Sii-nyaan 4:1 - LAWA A BOO SONBORE

¹ Bɛ kio, má kiɛnlɛ yɛ á n bũ lon. Ma goã má lɛn mɛn ma boe lɛlɛ ka bɛn wɔ bɛ́ lɔn, bɛ́ tɔ́n pɛ ma nɛ: «Da dii kànaa, sii mɛn bɛ́ re n zɛnɛɛ bɛ kio, ma á re nyɛɛ n nɛ.»

LAWA A BOO SONBORE 2011

¹ Bɛ kio, má kiɛnlɛ yɛ á n bũ lon. Ma goã má lɛn mɛn ma boe lɛlɛ ka bɛn wɔ bɛ́ lɔn, bɛ́ tɔ́n pɛ ma nɛ: «Da dii kànaa, sii mɛn bɛ́ re n zɛnɛɛ bɛ kio, ma á re nyɛɛ n nɛ.»

Sii-nyaan 4:1 ပူးပေါင်းရင်းမြစ်များ

Bɔ bɛ̀rɛbaa nɛ 1:1

Zakɔba lɛ a tɔ n Izirayeli, á woo Ezipti gána nɛ. A nɛnyaanan mɛnɛn nə wo kun ni, ka ǹ kion minin ni, bɛn tɔ á ke:

Bɔ bɛ̀rɛbaa nɛ 19:24

Dɛnaa pɛ Muizu ni: «Gisĩ, bɛ kio, n laanka Aarɔn dii. Wúlu-bɔlen kɛn laanka zaman lɛ baran n nanaa ǹ dii, ǹ da masɛ Dɛnaa li wa, màn mɛn bɛ́ toɛ, ma baran yoo ǹ gialaa wa.»

Bɔ bɛ̀rɛbaa nɛ 24:12

Dɛnaa pɛ Muizu ni: «Dii n da masɛ li kele lɛ la, n golee kànaa. Man die kɔlɔ sɛlɛɛn kɛn lɛn koe n la, ma dí-pɛn lɛn kiɛ̃ ǹ mɛnɛn ganaa ke lɛn. N die n Izirayeli nɛnyaanan lɛn daraa ǹ ganaa.»

Suusun 25:7

Bɛ̀ ǹ nə́ pɛ n nɛ mà n nə n zɔ̃ n da nyɛɛnɛ, bɛ á soɛ n yii puusə kɔ nɛ kii yɔrɔ-a.

Ezekieli 1:1

Masɛ Ezekieli lɛ̀ pɔsɔɔbaa ǹ wɔ li, a mui a siibaa ǹ wɔ a lɛawaa soorobaa ǹ wɔ pinaa, man má goã kun ka goa wolen kɛn nɛ Kebaara tà lɛ-a. Ma bɛ́ walan, lon nə́ n lɛ bũ, má siin yɛ Lawa a din nyaa siin lɛa.

Matiə 3:16

A bɛ́ á batɛmu da a ganaa, Yezu soo á n bɔ mu li. A din bǎã-n gɔrɔ, lon nə́ n lɛ bũ, Yezu Lawa a Yiri Fu yɛ ka zɛrɛkantoan bɛ́ lɔn gisĩ die a din la.

Marki 1:10

Bɛa bǎã-n gɔrɔ, Yezu a soomaa mu li, á lon yɛ n lɛ buĩ, á Yiri Fu yɛ gisĩ a din la ka zɛrɛkantoan bɛ́ lɔn.

Luku 3:21

Min tumaa bɛ́ batɛmu lɛ yii, Yezu dɔ́ woo bɛa batɛmu lɛ si. Yezu bɛ́ Lawa nyankoe, lon lɛ nə́ n bũ,

Zaã a sɛ́wɔ 16:13

Bɛ̀ Yiri Fu sonbore-pɛle lɛ daa ǹ mɛn waáraa, á die ka yiri fúli, ka sonbore tumaa dɔ̃. A giala, a bie re boo diɛ a din gɔn wìi a lɛa wa, sɛnɛ, a bɛ́ re màn mɛn miɛ, a n die bɛ lɛ pii; sii mɛn dɔ bɛ́ re n zɛnɛɛ, á re bɛ dɔ pii ka nɛ.

Nya ǹ dín 10:11

Á goã giɛ lon lɛ ganaa buĩ ni. Màn kɔ́n nə́ bɔ lon, ka mɔnaa gole bɛ́ lɔn, kuĩ ni a gùrù sii tumaa ganaa, á n die gisĩ.

Nya ǹ dín 7:56

Á pɛ: «Á ke, masɛ yii-n lon lɛ ganaa buĩ ni, Min a Nɛgiĩ n golee-n Lawa gusin.»

Sii-nyaan 1:10

Dɛnaa a lɛawaa pinaa, Lawa a Yiri Fu ma kũ, má lɛn gole goon ma ma kio, a wuu goã boe kaka ka bɛn lɛn bɛ́ lɔn.

Sii-nyaan 1:12

Má n yɔrɔ bɔyaa má n giɛ boo lɛ a dali li. Má tɔ́n sana bolon tàan koa ǹ bǎã sɔbaa yɛ.

Sii-nyaan 1:19

«N yii bɛ́ á siin mɛnɛn yɛ, ka ǹ mɛnɛn bɛ́ n zɛnɛɛ sisia, ka ǹ mɛnɛn bɛ́ re n zɛnɛɛ bɛ kio, bɛn tumaa kiɛ̃.

Sii-nyaan 11:12

Siéren lɛn paanan nə́ tɔ́n lɛn gole goon ma lon, a n pii ǹ ni: «Ka dii ka da kànaa!» Ǹ nə́ kaa labara goon ne ǹ nə́ dii lon, ǹ zɔ́ɔn lɛn yii ni.

Sii-nyaan 11:19

Lawa a kion mɛn bɛ́ lon, bɛ nə́ n lɛ bũ, má *lɛ kɔ kɔn la ǹ goo lɛ yɛ. Bɛ ganaa, la tɛ pɛpɛ, la gigini, la gii dadaran nə́ kaa, tán bìn da.

Sii-nyaan 16:17

Lon a dia dí-a wole sɔbaabaa ǹ wɔ dɔ tɔ́n a kaaran kɛ pɛsɛ̃ piɛ̃ li. Lɛn gole goon bɔ Lawa a Kion, a n boe kii dankan paǹ li, a n pii: «A n zɛnaa kəni!»

Sii-nyaan 19:11

Má lon yɛ a lɛ n buĩ ni, má tɔ́n sùi fu yɛ bii-a. Min mɛn bɛ́ á dii la, a tɔ n "Bɔlɔgoondɛnaa", ǹ nə́ bíi dɔn mà "Taãnɛ". A n kiri kuri, a n zia biɛ ka peperebaa nɛ.

Sii-nyaan 22:6

Lon a dia dí-a wole lɛ tɔ́n pɛ ma nɛ: «Boon kɛn man taãn lɛa, ǹ nə́ kɔnboe ka foo doamaa nɛ. Dɛnaa Lawa na á lɛ kɔ a boo gii-dalin la ka a din yiri ni, a ná a lon a dia dí-a wole dia, mà sii mɛnɛn bɛ́ re n zɛnɛɛ sisia mà a wo bɛ pɛ a dí-nyalin manɛ.»