Sii-nyaan 5:5 - LAWA A BOO SONBORE

⁵ Min golen kɛn goon tɔ́n pɛ ma nɛ: «N nyan wuu pɛ wa! Á ke, Zudaa tɔrɔn Yàra ke kii Davida a nɔ̀ɔn lɛa! Á gɔ̀lɔ̀baa yɛ lɛlɛ. Á re sɛ́wɔ kɛ a lɛ tã ǹ bǎã sɔbaa kɛ bɔyɛɛ a bɔ a ganaa, a na a lɛ bũ.»

LAWA A BOO SONBORE 2011

⁵ Min golen kɛn goon tɔ́n pɛ ma nɛ: «N nyan wuu pɛ wa! Á ke, Zudaa tɔrɔn Yàra ke kii Davida a nɔ̀ɔn lɛa! Á gɔ̀lɔ̀baa yɛ lɛlɛ. Á re sɛ́wɔ kɛ a lɛ tã ǹ bǎã sɔbaa kɛ bɔyɛɛ a bɔ a ganaa, a na a lɛ bũ.»

Sii-nyaan 5:5 ပူးပေါင်းရင်းမြစ်များ

Kiin1 10:20

Yàra fulupaa na á goã dii ǹ bǎã lɛ a kòròn lɛn ganaa a paran li. Ǹ bin bɛ miã zɛnaa gána kɔn nɛ wa.

KZS2 9:18

Kòrò sɔrɔ na á goã bɛa dankan lɛ a dii ǹ bǎã ganaa. Gòã kaa ǹ bǎã n doa nɛ a ganaa sana lɛam kii a gòãn kaa ǹ bǎã lɛa. Gùrùn man nə́ goã dankan lɛ paǹ yii ganaa. Yàra nyín paa na á goã gùrùn lɛn genli.

Zɔbu 41:15

A gù ki tumaa n kɔn la dadara, kəkə a ganaa, bìn ba n diɛ a ganaa wa.

Izayii 11:1

Nɛgiĩ á re yii Zesee tɔrɔ basa nɛ, ka da giala piri zizi bɛ́ lɔn gɔn ten boe. A gòonən tá re gɔn dii boe.

Izayii 11:10

Bɛa pinaa lɛ nɛ, Zesee tɔrɔ lɛ n die goɛ̃ ka zanzan bɛ́ lɔn kanaa a tɔrɔn tumaa yɔrɔ-a. Tɔrɔ tumaa á re die giɛ yiri li a li. A bɛ́ re gɛnɛɛ bǎã mɛn nɛ, gugurubaa n die tɛ pii walan.

Zeremii 31:16

Sɛnɛ, Dɛnaa Lawa n kɛ pii: N nyan wuu pɛ doo wa, n lɛ tã! N tá re n nɔmaa a saraa yii. N nɛnyaanan tá re boe n zɔ́ɔn gána nɛ ǹ daa. Dɛnaa Lawa a da ǹ boo ne.

Minin nimi 24:9

Maǹ nə n kumii, ǹ nə́ wɛɛ tán ka don siĩ bɛ́ lɔn, ká yàra bɛ́ lɔn. Die n boe la a ǹ da yoo ganaa ka pàã nɛ? Bɛ̀ min mɛn nə́ lɛn bǐɛ̃ bíi ǹ li, lɛn bǐɛ̃ nə n bíi bɛa dɛnaa li. Bɛ̀ min mɛn nə́ lɛn baraa bíi ǹ li, lɛn baraa nə n bíi bɛa dɛnaa li.

Luku 23:28

Yezu nə́ n yɔrɔ bɔyaa á dia ǹ la, á pɛ ǹ nɛ: – Zeruzalɛmu lɔn lɛn, ka baran wuu pɛ masɛ a lɛa wa, ka wuu pɛ ka dinin lɛa ka kaa nɛnyaanan nɛ.

Luku 7:13

Yezu bɛ́ á lɔ lɛ yɛ, a makara kũ, á pɛ lɔ lɛ nɛ: «N baran wuu pɛ doo wa.»

Luku 8:52

Min tumaa na á goã wuu pii ǹ nə́ n lala diɛ nɛ lɛ a lɛa. Yezu pɛ ǹ nɛ: «Ka baran wuu pɛ wa. Nɛ lɛ bie á gã wa, a n nyuù we.»

Zaã a sɛ́wɔ 20:13

Ǹ nə́ tɔ́n nɔ̀n da la: «Lɔ lɛɛ, wàa na á baa n tá wuu pii?» Á ǹ lɛ si: «Maǹ nə́ maa Dɛnaa bɔ, ǹ da bǎã mɛn nɛ, ma a doɛ̃ wa.»

Rɔmu minin 1:3

Bɛa Boo Tii Kɔɔ̃n lɛ n boo diɛ a din a Nɛgiĩ Yezu Krita wɔ gɔn la. Wɔa Dɛnaa Yezu kɛ lɛ kii Davida tɔrɔ lɛa, gɔ̀nɔn siĩ wɔ gɔn la,

Rɔmu minin 15:12

Lawa a boo gii-dali Izayii dɔ́ pɛ: «Zesee tɔrɔ lɛ á re die, á re yui a giã gánan dinin tumaa mìi la, ǹ tá re n foo doɛ a din ganaa.»

Ebrəə 7:14

Min tumaa á doɛ̃, mà wɔa Dɛnaa lɛ na á yɛ Zudaa tɔrɔn bii. Muizu boon mɛnɛn da a sɛ́wɔn nɛ, wúlu-bɔlen wɔ paǹ li, bɛn ba màn kɔ́n diɛ bɛa tɔrɔ kɛ lɛ wɔ gɔn la wa.

Sii-nyaan 1:1

Yezu *Krita siin mɛnɛn nyaa, bɛa sɛ́wɔ n ke. Lawa na á ǹ kɔ la, mà siin mɛnɛn bɛ́ re n zɛnɛɛ kànaa ka boɛɛn nɛ, mà a ǹ nyaa a bɛ̀rɛn manɛ. Yezu ná a lon a dia dí-a wole dia a bɛ̀rɛ ZAÃ la, mà a bɛn nyaa nɛ.

Sii-nyaan 22:16

Ma din Yezu má lon a dia dí-a wole dia máa a da bɛ lɛ tumaa pɛ Lawa a sɔmɔn minin manɛ. Masɛ n Davida tɔrɔ lɛa, ma ń baayɛlɛ a leere tɛ-pɛle lɛa.

Sii-nyaan 3:21

«Min mɛn bɛ́ re gɔ̀lɔ̀ biɛ, ma á re lɛ koe la, a giã kun ma nɛ maa kii dankan nɛ, ka ma dɔ bɛ́ má gɔ̀lɔ̀baa yɛ, má woo giã maa Díi li a kii dankan nɛ lɔn.

Sii-nyaan 4:10

min golen fuəwensii mɛnɛn bɛ́ ǹ tan, bɛn man yui ǹ kaa tán, kii dankan dɛnaa lɛ yɔrɔ-a. Min mɛn bɛ́ a tan yǎa duduu, maǹ bɛ guguru koe. Maǹ nə́ ǹ kii bafolon waa ǹ nə́ ǹ zũ tán kii dankan lɛ yɔrɔ-a, ǹ nə́ pii:

Sii-nyaan 4:4

Kii dankan fuəwensii kɔsɔn nə́ dankan goon kɛ lɛ lɛnpɛnɛ, *min gole fuəwensii n giã nɛ ǹ tumaa nɛ, ǹ nə́ mɔnaa fufun wɔ ka sana kii bafolon ne ǹ mìin ganaa.

Sii-nyaan 5:4

Ma foo ziziɛ̃ parsiini, a giala mà min kɔ́n yɛ, a n kɔnboe ka sɛ́wɔ kɛ a lɛ buĩ ni, a n yii kɔ a-n wa.

Sii-nyaan 6:1

Bɛ kio, má yɛ Sère Nɛ lɛ sɛ́wɔ lɛ tã ǹ bǎã sɔbaa lɛ a bibinaa kɛ bũ, má màn yiikoonaa pàãdɛnaa sii lɛ a bibinaa lɛ ma á n lɛ dɛ, a lɛn bɔ ka la a paraa bɛ́ lɔn, á pɛ: «Daa!»

Sii-nyaan 7:13

Min golen lɛn goon tɔ́n boo saa á nɔ̀n da ma la: «Minin kɛn dɔnkɛ fufun ni ǹ ganaa dien manɛ? Maǹ boe maa?»