Sii-nyaan 4:2 - LAWA A BOO SONBORE

² Bɛ lɛ ganaa gɔrɔ, Lawa a Yiri Fu ma kũ á woo ma-n lon, má kii dankan goon yɛ tán, min kɔ́n nə́ giã-n la.

LAWA A BOO SONBORE 2011

² Bɛ lɛ ganaa gɔrɔ, Lawa a Yiri Fu ma kũ á woo ma-n lon, má kii dankan goon yɛ tán, min kɔ́n nə́ giã-n la.

Sii-nyaan 4:2 ပူးပေါင်းရင်းမြစ်များ

Kiin1 22:19

Misee nə́ n toa kəni: – Haya le! N too kɔ Dɛnaa Lawa a boo ganaa. Má Dɛnaa Lawa yɛ giã nɛ a kii dankan la, lon a dí-nyalin tumaa ǹ golee ne a genli, a gusin laanka a gɔsɛ.

Loen 11:4

Sɛnɛ, Dɛnaa Lawa tá a giã ǹ bǎã sonbore kɛ nɛ. A tá a kiibaa ǹ bǎã kɛ-n lon, a yii tá min tumaa ganaa, á giɛ minbuiinin zɛnaa ǹ sii ganaa.

Izayii 6:1

Ǹ kɔn pinaa, kii Oziasi a gɛ̀ lɛ̀ ganaa, má sii-nyaa yɛ: Dɛnaa na á goã giã-n tán kii dankan la, ǹ mɛn la bɛ́ lon taãn-taãnɛ, a mɔnaan nə́ Lawa a kion pã.

Zeremii 17:12

A kũ kanaa giala kɔ waáraa ganaa kii dankan mɛn bɛ́ piɛ̃-n ka gugurubaa nɛ, a n lon, wɔa Lawa a kion sonbore kɛ nɛ.

Ezekieli 1:26

Bara mɛn lɛ goã ǹ mìi lalan, kii dankan a kɔnboe na á goã bɛ lalan, tɛ pii ka kɔlɔ bɔlaan kɛ bɛ́ lɔn. Min a kɔnboe dɔ na á goã bɛa kii dankan lɛ lalan lon.

Ezekieli 1:28

Wɔlɔ fúlu mɛn lɛ goã a lɛnpɛnɛ, bɛ na á goã ka lamɛn bɛ́ lɔn, la a kaa pinaa. Bɛa wɔlɔ fúlu lɛ na á goã Dɛnaa Lawa a siĩnbaa kɛa kɔnboe lɛa. Ma bɛ yɛ lɔn, má bɔ má mɛnaa tán ma lɛ la. Má tɔ́n min goon lɛ ma boo diɛ.

Ezekieli 10:1

Labara mɛn goã lon màn yiikoonaan lɛn mìi la, masɛ Ezekieli goã giɛ bɛ ganaa. Ma bɛ́ giɛ, bɛ̀ kɔlɔ sonbore goon nə́ ke, tɛ pii ka kii dankan bɛ́ lɔn.

Matiə 22:43

Yezu tɔ́n pɛ ǹ nɛ: – Wàa na á baa, Davida dinmaa bíi, ka Lawa a Yiri Fu barka nɛ, mà asɛ a Dɛnaa? A na á pɛ kɛnɛn:

Ebrəə 8:1

Ma bɛ́ boo mɛn diɛ, a gugurubaa ǹ bǎã n ka kɛ nɛ: Bɛa wúlu-bɔlen kiã kɛ lɛ tɔrɔ n wɔ lon, á n giã-n Lawa gole siĩn kɛ a kii dankan gusin lon gɔ́ɔ̃ nɛ.

Sii-nyaan 1:10

Dɛnaa a lɛawaa pinaa, Lawa a Yiri Fu ma kũ, má lɛn gole goon ma ma kio, a wuu goã boe kaka ka bɛn lɛn bɛ́ lɔn.

Sii-nyaan 12:5

Lɔ lɛ ná a nɛ lɛ yɛ, nɛgiĩ lɛa, bɛa nɛgiĩ kɛ lɛ n die tɔrɔ din tumaa lɛduĩ ka fɔlɔ bàlà ná a gɔn. Ǹ nə́ nɛ lɛ saa ǹ nə́ woo koa Lawa li a kii dankan nɛ.

Sii-nyaan 17:3

Lawa a Yiri Fu taasiɛ da ma ganaa, má yɛ, lon a dia dí-a wole ma saa á woo ma nɛ don bii. Má lɔ goon yɛ á giã Tɔɔ goon la, Tɔɔ lɛ n tã, a gɔ̀nɔn tumaa kiɛ̃maa-n ka sɔ kɔ Lawa ganaa ǹ boo ne. A mìi n sɔbaa, a bɛn nə fù.

Sii-nyaan 19:4

*Min gole fuəwensii kɛ laanka màn yiikoonaa pàãdɛnaa sii kɛ yoo ǹ nə́ kaa tán Lawa yɔrɔ-a, Lawa mɛn bɛ́ giã-n kii dankan nɛ, ǹ ná a guguru kɔ, ǹ nə́ pɛ: «Taarɛ, a n miɛ̃! Lawa tɔ bɔ!»

Sii-nyaan 20:11

Má wusoo má kii dankan fu gole yɛ, ka ǹ dɛnaa ná a nɛ. Lon laanka tán baa si ǹ nə́ papaã a nyɛɛnɛ, min wusoo á ǹ yɛ wa.

Sii-nyaan 21:10

Lawa a Yiri Fu gisĩ ma la, á ma saa, á woo ma nɛ kele gole sasa goon mìi ni: Kiwi sonbore ke, Zeruzalɛmu lɛa, má bɛ yɛ boe lon Lawa li gisĩ tán.

Sii-nyaan 21:5

Min mɛn bɛ́ kii dankan nɛ, bɛ́ tɔ́n pɛ: «Kanna, má màn tumaa zɛnaa dii lɛa.» Á tɔ́n pɛ ma nɛ: «Kɛ kiɛ̃, a giala, masɛ a boon man taãn lɛa, ǹ nə́ kɔnboe ka foo doamaa nɛ.»

Sii-nyaan 3:21

«Min mɛn bɛ́ re gɔ̀lɔ̀ biɛ, ma á re lɛ koe la, a giã kun ma nɛ maa kii dankan nɛ, ka ma dɔ bɛ́ má gɔ̀lɔ̀baa yɛ, má woo giã maa Díi li a kii dankan nɛ lɔn.

Sii-nyaan 4:10

min golen fuəwensii mɛnɛn bɛ́ ǹ tan, bɛn man yui ǹ kaa tán, kii dankan dɛnaa lɛ yɔrɔ-a. Min mɛn bɛ́ a tan yǎa duduu, maǹ bɛ guguru koe. Maǹ nə́ ǹ kii bafolon waa ǹ nə́ ǹ zũ tán kii dankan lɛ yɔrɔ-a, ǹ nə́ pii:

Sii-nyaan 4:5

La na á goã parɛɛ, a n tɛ pii kii dankan lɛ yɔrɔ-a. Lɛn dɔ goã boe walan. Bolon sɔbaa goã kuĩ dankan lɛ yɔrɔ-a, Lawa a Yiri sɔbaa kɛn ka bɛ nɛ.

Sii-nyaan 4:9

Min mɛn bɛ́ kii dankan nɛ, a yii n koo yǎa duduu, bɛ̀ màn yiikoonaa sii lɛ yoo, ǹ nə́ loe lɔ ǹ ná a tɔ bɔ, ǹ ná a guguru kɔ, ǹ nə́ barka da-n lɔn,

Sii-nyaan 5:1

Min mɛn bɛ́ giã-n tán kii dankan nɛ, má sɛ́wɔ yɛ a gusin a gɔn nɛ, sɛ́wɔ lɛ gɔ́ɔ̃ kiɛ̃maa nɛ, ka a dɔ̀ɔ̃ nɛ, ǹ ná a lɛ tã ka zoo gón ne wɔlɔ sɔbaa, ǹ nə́ n gòon bǎã da a nɛ.

Sii-nyaan 5:13

Bɛ lɛ nɛ, màn-zɛnaa mɛn tumaa bɛ́ lon, ka tán nɛ, ka tán giulun ni, ka yìsi mu gole ne, ǹ nə́ piɛ̃-silin lɛa kanaa paǹ din tumaa ganaa, má ǹ lɛn ma, ǹ nə́ loe loe ǹ nə́ pii: «Min mɛn bɛ́ giã-n kii dankan nɛ, ka Sère Nɛ kɛ nɛ, tɔ bɔ n kaa wɔ lɛa, tɔ golebaa n kaa wɔ lɛa, gugurubaa n kaa wɔ lɛa, pàãyiidɛnaabaa n kaa wɔ lɛa, baraabaraa yǎa duduu.»

Sii-nyaan 6:16

Maǹ nə́ goã pii kelen lɛn manɛ ka gɛ̀fun lɛn nɛ: «Ka bɔ ka kaa wɔsɛn la, ka wɔsɛn duru, ń giɛ min mɛn bɛ́ giã-n kii dankan nɛ, bɛ yii baran wɔ yɛ wa, Sère Nɛ kɛ dɔ a foo-yoo baran dɔ wɔ ganaa wa.