Sii-nyaan 4:11 - LAWA A BOO SONBORE

¹¹ «Wɔa Dɛnaa Lawa, n kɔnbɔ min tumaa nə n tɔ bɔ, ǹ nə n tɔ gole kɔ, ǹ nə n pàãdɛnaabaa dɔ̃. A giala, n din nə n màn tumaa zɛnaa, n din foo sii na á toa ǹ tan, n din nə́ n yiikoonaabaa kɔ ǹ la.»

LAWA A BOO SONBORE 2011

¹¹ «Wɔa Dɛnaa Lawa, n kɔnbɔ min tumaa nə n tɔ bɔ, ǹ nə n tɔ gole kɔ, ǹ nə n pàãdɛnaabaa dɔ̃. A giala, n din nə n màn tumaa zɛnaa, n din foo sii na á toa ǹ tan, n din nə́ n yiikoonaabaa kɔ ǹ la.»

Sii-nyaan 4:11 ပူးပေါင်းရင်းမြစ်များ

Siin Giala 1:1

Lɛlɛ-lɛlɛ Lawa na á lon laanka kanaa da.

Samayeli2 22:4

Masɛ n Dɛnaa Lawa para pii. Ma bɛ́ má bíi, má gɔ̀lɔ̀baa si maa zɔ́ɔn lɛn la.

Nehemii 9:5

Bɛ kio, Levii tɔrɔn kɛn, Zozoe ne, Kadimiyeli ni, Banii ni, Hasabunia nɛ, Serebia nɛ, Hodiya nɛ, Sebania nɛ, ka Petayaa nɛ, bɛn nə́ pɛ: «Ka yoo lon, ka barka da kaa Lawa, Dɛnaa Lawa lɛ nɛ yǎa duduu!» Zaman lɛ tɔn pɛ: N tɔ guguru kɛ die a n saa lon, tɔ mɛn bɛ́ màn tumaa mìi la, a miã ná a banban.

Zɔbu 36:3

Man die maa doɛ̃ lɛ boe sɔsɔɔ, ma maa Zɛnaali lɛ a peperebaa nyaa n nɛ.

Loen 18:3

Dɛnaa Lawa, ma nə n foo doɛ n din ganaa, man kiɛ n yele, ma kirisibaali. N din nə maa Lawa lɛa, ma foo doa ǹ bǎã lɛa, maa duru ǹ bǎã lɛa. N din nə ma tamaɛ, ma pàã n ka n din ni, n din nə ma kirisibiɛ.

Loen 68:34

A din lɛ n tɔ we lonən lon gɔ́ɔ̃ nɛ, a lon mɛn zɛnaa lɛlɛ-lɛlɛ. Á ke, a din lɛ n boo diɛ, a n diɛ ka lɛn gole ne.

Bɔ bɛ̀rɛbaa nɛ 20:11

A giala, lɛawaa sɔrɔ gɔ́ɔ̃ nɛ, Dɛnaa lon laanka tán zɛnaa, ka yìsi mu ni, ka ǹ gɔ́ɔ̃gɔ́ɔ̃ ǹ mànan tumaa nɛ. Sɛnɛ, a na á n susu lɛawaa sɔbaabaa ǹ wɔ pinaa. Bɛ lɛ taman yii ni, Dɛnaa barka wɔ bɛa susu ǹ pii kɛ lɛ nɛ, á baa a din wɔ lɛa.

Suusun 16:4

Mìi n Dɛnaa Lawa a sii zɛnaa tumaa la ka te. A na á min baraan dɔn zɛnaa koe pinaa taman yii.

Izayii 40:26

Ka n yii saa lon ka ga! Die na á leeren zɛnaa? Die nə ǹ diɛ tɔ wɔ ganaa kɔn kio ka sɔraasin bɛ́ lɔn? Min mɛn bɛ́ ǹ tumaa bíi ka ǹ tɔ nɛ, ǹ dɛnaa a kakabaa laanka a pàã la yii ni. Leere kɔn ba nyaabiɛ ǹ tɔ bíi ǹ bǎã-n wa.

Izayii 40:28

N ba bɛ doɛ̃ wa? N bin ma wa? Lawa mɛn bɛ́ a tan haalɛ bibi yǎa duduu, Dɛnaa Lawa, a din na á tán tumaa zɛnaa. Pàã a nyaabiɛ a ganaa duduu wa. A nɔmɛɛ wa. Dan ba a sii-doɛ̃ la wa.

Zeremii 10:11

Ka doamaa bɛ ka boo mɛn da ǹ nɛ, á ke: lawan mɛnɛn bɛ́ ǹ lon zɛnaa wa, ǹ tán zɛnaa wa, bɛn tá re n lui ǹ nə n bɔ tán la, ǹ papaã ǹ nə n bɔ kanaa.

Zeremii 32:17

«E! Dɛnaa Lawa, n din ni n tán laanka lon zɛnaa, ka n Pàã gole ne, ka n boo sii la nɛ! Sii kɔn ba kaka koe n ganaa wa.

Nya ǹ dín 14:15

«Wàa na á baa ka tá siin kɛn zɛnɛɛ? Wɔsɛn dɔn man minbuiinin lɛa ka ka bɛ́ lɔn. Wɔsɛn bɛ́ boo kɔɔ̃n mɛn pii ka nɛ, bɛ n ka kɛ nɛ, wɔsɛn wáa ka n bɔ kɛa dì kooron kɛn kio, ka wusoo ka da Lawa yiikoonaa kɛ ganaa, Lawa mɛn bɛ́ á lon laanka tán zɛnaa, ka yìsi mu ni ka a gɔ́ɔ̃gɔ́ɔ̃ ǹ màn tumaa nɛ.

Nya ǹ dín 17:24

Lawa nɛ, ǹ mɛn bɛ́ á kanaa da ka a gɔ́ɔ̃gɔ́ɔ̃ ǹ mànan nɛ. A n lon a Dɛnaa lɛa ka tán wɔ nɛ, bɛ lɛ nɛ, a ba giɛ̃ minbuiin a gɔn kion doen ne wa.

Rɔmu minin 11:36

A giala, màn tumaa n boe a din ni, a tumaa na a tan a din barka nɛ, a tumaa na a tan a din a lɛa. Lawa die a goã guguru miɛ̃ yǎa duduu. A n miɛ̃!

Efɛɛzi minin 3:9

Lawa na á bǐɛ̃ zɛnaa ma-n dɔn, mà ma n dɔ minin tumaa lɛ, ǹ Lawa a sii-durii kɛ a zɛnaa ǹ gɔn yɛ foaãnɛ. Lawa n màn tumaa zɛnaali lɛa. A din na á bɛa sii kɛ lɛ duru haalɛ lɛlɛ.

Timəə dí-pɛn 32:4

A din nə wɔ tamaɛ, a sii tumaa lɛ n piɛ̃ nɛ. A n sii tumaa siɛ a zii li, Lawa bɔlɔgoondɛnaa nɛ, kɔkɔrɔbaa ba a li wa, a n pepere, telee ne.

Ebrəə 1:10

«Dɛnaa, n din lɛ nə́ n kanaa da lɛlɛ-lɛlɛ. Lon dɔ nə́ n din gɔn a màn zɛnaa lɛa.

Ebrəə 1:2

Sɛnɛ sisia, giala-nyɔmiɛ biikoo kɛ li, Lawa na á boo da wɔ nɛ, ka a din a Nɛgiĩ kɛ barka nɛ. Lawa na á kanaa da ka bɛa Nɛgiĩ kɛ lɛ pàã nɛ, a na á ná a din dɔ bɔ á koa, mà a màn din tumaa a dɛnaa baa.

Sii-nyaan 1:6

Á wɔ bɔyaa á wɔ baa kiin lɛa, kun ka a din ni a kiibaa ǹ bǎã nɛ. Á wɔ baa Lawa a wúlu-bɔlen dɔn lɛa, mà wɔ dí nya ǹ Di Lawa nɛ. Gugurubaa laanka pàãyiidɛnaabaa goã Yezu Krita wɔ lɛa baraabaraa yǎa duduu! A n miɛ̃!

Sii-nyaan 10:6

á n liɛ ka Lawa nɛ, Lawa mɛn bɛ́ a yii n koo baraabaraa yǎa duduu, lon mànan ka tán mànan laanka yìsi mu li ǹ mànan-zɛnaali lɛa, á pɛ: «Biikoo kɔsɔ ba n koe doo wa.

Sii-nyaan 14:7

Á goã pii ka a lɛn gole-n kɛnɛn: «Ka nyɛ́ɛ baa Lawa nɛ, ka a guguru kɔ! A giala, a kiri wɔ minbuiinin ganaa biikoo dɔ. Lawa mɛn lon zɛnaa, ka tán nɛ, ka yìsi mu gole ne, ka mu yalan nɛ, ka bɛ guguru kɔ.»

Sii-nyaan 19:1

Bɛ kio, má ma, ka min gigiã lɛn nə boe lon, ǹ nə́ pii: «Aleluya! Lawa tɔ bɔ! Gɔ̀lɔ̀baa nɛ, ka gugurubaa nɛ, ka pàãyiidɛnaabaa nɛ, bɛn man wɔa Lawa wɔ lɛa.

Sii-nyaan 5:12

ǹ nə́ goã loe loe ka ǹ lɛn gole ne, ǹ nə́ pii: «Nsɛ Sère Nɛ mɛn bɛ́ ǹ nə́ Lawa a wúlu bɔ n nɛ lɛlɛ, ń kɔnbɔ ka pàãyiidɛnaabaa nɛ, ka pàãmabaa nɛ, ka sii-doɛ̃ nɛ, ka kakabaa nɛ, ka tɔ golebaa nɛ, ka guguru-kɔ nɛ, ka tɔ-bɔ nɛ.»

Sii-nyaan 5:2

Bɛ kio, má lon a dia dí-a wole pàãdɛnaa goon yɛ, a n pii ka lɛn gole ne: «Die n kɔnboe, a sɛ́wɔ kɛ a lɛ tã ǹ bǎã kɛ bɔyaa a bɔ a ganaa, a na a lɛ bũ?»

Sii-nyaan 5:9

Maǹ nə́ goã loe tii loe kɛnɛn: «Ń kɔnbɔ n sɛ́wɔ kɛ si, ń kɔnbɔ n na a lɛ tã ǹ bǎãn kɛn bũ, a giala, n din ni ǹ nə́ n baa *wúlu màn lɛa. Ń minin pii ka n din mà nɛ, ń kɔ Lawa la, ǹ nə́ zaman gigiã lɛa, tɔrɔ tumaa lɛa, gána tumaa minin lɛa, ǹ nə́ bɔlɔ tumaa pii.