Sii-nyaan 6:8 - LAWA A BOO SONBORE

⁸ Ma bɛ́ giɛ, má sùi fu kəwuu yɛ. Min mɛn bɛ́ á dii la, maǹ bíi "Gɛ̀", min mɛn bɛ́ a kio, bɛ tɔ n "Geren PIƐ". Ǹ nə́ pàã kɔ ǹ la mà ǹ wo tán talakɔn siibaa ǹ wɔ a minbuiinin dɛ ka gɔya sa nɛ, ka bòo ne, ka busu ni ka don siĩ baraan mɛnɛn bɛ́ tán la.

LAWA A BOO SONBORE 2011

⁸ Ma bɛ́ giɛ, má sùi fu kəwuu yɛ. Min mɛn bɛ́ á dii la, maǹ bíi "Gɛ̀", min mɛn bɛ́ a kio, bɛ tɔ n "Geren Piɛ". Ǹ nə́ pàã kɔ ǹ la mà ǹ wo tán talakɔn siibaa ǹ wɔ a minbuiinin dɛ ka gɔya sa nɛ, ka bòo ne, ka busu ni ka don siĩ baraan mɛnɛn bɛ́ tán la.

Sii-nyaan 6:8 ပူးပေါင်းရင်းမြစ်များ

Suusun 5:5

Bɛa lɔ kɛ miã a giã ǹ gɔn nə gɛ̀ koe min la. A gòã goɛ̃ n woe yala ganaa.

Izayii 25:8

Dɛnaa Lawa á re gɛ̀ papaɛ̃ duduu. Á re min tumaa yii mu tuturi. Á re a zaman tumaa a sìi nyɛɛ a bɔ ǹ ganaa. Dɛnaa Lawa na á pɛ.

Zeremii 14:12

Ta ǹ nə́ n lɛ sɔɔ, ma a re n too koe ǹ nyankɔ li wa. Ta ǹ nə́ *wúlu màn tiɛ̃ laanka wúlu màn gìĩ kɔɔ̃n kɔ ma la, ma a re lɛ koe ǹ ganaa wa. Sɛnɛ, man die ǹ bɔ̀n biɛ ka zia nɛ, bòo ne ka piɛ̃ busu ni.»

Zeremii 16:16

Dɛnaa Lawa a da ǹ boo á ke: «Ma á re zɔ̀-kũli gigiã diɛ, ǹ da minin kɛn kũ. Bɛ kio, ma á re dɔ-dɔli damata diɛ ǹ da ǹ loo kelen la, tentenen ne, ka kele yalan tumaa nɛ.

Zeremii 16:4

Busu kaka n die ǹ dii. Min kɔn ba re wuu pii ǹ la wa, min kɔn ba re ǹ biĩ wa. Maǹ die yisi biɛ tán. Maǹ die giɛ̃ zia la, hinlaa bòo nə ǹ dɛ. Zèwon laanka tolokan tá re ǹ siĩ kokoe.»

Zeremii 24:10

Man die yui ǹ gialaa ka zia nɛ, ma bòo kaa ǹ ganaa, ka piɛ̃ busu ni yǎa ǹ papaɛ̃ gána kɛ nɛ ma kɔ ǹ la, ka ǹ digolon ne.»

Zeremii 29:17

Dɛnaa Lawa Pàãyiidɛnaa n kɛ pii: «Man die yui ǹ gialaa ka zia nɛ, bòo ne ka piɛ̃ busu ni. Man die ǹ biɛ ka gɔ́rɔ bɔnɛɛ bɛ́ lɔn, bɔnɛɛ, min ná a boe la á bii wa.

Zeremii 43:11

Bɛ̀ á daa, á re yui Ezipti gána gialaa. Min mɛnɛn doamaa bɛ́ nɛ ǹ gã, bɛn tá re giɛ̃, ǹ mɛnɛn doamaa bɛ́ ka goa nɛ, ǹ tá bɛn goɛ, ǹ mɛnɛn doamaa bɛ́ ka gɔya sa gɛ̀ nɛ, gɔya sa á re bɛn dii.

Ezekieli 29:5

Ma á re woe n zuĩ diə gole kɛ nɛ, n din laanka n tà lɛ a zɔ̀n tumaa nɛ. N tá re woe mɛnɛɛ tán furu-n n gã, min din ba re yii a n gere saa a bĩ wa. Ma á re n gere koe don mànan laanka bàanan la.

Ezekieli 5:12

Piɛ̃ busu á re kaa minin lɛn talakɔn sɔɔ a goon dii, hinlaa bòo á re ǹ nyɛɛ a ǹ bɔ kiwi lɛ nɛ. Ǹ tá re kaa talakɔn sɔɔ lɛ a paabaa ǹ wɔ dii zia la kiwi lɛ lɛkoro-a. Kaa talakɔn sɔɔ lɛ a giala-nyɔmiɛ̃ ke, ma á re bɛn pɛsɛ̃ kanaa paǹ tumaa nɛ, ma maa gɔya sa kɛ woɛ̃ ǹ li.

Ozee 13:14

Masɛ Dɛnaa Lawa, ma doamaa nɛ, ma bɛa minin kɛn waa ma ǹ bɔ geren piɛ, ma á re ǹ kirisibiɛ gɛ̀ ganaa. Gɛ̀, n pàã lɛ a ma-a? Geren piɛ, n gɛ̀ dɛ ǹ pàã lɛ a ma-a? Man die n yii tiɛ̃, ma a re makara doɛ̃ doo wa.

Abakuku 2:5

Duvɛ̃ nə min piɛ̃ boe. Din gole-kɔlin ba kiɛ̃ bǎã goon ne wa. Ǹ bɔlɔ yala n koo banabana ka geren piɛ bɛ́ lɔn. Ǹ ba kiɛ̃ wa ka gɛ̀ bɛ́ lɔn. Maǹ nə́ n dinin lɛnpɛnɛ ka gánan nɛ, ǹ tɔrɔn tumaa kaa ǹ pǎã giulun.

Zakarii 6:3

sùi fufun man a sɔɔbaa ǹ wɔ ganaa, sùi tã bababan man a siibaa ǹ wɔ kɛ ganaa.

Matiə 11:23

Kasɛn Kafaranaamu minin kɛn man taasɛ mà ka n die gole koe yǎa Lawa ganaa? Ka n die gisĩ yǎa bɔ̀nbaa ǹ tɛ gole kɛ nɛ. A giala kaãbaa ǹ siin mɛnɛn bɛ́ ǹ nə́ n zɛnaa kaa piɛ, bɛ̀ bɛn man nə́ n zɛnaa Sodɔmu, kiwi kɛ lɛ Lawa ziziɛ̃ ka tɛ nɛ, bɛ̀ a tá tɔn a tan haalɛ pelo.

Matiə 24:7

A giala tɔrɔn tá re zia biɛ tɔrɔ kɔsɔn ganaa, gánan tá re zia biɛ gána kɔsɔn ganaa. Bǎã gigiã nɛ, bòo á re we, tán tá re bìn diɛ.

Korɛnti1 15:55

«Gɛ̀ nɛɛ! N gɔ̀lɔ̀baa lɛ á maa? Gɛ̀ nɛɛ! N minin ziziɛ̃ ǹ pàã lɛ á maa?»

Sii-nyaan 1:18

Ma din nə yiikoonaa lɛa. Má goã má gã, sɛnɛ, kanna man goɛ̃ ma yii n koo yǎa duduu. Gɛ̀ a lɛduə̃ ǹ pàã n masɛ din gɔn, ka geren piɛ tumaa wɔ nɛ.

Sii-nyaan 12:4

Á leere talakɔn sɔɔbaa ǹ wɔ nɔɔ ka a mui ni, á kaa tán. Á daa golee lɔ nɛ-yɛle lɛ yɔrɔ-a, bɛ̀ a ná a nɛ lɛ yɛ lɔn gɔrɔ, a kũ a sɔ̃.

Sii-nyaan 9:15

Ǹ nə́ lon a dia dí-a wole màn sii lɛ kaa. Maǹ nə́ goã ǹ nə́ ǹ yɔrɔ bɔ lɛlɛndun bɛa biikoo kɛ lɛ a lɛa, bɛa lɛawaa lɛ a lɛa, bɛa mui lɛ a lɛa, bɛa lɛ̀ kɛ lɛ nɛ, ǹ doamaa nɛ ǹ minbuiinin talakɔn sɔɔbaa ǹ wɔ dɛ ǹ gã.

Sii-nyaan 9:18

Bɛa koe, bɔ̀n màn sɔɔ kɛ n soe ǹ lɛ-n, tɛ nɛ, ka kiribi wùsu ni, ka tɛmaa nɛ, bɛn lɛn man nə́ minbuiin talakɔn sɔɔbaa ǹ wɔ dɛ ǹ nə́ gã.