Sii-nyaan 21:4 - LAWA A BOO SONBORE

⁴ Á re ǹ yii mu tumaa tuturi a bɔ ǹ yɔrɔ nɛ, gɛ̀ ná a banban doo wa, gɛ̀-koa banban doo wa, duwəə ka là-paparɛɛ banban doo wa. Màn zizin kɛn nə́ papaã ǹ nə́ nya.»

LAWA A BOO SONBORE 2011

⁴ Á re ǹ yii mu tumaa tuturi a bɔ ǹ yɔrɔ nɛ, gɛ̀ ná a banban doo wa, gɛ̀-koa banban doo wa, duwəə ka là-paparɛɛ banban doo wa. Màn zizin kɛn nə́ papaã ǹ nə́ nya.»

Sii-nyaan 21:4 ပူးပေါင်းရင်းမြစ်များ

Loen 144:4

Minbuiin nɛ n ka piɛ̃ bɛ́ lɔn, a tá kanaa lɛ n kiɛ̃ ka lɛ̀ wúlu ni.

Izayii 25:8

Dɛnaa Lawa á re gɛ̀ papaɛ̃ duduu. Á re min tumaa yii mu tuturi. Á re a zaman tumaa a sìi nyɛɛ a bɔ ǹ ganaa. Dɛnaa Lawa na á pɛ.

Izayii 30:19

Nsɛ *Siɔn a zaman, nsɛ mɛn bɛ́ giã-n Zeruzalɛmu, n ba re wuu pii doo wa. Bɛ̀ n nə n lɛ dɛ Dɛnaa Lawa ganaa á re a bǐɛ̃baa nyɛɛ n nɛ. Bɛ̀ á n lɛ ma lɔn gɔrɔ, á re n lɛ sii.

Izayii 35:10

Dɛnaa Lawa min mɛnɛn kirisibaa, bɛn man die wusii ǹ daa. Maǹ die woe *Siɔn ka foo kɔɔ̃nbaa ǹ lɛ-dɛ nɛ. Ǹ yɔrɔ koa ǹ gɔn nə foo kɔɔ̃n lɛa, foo kɔɔ̃nbaa mɛn bɛ́ a nyɛɛ wa. Foo kɔɔ̃nbaa gole n die goɛ̃ ǹ li. Nɔmaa laanka ginii á re papaɛ̃.

Izayii 51:11

A din yii goon ne: Dɛnaa Lawa min mɛnɛn si á ǹ kaa, ǹ tá re n bɔyɛɛ ǹ daa, ǹ wo Siɔn ka foo kɔɔ̃n lɛ-dɛ nɛ. Ǹ yɔrɔ n die goɛ̃ foo kɔɔ̃n lɛa yǎa duduu. Foo kɔɔ̃n laanka nyɛnyɛɛ n die koe ǹ lɛ. Nɔmaa laanka foo-ziziɛ̃ wɔlɔ á re lui ǹ ganaa.

Izayii 60:20

N wasa á re miɛ wa. N mui a re n yii siɛ̃ wa. Taãn nɛ, masɛ Dɛnaa Lawa n die goɛ̃ n tɛ fúlu lɛa dan ná a ba la wa. N gɛ̀ koa biikoo á re nyɛɛ.

Izayii 61:3

*Siɔn minin mɛnɛn bɛ́ gɛ̀ koɛ, ma doamaa nɛ ma mɔnaa gɔn sonbore pɛnɛ ǹ mìi ganaa gɛ̀ koa ǹ ton kɛ bǎã nɛ; ma doamaa nɛ ma nyɔɔ gìĩ kɔɔ̃n kaa ǹ ganaa ǹ gɛ̀ koa kɛ dòo. Ma doamaa nɛ ma zɔ́n mɔnaa wɔ ǹ ganaa ǹ foo ziziɛ̃ kɛ dòo lɛa. Ka bɛ-n kəni, ǹ tá re ǹ bíi: «Peperebaa ǹ da, dù gɔrɔ mɛn bɛ́ Dɛnaa Lawa a siĩnbaa nyɛɛ».

Zeremii 31:12

Maǹ die, ǹ foo n kɔɔ̃nɛ, loe loe Siɔn kele la. Dɛnaa Lawa a bǐɛ̃baa ǹ mànan kɛn taman yii, ǹ yɔrɔ n tɛ pii, ǹ foo n kɔɔ̃nɛ: *Belee ne, duvɛ̃ nɛ, nyɔɔ buə̃ ne, sèren ne, bòen ne, diin ni. Maǹ die goɛ̃ ka dù gɔrɔ mɛn bɛ́ mu n boe sɔnbɔraa nɛ. Màn kɔn ba re nyaabiɛ ǹ ganaa wa.

Zeremii 31:13

Ǹ nɛlɔn tá re bɛ̀ biɛ ka foo kɔɔ̃n nɛ, nɛ tenən laanka min zizin tá re n nyɛnyɛɛ kun. Ma á re ǹ gɛ̀ koan bɔyɛɛ ma baa zɔ́n lɛa. Ǹ foo ziziɛ̃ gɔ́ɔ̃ nɛ ma á re ǹ foo wɛɛ, ma á re ǹ kiɛ̃ ka foo kɔɔ̃nbaa nɛ.

Ozee 13:14

Masɛ Dɛnaa Lawa, ma doamaa nɛ, ma bɛa minin kɛn waa ma ǹ bɔ geren piɛ, ma á re ǹ kirisibiɛ gɛ̀ ganaa. Gɛ̀, n pàã lɛ a ma-a? Geren piɛ, n gɛ̀ dɛ ǹ pàã lɛ a ma-a? Man die n yii tiɛ̃, ma a re makara doɛ̃ doo wa.

Matiə 24:35

Lon laanka tán tá re kiɛ̃, sɛnɛ, masɛ a boon kɛn ba re kiɛ̃ wa, maǹ goɛ̃ yǎa duduu.

Korɛnti1 15:26

A bɛ́ re a zɔ́ɔ mɛn ziziɛ̃ nyɔnyɔɔ, bɛ n ka gɛ̀ nɛ.

Korɛnti1 7:31

Min mɛnɛn bɛ́ dí nyɛɛ kanaa kɛ gɔ́ɔ̃ nɛ, ǹ ná a là yii, ǹ goã ka manə ǹ tɔn dí kɔ́n nya ǹ ná a là yɛ wa. A giala, kanaa kɛ bɛ́ yɔrɔ mɛn la, a re beleboe doo wa.

Korɛnti2 5:17

Bɛ̀ min golee Krita li, ǹ dɛnaa na á màn dii baa: a màn zizibaa nya, á ke, a n màn dii lɛa.

Korɛnti2 6:17

Bɛ lɛ a lɛa nɛ, Dɛnaa pɛ: «Ka n bɔ ǹ li ka goã ka gɔrɔn, màn mɛn bɛ́ a yoreen ma, ka nyan wo bɛ wɔlɔ li wa, masɛ din tá re ka kuĩ doɛ̃.

Ebrəə 12:27

Bɛa «gunyin goon doo» kɛ lɛ n nyɛɛ, mà kanaa diɛ kɛ lɛ a màn bìn-dali tumaa á re papaɛ̃, mà a bìn-dali baãnaa n die goɛ̃.

Piɛrɛ2 3:10

Dɛnaa a lɛawaa lɛ a daa n die goɛ̃ ka wurumu wɔ bɛ́ lɔn, min yiri ná a ba li wa. Bɛa pinaa kɛ nɛ, lon nə die nyɛɛ ka nyɛ́ɛ da ǹ màn wuu gole ne, a màn tumaa n die kuĩ ǹ papaã. Kanaa laanka a gɔ́ɔ̃gɔ́ɔ̃ ǹ mànan tumaa á re nyɛɛ.

Zaã1 2:17

A da yaa, kanaa kɛ n kiɛ̃ ka a yii bɔ màn li kɛ nɛ. Sɛnɛ, bɛ̀ min mɛn tá Lawa foo sii zɛnɛɛ, bɛ n goɛ̃ yǎa duduu.

Sii-nyaan 20:13

Yìsi mu gole ná a geren kɔ. Gɛ̀ laanka geren piɛ dɔ ná a geren kɔ. Ǹ nə́ didie tumaa a kiri kuru a nya ǹ dí li.

Sii-nyaan 20:14

Ǹ nə́ gɛ̀ laanka geren piɛ kũ ǹ nə́ ǹ zũ tɛ panapana kɛ nɛ. Bɛa tɛ panapana kɛ lɛ n gɛ̀ a paabaa ǹ wɔ lɛ lɛa.

Sii-nyaan 21:1

Má tɔ́n lon dii laanka tán dii yɛ. Lon zizi kɛ laanka tán zizi kɛ papaã, yìsi mu gole dɔ din banban doo wa.

Sii-nyaan 22:3

Bɔ̀n ba min yii walan doo wa. Lawa laanka Sère Nɛ a kii dankan tá re goɛ̃ kiwi lɛ nɛ, a dí-nyalin nə́ die a guguru koe walan.

Sii-nyaan 7:17

A giala, Sère Nɛ mɛn bɛ́ golee-n kii dankanan kɛn bii, bɛ á re ǹ lɛduĩ, á re woe ǹ ne yiikoonaabaa ǹ mu yala lɛa. Lawa á re ǹ yii mu tumaa tuturi a bɔ ǹ yɔrɔ nɛ.»