Sii-nyaan 7:10 - LAWA A BOO SONBORE

¹⁰ Maǹ nə n lɛn siɛ lon ǹ nə́ pii: «Wɔa Lawa mɛn bɛ́ giã-n kii dankan nɛ, ka Sère Nɛ kɛ nɛ, gɔ̀lɔ̀baa n bɛn wɔ lɛa.»

LAWA A BOO SONBORE 2011

¹⁰ Maǹ nə n lɛn siɛ lon ǹ nə́ pii: «Wɔa Lawa mɛn bɛ́ giã-n kii dankan nɛ, ka Sère Nɛ kɛ nɛ, gɔ̀lɔ̀baa n bɛn wɔ lɛa.»

Sii-nyaan 7:10 ပူးပေါင်းရင်းမြစ်များ

Loen 115:1

A ba wɔsɛn wɔ lɛa wa, Dɛnaa Lawa, gugurubaa ba wɔsɛn wɔ lɛa wa. Sɛnɛ, n kɔn-narɛɛ gole kɛa lɛa, n bǐɛ̃ duduu kɛ dɔ a lɛa, gugurubaa da n din tɔ la.

Loen 3:8

Dɛnaa Lawa, n dɔ ma lɛ! E, maa Lawa, da ma la! N din lɛ n dɔlɔ boe maa zɔ́ɔn tumaa ganaa. N din lɛ n toɛ, min baraan kɛn ba boe la ǹ basaã kɔ ma-n wa.

Loen 37:39

Dɛnaa Lawa n min sonboren kirisibiɛ. A din nə ǹ tamaɛ fuu-yɛ biikoo li.

Izayii 43:11

Ma din, ma dinsɔɔ̃ n Dɛnaa Lawa lɛa. Bɛ̀ á n bɔ masɛ nɛ, kirisibaali kɔsɔ banban.

Izayii 45:15

Izirayeli a Lawa, ma n Lawa lɛa n durii, sɛnɛ, ma n minin kirisibiɛ.

Izayii 45:21

Ka boo da, ka yii kã siin mɛnɛn nɛ, ka bɛn nyaa. Ka boo nyaa kɔn nɛ. Sii mɛn bɛ́ n zɛnɛɛ sisia, die na á bɛ dɔ̃ haalɛ bibi Die na á bɛ boo da haalɛ bibi Ma din Dɛnaa Lawa bie wa? Lawa kɔsɔ banban masɛ kio wa. Lawa mɛn bɛ́ pepere, a n minin kirisibiɛ, kɔsɔ banban bɛ̀ á n bɔ ma din ni.

Zeremii 3:23

Sonbore, màn mɛn tumaa bɛ boe kelen mìi ni, soɛ nɛ, zùũzùũ mɛn tumaa bɛ́ boe tentenen la, bɛn tumaa n minin siɛ̃. Sonbore, Dɛnaa Lawa, wɔa Lawa n Izirayeli kirisibiɛ.

Ozee 13:4

A kũ n soo Eziptin ganaa, Izirayeli man Dɛnaa Lawa, n Lawa lɛa, n ba Lawa kɔsɔ doɛ̃ masɛ kio wa. N kirisibaali kɔsɔ banban bɛ̀ á n bɔ masɛ nɛ.

Zonaasi 2:9

Min mɛnɛn bɛ́ n parɛɛ dì guguru kɔ ganaa, bɛn man Lawa a bǐɛ̃ kɛ a zii tiɛ̃ ǹ dinin ganaa.

Zakarii 4:7

Á pɛ doo: «Kele kaaraa kɛ n die n sàabiɛ a ganaa? Zorobabeli, n tá re bɔyɛɛ n baa nyankɔrɔ basa lɛa. N tá re Lawa a kion a gòã daa ǹ kɔlɔ boe a nɛ. Minin tá re n lɛ dii, ǹ pɛ mà á siĩni, mà á siĩni.»

Zakarii 9:9

*Siɔn kiwi, bɛ̀ baa ka n we tumaa nɛ! Zeruzalɛmu minin, ka foo kɔɔ̃nbaa ǹ lɛ dɛ! Ga, n kii n die n li. A n pepere, gɔ̀lɔ̀ lɛa, a nə n din boɛɛn koe. A na á dii dundun la, dundun nɛ la, dundun dan a nɛ.

Luku 3:6

Bɛ kio, minbuiin nɛ din tumaa á die Lawa a wɔ kirisibaa ǹ dí lɛ yii.»

Zaã a sɛ́wɔ 1:29

Bɛ lɛ a lɛawaa, ZAÃ Yezu yɛ die a li, á tɔ́n pɛ: – Ka ga, Lawa sère nɛ mɛn kɔ á ke. A din lɛ n kanaa minin sii baraa sawɛɛ á boe ǹ ganaa.

Zaã a sɛ́wɔ 1:36

A bɛ́ á ga Yezu ganaa tɔ we kiɛ̃, á pɛ: «*Lawa a sère nɛ lɛ á ke.»

Zaã a sɛ́wɔ 4:22

Ka bɛ́ ka a màn mɛn doɛ̃ wa, ka n bɛ guguru koe. Wɔsɛn Zuifun bɛ́ màn mɛn doɛ̃, wɔsɛn man bɛ guguru koe, a giala kirisibaa wole lɛ n Zuifu tɔrɔ lɛa.

Efɛɛzi minin 2:8

Lawa a bǐɛ̃ lɛ a lɛa nɛ, ká kirisibaa goleemali pàã ganaa. Bɛa kirisibaa kɛ bie boe ka dinin li wa, Lawa a bǐɛ̃baa ǹ màn nɛ.

Sii-nyaan 12:10

Má lɛn gole goon ma, boe lon, a n pii: «Sisia wɔa Lawa na á gɔ̀lɔ̀baa yɛ! A ná a din pàã nyaa, a ná a kiibaa saa. Sisia, a bɛ́ á min mɛn bɔ á baa kii lɛa, pàã n bɛ gɔn! A giala wɔ dɔɔ̃nɔn biɛ-kɔle na á fɔ̃, asɛ mɛn bɛ́ á goã ǹ biɛ koe tèlò-n ka baayɛlɛ nɛ, wɔa Lawa yɔrɔ-a, ǹ nə́ bɔ lon ǹ nə́ zũ tán.

Sii-nyaan 19:1

Bɛ kio, má ma, ka min gigiã lɛn nə boe lon, ǹ nə́ pii: «Aleluya! Lawa tɔ bɔ! Gɔ̀lɔ̀baa nɛ, ka gugurubaa nɛ, ka pàãyiidɛnaabaa nɛ, bɛn man wɔa Lawa wɔ lɛa.

Sii-nyaan 21:5

Min mɛn bɛ́ kii dankan nɛ, bɛ́ tɔ́n pɛ: «Kanna, má màn tumaa zɛnaa dii lɛa.» Á tɔ́n pɛ ma nɛ: «Kɛ kiɛ̃, a giala, masɛ a boon man taãn lɛa, ǹ nə́ kɔnboe ka foo doamaa nɛ.»

Sii-nyaan 22:3

Bɔ̀n ba min yii walan doo wa. Lawa laanka Sère Nɛ a kii dankan tá re goɛ̃ kiwi lɛ nɛ, a dí-nyalin nə́ die a guguru koe walan.

Sii-nyaan 4:6

Dankan lɛ yɔrɔ-a, màn na á goã tán, pəmə ka yìsi mu bɛ́ lɔn, yii n wɔlɔ yii a nɛ ka damalon bɛ́ lɔn. Dankan lɛ genli foɛɛ̃nɛ, a paǹan paanan li, màn yiikoonaa pàãdɛnaa sii goã bii-a, ǹ paǹ tumaa n yii nàn lɛa, ǹ yɔrɔ-a nɛ ka ǹ kio ne.

Sii-nyaan 5:7

Min mɛn bɛ́ giã-n kii dankan nɛ, ka sɛ́wɔ lɛ ná a gusin ni, Sère Nɛ lɛ nə́ n zɔ̃ á dɔ a li, á tɔ́n sɛ́wɔ lɛ kɔ la.