Sii-nyaan 5:6 - LAWA A BOO SONBORE

⁶ Má tɔ́n Sère Nɛ yɛ, kii dankan kɛ genli, màn yiikoonaa sii kɛ laanka min golen kɛn ná a lɛnpɛnɛ. Bɛa Sère Nɛ lɛ n ka maǹ ná a bɔlɔ kuru. A bɛn nə sɔbaa, a yii nàn dɔ n sɔbaa, Lawa yiri sɔbaa mɛn dia tán tumaa la, bɛn man ka bɛ nɛ.

LAWA A BOO SONBORE 2011

⁶ Má tɔ́n Sère Nɛ yɛ, kii dankan kɛ genli, màn yiikoonaa sii kɛ laanka min golen kɛn ná a lɛnpɛnɛ. Bɛa Sère Nɛ lɛ n ka maǹ ná a bɔlɔ kuru. A bɛn nə sɔbaa, a yii nàn dɔ n sɔbaa, Lawa yiri sɔbaa mɛn dia tán tumaa la, bɛn man ka bɛ nɛ.

Sii-nyaan 5:6 ပူးပေါင်းရင်းမြစ်များ

KZS2 16:9

A giala, Dɛnaa Lawa n giɛ tán la, kanaa paǹ tumaa ganaa, min mɛnɛn bɛ́ narɛ ka ǹ foo tumaa nɛ, a n dɔ bɛn lɛ. Sisia kəni, ń baãnaabaa zɛnaa. Bɛ lɛ nɛ, a kũ sisia ganaa, n zɔ́ɔn man die yui n gialaa ka zia nɛ.»

Misee 4:13

Zeruzalɛmu minin lɛn, ka yoo kəni, ka kaa belee duwəə, ma din tá re a duwəə ǹ pàã koe ka la. Dii mɛn bɛ́ a bɛnɛn nə́ fɔlɔ lɛa, a gòon tɔnɔn nə́ zan lɛa, ma á re ka biɛ bɛa dii lɛ miã lɛa, ka á re boe la ka tɔrɔ gigiã yɔyɔrɛ ka gòãn giulun. Ǹ gɔn mànan kɛn, ka bɛn kɔ Dɛnaa Lawa la, ǹ pàãmabaa ǹ mànan kɛn, ka bɛn kɔ kanaa tumaa a dɛnaa la.

Abakuku 3:4

A n tɛ pii ka wɔlɔ fúlu bɛ́ lɔn. Tɛ fúlu n boe a gɔn nɛ, a Pàã lɛ a duru ǹ bǎã n ka bɛ nɛ.

Zakarii 3:9

Man die kɔlɔ diɛ tán Yesuwa yɔrɔ-a. Bɛa kɔlɔ goon kɛ lɛ la, yii nàn sɔbaa n tɛ pii la. Ma dinmaa n die sɛ́wɔ kiɛ̃ la. Lɛawaa goon toto gɔ́ɔ̃ nɛ, man die gána kɛa sii baraan boe ma ǹ bɔ a ganaa. Masɛ Dɛnaa Lawa Pàãyiidɛnaa a da ǹ boo ne.

Zakarii 4:10

Doa boɛɛn mɛn nə n wɔ sii giala kɔ waáraa, ka nyan zín bɔ bɛ-n wa. Zorobabeli bɛ́ re Lawa a kion lɛ a doe giala koe, ka doamaa-n ka n nyanyaa. «Bolon sɔbaa kɛ n goon ka Dɛnaa Lawa yiin ni. Maǹ giɛ tán tumaa walan.»

Luku 1:69

A na á nyin-sili kɔ wɔ la, bɛ n nyin-sili pàãdɛnaa lɛa. Bɛ na a din a dí-nyali Davida a nɔ̀ɔn lɛa, Davida mɛn bɛ́ á goã wɔa kii gole lɛa.

Zaã a sɛ́wɔ 1:29

Bɛ lɛ a lɛawaa, ZAÃ Yezu yɛ die a li, á tɔ́n pɛ: – Ka ga, Lawa sère nɛ mɛn kɔ á ke. A din lɛ n kanaa minin sii baraa sawɛɛ á boe ǹ ganaa.

Zaã a sɛ́wɔ 1:36

A bɛ́ á ga Yezu ganaa tɔ we kiɛ̃, á pɛ: «*Lawa a sère nɛ lɛ á ke.»

Nya ǹ dín 8:32

Giĩ lɛ bɛ́ á goã bǎã mɛn pii sɛ́wɔ lɛ nɛ, bɛ n ka kɛ nɛ: «Ká sère bɛ́ lɔn ǹ nə́ woe a bɔlɔ kuri, ka sère nɛ mɛn bɛ́ kiĩni a ka-kuruli gɔn, a dɔ n miɛ̃ a ba n lɛ buĩ á boo diɛ wa.

Sii-nyaan 1:4

Masɛ ZAÃ nə fòo kɛ diɛ Lawa a sɔmɔ sɔbaa kɛ nɛ Azii gána nɛ. Min mɛn bɛ́ a goã a tan, a ná a tan, a n die die dɔn, yiri sɔbaa kɛ nɛ a kii dankan yɔrɔ-a, ka Yezu Krita nɛ, bɛn die ǹ bǐɛ̃ zɛnaa ka nɛ, ǹ là nyantoro kɔ ka la.

Sii-nyaan 12:11

Wɔ dɔɔ̃nɔn nə́ gɔ̀lɔ̀baa yɛ ka Sère Nɛ mà kɛ pàã nɛ, ka ǹ siérebaa ǹ boo pàã nɛ. Haalɛ ta maǹ giɛ̃ bɛa lɛa, ǹ tá lɛ koe bɛ ganaa á la ǹ yiikoonaabaa nɛ.

Sii-nyaan 13:8

Tán mànan tumaa tá re a guguru koe, a saa kanaa giala kɔ waáraa ganaa, min mɛnɛn tumaa bɛ́ ǹ tɔ goã kiɛ̃-n Lawa a yiikoonaabaa ǹ sɛ́wɔ kɛ-n wa, bɛn tumaa á re a guguru koe. Sère Nɛ mɛn bɛ́ ǹ nə́ dɛ lɛlɛ, bɛ wɔ-n ka bɛa sɛ́wɔ kɛ lɛ nɛ.

Sii-nyaan 14:1

Ma bɛ́ giɛ, má Sère Nɛ lɛ yɛ golee-n *Siɔn kele la, Zeruzalɛmu kiwi gɔ́ɔ̃ nɛ. Má minbuiin duu paabiɛ ka pusiwensii (144 000) kɛ dɔ yɛ kun ni, a din tɔ laanka ǹ Di Lawa tɔ n kiɛ̃ nɛ, didie tumaa nyanlɛ ganaa.

Sii-nyaan 17:14

Ǹ tá re zia biɛ Sère Nɛ kɛ ganaa. Sɛnɛ, Sère Nɛ lɛ á re gɔ̀lɔ̀ biɛ. A giala a din nə dɛnaan Dɛnaa lɛa, a n kiin tumaa a Kii lɛa. Min mɛnɛn bɛ́ Lawa nə́ ǹ bíi á ǹ bɔ, ǹ nə́ bɔlɔgoondɛnan lɛa, bɛn dɔn tá re gɔ̀lɔ̀ biɛ kun ni.»

Sii-nyaan 21:22

Ma Lawa a kion yɛ kiwi lɛ-n wa, a giala Dɛnaa Lawa Pàãyiidɛnaa din laanka Sère Nɛ lɛ din nə Lawa a kion lɛa.

Sii-nyaan 21:23

Kiwi lɛ laadoo ba wasa ganaa ka mui ni wɔlɔ tɔn fulu wa, a giala mà Lawa a siĩnbaa n wɔlɔ fúlu kiɛ a ganaa, Sère Nɛ kɛ na a wasa lɛa.

Sii-nyaan 22:1

Lon a dia dí-a wole lɛ tɔn yiikoonaabaa ǹ tà mu lɛ nyaa ma nɛ, tɛ pii ka gɛ̀fu mɛn bɛ́ yii n wɔlɔ yii a nɛ. Bɛa mu lɛ na á goã soe Lawa laanka Sère Nɛ a kii dankan paǹ li.

Sii-nyaan 22:3

Bɔ̀n ba min yii walan doo wa. Lawa laanka Sère Nɛ a kii dankan tá re goɛ̃ kiwi lɛ nɛ, a dí-nyalin nə́ die a guguru koe walan.

Sii-nyaan 4:8

Màn yiikoonaa pàãdɛnaa sii lɛ gogoonmaa nyàan man sɔrɔ, yii nàn nə́ ǹ paǹ tumaa ganaa, ǹ nyàa giulun ni ka a kanaa nɛ. Maǹ loe loe baayɛlɛ ka tèlò tumaa nɛ ǹ nə́ pii: N tá sonbore, n tá sonbore, n tá sonbore, wɔa Dɛnaa Lawa Pàãyiidɛnaa mɛn bɛ́ á goã, a ná a tan, a n die die dɔn.

Sii-nyaan 5:11

Ma bɛ́ giɛ doo, má lon a dia dí-a wole gigiã lɛn ma, ǹ nə́ dɔ duu damata damata, min ná a boe la a ǹ nimi wa. Ǹ nə́ golee ǹ nə́ min golen laanka màn yiikoonaa pàãdɛnan kɛn giã ǹ bǎã lɛnpɛnɛ,

Sii-nyaan 5:12

ǹ nə́ goã loe loe ka ǹ lɛn gole ne, ǹ nə́ pii: «Nsɛ Sère Nɛ mɛn bɛ́ ǹ nə́ Lawa a wúlu bɔ n nɛ lɛlɛ, ń kɔnbɔ ka pàãyiidɛnaabaa nɛ, ka pàãmabaa nɛ, ka sii-doɛ̃ nɛ, ka kakabaa nɛ, ka tɔ golebaa nɛ, ka guguru-kɔ nɛ, ka tɔ-bɔ nɛ.»

Sii-nyaan 5:13

Bɛ lɛ nɛ, màn-zɛnaa mɛn tumaa bɛ́ lon, ka tán nɛ, ka tán giulun ni, ka yìsi mu gole ne, ǹ nə́ piɛ̃-silin lɛa kanaa paǹ din tumaa ganaa, má ǹ lɛn ma, ǹ nə́ loe loe ǹ nə́ pii: «Min mɛn bɛ́ giã-n kii dankan nɛ, ka Sère Nɛ kɛ nɛ, tɔ bɔ n kaa wɔ lɛa, tɔ golebaa n kaa wɔ lɛa, gugurubaa n kaa wɔ lɛa, pàãyiidɛnaabaa n kaa wɔ lɛa, baraabaraa yǎa duduu.»

Sii-nyaan 5:14

Màn yiikoonaa pàãdɛnaa sii kɛ na á goã ǹ lɛ sii: «Taarɛ. A n miɛ̃!» Min golen kɛn dɔn nə́ kaa tán-a ǹ nə́ ǹ guguru koe.

Sii-nyaan 6:16

Maǹ nə́ goã pii kelen lɛn manɛ ka gɛ̀fun lɛn nɛ: «Ka bɔ ka kaa wɔsɛn la, ka wɔsɛn duru, ń giɛ min mɛn bɛ́ giã-n kii dankan nɛ, bɛ yii baran wɔ yɛ wa, Sère Nɛ kɛ dɔ a foo-yoo baran dɔ wɔ ganaa wa.

Samayeli1 2:10

Dɛnaa Lawa a zɔ́ɔn tá re zɔzoɛ, lon a Lawa tá re n toɛ lon a paraa ǹ li. Lawa tá re kiri we tán kuturu ganaa. A tá re pàã koe a kii la. A din kii mɛn bɔ á koa, a n bɛ mìi siɛ lon.»