Sii-nyaan 3:4 - LAWA A BOO SONBORE

⁴ «Ka bɛ tumaa nɛ, min tɛnɛn tá tɔn Sardə, ǹ tɔ́n *gɔ̀ sii kɔ́n zɛnaa ǹ nə́ n dinin tii-n wa. Bɛn tá re goɛ̃ kun ka ma nɛ, biikoo tumaa li ka mɔnaa fufun ni ǹ ganaa, a giala mà ǹ tá kɔnboe ne.

LAWA A BOO SONBORE 2011

⁴ Ka bɛ tumaa nɛ, min tɛnɛn tá tɔn Sardə, ǹ tɔ́n *gɔ̀ sii kɔ́n zɛnaa ǹ nə́ n dinin tii-n wa. Bɛn tá re goɛ̃ kun ka ma nɛ, biikoo tumaa li ka mɔnaa fufun ni ǹ ganaa, a giala mà ǹ tá kɔnboe ne.

Sii-nyaan 3:4 ပူးပေါင်းရင်းမြစ်များ

Kiin1 19:18

Sɛnɛ man die min duu sɔbaa (7 000) yii toɛ koo Izirayeli gána nɛ, ǹ mɛnɛn lɛn tumaa á ke, ǹ lɛ kɔ, ǹ nə́ ǹ musin kuruməə tán Baali yɔrɔ-a, ǹ ná a guguru kɔ wa.»

Loen 68:14

Kion bàan nyínin manɛ, ǹ nə́ wɔrɔ lɛa, ǹ nyàa kan nə́ sana yoreen yoreen lɛa. Die n die goɛ̃ waa-n tán sɔraasin bǎã kɛ nɛ?

Boo-laakalaali 9:8

Nyaǹ bɔ ǹ mɔnaan wɔ biikoo yii li, n nə n nyɛnyɛɛ sɔnbɔraanɛ.

Izayii 1:9

Bɛ̀ Dɛnaa Lawa Pàãyiidɛnaa bie á min tɛn yii toa koo wɔ bii wa, bɛ̀ wɔ n die papaɛ̃ lenlen ka Sodɔmu laanka Gomɔɔrɔ kiwi bɛ́ lɔn.

Izayii 52:1

N yii kaa, n yii kaa, n pàã nyaa *Siɔn. N mɔnaa sonboren wɔ Zeruzalɛmu, nsɛ kiwi sonbore. A giala, tiin ni ka min mɛnɛn bɛ́ gɔ̀dɛnan lɛa, bɛn gòã á re miɛ n li doo wa.

Izayii 59:6

Ka bɛ mɔnaa mɛn tiɛ̃, a boe la a mɔnaa baa wa. Kaa dí a là a mɔnaa biɛ doɛ̃ ka wɔ ka ganaa wa, kaa sii zɛnaan man ka baraabaa nɛ. Ka gɔnɔn man kakaarɛbaa ǹ dí dinsɔɔ̃ nyɛɛ.

Izayii 61:10

Dɛnaa Lawa taman yii, ma foo á kɔɔ̃nɛ á la yii ni. Ma nə n nyɛnyɛɛ maa Lawa a lɛa. Taãn nɛ, a nà a kirisibaa kɛ koe ma lɛ ká mɔnaa bɛ́ lɔn. A peperebaa ke, a n bɛ pɛnɛ ma ganaa ka mɔnaa gole bɛ́ lɔn. Man má kɔnbɔ ka kɔn-wɔle tii ni, á zɔ́n mɔnaa gɔn yii a mìi-a ka Lawa a wúlu-bɔle bɛ́ lɔn, hinlaa, ka lɔ tii bɛ́ lɔn á nyaǹ mànan wɔ.

Izayii 61:3

*Siɔn minin mɛnɛn bɛ́ gɛ̀ koɛ, ma doamaa nɛ ma mɔnaa gɔn sonbore pɛnɛ ǹ mìi ganaa gɛ̀ koa ǹ ton kɛ bǎã nɛ; ma doamaa nɛ ma nyɔɔ gìĩ kɔɔ̃n kaa ǹ ganaa ǹ gɛ̀ koa kɛ dòo. Ma doamaa nɛ ma zɔ́n mɔnaa wɔ ǹ ganaa ǹ foo ziziɛ̃ kɛ dòo lɛa. Ka bɛ-n kəni, ǹ tá re ǹ bíi: «Peperebaa ǹ da, dù gɔrɔ mɛn bɛ́ Dɛnaa Lawa a siĩnbaa nyɛɛ».

Izayii 64:6

Min kɔn ba n tɔ bii doo wa, min kɔn yii á we a n mɔrɔ n ganaa wa, a giala, n ba li n wɔ yɛ doo wa, ń wɔ toa wɔa sii baraan gɔn.

Lawa a wúlu-bɔlen 13:48

ta mɔnaa wùsu ni, boosa dɔnkɛ nɛ hinlaa sère ka wɔ nɛ, ta ki ni, hinlaa ta màn woo màn nɛ, ǹ nə́ zɛnaa ka ki ni,

Matiə 10:11

Bɛ̀ ka dɔ kiwi mɛn-a, ta kiwi gole ne, ta kiwi boɛɛn nɛ, ka ga min sonbore li ka n yu la, ka goã bɛa dɛnaa lɛ a kion miɛ̃, yǎa kaa wo bǎã kɔsɔ-n nə doe.

Marki 16:5

Ǹ bɛ́ ǹ nə́ wɔ yala lɛ nɛ, ǹ nə́ tɔntɔraa goon yɛ giã-n tán ǹ gusin, dɔnkɛ fu sasa ná a ganaa. Nyɛ́ɛ nə́ ǹ kũ parsiini.

Luku 20:35

Sɛnɛ, geren yii kaa li, Lawa bɛ́ re lɛ koe min mɛnɛn nə giã kanaa dii kɛ nɛ, bɛn ba re lɔ siɛ wa, lɔn dɔn ba re we giĩ li wa.

Luku 21:36

Sɛnɛ, ka n yii dɔraa, ka Lawa nyankɔ biikoo tumaa waáraa, màn mɛn bɛ́ toɛ, pàã yɛ ka lon, ka n bɔ bɛa biɛ̃ ǹ siin kɛn lɛn nɛ, ka boo la ka golee biɛ̃ ka foo tãbaa nɛ Min a Nɛgiĩ yɔrɔ-a kiri kuru ǹ bǎã nɛ.»

Nya ǹ dín 1:15

Kialandɛnan mɛnɛn lɛ bɛ́ soe-n kɔn, ǹ nə́ woo dɔ min paabiɛ ka fuə (120) kɛ miã. Ǹ kɔ́n pinaa Piɛrɛ yoo á golee dɔɔ̃nɔn lɛn bii, á pɛ:

Tesaloniki2 1:5

Kaa sii simaa lɛ n nyɛɛ, mà Lawa a kiri á pepere. Ka á boe la ka waa la ka bɛ-n kəni, mà ka á re we *Lawa a kiibaa kɛ nɛ, ka bɛ́ nɔmaa lɛ we ǹ mɛn lɛ a lɛa.

Zude 1:23

ka ǹ kirisibaa, ka ǹ gòã bɔ biɛ̃ ǹ tɛ kɛ lɛ. Ka makara bɔ gialakunun kɛn dɔn ganaa. Sɛnɛ, ka zɛnaa ka nyɛ́ɛ-n ka ganaa, màn mɛn bɛ́ toɛ, ka baran ǹ sɔ̀n bɔnɛɛ kɛ saa wa.

Sii-nyaan 1:11

Á goã pii: «N yii bɛ́ sii mɛn ganaa, a kiɛ̃ sɛ́wɔ nɛ, n dia Lawa a sɔmɔ sɔbaa kɛ la kiwin kɛn nɛ: Efɛɛzi kiwi ni ka Simirni kiwi ni, Pɛrgamu ni, Tiatiiri ni, Sardə ne, Filadɛlfii ni ka Lawodisee ne.»

Sii-nyaan 11:13

A din biikoo goon kɛ lɛ li, tán bìn-diɛ bɔbɔnɛɛ goon nə́ n zɛnaa. Á kiwi lɛ a talakɔn fùbaa ǹ wɔ dɛ á kaa. Min duu sɔbaa dɔ́ gã bɛa tán bìn-diɛ kɛ lɛ gɔ́ɔ̃ nɛ. Min mɛnɛn nə n bɔ a nɛ, nyɛ́ɛ gole bɛn kũ, ǹ nə́ lon a Lawa tɔ guguru kɔ.

Sii-nyaan 14:4

Ǹsɛn nə n dinin lɔlɔ *gɔ̀-n ka lɔn nɛ wa, ǹ nə́ goã yoreen ne. Ǹ nə́ goã koe Sère Nɛ kɛ kialan lɛ, ǹ nə́ woe bǎã din tumaa nɛ. Ǹ dinin man nə́ kirisibaa yɛ tán minbuiin tumaa bii, ǹ nə́ die màn tɔrɔ bibinaa biɛ, ǹ nə ǹ kɔ Lawa la ka Sère Nɛ kɛ nɛ.

Sii-nyaan 19:14

Lon a zia-baalin nə́ dii sùi fufun la, ǹ nə́ koe lɛ, ka dɔnkɛ fufu yii nɔnɔɔ nə́ ǹ ganaa, gɔ̀ ná a ba a wa.

Sii-nyaan 19:8

Ǹ nə́ lɛ kɔ la mà a mɔnaa yii nɔnɔɔ tɛ-pɛle wɔ, *gɔ̀ ná a ba a wa.» Bɛa mɔnaa lɛ n Lawa a min sonboren nya ǹ dí a yoreenbaa giala pii.

Sii-nyaan 3:18

Bɛ lɛ nɛ, ma á yiri koe n la: Bɛ̀ n tá zoɛ̃ mà n pàãma baa min sonborebaa gɔ́ɔ̃ nɛ, sana mɛn bɛ́ ǹ ná a *yoreen kɔ ka tɛ nɛ, da bɛ pii ma din lon n tɔn pàãma baa. Da mɔnaa fufun pii ma lon n wɔ n ganaa, n nə n tontoro a sìi kɛ duru ni. Dagòã pii n lɔ n yiin ganaa, ǹ tɔn wɔlɔ yɛ.

Sii-nyaan 3:5

Min mɛn bɛ́ re gɔ̀lɔ̀ biɛ, ǹ tá re mɔnaa fufun we miɛ̃. Ma a re ǹ tɔ tuturi ma bɔ yiikoonaa baa ǹ sɛ́wɔ kɛ-n wa. Ma á re pii maa Díi yɔrɔ-a, ka a lon a dia dí-a wolen ne, máa ma din wɔn manɛ.

Sii-nyaan 4:4

Kii dankan fuəwensii kɔsɔn nə́ dankan goon kɛ lɛ lɛnpɛnɛ, *min gole fuəwensii n giã nɛ ǹ tumaa nɛ, ǹ nə́ mɔnaa fufun wɔ ka sana kii bafolon ne ǹ mìin ganaa.

Sii-nyaan 6:11

Ǹ nə́ tɔ́n dɔnkɛ fu kɔ ǹ gogoonmaa la, ǹ nə́ pɛ ǹ nɛ: «Ka golee ka n yii da boɛɛn bɔrɔ. Ǹ doamaa bɛ́ nɛ ǹ ka dɔɔ̃n dí nya kun wolen mɛnɛn dɛ ǹ gã ka ka dɔn wɔ bɛ́ lɔn, yǎa bɛn lɛ piɛ̃.»

Sii-nyaan 7:9

Bɛ kio, má zaman gole yɛ, min kɔ́n ná a boe la a tá ǹ nimii wa. Ǹ nə́ golee ǹ gòãn la, kii dankan kɛ yɔrɔ-a ka Sère Nɛ kɛ nɛ, mɔnaa fufun ni ǹ ganaa ka gɔ̀lɔ̀baa ǹ da luun nə́ ǹ gɔn. Maǹ zaman gigiã lɛa, ǹ nə́ boe gána tumaa nɛ, ǹ nə́ tɔrɔ tumaa lɛa, ǹ nə́ bɔlɔ totoro tumaa pii.