa Lawa a da ǹ boo ne.

Izayii 6:13

Ta zaman lɛ a talɛɛ fù na á goã gána lɛ nɛ, tɛ á re bɛn kuĩ, ka da mɛn nə́ ke ǹ nə́ kuru ǹ nə́ daa, a giala piri dinsɔɔ̃ goã. Sɛnɛ, bɛa giala piri lɛ n piɛ̃ dii lɛa, a da ten sonbore baa.

Izayii 65:8

Dɛnaa Lawa n kɛ pii: Bɛ̀ minin nə́ rezɛ̃ nɛ mərə sonbore yɛ, maǹ pii: «Ka nyan ziziɛ̃ wa» a giala, sàabaa ba la wa, a n die duvɛ̃ kɔɔ̃n biɛ. A din goon ne. Ma dɔ n die zɛnɛɛ miɛ̃, maa dí-nyalin kɛn lɛa. Ma a re ǹ yii tumaa ziziɛ̃ wa.

Ezekieli 9:4

á pɛ nɛ: «Kiɛ̃ n nə n bibiə̃ Zeruzalɛmu kiwi lɛ gɔ́ɔ̃ nɛ. Giĩn mɛnɛn bɛ́ gini, ǹ nə́ wuu pii sii bɔbɔnɛɛn kɛn tumaa taman yii minin nə́ zɛnɛɛ kiwi lɛ gɔ́ɔ̃ nɛ, nyaǹ da bɛa giĩn lɛn nyanlɛ ganaa.»

Ezekieli 9:6

Min golen ne, giĩ tenən ne, nɛniɛ tenən ne, nɛnyaanan laanka lɔn nɛ, ka ǹ tumaa dɛ lenlen. Sɛnɛ, nyaǹ lɛ bɛ́ min woo min ganaa, ka nyan toa ka n mɔrɔ bɛ-a wa. Ka a giala kɔ maa kion lɛ ganaa.» Min goleen mɛnɛn bɛ́ kiãn lɛa ǹ nə́ goã Lawa a kion lɛ yɔrɔ-a, ǹ ná a giala kɔ ǹ nə́ bɛn dɛ.

Sofonii 2:3

Kasɛn mɛnɛn bɛ́ din gisĩ wolen lɛa tán la, ka n pepere, ka ga Dɛnaa Lawa li. A din nə peperebaa mɛn koa, ka n yiri kɔ bɛ li. Ka ga din gisĩ li. Kɔntan, Dɛnaa Lawa a foo-yoo baraa lɛawaa lɛa pinaa ka á re kanbiɛ.

Malakii 3:18

Tɔtɔbaa mɛn bɛ́ min sonbore laanka min baraa niɛ̃ kɔn, min mɛnɛn bɛ́ Lawa guguru koe, ka min mɛnɛn bɛ́ ǹ ba a guguru koe wa, ka á re bɛ yii doo.

Matiə 24:22

Bɛ̀ Lawa bie re màn boe bɛa lɛawaan kɛn lɛ wa, min kɔ́n ba boe la a la wa. Sɛnɛ, a min mɛnɛn yii gɔgɔɔ̃, a n die màn boe lɛawaan lɛn lɛ bɛn lɛn taman yii.

Matiə 24:31

Masɛ á die maa lon a dia dí-a wolen diɛ, bɛn gole wuu li, kanaa gùrù sii din tumaa ganaa, ǹ maa yii gɔgɔɔ̃ wolen lɛn lɛ sɔkɔn a saa kanaa lɛkoro goon ganaa, a wo a lɛkoro kɔsɔ yaa.

Zaã a sɛ́wɔ 12:26

Bɛ̀ min mɛn tá li a dí nya masɛ nɛ, yǎa ǹ dɛnaa koe masɛ kio lɛ; ma bɛ́ bǎã mɛn nɛ, maa dí-nyali dɔ á re goɛ̃ walan. Bɛ̀ min mɛn tá dí nyɛɛ masɛ nɛ, maa Díi á re bɛa dɛnaa guguru koe.

Zaã a sɛ́wɔ 3:33

Bɛ̀ min mɛn lɛ kɔ a boo ganaa, bɛa dɛnaa n nyɛɛ mà Lawa n sonbore-pɛle lɛa.

Rɔmu minin 6:22

Sɛnɛ sisia, Lawa ka si sii baraa la, á ka baa a din a bɛ̀rɛn lɛa. Ka bɛ́ dí mɛn nyɛɛ, bɛa là n ka yoreenbaa nɛ, a giala-nyɔmiɛ n ka nyin nyabaã nɛ.

Sii-nyaan 13:16

Minbuiin din tumaa, a bɔnboɛɛnɛn laanka a dadaran nɛ, pàãman laanka doobaan nɛ, bɛ̀rɛn laanka tá ma din gɔn wìi a lɛa wolen ne, a na á goã bɛn tumaa kuĩ ka pàã nɛ, bɛ̀ a nyaǹ kiɛ̃ ǹ gusin a gɔn ganaa hinlaa ǹ nyanlɛ ganaa.

Sii-nyaan 13:17

Bɛ̀ bɛa nyaǹ lɛ ba min woo min ganaa wa, a ba boe la a tá màn kɔ́n pii wa, a boe la a màn kɔ́n dɔ sã wa. Bɛa nyaǹ lɛ n Tɔɔ lɛ din tɔ lɛa, hinlaa màn-nimii mɛn bɛ́ kɔnpii ka a tɔ lɛ nɛ.

Sii-nyaan 14:1

Ma bɛ́ giɛ, má Sère Nɛ lɛ yɛ golee-n *Siɔn kele la, Zeruzalɛmu kiwi gɔ́ɔ̃ nɛ. Má minbuiin duu paabiɛ ka pusiwensii (144 000) kɛ dɔ yɛ kun ni, a din tɔ laanka ǹ Di Lawa tɔ n kiɛ̃ nɛ, didie tumaa nyanlɛ ganaa.

Sii-nyaan 14:9

Lon a dia dí-a wole sɔɔbaa ǹ wɔ daa kɛn lɛn kio, a n pii ka lɛn gole ne: «Min mɛn tumaa bɛ́ Tɔɔ kɛ lɛ guguru koe, ka a nyín kɛ nɛ, a n lɛ koe ǹ na a nyaǹ kɛ kiɛ̃ a nyanlɛ-a, hinlaa a gɔn ganaa,

Sii-nyaan 19:2

A kiri-kurii n taãnɛ, a n pepere! Naarɛbaali gole mɛn bɛ́ á goã kanaa tumaa yiri ziziɛ̃, ka a din kũ doɛ̃baã sii ni, á kiri wɔ bɛ ganaa. Á dɔlɔ bɔ a ganaa, a giala mà á Lawa dí-nyalin dɛ lɛlɛ ǹ nə́ gã.»

Sii-nyaan 20:4

Má tɔ́n kii dankanan yɛ. Min mɛnɛn bɛ́ giã nɛ ǹ la, ǹ nə́ lɛ kɔ ǹ la, mà ǹ dinin nə kiri kuru. Min mɛnɛn bɛ́ ǹ nə́ gɛ̀ wɔ lɛlɛ, Yezu a boo taãn laanka Lawa a boo a lɛa, ka ǹ mɛnɛn bɛ́ ǹ goã Tɔɔ kɛ laanka a nyín guguru koe wa, ǹ lɛ dɔ kɔ ǹ ná a nyaǹ kiɛ̃ ǹ nyanlɛ-a ka ǹ gɔn nɛ wa, má wusoo má bɛn telenboenən yɛ. Bɛn tumaa wusoo ǹ nə́ yiikoonaabaa yɛ, ǹ nə́ giã pàã la kun ka Krita nɛ, yǎa lɛ̀ duu goon.

Sii-nyaan 22:4

Ǹ tá re a yɔrɔ yii, a tɔ á re goɛ̃ kiɛ̃ nɛ ǹ nyanlɛ ganaa.

Sii-nyaan 6:6

Má lɛn goon ma boe màn yiikoonaa pàãdɛnaa sii kɛ bii, a n pii: «*Belee kilo goon kɔ pinin goon dí nyɛɛ tumaa a saraa lɛa, n *ɔrzi kilo sɔɔ kɔ pinin goon dí nyɛɛ tumaa saraa lɛa. Sɛnɛ, n nyan nyɔɔ laanka duvɛ̃ giɔ̀mɔ bɔyaa wa.»

Sii-nyaan 7:1

Bɛ kio, má lon a dia dí-a wole màn sii yɛ golee-n tán gùrù sii kɛ ganaa. Ǹ nə́ tán a piɛ̃ màn sii kɛ kũ ǹ nə́ golee ne, ń giɛ piɛ̃ nyan bɔ tán la wa, a nyan bɔ yìsi mu gole la wa, a nyan kaa da kɔ́n ganaa wa.

Sii-nyaan 7:2

Má tɔ́n lon a dia dí-a wole goon yɛ doo, á n toa lɛ̀giala-n á dii lon, Lawa yiikoonaa a nyaǹ kiɛ̃ ǹ màn kɛ ná a gɔn. Lawa pàã kɔ lon a dia dí-a wole sii mɛn la, mà ǹ tán laanka yìsi mu gole nɔmaa, á n lɛn gole bɔ, á paraa bɛn li, á pɛ ǹ nɛ:

Sii-nyaan 9:4

Ǹ nə́ pɛ ǹ nɛ, mà ǹ nyan toa ǹ basaã kɔ buu kɔ́n nɛ wa, ǹ nyan toa ǹ basaã kɔ da laanka màn zumii kɔ́n nɛ wa. Sɛnɛ, minin mɛnɛn bɛ́ Lawa a nyaǹ ná a kiɛ̃ nɛ ǹ nyanlɛ-a wa, mà ǹ basaã kɔ bɛn nɛ.