Sii-nyaan 4:9 - LAWA A BOO SONBORE

⁹ Min mɛn bɛ́ kii dankan nɛ, a yii n koo yǎa duduu, bɛ̀ màn yiikoonaa sii lɛ yoo, ǹ nə́ loe lɔ ǹ ná a tɔ bɔ, ǹ ná a guguru kɔ, ǹ nə́ barka da-n lɔn,

LAWA A BOO SONBORE 2011

⁹ Min mɛn bɛ́ kii dankan nɛ, a yii n koo yǎa duduu, bɛ̀ màn yiikoonaa sii lɛ yoo, ǹ nə́ loe lɔ ǹ ná a tɔ bɔ, ǹ ná a guguru kɔ, ǹ nə́ barka da-n lɔn,

Sii-nyaan 4:9 ပူးပေါင်းရင်းမြစ်များ

Loen 47:8

A giala, kanaa tumaa a kii n ka Lawa nɛ, ka lɔ loe lɛa minin nə dɔ̃.

Loen 48:14

A kungɔn ke, ka n taasɛ bɛ ganaa, ǹ màn mɛn dɔ ǹ nə́ tamaa nɛ, ka ga bɛ ganaa, ka á re boe la, ka a laakalaa kaa nɛnyaanan manɛ:

Bɔ bɛ̀rɛbaa nɛ 15:18

Dɛnaa, n din nə kii lɛa yǎa duduu.

Izayii 6:1

Ǹ kɔn pinaa, kii Oziasi a gɛ̀ lɛ̀ ganaa, má sii-nyaa yɛ: Dɛnaa na á goã giã-n tán kii dankan la, ǹ mɛn la bɛ́ lon taãn-taãnɛ, a mɔnaan nə́ Lawa a kion pã.

Timəə dí-pɛn 32:40

Ma nə n gɔn siɛ ma dia lon ma kɛ pɛ: Ma din lɛ yii n koo yǎa duduu!

Ebrəə 7:25

Bɛ lɛ taman yii ni, min mɛnɛn bɛ́ n mɔrɛ Lawa ganaa a din barka nɛ, á boe la, a bɛn kirisibaa yǎa a giala-nyɔmiɛ ganaa, a giala, a dinmaa lɛ yii n koo yǎa duduu, á n Lawa nyankoe ǹ lɛa.

Ebrəə 7:8

Levii tɔrɔ minin mɛnɛn nə goã màn tumaa a talɛɛ fùbaa ǹ wɔ yii, bɛn man minin lɛa ǹ nə́ giɛ̃. Sɛnɛ, Mɛlkizedɛki lɛ sɛ, Lawa a boo na á pɛ a wɔ gɔn la, mà a yii n koo miɛ̃.

Sii-nyaan 1:18

Ma din nə yiikoonaa lɛa. Má goã má gã, sɛnɛ, kanna man goɛ̃ ma yii n koo yǎa duduu. Gɛ̀ a lɛduə̃ ǹ pàã n masɛ din gɔn, ka geren piɛ tumaa wɔ nɛ.

Sii-nyaan 10:6

á n liɛ ka Lawa nɛ, Lawa mɛn bɛ́ a yii n koo baraabaraa yǎa duduu, lon mànan ka tán mànan laanka yìsi mu li ǹ mànan-zɛnaali lɛa, á pɛ: «Biikoo kɔsɔ ba n koe doo wa.

Sii-nyaan 15:7

Tɔɔ yiikoonaa pàãdɛnaa sii kɛ goon sana kaaran yii sɔbaa kɔ lon a dia dí-a wole sɔbaa kɛ la, kaaranan lɛn piɛ̃maa nɛ, ka Lawa a foo-yoo ne, asɛ mɛn bɛ́ a yii n koo baraabaraa yǎa duduu.

Sii-nyaan 21:5

Min mɛn bɛ́ kii dankan nɛ, bɛ́ tɔ́n pɛ: «Kanna, má màn tumaa zɛnaa dii lɛa.» Á tɔ́n pɛ ma nɛ: «Kɛ kiɛ̃, a giala, masɛ a boon man taãn lɛa, ǹ nə́ kɔnboe ka foo doamaa nɛ.»

Sii-nyaan 4:2

Bɛ lɛ ganaa gɔrɔ, Lawa a Yiri Fu ma kũ á woo ma-n lon, má kii dankan goon yɛ tán, min kɔ́n nə́ giã-n la.

Sii-nyaan 4:8

Màn yiikoonaa pàãdɛnaa sii lɛ gogoonmaa nyàan man sɔrɔ, yii nàn nə́ ǹ paǹ tumaa ganaa, ǹ nyàa giulun ni ka a kanaa nɛ. Maǹ loe loe baayɛlɛ ka tèlò tumaa nɛ ǹ nə́ pii: N tá sonbore, n tá sonbore, n tá sonbore, wɔa Dɛnaa Lawa Pàãyiidɛnaa mɛn bɛ́ á goã, a ná a tan, a n die die dɔn.

Sii-nyaan 5:1

Min mɛn bɛ́ giã-n tán kii dankan nɛ, má sɛ́wɔ yɛ a gusin a gɔn nɛ, sɛ́wɔ lɛ gɔ́ɔ̃ kiɛ̃maa nɛ, ka a dɔ̀ɔ̃ nɛ, ǹ ná a lɛ tã ka zoo gón ne wɔlɔ sɔbaa, ǹ nə́ n gòon bǎã da a nɛ.

Sii-nyaan 6:16

Maǹ nə́ goã pii kelen lɛn manɛ ka gɛ̀fun lɛn nɛ: «Ka bɔ ka kaa wɔsɛn la, ka wɔsɛn duru, ń giɛ min mɛn bɛ́ giã-n kii dankan nɛ, bɛ yii baran wɔ yɛ wa, Sère Nɛ kɛ dɔ a foo-yoo baran dɔ wɔ ganaa wa.

Sii-nyaan 7:15

Bɛ lɛ n toɛ ǹ tá golee ne, Lawa a kii dankan yɔrɔ-a, ǹ nə́ Lawa guguru koe baayɛlɛ ka tèlò ne Lawa a Kion. Min mɛn bɛ́ kii dankan lɛ nɛ, bɛ á re a din a wúlu kumii ǹ la.