Sii-nyaan 7:2 - LAWA A BOO SONBORE

² Má tɔ́n lon a dia dí-a wole goon yɛ doo, á n toa lɛ̀giala-n á dii lon, Lawa yiikoonaa a nyaǹ kiɛ̃ ǹ màn kɛ ná a gɔn. Lawa pàã kɔ lon a dia dí-a wole sii mɛn la, mà ǹ tán laanka yìsi mu gole nɔmaa, á n lɛn gole bɔ, á paraa bɛn li, á pɛ ǹ nɛ:

LAWA A BOO SONBORE 2011

² Má tɔ́n lon a dia dí-a wole goon yɛ doo, á n toa lɛ̀giala-n á dii lon, Lawa yiikoonaa a nyaǹ kiɛ̃ ǹ màn kɛ ná a gɔn. Lawa pàã kɔ lon a dia dí-a wole sii mɛn la, mà ǹ tán laanka yìsi mu gole nɔmaa, á n lɛn gole bɔ, á paraa bɛn li, á pɛ ǹ nɛ:

Sii-nyaan 7:2 ပူးပေါင်းရင်းမြစ်များ

Kiin2 19:4

Asiirii gána a kii sɔraasin goledɛnaa mɛn dia, mà a da sɔ kɔ Lawa yiikoonaa lɛ ganaa, kɔntan, Izayii a Lawa, Dɛnaa Lawa lɛ a die bɛa boon kɛn lɛn tumaa miɛ wa? Kɔntan n Lawa, Dɛnaa Lawa lɛ boon mɛnɛn lɛn ma, a die bɛn dɔlɔ boe wa? Bɛ lɛ nɛ, zaman lɛ a gialakun mɛn bɛ́ tɔn na a tan, Lawa nyankɔ bɛn lɛn lɛa.»

Loe kɔɔ̃n kɔɔ̃n 8:6

Ma tɔ kiɛ̃ n foo ganaa, toa n goã ma dinsɔɔ̃ nɛ, a giala, kɔn-narɛɛ lɛ pàã n kaka. N bɛ́ min mɛn narɛ, a toɛ n nə ǹ dɛnaa toa walan wa. Kɔn-narɛɛ n ka tɛ gigiri bɛ́ lɔn, a ná a nimi wa.

Izayii 41:2

Die na á min kɛ da zii la boe lɛ̀giala-n die, a n kiri pepere we a bɔ ǹ bǎã tumaa nɛ? Die na á da zii la? Die n tɔrɔn we a gɔn? Die n kiin kiɛ a pàã giulun? A gɔya sa nə ǹ bɔyɛɛ a ǹ baa gusuũ lɛa, A sa nə ǹ kio lui ka piɛ̃ bɛ́ woe buu gere-n lɔn.

Ezekieli 9:4

á pɛ nɛ: «Kiɛ̃ n nə n bibiə̃ Zeruzalɛmu kiwi lɛ gɔ́ɔ̃ nɛ. Giĩn mɛnɛn bɛ́ gini, ǹ nə́ wuu pii sii bɔbɔnɛɛn kɛn tumaa taman yii minin nə́ zɛnɛɛ kiwi lɛ gɔ́ɔ̃ nɛ, nyaǹ da bɛa giĩn lɛn nyanlɛ ganaa.»

Malakii 3:1

Dɛnaa Lawa Pàãyiidɛnaa a lɛ si ǹ boo n ka kɛ nɛ: Á ke, má maa dia dí-a wole dia máa a da zii zɛnaa ma nyɛɛnɛ. Ka bɛ́ giɛ dɛnaa mɛn li, á re we Lawa a kion a din bǎã-n gɔrɔ, maa boo gii-dali mɛn bɛ́ ka n duĩ, á re maa lɛ kɔ kɔn la ǹ boo lɛ pii ka nɛ. Á ke yii die, Dɛnaa Lawa Pàãyiidɛnaa na á pɛ.

Matiə 16:16

Simɔn mɛn tɔ bɛ́ Piɛrɛ, bɛ tɔ́n nə n toa: «Ma n Minin Nyin-sili lɛa, Lawa bɛ́ a pɛ mà asɛ á re ǹ mɛn lɛ diɛ, ma n Lawa yiikoonaa a Nɛ lɛa.»

Matiə 26:63

Sɛnɛ, Yezu nə́ n lɛ tã. Wúlu-bɔlen kiã tɔ́n pɛ nɛ: «Ká Lawa yiikoonaa tɔ nɛ, bɛ̀ n din ni Minin Nyin-sili lɛa, bɛ̀ Lawa a Nɛgiĩ n ka n din lɛ nɛ, a pɛ wɔsɛn manɛ.»

Zaã a sɛ́wɔ 6:27

Màn-bii mɛn bɛ́ ziziɛ̃, ka baran dí nya bɛa lɛa wa, sɛnɛ, màn-bii mɛn bɛ́ beleboe, a n nyin nyabaã koe, ka dí nya bɛa lɛa. Bɛa màn-bii kɛ lɛ, Min a Nɛgiĩ n koe, a giala, Díi Lawa din na á boo sii la ǹ pàã kɔ la.»

Korɛnti2 1:22

A din na á ná a wɔbaa ǹ nyaǹ kiɛ̃ wɔ ganaa, a ná a Yiri Fu dɔ da wɔ foon ne. Bɛ n nyɛɛ mà a bǐɛ̃n mɛnɛn koa wɔ nɛ, mà wɔ á re bɛn yii.

Efɛɛzi minin 1:13

Kasɛn dɔn bɛ́ ka sonbore boo kɛ ma, Boo Tii Kɔɔ̃n kɛ lɛ ka kirisibiɛ, ka dɔn man ká golee Krita lɛ li. Bɛ lɛ nɛ, Lawa din nə n lɛ kɔ ka Yiri Fu mɛn nɛ, a na á bɛ kɔ ka la, a wɔbaa ǹ nyaǹ kiɛ̃ lɛa ka ganaa.

Efɛɛzi minin 4:30

Ka nyan gù-basiɛ̃ da Lawa a Yiri Fu ganaa wa. A din nə Lawa a nyaǹ lɛa ka ganaa. Wɔ n doɛ̃ bɛ lɛ li, wáa Lawa á die wɔ sii sii baraa la lenlen ǹ kɔn pinaa.

Timəə dí-pɛn 5:26

Min bin Lawa Yiikoonaa kɛ lɛ ma boo diɛ tɛ bii ka wɔsɛn bɛ́ lɔn, a yii wusoo á goã koo?

Tesaloniki1 1:9

A giala, ká wɔ kũ lɔn bɛ̀ wɔ bɛ́ wɔ́ daa kaa piɛ, min tumaa na a laakalɛɛ. Ká dìn toa walan lɔn ká Lawa taãn kɛ guguru kɔ, Lawa yiikoonaa ke, ǹ tá bɛ dɔ pii.

Timote2 2:19

Sɛnɛ, Lawa din kion giala mɛn daa, bɛ lɛ n goɛ̃. Boon kɛn man kiɛ̃ nɛ a ganaa gɔn bǎã lɛa kɛnɛn: «Dɛnaa din tá a wɔn doɛ̃.» Á n pɛ dɔn: «Min mɛn tumaa bɛ́ mà asɛ n Dɛnaa wɔ lɛa, bɛ nə n bɔ sii baraa wɔlɔ li.»

Ebrəə 12:22

Sɛnɛ, kasɛn man ká n mɔrɔ *Siɔn kele kɛ ganaa, ka Lawa yiikoonaa a kiwi kɛ nɛ, Lon a Zeruzalɛmu ke, ka a lon a dia dí-a wole duu damata kɛ nɛ.

Sii-nyaan 1:3

Min mɛn bɛ́ sɛ́wɔ kɛ pii minin ni, bɛa dɛnaa wɔ bǐɛ̃ kɔ! Minin mɛnɛn dɔn bɛ́ n too koe Lawa a boo dia ma li kɛ ganaa, ǹ ná a lɛ sii, bɛn dɔn wɔ na á bǐɛ̃ kɔ! A giala, biikoo mɛn nə n koa siin kɛn lɛn zɛnaa a lɛa, á diri foɛɛ̃ nɛ.

Sii-nyaan 10:1

Má tɔ́n lon a dia dí-a wole pàã goledɛnaa goon kɔsɔ yɛ boe lon gisĩ tán. Labara goon nə pɛnɛɛ nɛ a ganaa, lamɛn ná a mìi lalan. A yɔrɔ n tɛ pii ka wasa bɛ́ lɔn, a gòãn man kuĩ ka fɔlɔ bàbàla bɛ́ lɔn.

Sii-nyaan 10:4

La a paraa sɔbaa lɛn nə gini, ǹ nə́ boo mɛn da, ma bɛ́ máa man kiɛ̃, má lɛn goon ma boe lon, á n pii ma nɛ: «La a paraa sɔbaa kɛ boo mɛn da, a gũ n gɔ́ɔ̃ nɛ, n nyan kiɛ̃ wa.»

Sii-nyaan 16:12

Lon a dia dí-a wole sɔrɔbaa ǹ wɔ kɛ ná a wɔ binyəə Efrati tà gole mu li. Tà mu lɛ piɛ̃, á boo la á zii kɔ lɛ̀giala a kiin la mà ǹ kiɛ̃.

Sii-nyaan 5:2

Bɛ kio, má lon a dia dí-a wole pàãdɛnaa goon yɛ, a n pii ka lɛn gole ne: «Die n kɔnboe, a sɛ́wɔ kɛ a lɛ tã ǹ bǎã kɛ bɔyaa a bɔ a ganaa, a na a lɛ bũ?»

Sii-nyaan 8:3

Lon a dia dí-a wole goon kɔsɔ daa golee wúlu bɔ ǹ bǎã yɔrɔ-a, ka da gón gìĩ kɔɔ̃n tã ǹ màn ná a gɔn, a n sana lɛa. Da gón gìĩ kɔɔ̃n gigiã nə́ n kɔ la, mà a kaa kun ka Lawa a min sonboren tumaa a Lawa nyankɔ nɛ, a ǹ kɔ Lawa la. *Wúlu bɔ ǹ bǎã mɛn bɛ́ sana lɛa doa-n kii dankan yɔrɔ-a, mà a ǹ kaa bɛ la.

Sii-nyaan 9:14

Lon a dia dí-a wole sɔrɔbaa ǹ wɔ mɛn bɛ́ á golee ka a bɛn nɛ a gɔn, lɛn lɛ na á goã pii bɛ nɛ: «Lon a dia dí-a wole màn sii mɛn bɛ́ ǹ nə́ ǹ yii Efrati tà gole lɛ-a, wo ǹ fore n nə ǹ kaa.»

Sii-nyaan 9:4

Ǹ nə́ pɛ ǹ nɛ, mà ǹ nyan toa ǹ basaã kɔ buu kɔ́n nɛ wa, ǹ nyan toa ǹ basaã kɔ da laanka màn zumii kɔ́n nɛ wa. Sɛnɛ, minin mɛnɛn bɛ́ Lawa a nyaǹ ná a kiɛ̃ nɛ ǹ nyanlɛ-a wa, mà ǹ basaã kɔ bɛn nɛ.

Samayeli1 17:26

Min mɛnɛn nə goã Davida genli, á nɔ̀n da ǹ la. «Min mɛn bɛ́ re Filisiti min kɛ dii, a sìi saa a bɔ Izirayeli minin la, maǹ die wàa zɛnɛɛ bɛa dɛnaa nɛ? Asɛ n die lɛa, bɛa Filisiti min *soroma kɛ lɛ, a tɔn yoo a sɔ kɔ Lawa yiikoonaa a sɔraasin ganaa?»

Samayeli1 17:36

Ma bin yàra dɛ, ká don màn babaraa kɔn nɛ. Kɛa Filisiti min soroma lɛ dɔ n die n biɛ ka bɛn goon bɛ́ lɔn, a giala, a na á sɔ kɔ Lawa Yiikoonaa a sɔraasin ganaa.»