Sii-nyaan 7:14 - LAWA A BOO SONBORE

¹⁴ Má tɔ́n pɛ nɛ: «Giĩ gole, n din tá doɛ̃!» Á tɔ́n pɛ ma nɛ: «Maǹ boe damagɔ́ɔ̃li a fuu yɛ ǹ bǎã gole kɛ nɛ. Maǹ nə́ ǹ dɔnkɛn lɛn pii ka Sère Nɛ kɛ mà nɛ, ǹ nə́ fu kɔ.

LAWA A BOO SONBORE 2011

¹⁴ Má tɔ́n pɛ nɛ: «Giĩ gole, n din tá doɛ̃!» Á tɔ́n pɛ ma nɛ: «Maǹ boe damagɔ́ɔ̃li a fuu yɛ ǹ bǎã gole kɛ nɛ. Maǹ nə́ ǹ dɔnkɛn lɛn pii ka Sère Nɛ kɛ mà nɛ, ǹ nə́ fu kɔ.

Sii-nyaan 7:14 ပူးပေါင်းရင်းမြစ်များ

Zɔbu 11:16

N yiri á re boe ka n nɔmaa kɛ nɛ. N yiri á re boe ne, ka mu na á baa si á kiɛ̃.

Bɔ bɛ̀rɛbaa nɛ 37:3

Á sana kaaran màn sii zɛnaa goo lɛ wɔn lɛa, á ǹ doa a gùrù wɔkɔnlɛ ǹ bǎã sii kɛ ganaa. Á màn paa dɔ paǹ goon ganaa, màn paa paǹ goon kɛ dɔ ganaa.

Izayii 1:18

Dɛnaa Lawa n pii kɛnɛn: «Ka daa wɔ kɔn ma. Ta kaa sii baraan man nə́ tì kɔ lɔn, ǹ tá re fu koe ka bɔ̀nyaa bɛ́ lɔn. Ta maǹ nə́ tì kɔ lɔn ǹ tá re fu koe ka koara bɛ́ lɔn.

Zakarii 13:1

Bɛa waáraa, mu pìã n die baa sii, a Davida a sumu minin laanka Zeruzalɛmu minin yoreen kɔ, a ǹ sii baraa laanka *gɔ̀ bɔ a bɔ ǹ ganaa.»

Matiə 24:21

A giala, bɛa biikoo lɛ a nɔmaa lɛ á die gole koe parsiini, a kũ kanaa diɛ biikoo ganaa a da pelo ǹ yaa, min tɔn nə ǹ miã yɛ ka a yii-n wa, min ba re ǹ miã kɔsɔ yii ka a yii-n doo duduu wa.

Marki 13:19

A giala bɛa pinaa, nɔmaa lɛ á die gole koe parsiini, a kũ Lawa a kanaa zɛnaa biikoo ganaa a da pelo ǹ yaa, min tɔn nə ǹ miã yɛ ka a yii-n wa, min ba re ǹ miã kɔsɔ yii ka a yii-n doo duduu wa.

Zaã a sɛ́wɔ 16:33

Man má kɛ pɛ ka nɛ, màn mɛn bɛ́ toɛ, ka goã là nyantoro la masɛ li. Kanaa kɛ gɔ́ɔ̃ nɛ ka n nɔmaa la, sɛnɛ, ka n foo taã, má gɔ̀lɔ̀baa si kanaa la.»

Nya ǹ dín 14:22

Ǹ nə́ Lawa-nyankɔlen foo taã bɛa kiwin lɛn nɛ, ǹ nə́ ǹ nyankɔ mà ǹ nə n doa ǹ wo nyɛɛnɛ golee Lawa li gɔ́ɔ̃ nɛ. Ǹ nə́ pɛ ǹ nɛ, mà ǹsɛn doamaa nɛ ǹ nɔmaa gigiã bii wɔsɔ ǹ kiɛ̃, ǹ tɔn wɔ Lawa kiibaa ǹ bǎã lɛ nɛ.

Rɔmu minin 5:3

Haalɛ ta wɔ n fuu yii, wɔ nə n nyɛnyɛɛ. A giala, wɔ á doɛ̃ wáa bɛ̀ wɔ á fuu yii, bɛ n wɔ darɛɛ sii simaa ganaa.

Korɛnti1 6:11

Ka tɛnɛn man ka goã miɛ̃. Sɛnɛ, Lawa sii baraa pii á bɔ ka ganaa, á ka bɔ ka gɔrɔn a din wɔn lɛa, á lɛ kɔ ka ganaa min peperen lɛa a din yɔrɔ-a, ka Dɛnaa Yezu *Krita tɔ nɛ, wɔa Lawa a Yiri Fu kɛ dɔ pàã ganaa.

Tesaloniki2 1:4

Bɛ lɛ na á toa, wɔ dɔn tá wɔ dinin laakalɛɛ kaa lɛa Lawa a sɔmɔ minin yɔrɔ-a, a giala, ká sii si ka ganaa ká goleemali wɔ, fuu laanka nɔmaa tumaa gɔ́ɔ̃ nɛ.

Ebrəə 13:12

Bɛ lɛ a lɛa nɛ, Yezu dɔ́ gɛ̀ wɔ kiwi lɛ kio, á zaman lɛ *yoreen kɔ ka a din mà nɛ.

Ebrəə 9:14

Sanparɛ Krita mà ke kəni! Krita mɛn bɛ́ á n din kɔ Lawa la, wúlu màn yoreen lɛa, ka Yiri Fu nyabaã wole barka nɛ, bɛ á boe la, a wɔ foon pii, a wɔ si bɔ̀nbaa ǹ sii zɛnaan la, màn mɛn bɛ́ toɛ, wɔ dí nya Lawa Yiikoonaa kɛ nɛ.

Piɛrɛ1 1:19

Sɛnɛ, Lawa na á ka bɔ bɛ nɛ ka Krita mà kɛ barka nɛ, mà mɛn bɛ́ soɛ màn tumaa nɛ. Bɛa Krita lɛ na á gã ka sère nɛ bɛ́ lɔn, wɔ̀lɔ̀ laanka gɔ̀ ná a ba-a wa, bɛ̀ ǹ dɛ *wúlu màn lɛa.

Zaã1 1:7

Sɛnɛ, bɛ̀ wɔ á tɔ we wɔlɔ fúlu li, ka Lawa din bɛ́ wɔlɔ fúlu li lɔn, wɔ á re kaa-kun sonbore yii ka wɔ miãn nɛ. A Nɛgiĩ Yezu mà kɛ n wɔ *yoreen koe, a wɔ bɔ wɔa sii baraa tumaa nɛ.

Sii-nyaan 1:5

Yezu lɛ n siére sonbore lɛa, a din yii na á kaa bibinaa nɛ á n bɔ geren bii, a n kanaa a kiin tumaa mìi la. Min mɛn bɛ́ a wɔ narɛ, a din na á wɔ si wɔa sii baraan la ka a gɛ̀ nɛ.

Sii-nyaan 12:11

Wɔ dɔɔ̃nɔn nə́ gɔ̀lɔ̀baa yɛ ka Sère Nɛ mà kɛ pàã nɛ, ka ǹ siérebaa ǹ boo pàã nɛ. Haalɛ ta maǹ giɛ̃ bɛa lɛa, ǹ tá lɛ koe bɛ ganaa á la ǹ yiikoonaabaa nɛ.

Sii-nyaan 15:2

Má tɔ́n bǎã goon yɛ ka yìsi mu gole bɛ́ lɔn, ǹ nə́ damalon kɔ lɛ, tɛ n lɔloɛ nɛ a ganaa. Min mɛnɛn nə gɔ̀lɔ̀baa si Tɔɔ lɛ la, má wusoo má bɛn yɛ, ǹsɛn lɛn man nə́ n piã ka a nyín guguru kɔ nɛ, ǹ nə́ n piã ka a tɔ kɛ dɔ nɛ, ǹ nə́ kiɛ̃ minin ganaa màn nimii lɛ lɛa. Ǹ nə́ goã golee-n mu kɛ lɛ genli, ka Lawa a tùtun nə́ ǹ gɔn.

Sii-nyaan 17:6

Má yɛ, ǹ Lawa a min sonboren mɛnɛn dɛ, bɛn mà na á goã lɔ lɛ yii-a. Min mɛnɛn nə́ foo doa ǹ min baa Yezu wɔ gɔn la, lɔ lɛ na á bɛn mà mi, a ná a yii-a ka yɔ bɛ́ lɔn. Ma bɛ́ má yɛ lɔn, tɔwaa gole ma kũ.

Sii-nyaan 2:9

Ma á n fuun doɛ̃, ma á n doobaabaa dɔ doɛ̃, sɛnɛ, ka boo taãn nɛ, n tá pàãma lɛa! Min mɛnɛn bɛ́ n dinin biɛ Zuifun lɛa, ǹ nə́ ǹ ba a lɛa dɔn wa, bɛn bɛ́ boo baraa mɛn diɛ n wɔ paǹ li, ma á doɛ̃. Maǹ *Sɛtaan a lɛ-kaakun minin lɛa!

Sii-nyaan 22:14

Min mɛnɛn bɛ́ wusii ǹ siin kio, ǹ nə́ goɛ̃ *yoreen ne, bɛn foo á re kɔɔ̃n koe, a giala masɛ n lɛ koe ǹ la, ǹ yiikoonaabaa ǹ da nɛ bii, ǹ tá re we ka kiwi lɛ a kiɛnlɛn nɛ.

Sii-nyaan 5:9

Maǹ nə́ goã loe tii loe kɛnɛn: «Ń kɔnbɔ n sɛ́wɔ kɛ si, ń kɔnbɔ n na a lɛ tã ǹ bǎãn kɛn bũ, a giala, n din ni ǹ nə́ n baa *wúlu màn lɛa. Ń minin pii ka n din mà nɛ, ń kɔ Lawa la, ǹ nə́ zaman gigiã lɛa, tɔrɔ tumaa lɛa, gána tumaa minin lɛa, ǹ nə́ bɔlɔ tumaa pii.

Sii-nyaan 7:9

Bɛ kio, má zaman gole yɛ, min kɔ́n ná a boe la a tá ǹ nimii wa. Ǹ nə́ golee ǹ gòãn la, kii dankan kɛ yɔrɔ-a ka Sère Nɛ kɛ nɛ, mɔnaa fufun ni ǹ ganaa ka gɔ̀lɔ̀baa ǹ da luun nə́ ǹ gɔn. Maǹ zaman gigiã lɛa, ǹ nə́ boe gána tumaa nɛ, ǹ nə́ tɔrɔ tumaa lɛa, ǹ nə́ bɔlɔ totoro tumaa pii.