Sii-nyaan 5:13 - LAWA A BOO SONBORE

¹³ Bɛ lɛ nɛ, màn-zɛnaa mɛn tumaa bɛ́ lon, ka tán nɛ, ka tán giulun ni, ka yìsi mu gole ne, ǹ nə́ piɛ̃-silin lɛa kanaa paǹ din tumaa ganaa, má ǹ lɛn ma, ǹ nə́ loe loe ǹ nə́ pii: «Min mɛn bɛ́ giã-n kii dankan nɛ, ka Sère Nɛ kɛ nɛ, tɔ bɔ n kaa wɔ lɛa, tɔ golebaa n kaa wɔ lɛa, gugurubaa n kaa wɔ lɛa, pàãyiidɛnaabaa n kaa wɔ lɛa, baraabaraa yǎa duduu.»

LAWA A BOO SONBORE 2011

¹³ Bɛ lɛ nɛ, màn-zɛnaa mɛn tumaa bɛ́ lon, ka tán nɛ, ka tán giulun ni, ka yìsi mu gole ne, ǹ nə́ piɛ̃-silin lɛa kanaa paǹ din tumaa ganaa, má ǹ lɛn ma, ǹ nə́ loe loe ǹ nə́ pii: «Min mɛn bɛ́ giã-n kii dankan nɛ, ka Sère Nɛ kɛ nɛ, tɔ bɔ n kaa wɔ lɛa, tɔ golebaa n kaa wɔ lɛa, gugurubaa n kaa wɔ lɛa, pàãyiidɛnaabaa n kaa wɔ lɛa, baraabaraa yǎa duduu.»

Sii-nyaan 5:13 ပူးပေါင်းရင်းမြစ်များ

Izayii 24:14

Min mɛnɛn yii goã koo, bɛn manə n lɛn siɛ lon, ǹ tá Dɛnaa Lawa tɔ boe. Maǹ boe lɛ̀nyɛɛn li, ǹ nə́ foo kɔɔ̃nbaa ǹ lɛ dii.

Izayii 42:10

Ka loe tii lɔ Dɛnaa Lawa nɛ. A kũ tán lɛ dan ganaa, ka a tɔ bɔ, kasɛn mɛnɛn bɛ́ yìsi mu zii tɔ we, ka màn mɛn tumaa bɛ́ yìsi mu li, ka kasɛn dɔn nɛ, mu gánan mɛnɛn da bii, ka loe lɔ ka Dɛnaa Lawa tɔ bɔ nɛ.

Matiə 6:13

Sii mɛn bɛ́ damagɔ́ɔ̃li ǹ sii lɛa, bɛ wɔlɔ lui wɔ ganaa, sɛnɛ, wɔ kanbaa baraa ganaa. [A giala kiibaa nɛ, pàã nɛ ka gugurubaa nɛ, bɛn manə n din wɔ lɛa miɛ̃, yǎa duduu. A n miɛ̃.]

Luku 2:14

«Lon màn tumaa Lawa guguru kɔ! A na a là nyantoro koe kanaa minin la, a giala, a tá ǹ narɛ.»

Zaã a sɛ́wɔ 1:29

Bɛ lɛ a lɛawaa, ZAÃ Yezu yɛ die a li, á tɔ́n pɛ: – Ka ga, Lawa sère nɛ mɛn kɔ á ke. A din lɛ n kanaa minin sii baraa sawɛɛ á boe ǹ ganaa.

Rɔmu minin 11:36

A giala, màn tumaa n boe a din ni, a tumaa na a tan a din barka nɛ, a tumaa na a tan a din a lɛa. Lawa die a goã guguru miɛ̃ yǎa duduu. A n miɛ̃!

Rɔmu minin 16:27

Lawa goon toto mɛn dinsɔɔ̃ bɛ́ sii-dɔ̃li lɛa, gugurubaa n bɛ wɔ lɛa yǎa duuduu! A n miɛ̃.

Rɔmu minin 9:5

Ǹ dinin lɛn man wɔ digolo Abrahamu laanka Izaaki ka Zakɔba a nɛnyaanan lɛa. Haalɛ wɔ Nyin-sili Yezu Krita dɔ dinmaa lɛ nə ǹ dinin tɔrɔ min lɛa, gɔ̀nɔn siĩ wɔ gɔn la. Krita lɛ n Lawa lɛa, a din nə màn tumaa mìi la. Gugurubaa na a wɔ lɛa yǎa duduu. A n miɛ̃!

Efɛɛzi minin 3:21

Gugurubaa die a goã bɛa Lawa kɛ lɛ wɔ lɛa, a din a sɔmɔ gɔ́ɔ̃ nɛ Yezu Krita pàã ganaa, baraabaraa yǎa duduu. A n miɛ̃.

Filipi minin 2:10

ń giɛ màn mɛn tumaa bɛ́ lon, ka tán nɛ, ka tán giulun ni, ǹ tumaa kaa tán, ǹ Yezu tɔ lɛ guguru kɔ.

Kolɔɔsi minin 1:23

Sii goon dinsɔɔ̃ n ke, ka doamaa-n ka goã doa-n golee Lawa li gɔ́ɔ̃ nɛ, ka baran toa min ka na, a ka bɔ kaa foo-doa kɛ ganaa wa, ka foo-doa mɛn lɛ yɛ Boo Tii Kɔɔ̃n kɛ a miɛ gɔ́ɔ̃ nɛ. Bɛa Boo Tii Kɔɔ̃n kɛ lɛ, á n pɛ kanaa min din tumaa nɛ, Lawa na á masɛ Pooli dia bɛ lɛ nyɛɛ.

Timote1 4:16

N yiri kɔ n din laanka n minin daraa li. Sii si n ganaa a gɔ́ɔ̃ nɛ. Bɛ̀ n zɛnaa miɛ̃, n tá re n dinmaa kirisibiɛ. Min mɛnɛn dɔn bɛ́ n too koe n lon, n tá re bɛn dɔn kirisibiɛ.

Piɛrɛ1 4:11

Bɛ̀ ka mɛn nə boo-laakalaali lɛa, ǹ dɛnaa toa a Lawa a boo kɛ laakalaa. Bɛ̀ min mɛn dɔ n dí yɔrɔ boe, a toa a zɛnaa ka pàã kɛ nɛ Lawa n koe la. A n zɛnaa miɛ̃, màn mɛn bɛ́ toɛ, sii din tumaa gɔ́ɔ̃ nɛ, tɔ-bɔ goã Lawa nɛ ka Yezu Krita barka nɛ. Gugurubaa laanka mìinaabaa n bɛa Lawa lɛ wɔ lɛa yǎa duduu. A n miɛ̃!

Piɛrɛ1 5:11

Mìinaabaa na a din wɔ lɛa yǎa duduu. A n miɛ̃!

Zude 1:25

Lawa goon toto mɛn wɔ nyin si ka wɔa Dɛnaa Yezu Krita barka nɛ, gugurubaa laanka golebaa nɛ, pàãyiidɛnaabaa laanka màn tumaa mìilandɛnaabaa goã bɛ wɔ lɛa haalɛ lɛlɛ-lɛlɛ, ka kanna nɛ, yǎa duduu. A n miɛ̃.

Sii-nyaan 1:6

Á wɔ bɔyaa á wɔ baa kiin lɛa, kun ka a din ni a kiibaa ǹ bǎã nɛ. Á wɔ baa Lawa a wúlu-bɔlen dɔn lɛa, mà wɔ dí nya ǹ Di Lawa nɛ. Gugurubaa laanka pàãyiidɛnaabaa goã Yezu Krita wɔ lɛa baraabaraa yǎa duduu! A n miɛ̃!

Sii-nyaan 13:8

Tán mànan tumaa tá re a guguru koe, a saa kanaa giala kɔ waáraa ganaa, min mɛnɛn tumaa bɛ́ ǹ tɔ goã kiɛ̃-n Lawa a yiikoonaabaa ǹ sɛ́wɔ kɛ-n wa, bɛn tumaa á re a guguru koe. Sère Nɛ mɛn bɛ́ ǹ nə́ dɛ lɛlɛ, bɛ wɔ-n ka bɛa sɛ́wɔ kɛ lɛ nɛ.

Sii-nyaan 5:1

Min mɛn bɛ́ giã-n tán kii dankan nɛ, má sɛ́wɔ yɛ a gusin a gɔn nɛ, sɛ́wɔ lɛ gɔ́ɔ̃ kiɛ̃maa nɛ, ka a dɔ̀ɔ̃ nɛ, ǹ ná a lɛ tã ka zoo gón ne wɔlɔ sɔbaa, ǹ nə́ n gòon bǎã da a nɛ.

Sii-nyaan 5:12

ǹ nə́ goã loe loe ka ǹ lɛn gole ne, ǹ nə́ pii: «Nsɛ Sère Nɛ mɛn bɛ́ ǹ nə́ Lawa a wúlu bɔ n nɛ lɛlɛ, ń kɔnbɔ ka pàãyiidɛnaabaa nɛ, ka pàãmabaa nɛ, ka sii-doɛ̃ nɛ, ka kakabaa nɛ, ka tɔ golebaa nɛ, ka guguru-kɔ nɛ, ka tɔ-bɔ nɛ.»

Sii-nyaan 5:3

Sɛnɛ, min kɔ́n yɛ lon, ka tán nɛ, ka tán giulun ni, a n boe la a sɛ́wɔ kɛ lɛ bũ, a n yii kɔ a-n wa.

Sii-nyaan 5:6

Má tɔ́n Sère Nɛ yɛ, kii dankan kɛ genli, màn yiikoonaa sii kɛ laanka min golen kɛn ná a lɛnpɛnɛ. Bɛa Sère Nɛ lɛ n ka maǹ ná a bɔlɔ kuru. A bɛn nə sɔbaa, a yii nàn dɔ n sɔbaa, Lawa yiri sɔbaa mɛn dia tán tumaa la, bɛn man ka bɛ nɛ.

Sii-nyaan 5:9

Maǹ nə́ goã loe tii loe kɛnɛn: «Ń kɔnbɔ n sɛ́wɔ kɛ si, ń kɔnbɔ n na a lɛ tã ǹ bǎãn kɛn bũ, a giala, n din ni ǹ nə́ n baa *wúlu màn lɛa. Ń minin pii ka n din mà nɛ, ń kɔ Lawa la, ǹ nə́ zaman gigiã lɛa, tɔrɔ tumaa lɛa, gána tumaa minin lɛa, ǹ nə́ bɔlɔ tumaa pii.

Sii-nyaan 6:16

Maǹ nə́ goã pii kelen lɛn manɛ ka gɛ̀fun lɛn nɛ: «Ka bɔ ka kaa wɔsɛn la, ka wɔsɛn duru, ń giɛ min mɛn bɛ́ giã-n kii dankan nɛ, bɛ yii baran wɔ yɛ wa, Sère Nɛ kɛ dɔ a foo-yoo baran dɔ wɔ ganaa wa.