Sii-nyaan 4:5 - LAWA A BOO SONBORE

⁵ La na á goã parɛɛ, a n tɛ pii kii dankan lɛ yɔrɔ-a. Lɛn dɔ goã boe walan. Bolon sɔbaa goã kuĩ dankan lɛ yɔrɔ-a, Lawa a Yiri sɔbaa kɛn ka bɛ nɛ.

LAWA A BOO SONBORE 2011

⁵ La na á goã parɛɛ, a n tɛ pii kii dankan lɛ yɔrɔ-a. Lɛn dɔ goã boe walan. Bolon sɔbaa goã kuĩ dankan lɛ yɔrɔ-a, Lawa a Yiri sɔbaa kɛn ka bɛ nɛ.

Sii-nyaan 4:5 ပူးပေါင်းရင်းမြစ်များ

Siin Giala 15:7

Á pɛ-n kɛnɛn doo: «Masɛ Dɛnaa din ni má n bíi, má soo n ne, má n bɔ Uuru kiwi *Baabilonii gána nɛ, man die gána kɛ lɛ koe n la, a n wɔ baa.»

Loen 68:35

Ka pɛ mà pàã n Lawa wɔ lɛa. A din lɛ n kii siĩn lɛa Izirayeli mìi la. A pàã lɛ n gole, á woo lon ka labaran bɛ́ lɔn.

Bɔ bɛ̀rɛbaa nɛ 19:16

A lɛawaa sɔɔbaa ǹ wɔ pinaa lɛ kəni, lɛ̀ bɛ́ á waa, la a ginii wuu bɔ, ka la a tɛ-pɛn nɛ, tɛmaa bara kaara kɔ́n nə́ n kɔ kele lɛ lɛ, bɛn wuu kaka goon bɔ. Zaman lɛ tumaa bìn da ǹ giã ǹ bǎã nɛ.

Bɔ bɛ̀rɛbaa nɛ 20:18

Izirayeli nɛnyaanan zaman lɛ tumaa na á goã la a ginii kɛ laanka bɛn wuu miɛ̃. Ǹ nə́ la a tɛ-pɛ lɛ dɔ yɛ, ka kele lɛ-n tɛmaa lɛa. Nyɛ́ɛ zaman lɛ kũ, ǹ nə́ golee tiãlɛa.

Bɔ bɛ̀rɛbaa nɛ 25:37

Bolonən zɛnaa, màn sɔbaa, ǹ bɛ́ boe la ǹ fúlu bɔ ka yɔrɔ-a lɔn, ǹ koa miɛ̃.

Bɔ bɛ̀rɛbaa nɛ 37:23

Á bolon sɔbaa zɛnaa a ganaa, ka ǹ lɛ bɔ ǹ banbaalanan nɛ, ka ton kaa ǹ mànan nɛ, sana yoreen lɛa.

Ezekieli 1:13

A n ka tɛ nàn na á goã kuĩ màn yiikoonaan lɛn ganaa. A n ka tɛ buə̃ na á goã kuĩ ǹ ganaa. Tɛ lɛ na á goã n binbirin boe ǹ bii. Bɛa tɛ lɛ na á goã kiɛ min yii ni, la a tɛ-pɛ n boe a nɛ.

Zakarii 4:2

Á nɔ̀n da ma la kɛnɛn: «N yii n wàa ganaa?» Má a lɛ si kɛnɛn: «Ma yii n bolon koa ǹ bǎã ganaa, sana lɛa. Nyɔɔ kaa ǹ bǎã na a ganaa a lon wɔlɔ-a. Bolon sɔbaa na a ganaa, tɛ sɔbaa n bolon lɛ a gogoonmaa ganaa.

Matiə 25:1

Bɛ̀ Lawa ná a kiibaa ǹ dí lɛ nya a ná a lɛ pã ǹ mɛn waáraa, a kɔnbɔ ǹ sii n ka kɛ nɛ: Nɛniɛ fù kɔ́n nɛ, ǹ nə́ bólonən goa, mà ǹsɛn man woe n diɛ lɔ tii ǹ zuũ lɛ.

Matiə 3:11

Masɛ n má batɛmu da ka ganaa mu li, man nyɛɛ máa ka n taasɛ ka wusoo kaa sii baraan kio. Sɛnɛ min mɛn bɛ́ die masɛ kio, bɛ á die ka kiɛ Lawa a zii ni ka Yiri Fu pàã nɛ, a dɔlɔ bɔ ka tɛ nɛ. A pàã á gole á la masɛ wɔ nɛ. Haalɛ masɛ nə n zuməə ma a kɔsɔ biɛn fore, ma mìi á kiɛɛrɛ bɛ ganaa.

Nya ǹ dín 2:3

Ǹ yii mànan kɔnɔn yɛ ka tɛ lɛwɔnɔn bɛ́ lɔn. Bɛa tɛ lɛwɔnɔn lɛn nə́ n gigii kɔn, ǹ nə́ mɛ kialandɛnan lɛn gogoonmaa mìi la.

Sii-nyaan 1:4

Masɛ ZAÃ nə fòo kɛ diɛ Lawa a sɔmɔ sɔbaa kɛ nɛ Azii gána nɛ. Min mɛn bɛ́ a goã a tan, a ná a tan, a n die die dɔn, yiri sɔbaa kɛ nɛ a kii dankan yɔrɔ-a, ka Yezu Krita nɛ, bɛn die ǹ bǐɛ̃ zɛnaa ka nɛ, ǹ là nyantoro kɔ ka la.

Sii-nyaan 10:3

Á n lɛ dɛ ka lɛn gole ne, ka yàra bɛ́ parɛɛ lɔn. A bɛ́ á n lɛ dɛ á nya, la a paraa sɔbaa kɛ dɔ tɔ́n gini.

Sii-nyaan 11:19

Lawa a kion mɛn bɛ́ lon, bɛ nə́ n lɛ bũ, má *lɛ kɔ kɔn la ǹ goo lɛ yɛ. Bɛ ganaa, la tɛ pɛpɛ, la gigini, la gii dadaran nə́ kaa, tán bìn da.

Sii-nyaan 3:1

Sɛ́wɔ kɛ kiɛ̃ n dia Sardən Lawa a sɔmɔ a lon a dia dí-a wole la: «Masɛ mɛn bɛ́ Lawa a yiri sɔbaa laanka a leere sɔbaa kɛ-n ma gɔn, man pii ka nɛ: Ma tá n nya ǹ dí doɛ̃. Tɔ nə n ganaa mà n yii n koo, sɛnɛ, a taãnbaa li ń gã!

Sii-nyaan 5:6

Má tɔ́n Sère Nɛ yɛ, kii dankan kɛ genli, màn yiikoonaa sii kɛ laanka min golen kɛn ná a lɛnpɛnɛ. Bɛa Sère Nɛ lɛ n ka maǹ ná a bɔlɔ kuru. A bɛn nə sɔbaa, a yii nàn dɔ n sɔbaa, Lawa yiri sɔbaa mɛn dia tán tumaa la, bɛn man ka bɛ nɛ.

Sii-nyaan 8:5

Bɛ lɛ ganaa, lon a dia dí-a wole lɛ gón gìĩ kɔɔ̃n-a tã ǹ màn lɛ saa, tɛ mɛn bɛ́ wúlu bɔ ǹ bǎã lɛ nɛ, á bɛ bɔ á kaa a nɛ a pã, á zũ tán la. Bɛ nə́ n baa la a paraa wuun lɛa, la a tɛ-pɛn lɛa, ka tán bìn diɛ nɛ.