Sii-nyaan 3:1 - LAWA A BOO SONBORE

¹ Sɛ́wɔ kɛ kiɛ̃ n dia Sardən Lawa a sɔmɔ a lon a dia dí-a wole la: «Masɛ mɛn bɛ́ Lawa a yiri sɔbaa laanka a leere sɔbaa kɛ-n ma gɔn, man pii ka nɛ: Ma tá n nya ǹ dí doɛ̃. Tɔ nə n ganaa mà n yii n koo, sɛnɛ, a taãnbaa li ń gã!

LAWA A BOO SONBORE 2011

¹ Sɛ́wɔ kɛ kiɛ̃ n dia Sardən Lawa a sɔmɔ a lon a dia dí-a wole la: Masɛ mɛn bɛ́ Lawa a yiri sɔbaa laanka a leere sɔbaa kɛ-n ma gɔn, man pii ka nɛ: Ma tá n nya ǹ dí doɛ̃. Tɔ nə n ganaa mà n yii n koo, sɛnɛ, a taãnbaa li ń gã!

Sii-nyaan 3:1 ပူးပေါင်းရင်းမြစ်များ

Luku 15:24

A giala a n goon ka maa nɛ kɛ na á gã, a yii wusoo á kaa. A na á papaã, á wusoo á yɛ.» Ǹ nə́ yoo ǹ tá zɔ́n zɛnɛɛ.

Luku 15:32

Sɛnɛ, n diɛ̃ ke, táa a n goon ka a na á gã a yii kaa, a na á papaã á wusoo á yɛ. Wɔsɛn doamaa nɛ wɔ zɔ́n zɛnaa bɛa lɛa.»

Zaã a sɛ́wɔ 1:16

A bǐɛ̃baa ǹ màn lɛ kɔ́n dɔ wɔ yii-a, a na á daa bǐɛ̃ da bǐɛ̃ li.

Zaã a sɛ́wɔ 1:33

Ma goã doɛ̃ wa, sɛnɛ, Lawa mɛn nə ma dia, mà ma da batɛmu da minin ganaa mu li, bɛ lɛ na á pɛ ma nɛ mà ma bɛ́ re Yiri Fu yii gisĩ a da mɛ min mɛn la, mà a din lɛ n die minin kiɛ Lawa a zii ni ka Yiri Fu pàã nɛ.

Zaã a sɛ́wɔ 20:22

Bɛa boon lɛn diɛ kio, á piɛ̃ pɛ ǹ ganaa á pɛ ǹ nɛ: «Ka Lawa a Yiri Fu si.

Zaã a sɛ́wɔ 3:34

Lawa bɛ́ á min mɛn dia, bɛa dɛnaa lɛ n Lawa a boon pii, a giala, Lawa din na a Yiri koe la ka a parsiini.

Nya ǹ dín 2:33

Lawa saa á da gugurubaa ǹ bǎã nɛ a din gusin. A Díi nə n lɛ kɔ la ka Yiri Fu mɛn nɛ, á bɛ kɔ la á dia wɔ la. Ka yii bɛ́ sii mɛn tumaa ganaa, ka nə ǹ mɛn tumaa dɔ miɛ, a din Yiri Fu lɛ a dí ni.

Efɛɛzi minin 2:1

Lɛlɛ, ka ǹ ká goã geren lɛa Lawa wɔ paǹ li, kaa sã ǹ siin lɛa, ka kaa sii baraan nɛ.

Efɛɛzi minin 2:5

Bɛ lɛ nɛ, wɔ bɛ́ geren lɛa wɔa sã ǹ siin lɛa ǹ mɛn waáraa, a din na á wusoo á yiikoonaabaa kɔ wɔ la kun ka *Krita nɛ. Lawa a bǐɛ̃baa a lɛa nɛ ká kirisibaa.

Kolɔɔsi minin 2:13

Kasɛn mɛnɛn bɛ́ ká goã goon ka geren ne, kaa sii baraan laanka kaa soromabaa a lɛa, Lawa na á wusoo á ka yii kaa kun ka Krita lɛ din ni. Lawa lɛ na á wɔa sii baraan tumaa toa wɔ nɛ.

Timote1 5:6

Sɛnɛ, ǹ mɛn bɛ́ n taasɛ ka bɔlɔ sɛ̀-mui siin dininsɔɔ̃nɔn nɛ, bɛ na á gã, haalɛ ta a yii á koo sisia.

Zaaki 2:26

Sonbore ne, bɛ̀ fɔfoã ba min ni wa, a bɛ́ gere lɛa lɔn; goleemali dɔ n miɛ̃, bɛ̀ zɛnaa ǹ siin ba kun ni wa, goleemali gere ne.

Piɛrɛ1 1:11

Krita Yiri mɛn goã Lawa a boo gii-dalin lɛn li, bɛ na á saa lɛlɛ á nyaa ǹ nɛ, mà Krita lɛ á re fuu yii, mà bɛa fuun lɛn kio, mà á re wusii a gugurubaa yɛ. Lawa a boo gii-dalin lɛn man nə́ goã giɛ li ǹ dɔ̃, Krita Yiri bɛ́ á boon mɛnɛn nyaa ǹ nɛ, mà bɛn man die n zɛnɛɛ wàa biikoo laanka wàa siin li.

Zude 1:12

Biikoo mɛn waáraa, bɛ̀ ka á dɔɔ̃nbaa ǹ màn bii kun, soɛ-bɔlen kɛn lɛn man wɔ̀lɔ̀ baraa lɛa kaa sii-zɛnaa ganaa, a giala, ǹsɛn man sii lɛ zɛnɛɛ ka sìi doɛ̃baã nɛ, ǹ nə́ ǹ ba n yiri koɛ ǹ miãn nɛ wa, yǎa ǹ dinin. Maǹ kɔnboe ka labaran mɛnɛn bɛ́ piɛ̃ nə́ ǹ siɛ kiɛ̃ ǹ nɛ, ǹ nə́ ǹ ba la mu koe wa. Maǹ goon dɔn ka dan mɛnɛn bɛ́, ta ǹ nɛ-kɔ waáraa nɛ, ǹ ba nɛ koe wa; dan manɛ, ǹ gòonən nə́ bɔyaa lenlen, ǹ nə́ gã ǹ nə́ laa.

Sii-nyaan 1:11

Á goã pii: «N yii bɛ́ sii mɛn ganaa, a kiɛ̃ sɛ́wɔ nɛ, n dia Lawa a sɔmɔ sɔbaa kɛ la kiwin kɛn nɛ: Efɛɛzi kiwi ni ka Simirni kiwi ni, Pɛrgamu ni, Tiatiiri ni, Sardə ne, Filadɛlfii ni ka Lawodisee ne.»

Sii-nyaan 1:16

Leere sɔbaa na a gusin a gɔn nɛ, gɔya sa lɛn paanan lɛbɔle n soe a lɛ-n. A yɔrɔ goã tɛ pii ka penleen a wasa bɛ́ lɔn.

Sii-nyaan 1:20

Leere sɔbaa ke ń yɛ ma gusin ni, ka sana bolon koa ǹ bǎã sɔbaa kɛ nɛ, ǹ bɛ́ sii-duriin mɛnɛn giala pii, ǹ nə́ ke: Leere sɔbaa kɛ n Lawa a sɔmɔ sɔbaan kɛn lon a dia dí-a wolen lɛa, sana bolon koa ǹ bǎã sɔbaa kɛ n Lawa a sɔmɔ sɔbaa kɛ lɛa.»

Sii-nyaan 1:4

Masɛ ZAÃ nə fòo kɛ diɛ Lawa a sɔmɔ sɔbaa kɛ nɛ Azii gána nɛ. Min mɛn bɛ́ a goã a tan, a ná a tan, a n die die dɔn, yiri sɔbaa kɛ nɛ a kii dankan yɔrɔ-a, ka Yezu Krita nɛ, bɛn die ǹ bǐɛ̃ zɛnaa ka nɛ, ǹ là nyantoro kɔ ka la.

Sii-nyaan 2:13

Ma á doɛ̃, n bɛ́ giã-n bǎã mɛn nɛ, Sɛtaan dɔ a kii dankan nə doa-n walan. Sɛnɛ, n tá doa-n kɔn ka masɛ tɔ nɛ, n golee masɛ li daa wa, haalɛ ǹ bɛ́ ǹ nə́ maa siére bɔlɔgoondɛnaa Antipaasi dɛ á gã biikoo mɛn li ka li, Sɛtaan a giã ǹ bǎã kɛ lɛ nɛ.

Sii-nyaan 2:19

Ma á n sii-zɛnaan doɛ̃, n kɔn-narɛɛ nɛ, n foo-doa Lawa ganaa nɛ, n dí-nyɛɛ nɛ, n tá boe n foo la sii gigiã gɔ́ɔ̃ nɛ. Ma á doɛ̃ máa n nya ǹ dí gole kɔ kanna á la n lɛlɛ wɔ nɛ.

Sii-nyaan 2:2

N sii mɛn tumaa zɛnaa, má dɔ̃, n nə n doa ka yɔrɔ mɛn nɛ, má dɔ̃, n nə n foo kũ ka yɔrɔ mɛn nɛ, má bɛ dɔ dɔ̃. Ma á doɛ̃ máa n ba min baraan sii sii n ganaa doɛ̃ wa. Min mɛnɛn bɛ́ n dinin biɛ maa dia dí-a wolen lɛa, n nə́ n da ǹ gɔ́ɔ̃ li, n dɔ̃ mà soɛ-bɔlen manɛ.

Sii-nyaan 2:9

Ma á n fuun doɛ̃, ma á n doobaabaa dɔ doɛ̃, sɛnɛ, ka boo taãn nɛ, n tá pàãma lɛa! Min mɛnɛn bɛ́ n dinin biɛ Zuifun lɛa, ǹ nə́ ǹ ba a lɛa dɔn wa, bɛn bɛ́ boo baraa mɛn diɛ n wɔ paǹ li, ma á doɛ̃. Maǹ *Sɛtaan a lɛ-kaakun minin lɛa!

Sii-nyaan 3:15

Ma á n nya ǹ dí doɛ̃, n dí a nyantoto maa wɔ paǹ li wa, a wɛ̃-n dɔ-n wa. Man zoɛ̃ máa n dí goã nyantoto hinlaa wɛ̃ nɛ maa wɔ paǹ li.

Sii-nyaan 3:2

Nsɛn mɛn bɛ́ n tɔn gã wa, n gù kaa, gialakun mɛn bɛ́ zoɛ̃ mà a tá giɛ̃, n dɔ lɛ, a nyan gã wa. A giala má yɛ, n sii-zɛnaan ba pepere maa Lawa yɔrɔ-a wa.

Sii-nyaan 3:8

Ma á n nya ǹ dí doɛ̃. Ma á doɛ̃ máa n pàã a tɛ wa, sɛnɛ, ń maa boo lɛ si, n nə n piã ka ma-n wa. Ma á ke, má kiɛnlɛ bũ, má koa n nyɛɛnɛ, min kɔ́n ná a boe la a tã wa.

Sii-nyaan 4:5

La na á goã parɛɛ, a n tɛ pii kii dankan lɛ yɔrɔ-a. Lɛn dɔ goã boe walan. Bolon sɔbaa goã kuĩ dankan lɛ yɔrɔ-a, Lawa a Yiri sɔbaa kɛn ka bɛ nɛ.

Sii-nyaan 5:6

Má tɔ́n Sère Nɛ yɛ, kii dankan kɛ genli, màn yiikoonaa sii kɛ laanka min golen kɛn ná a lɛnpɛnɛ. Bɛa Sère Nɛ lɛ n ka maǹ ná a bɔlɔ kuru. A bɛn nə sɔbaa, a yii nàn dɔ n sɔbaa, Lawa yiri sɔbaa mɛn dia tán tumaa la, bɛn man ka bɛ nɛ.