Sii-nyaan 6:2 - LAWA A BOO SONBORE

² Má tɔ́n sùi fu yɛ. Min mɛn bɛ́ á dii la, sa n lɔɔ nɛ a ganaa, ǹ nə́ tɔ́n gɔ̀lɔ̀baa ǹ kii bafolo kɔ la. Á woo ka gɔ̀lɔ̀baa nɛ, á wusoo a gɔ̀lɔ̀baa yɛ doo.

LAWA A BOO SONBORE 2011

² Má tɔ́n sùi fu yɛ. Min mɛn bɛ́ á dii la, sa n lɔɔ nɛ a ganaa, ǹ nə́ tɔ́n gɔ̀lɔ̀baa ǹ kii bafolo kɔ la. Á woo ka gɔ̀lɔ̀baa nɛ, á wusoo a gɔ̀lɔ̀baa yɛ doo.

Sii-nyaan 6:2 ပူးပေါင်းရင်းမြစ်များ

Loen 110:2

Dɛnaa Lawa n die n pàã lɛ boe li, a bɔ *Siɔn, ń giɛ, nsɛ tá goɛ̃ gole n zɔ́ɔn bii.

Loen 76:7

Zakɔba a Lawa, n bɛ́ ń nə́ n lɛn baraa bɔ ǹ li, sùin laanka ǹ dabaalin gù gã.

Loen 98:1

Ka loe dii lɔ Dɛnaa Lawa nɛ, a giala, á sii sonboren zɛnaa. A din nə gɔ̀lɔ̀ lɛa a zɔ́ɔn la, a gɔn sonbore kɛ pàã ganaa.

Izayii 25:8

Dɛnaa Lawa á re gɛ̀ papaɛ̃ duduu. Á re min tumaa yii mu tuturi. Á re a zaman tumaa a sìi nyɛɛ a bɔ ǹ ganaa. Dɛnaa Lawa na á pɛ.

Zakarii 1:8

«Bɛa tèlò lɛ nɛ, má giĩ goon yɛ á dii sùi tã la. A n golee-n dan bii ni, ǹ luu n tì, nyankɔrɔ basa nɛ. Sùi kɔsɔn man a kio: A tãtãn nɛ, a pupurun ni, ka a fufun ni.»

Matiə 28:18

Yezu nə́ n zɔ̃ á dɔ, á pɛ ǹ nɛ: «Lawa pàã tumaa kɔ ma la lon, á kɔ ma la tán.

Korɛnti1 15:25

A giala, a n kɔnboe Krita goã kii lɛa, yǎa Lawa boe a zɔ́ɔn tumaa la, a ǹ kiɛ a gòãn giulun.

Sii-nyaan 11:15

Lon a dia dí-a wole sɔbaabaa ǹ wɔ tɔ́n a bɛn pɛ, lɛn dadaran nə́ bɔ lon ǹ nə́ pii: «Kanaa a kiibaa lɛ n wɔa Dɛnaa Lawa wɔ lɛa kanna, ká Krita kɛ nɛ. A n die goɛ̃ pàã la baraabaraa yǎa duduu.»

Sii-nyaan 11:18

Tɔrɔn foo yoo, sɛnɛ, n din a foo-yoo na á daa. Sisia, n geren kiri-wɔ biikoo na á dɔ, n dí-nyalin saraa biikoo dɔ na á dɔ, ǹ mɛnɛn bɛ́ n boo gii-dalin lɛa ka ǹ mɛnɛn tumaa bɛ́ n din wɔn lɛa, ǹ nə́ nyɛ́ɛ biɛ n nɛ, ta a boɛɛn nɛ, ta a gole ne. Min mɛnɛn dɔn bɛ́ ǹ nə́ goã tán-ziziɛ̃lin lɛa, ǹ dɔn ziziɛ̃ biikoo na á dɔ!»

Sii-nyaan 14:14

Ma bɛ́ giɛ doo, má minbuiin a kɔnboe yɛ, a n giã-n labara fu lalan. Sana kii bafolo na a mìi-a, sɛ̌n gɔya lɛbɔle-a ná a gɔn.

Sii-nyaan 15:2

Má tɔ́n bǎã goon yɛ ka yìsi mu gole bɛ́ lɔn, ǹ nə́ damalon kɔ lɛ, tɛ n lɔloɛ nɛ a ganaa. Min mɛnɛn nə gɔ̀lɔ̀baa si Tɔɔ lɛ la, má wusoo má bɛn yɛ, ǹsɛn lɛn man nə́ n piã ka a nyín guguru kɔ nɛ, ǹ nə́ n piã ka a tɔ kɛ dɔ nɛ, ǹ nə́ kiɛ̃ minin ganaa màn nimii lɛ lɛa. Ǹ nə́ goã golee-n mu kɛ lɛ genli, ka Lawa a tùtun nə́ ǹ gɔn.

Sii-nyaan 17:14

Ǹ tá re zia biɛ Sère Nɛ kɛ ganaa. Sɛnɛ, Sère Nɛ lɛ á re gɔ̀lɔ̀ biɛ. A giala a din nə dɛnaan Dɛnaa lɛa, a n kiin tumaa a Kii lɛa. Min mɛnɛn bɛ́ Lawa nə́ ǹ bíi á ǹ bɔ, ǹ nə́ bɔlɔgoondɛnan lɛa, bɛn dɔn tá re gɔ̀lɔ̀ biɛ kun ni.»

Sii-nyaan 19:14

Lon a zia-baalin nə́ dii sùi fufun la, ǹ nə́ koe lɛ, ka dɔnkɛ fufu yii nɔnɔɔ nə́ ǹ ganaa, gɔ̀ ná a ba a wa.

Sii-nyaan 3:21

«Min mɛn bɛ́ re gɔ̀lɔ̀ biɛ, ma á re lɛ koe la, a giã kun ma nɛ maa kii dankan nɛ, ka ma dɔ bɛ́ má gɔ̀lɔ̀baa yɛ, má woo giã maa Díi li a kii dankan nɛ lɔn.

Sii-nyaan 9:7

Bɛa bisinin lɛn man nə́ kɔnbɔ ka sùin mɛnɛn bɛ́ ǹ nə́ ǹ yɔrɔ bɔ, ǹ nə́ re woe ǹ ne zia la. Mànan manə ǹ mìi ganaa ka sana kii bafolon bɛ́ lɔn, ǹ yɔrɔn dɔn man nə́ kɔnbɔ ka minbuiin yɔrɔ nɛ.