Sii-nyaan 3:3 - LAWA A BOO SONBORE

³ N Boo Tii Kɔɔ̃n mɛn ma, a si ka we ne, n nə n yiri koa bɛ li. N foo doa a ganaa, n wusoo n sii baraan kio. Bɛ̀ n nə n gù kaa wa, n ba re maa daa biikoo doɛ̃ wa, ma á re die n tɔwɛɛ tán ka wurumu wɔ bɛ́ lɔn.

LAWA A BOO SONBORE 2011

³ N Boo Tii Kɔɔ̃n mɛn ma, a si ka we ne, n nə n yiri koa bɛ li. N foo doa a ganaa, n wusoo n sii baraan kio. Bɛ̀ n nə n gù kaa wa, n ba re maa daa biikoo doɛ̃ wa, ma á re die n tɔwɛɛ tán ka wurumu wɔ bɛ́ lɔn.

Sii-nyaan 3:3 ပူးပေါင်းရင်းမြစ်များ

Ezekieli 20:43

Kaa tɔ wɔ ǹ gɔn nɛ, kaa zɛnaa ǹ siin kɛn tumaa nɛ, ka ǹ mɛnɛn lɛn zɛnaa ká ka dinin gɔgɔrɛ kɔ nɛ, ka yiri á die gisĩ ka bɛn nɛ walan. Ka tìĩ á re boe ka dinin nyin ni, kaa sii baraan kɛn taman yii ká ǹ zɛnaa.

Ezekieli 36:31

Bɛa biikoo li, ka yiri á die gisĩ ka kaa giã ǹ gɔn baraa laanka kaa zɛnaa ǹ siin kɛn nɛ, ǹ mɛnɛn bɛ́ ǹ goã siĩn wa. Ka tìĩ á re boe ka dinin nyin ni, kaa sii baraan laanka kaa sii bɔbɔnɛɛn lɛn taman yii.

Matiə 25:13

Yezu tɔ́n pɛ ǹ nɛ: – Ka n yii toa koo, a giala, ka a bɛa pinaa doɛ̃ wa, ka ba a biikoo dɔ doɛ̃ wa.

Marki 13:33

Ka yiri bɔ ka dinin li, ka n mìi saa lon, a giala, ka a biikoo doɛ̃ wa.

Marki 13:36

Ka nyan toa a da ka tɔwaa tán nyuù-n wa.

Tesaloniki1 5:2

Ka dininmaan tá doɛ̃ parsiini. Dɛnaa a daa pinaa lɛ n die wɔ tɔwɛɛ, ka wurumu bɛ́ die min tɔwɛɛ tèlò-n lɔn.

Timote1 6:20

Haya Timote, màn mɛn nə n koa n li, a tamaa doɛ̃. N din kũ golee Lawa li baã boo kooron kɛn ganaa, ka liere soɛ boon kɛn nɛ, minin tá ǹ bíi "Sii-doɛ̃".

Timote2 1:13

N boo sonboren mɛnɛn ma ma lɛ-n, kɔ bɛn lɛn lɛ sii yɔrɔ nyaa ǹ siin lɛa. Goleemali laanka kɔn-narɛɛ mɛn bɛ́ wɔ lon, wɔa tá kun ka Yezu Krita-n lɛ gɔ́ɔ̃ nɛ, toa bɛn nə goã.

Ebrəə 2:1

Bɛ lɛ na á toa, wɔ sonboren mɛnɛn ma, ka daa wɔ n gɔn paraa bɛn ganaa ka kaka, màn mɛn bɛ́ toɛ, wɔ baran wusoo wɔ papaã wa.

Piɛrɛ2 1:13

Sɛnɛ, má yɛ máa á pepere, a ma toa maa tá kanaa kɛ gɔ́ɔ̃ nɛ, ma boo da ka nɛ, ma ka yiri gisĩ bɛa siin kɛn lɛn nɛ, màn mɛn bɛ́ toɛ, ka n yii dɔraa.

Piɛrɛ2 3:1

Maa giaáran lɛn, maa sɛ́wɔ lɛ a paabaa ǹ wɔ n ka kɛ nɛ, ma á kiɛ̃ diɛ ka la. Bɛa sɛ́wɔ màn paa lɛ din tumaa gɔ́ɔ̃ nɛ, man má ga li, máa man dɔ ka lɛ, ma ka yiri gisĩ daraan kɛn nɛ ká yɛ, màn mɛn bɛ́ toɛ, ka taasiɛ peperen wɔ.

Piɛrɛ2 3:10

Dɛnaa a lɛawaa lɛ a daa n die goɛ̃ ka wurumu wɔ bɛ́ lɔn, min yiri ná a ba li wa. Bɛa pinaa kɛ nɛ, lon nə die nyɛɛ ka nyɛ́ɛ da ǹ màn wuu gole ne, a màn tumaa n die kuĩ ǹ papaã. Kanaa laanka a gɔ́ɔ̃gɔ́ɔ̃ ǹ mànan tumaa á re nyɛɛ.

Sii-nyaan 16:15

Á ke, Dɛnaa boo mɛn da: «Man die ka tɔwɛɛ ka wurumu wɔ bɛ́ lɔn. Min mɛn bɛ́ n yiri koɛ a din li, a ná a mɔnaan we, bɛa dɛnaa wɔ á bǐɛ̃ koe, a re woe ka a gɔ̀nɔn kooro ne, ǹ na a sìi yɛ kanaa wa.»

Sii-nyaan 2:25

Sɛnɛ, sii mɛn bɛ́ ka gɔn, ka kũ kaka parsiini, yǎa maa daa doe.

Sii-nyaan 2:5

N yiri koa n bɔ a mɛnaa ǹ bǎã kɛ li! N wusoo n sii baraan kio, ka n sii zɛnaa nɛ, ka n bɛ́ ń goã zɛnɛɛ lɔn lɛlɛ. Bɛ̀ bɛ bie wa, ma á re die n gialaa, ma n bolon koa ǹ bǎã kɛ saa ma bɔ a bǎã nɛ.

Sii-nyaan 22:7

Yezu n pii: «Á ke, ma á die kànaa ka boɛɛn nɛ! Min mɛnɛn bɛ́ Lawa a boo gii-dalibaa ǹ boon kɛn miɛ sɛ́wɔ kɛ nɛ, ǹ nə́ ǹ lɛ sii, Lawa á re barka diɛ bɛn ganaa.»

Sii-nyaan 3:11

«Ma á die sisia. Pàã boɛɛn mɛn bɛ́ n gɔn, a kũ ka parsii ni, min nyan gɔ̀lɔ̀baa ǹ kii bafolo kɛ si n la wa.

Sii-nyaan 3:19

«Min mɛn bɛ́ kɔɔ̃n ma ganaa, man doree ka ma we ne. N gù kaa, n wusoo n sii baraan kio.

Sii-nyaan 3:2

Nsɛn mɛn bɛ́ n tɔn gã wa, n gù kaa, gialakun mɛn bɛ́ zoɛ̃ mà a tá giɛ̃, n dɔ lɛ, a nyan gã wa. A giala má yɛ, n sii-zɛnaan ba pepere maa Lawa yɔrɔ-a wa.