Sii-nyaan 4:8 - LAWA A BOO SONBORE

⁸ Màn yiikoonaa pàãdɛnaa sii lɛ gogoonmaa nyàan man sɔrɔ, yii nàn nə́ ǹ paǹ tumaa ganaa, ǹ nyàa giulun ni ka a kanaa nɛ. Maǹ loe loe baayɛlɛ ka tèlò tumaa nɛ ǹ nə́ pii: N tá sonbore, n tá sonbore, n tá sonbore, wɔa Dɛnaa Lawa Pàãyiidɛnaa mɛn bɛ́ á goã, a ná a tan, a n die die dɔn.

LAWA A BOO SONBORE 2011

⁸ Màn yiikoonaa pàãdɛnaa sii lɛ gogoonmaa nyàan man sɔrɔ, yii nàn nə́ ǹ paǹ tumaa ganaa, ǹ nyàa giulun ni ka a kanaa nɛ. Maǹ loe loe baayɛlɛ ka tèlò tumaa nɛ ǹ nə́ pii: N tá sonbore, n tá sonbore, n tá sonbore, wɔa Dɛnaa Lawa Pàãyiidɛnaa mɛn bɛ́ á goã, a ná a tan, a n die die dɔn.

Sii-nyaan 4:8 ပူးပေါင်းရင်းမြစ်များ

Siin Giala 17:1

Abramu lɛ̀ pɔmanangɔrɔwenmanangɔrɔ, Dɛnaa nə́ n din nyaa nɛ, á pɛ nɛ kɛnɛn: «Ma din nə Lawa Pàãyiidɛnaa lɛa. Tɔ wɔ masɛ yɔrɔ-a pepere, zɛ̀rɛ baran goã n ganaa wa.

Loen 91:1

Min mɛn a duru ǹ bǎã bɛ́ Lon a Lawa Gole li, a ń kiɛ Lawa Pàãyiidɛnaa yele,

Bɔ bɛ̀rɛbaa nɛ 15:11

Dɛnaa, die n ka n bɛ́ lɔn lawan bii? Die n ka n bɛ́ lɔn, a siĩnbaa n yii kɛnɛn? Die n ka n bɛ́ lɔn, màn gole lɛa, màn yii guguru-a dɔ lɛa, a n boe kaãbaa ǹ siin zɛnaa la? Min kɔ́n!

Bɔ bɛ̀rɛbaa nɛ 3:14

Lawa pɛ Muizu-n kɛnɛn: – Ma tɔ n "Ma Tan". A pɛ Izirayeli nɛnyaanan lɛn manɛ, mà "Ma Tan" na á n dia ǹ li.

Izayii 13:6

Ka gɛ̀ koa ǹ loe lɔ! A giala, Dɛnaa Lawa a lɛawaa gole kɛ dɔ á nya. Ka koe bɛ́ lɔn, a n màn tumaa ziziɛ̃, Pàãyiidɛnaa na á dia.

Izayii 62:1

*Siɔn, ma a re n lɛ tiɛ̃ wa, a giala ma á n narɛ, Zeruzalɛmu, ma a re n toɛ bíi-a kooro má n maa sii zɛnɛɛ wa, a giala ma á n narɛ, ma nə n yii diɛ yǎa n peperebaa kuĩ ka wɔlɔ fúlu bɛ́ lɔn, yǎa n kirisibaa kɛ tɛ pii ka bolon tɛ bɛ́ lɔn.

Ezekieli 1:18

Wotoro gòãn lɛn gaganan kɛn, bɛn maǹ nə́ goã sasa, nyɛ́ɛ diɛ. Yii nànan maǹ nə́ goã ǹ siimaa lɛ tumaa a gaganan ganaa, ǹ ná a lɛnpɛnɛ nɛ.

Ezekieli 1:5

Màn yiikoonaa sii kɔn na á goã labara lɛ bii, ka n pɛ mà minbuiinin manɛ.

Ezekieli 1:6

Ǹ gogoonmaa yɔrɔ na á goã màn sii, ǹ nyàa dɔn màn sii.

Ezekieli 10:12

Lon màn yiikoonaan lɛn gɔ̀nɔn tumaa, ǹ dɔ̀ɔ̃ nɛ, ǹ gɔnɔn nɛ, ǹ nyàan nɛ, ǹ paǹ tumaa na á goã yii nàn lɛa, ka ǹ wotoro gòã sii kɛ lɛ dɔ nɛ.

Zowɛli 1:15

Haya! Lɛawaa lɛ a mɛn tɔrɔ-n ke! Dɛnaa Lawa a lɛawaa lɛ diri. A n die n biɛ ka basaã-kɔle a basaã bɛ́ lɔn, boe Pàãyiidɛnaa Lawa li.

Nya ǹ dín 20:31

Ka n dinin kũ, ka n yiri koa a nɛ, lɛ̀ sɔɔ gɔ́ɔ̃ nɛ, penleen laanka tèlò ne, mà masɛ má n gɔn waa ka gogoonmaa nɛ, ka yii mu-n dinin.

Korɛnti2 6:18

Ma á re kaa díi biɛ, ka dɔn tá re maa nɛgiĩn biɛ ka maa nɛlɔn nɛ. Dɛnaa Pàãyiidɛnaa na á pɛ miɛ̃.»

Tesaloniki1 2:9

Dɔɔ̃nɔn lɛn, wɔ dí mɛn nya, wɔ nɔmaa mɛn dɔ wɔ, táa ka dinin yiri tá bɛ nɛ. Wɔ n wɔ́ dí nya penleen laanka tèlò ne, màn mɛn bɛ́ toɛ, wɔ baran goã guĩ lɛa ka kɔ́n mìi ni, wɔa Lawa a Boo Tii Kɔɔ̃n kɛ a pɛ ka-n biikoo li wa.

Timote1 4:16

N yiri kɔ n din laanka n minin daraa li. Sii si n ganaa a gɔ́ɔ̃ nɛ. Bɛ̀ n zɛnaa miɛ̃, n tá re n dinmaa kirisibiɛ. Min mɛnɛn dɔn bɛ́ n too koe n lon, n tá re bɛn dɔn kirisibiɛ.

Timote2 4:2

Bɛ lɛ taman yii, n doa n Lawa a boo lɛ laakalaa, ta biikoo sonbore ne, ta biikoo sonbore bie wa. Minin sã nyaa ǹ nɛ, n sɛ̀ pɛ ǹ ganaa, n nə ǹ foo taã, n nə ǹ daraa ka sii simaa lɛ piɛ̃ nɛ.

Ebrəə 13:8

Yezu *Krita bɛ́ lɔn gunun, a n miɛ̃ pelo, a n die goɛ̃ miɛ̃ yǎa duduu.

Sii-nyaan 1:4

Masɛ ZAÃ nə fòo kɛ diɛ Lawa a sɔmɔ sɔbaa kɛ nɛ Azii gána nɛ. Min mɛn bɛ́ a goã a tan, a ná a tan, a n die die dɔn, yiri sɔbaa kɛ nɛ a kii dankan yɔrɔ-a, ka Yezu Krita nɛ, bɛn die ǹ bǐɛ̃ zɛnaa ka nɛ, ǹ là nyantoro kɔ ka la.

Sii-nyaan 1:8

Wɔa Dɛnaa Lawa mɛn bɛ́ á goã a tan, a na a tan, a n die die, a n Pàãyiidɛnaa lɛa, bɛ́ pɛ: «Ma din nə bibinaa lɛa, ma din nə giala-nyɔmɔɔ dɔ lɛa.»

Sii-nyaan 11:17

bɛ̀ ǹ nə́ pii: «Dɛnaa Lawa Pàãyiidɛnaa, nsɛ mɛn bɛ́ n tan, n goã n tan, wɔ a barka diɛ n nɛ. A giala n dí nya ka n pàãyiidɛnaabaa nɛ, n nə́ n kiibaa koa.

Sii-nyaan 14:11

Ǹsɛn mɛnɛn bɛ́ Tɔɔ kɛ laanka a nyín guguru koe, a tɔ n kiɛ̃ nɛ ǹ ganaa, tèlò-n ka baayɛlɛ nɛ, ǹ ba re susui yii wa. Tɛ mɛn bɛ́ re ǹ kuĩ, a tɛmaa á re yui yǎa duduu.»

Sii-nyaan 14:3

Bɛa minbuiin duu damata kɛ lɛ na á golee Lawa a kii dankan yɔrɔ-a, ka màn yiikoonaa pàãdɛnaa sii kɛ nɛ, ka min golen kɛn nɛ, ǹ nə́ loe soree loe. Min kɔ́n ba boe la, a n daraa bɛa loe kɛ lɛ ganaa wa, yǎa min duu paabiɛ ka pusiwensii mɛn bɛ́, ǹ nə́ kirisibaa tán la.

Sii-nyaan 15:3

Maǹ nə́ goã Lawa a dí-nyali Muizu a biikoo loe loe, ka Sère Nɛ kɛ a loe ne, ǹ nə́ pii: «Dɛnaa Lawa Pàãyiidɛnaa, n nya ǹ dín tá dadara, ǹ gamaa ba min boe wa. Tɔrɔ din tumaa a kii, n sii yɔrɔ bɔ n pepere, a n taãn dɔ lɛa.

Sii-nyaan 15:7

Tɔɔ yiikoonaa pàãdɛnaa sii kɛ goon sana kaaran yii sɔbaa kɔ lon a dia dí-a wole sɔbaa kɛ la, kaaranan lɛn piɛ̃maa nɛ, ka Lawa a foo-yoo ne, asɛ mɛn bɛ́ a yii n koo baraabaraa yǎa duduu.

Sii-nyaan 16:14

*Sɛtaan yirin manɛ, ǹ nə́ kaãbaa ǹ siin zɛnɛɛ. Bɛa nɔ̀ɔn babaraa màn sɔɔ kɛ lɛ n woe tán paǹ tumaa a kiin li, ń giɛ, ǹ tá n lɛ soekɔn, ǹ die ǹ zia baa Lawa Pàãyiidɛnaa a lɛawaa gole kɛ a pinaa.

Sii-nyaan 16:7

Má lɛn goon ma boe wúlu bɔ Lawa ganaa ǹ bǎã genli, a n pii: «Hiĩ, Dɛnaa Lawa Pàãyiidɛnaa, n kiri-kuru ǹ yɔrɔn kɛn tá taãnɛ, ǹ nə́ pepere dɔn!»

Sii-nyaan 19:15

Gɔya sa lɛbɔle-a n soe a lɛ-n, a n die tɔrɔ din tumaa dii ka bɛ nɛ. A n die ǹ lɛduĩ ka fɔlɔ bàbàla nɛ, a foo-yoo gole kɛ gɔ́ɔ̃ nɛ, a n die tɔrɛ ǹ la, ká ǹ bɛ́ rezɛ̃ tɔrɛ yala-n lɔn.

Sii-nyaan 19:4

*Min gole fuəwensii kɛ laanka màn yiikoonaa pàãdɛnaa sii kɛ yoo ǹ nə́ kaa tán Lawa yɔrɔ-a, Lawa mɛn bɛ́ giã-n kii dankan nɛ, ǹ ná a guguru kɔ, ǹ nə́ pɛ: «Taarɛ, a n miɛ̃! Lawa tɔ bɔ!»

Sii-nyaan 21:22

Ma Lawa a kion yɛ kiwi lɛ-n wa, a giala Dɛnaa Lawa Pàãyiidɛnaa din laanka Sère Nɛ lɛ din nə Lawa a kion lɛa.

Sii-nyaan 3:7

Sɛ́wɔ kɛ kiɛ̃ n dia Filadɛlfiin Lawa a sɔmɔ a lon a dia dí-a wole la: «Masɛ mɛn bɛ́ sonbore lɛa, man taãn lɛa, Davida a goo nɛ n ma gɔn, bɛ̀ má kiɛnlɛ tã, min kɔ́n ba boe la a bũ wa, bɛ̀ má bũ, min kɔ́n ba boe la a tã wa, ma bɛ́ màn mɛn pii, á ke:

Sii-nyaan 4:4

Kii dankan fuəwensii kɔsɔn nə́ dankan goon kɛ lɛ lɛnpɛnɛ, *min gole fuəwensii n giã nɛ ǹ tumaa nɛ, ǹ nə́ mɔnaa fufun wɔ ka sana kii bafolon ne ǹ mìin ganaa.

Sii-nyaan 4:6

Dankan lɛ yɔrɔ-a, màn na á goã tán, pəmə ka yìsi mu bɛ́ lɔn, yii n wɔlɔ yii a nɛ ka damalon bɛ́ lɔn. Dankan lɛ genli foɛɛ̃nɛ, a paǹan paanan li, màn yiikoonaa pàãdɛnaa sii goã bii-a, ǹ paǹ tumaa n yii nàn lɛa, ǹ yɔrɔ-a nɛ ka ǹ kio ne.

Sii-nyaan 4:9

Min mɛn bɛ́ kii dankan nɛ, a yii n koo yǎa duduu, bɛ̀ màn yiikoonaa sii lɛ yoo, ǹ nə́ loe lɔ ǹ ná a tɔ bɔ, ǹ ná a guguru kɔ, ǹ nə́ barka da-n lɔn,

Sii-nyaan 5:6

Má tɔ́n Sère Nɛ yɛ, kii dankan kɛ genli, màn yiikoonaa sii kɛ laanka min golen kɛn ná a lɛnpɛnɛ. Bɛa Sère Nɛ lɛ n ka maǹ ná a bɔlɔ kuru. A bɛn nə sɔbaa, a yii nàn dɔ n sɔbaa, Lawa yiri sɔbaa mɛn dia tán tumaa la, bɛn man ka bɛ nɛ.

Sii-nyaan 6:1

Bɛ kio, má yɛ Sère Nɛ lɛ sɛ́wɔ lɛ tã ǹ bǎã sɔbaa lɛ a bibinaa kɛ bũ, má màn yiikoonaa pàãdɛnaa sii lɛ a bibinaa lɛ ma á n lɛ dɛ, a lɛn bɔ ka la a paraa bɛ́ lɔn, á pɛ: «Daa!»

Sii-nyaan 6:6

Má lɛn goon ma boe màn yiikoonaa pàãdɛnaa sii kɛ bii, a n pii: «*Belee kilo goon kɔ pinin goon dí nyɛɛ tumaa a saraa lɛa, n *ɔrzi kilo sɔɔ kɔ pinin goon dí nyɛɛ tumaa saraa lɛa. Sɛnɛ, n nyan nyɔɔ laanka duvɛ̃ giɔ̀mɔ bɔyaa wa.»

Sii-nyaan 7:11

Lon a dia dí-a wole mɛn tumaa goã soe-n kɔn, ǹ nə́ kii dankan kɛ lɛnpɛnɛ, ka min golen kɛn nɛ, ka màn yiikoonaa pàãdɛnaa sii kɛ nɛ, ǹ nə́ kaa tán-a kii dankan lɛ yɔrɔ-a, ǹ nə́ n yɔrɔ kɔ tán lɛ, ǹ nə́ Lawa guguru kɔ.

Sii-nyaan 7:15

Bɛ lɛ n toɛ ǹ tá golee ne, Lawa a kii dankan yɔrɔ-a, ǹ nə́ Lawa guguru koe baayɛlɛ ka tèlò ne Lawa a Kion. Min mɛn bɛ́ kii dankan lɛ nɛ, bɛ á re a din a wúlu kumii ǹ la.