Sii-nyaan 22:3 - LAWA A BOO SONBORE

³ Bɔ̀n ba min yii walan doo wa. Lawa laanka Sère Nɛ a kii dankan tá re goɛ̃ kiwi lɛ nɛ, a dí-nyalin nə́ die a guguru koe walan.

LAWA A BOO SONBORE 2011

³ Bɔ̀n ba min yii walan doo wa. Lawa laanka Sère Nɛ a kii dankan tá re goɛ̃ kiwi lɛ nɛ, a dí-nyalin nə́ die a guguru koe walan.

Sii-nyaan 22:3 ပူးပေါင်းရင်းမြစ်များ

Loen 16:11

N din nə yiikoonaabaa ǹ zii nyɛɛ ma nɛ. Nyɛnyɛɛ nə n din li, foo kɔɔ̃nbaa mɛn bɛ́ a ba nyɛɛ wa, bɛ n yii n din li.

Loen 17:15

Sɛnɛ, masɛ wɔ paǹ li, peperebaa gɔ́ɔ̃ nɛ, ma á re kɔn yii ka n din ni. Bɛ̀ má yoo lɔn, má kɔn yɛ ka n din ni, ma foo n nyɛɛ.

Izayii 12:6

Nsɛ mɛn bɛ́ giã-n *Siɔn, foo kɔɔ̃nbaa ǹ lɛ dɛ ka n foo tumaa nɛ, a giala, min mɛn bɛ́ kunun n ni, á gole Izirayeli a Lawa sonbore kɛ nɛ.

Izayii 51:11

A din yii goon ne: Dɛnaa Lawa min mɛnɛn si á ǹ kaa, ǹ tá re n bɔyɛɛ ǹ daa, ǹ wo Siɔn ka foo kɔɔ̃n lɛ-dɛ nɛ. Ǹ yɔrɔ n die goɛ̃ foo kɔɔ̃n lɛa yǎa duduu. Foo kɔɔ̃n laanka nyɛnyɛɛ n die koe ǹ lɛ. Nɔmaa laanka foo-ziziɛ̃ wɔlɔ á re lui ǹ ganaa.

Ezekieli 37:27

Ma á re goɛ̃ kun ka nɛ. Ma á re kaa Lawa biɛ, ka dɔn tá re maa zaman biɛ.

Ezekieli 48:35

Kungɔn mɛn bɛ́ re kiwi lɛ lɛnpɛnɛ, a sasabaa n die goɛ̃ gùrù yii duu fulukiwisi (18 000). A kũ bɛa pinaa lɛ ganaa, kiwi lɛ tɔ n die goɛ̃ ka kɛ nɛ: "Dɛnaa Lawa tá kànaa".

Zakarii 14:11

Minin tá re giɛ̃ kiwi lɛ nɛ, a ba re n yui doo wa. Minin tá re giɛ̃ a nɛ yii-nyɛɛ la.

Matiə 25:21

A mìinaa tɔ́n pɛ nɛ: «Á siĩni, dí-nyali sonbore, bɔlɔgoondɛnaa. Ma n nə́ n bɔlɔgoondɛnaa baa sii boɛɛn nɛ, bɛ lɛ taman yii, masɛ á die n koɛ sii gole mìi la. Da n nyɛnyɛɛ kun ka masɛ nɛ.»

Matiə 25:41

Bɛ kio, kii lɛ á die pii a gɔsɛdɛnan lɛn manɛ: «Lawa bɛ́ á barka bɔ kasɛn mɛnɛn nɛ, ka n zɔ̃ ka n bɔ masɛ ganaa! Tɛ mɛn bɛ́ a ba nimi wa, Lawa zɛnaa *Sɛtaan laanka a dia dí-a wolen manɛ, ka wo walan.

Zaã a sɛ́wɔ 12:26

Bɛ̀ min mɛn tá li a dí nya masɛ nɛ, yǎa ǹ dɛnaa koe masɛ kio lɛ; ma bɛ́ bǎã mɛn nɛ, maa dí-nyali dɔ á re goɛ̃ walan. Bɛ̀ min mɛn tá dí nyɛɛ masɛ nɛ, maa Díi á re bɛa dɛnaa guguru koe.

Zaã a sɛ́wɔ 13:32

Bɛ̀ má Lawa a gugurubaa nyaa, Lawa dinmaa dɔ á die masɛ a gugurubaa nyɛɛ a din li. Boɛɛnɛ, á die bɛ lɛ zɛnɛɛ.

Zaã a sɛ́wɔ 14:3

Bɛ̀ má woo bǎã zɛnaa má koa ka nɛ, ma á re wusii ma daa, ma ka goa ma wo ka nɛ ma din li, màn mɛn bɛ́ toɛ, ma bɛ́ bǎã mɛn nɛ, ka dɔn nə goã walan.

Zaã a sɛ́wɔ 17:24

Maa Díi, n min mɛnɛn kɔ masɛ la, ma din bɛ́ re goɛ̃ bǎã mɛn nɛ, man giɛ li, ǹ dɔn nə goã walan kun ka masɛ nɛ. N din gugurubaa mɛn kɔ masɛ la, ǹ bɛ yɛ, a giala, ń masɛ narɛ, haalɛ bɛ̀ kanaa tɔn nə n zɛnaa wa.

Timəə dí-pɛn 27:26

Min mɛn bɛ́ a re koe bɛa dí-pɛ kɛ lɛ a boon lɛ a ǹ lɛ pã wa, bɔ̀n na á bɛa dɛnaa yɛ! Bɛ kio, zaman lɛ tumaa pɛ: «A n miɛ̃!»

Sii-nyaan 7:10

Maǹ nə n lɛn siɛ lon ǹ nə́ pii: «Wɔa Lawa mɛn bɛ́ giã-n kii dankan nɛ, ka Sère Nɛ kɛ nɛ, gɔ̀lɔ̀baa n bɛn wɔ lɛa.»

Sii-nyaan 7:9

Bɛ kio, má zaman gole yɛ, min kɔ́n ná a boe la a tá ǹ nimii wa. Ǹ nə́ golee ǹ gòãn la, kii dankan kɛ yɔrɔ-a ka Sère Nɛ kɛ nɛ, mɔnaa fufun ni ǹ ganaa ka gɔ̀lɔ̀baa ǹ da luun nə́ ǹ gɔn. Maǹ zaman gigiã lɛa, ǹ nə́ boe gána tumaa nɛ, ǹ nə́ tɔrɔ tumaa lɛa, ǹ nə́ bɔlɔ totoro tumaa pii.