Sii-nyaan 21:3 - LAWA A BOO SONBORE

³ Má lɛn kaka goon ma boe kii dankan paǹ li, a n pii: «Kanna, Lawa a giã ǹ bǎã lɛ á ke minbuiinin bii! A n die giɛ̃ kunun ǹ ni, ǹ ná a din a zaman baa. Lawa dinmaa n die goɛ̃ kunun ǹ ni, a ǹ Lawa baa.

LAWA A BOO SONBORE 2011

³ Má lɛn kaka goon ma boe kii dankan paǹ li, a n pii: «Kanna, Lawa a giã ǹ bǎã lɛ á ke minbuiinin bii! A n die giɛ̃ kunun ǹ ni, ǹ ná a din a zaman baa. Lawa dinmaa n die goɛ̃ kunun ǹ ni, a ǹ Lawa baa.

Sii-nyaan 21:3 ပူးပေါင်းရင်းမြစ်များ

Kiin1 8:27

Lawa á die boe la sonbore a tán baa a giã bǎã lɛa? Lon lɛ din laanka a golebaa nɛ, bɛ ba a giã ǹ bǎã boe wa, n tɔn kion kɛ pɛ má dɔ!

KZS2 6:18

Lawa á die boe la sonbore a tán baa a giã ǹ bǎã lɛa? Lon lɛ din laanka a golebaa nɛ, bɛ ba a giã ǹ bǎã boe wa, n tɔn kion kɛ pɛ má dɔ!

Bɔ bɛ̀rɛbaa nɛ 25:8

Izirayeli nɛnyaanan lɛn tá re ma guguru kɔ ǹ bǎã zɛnɛɛ, ma á re goɛ̃ ǹ bii.

Bɔ bɛ̀rɛbaa nɛ 29:45

Masɛ n die goɛ̃ Izirayeli nɛnyaanan bii, ma goã Lawa lɛa ǹ yii li.

Izayii 12:6

Nsɛ mɛn bɛ́ giã-n *Siɔn, foo kɔɔ̃nbaa ǹ lɛ dɛ ka n foo tumaa nɛ, a giala, min mɛn bɛ́ kunun n ni, á gole Izirayeli a Lawa sonbore kɛ nɛ.

Zeremii 31:33

Dɛnaa Lawa n pii doo: – Ma bɛ́ re lɛ kɔ kɔn la mɛn we ka Izirayeli minin ni bɛa waáraa lɛ nɛ, á ke. Ma á re maa dí-pɛn kɛn we ǹ yiri ni, ma wɔ ǹ foo ne. Ma á re ǹ Lawa biɛ, ǹ dɔn tá re maa zaman biɛ.

Zeremii 32:38

Ǹ tá re wusii ǹ maa zaman baa, ma dɔ á re ǹ Lawa biɛ.

Ezekieli 37:27

Ma á re goɛ̃ kun ka nɛ. Ma á re kaa Lawa biɛ, ka dɔn tá re maa zaman biɛ.

Ezekieli 43:7

Á tɔ́n n toa ma ganaa: «Minbuiin a nɛ ganaa, bǎã kɛ lɛ n masɛ a kii dankan laanka maa gòãn kaa ǹ bǎã lɛa. Man die giɛ̃ Izirayeli minin lɛn bii walan, yǎa duduu. «Izirayeli tɔrɔn lɛn ba re ma tɔ sonbore kɛ ziziɛ̃ doo ka ǹ dì wúlu bɔn laanka ǹ kiin kɛn gere bĩ walan nɛ wa.

Ezekieli 48:35

Kungɔn mɛn bɛ́ re kiwi lɛ lɛnpɛnɛ, a sasabaa n die goɛ̃ gùrù yii duu fulukiwisi (18 000). A kũ bɛa pinaa lɛ ganaa, kiwi lɛ tɔ n die goɛ̃ ka kɛ nɛ: "Dɛnaa Lawa tá kànaa".

Zakarii 13:9

Ǹ talɛɛ goon mɛn lɛ yii bɛ́ re goɛ̃ koo, man die ǹ zoɛ̃ ka tɛ nɛ, ma ǹ yoreen kɔ ka ǹ bɛ́ wɔrɔ yoreen koe lɔn, man die ǹ yoe ka ǹ bɛ́ sana yoe lɔn. Bɛa biikoo li kəni, ǹ tá re ma bíi we, ma á re ǹ lɛ sii, ma pɛ ǹ nɛ "Ka n maa zaman lɛa", ǹ dɔn tá re pii: "Dɛnaa Lawa, n nə n wɔa Lawa lɛa".»

Zakarii 8:8

«Man die wusii ma da ǹ nɛ, màn mɛn bɛ́ toɛ ǹ giã Zeruzalɛmu. Ǹ tá re maa zaman biɛ, ma dɔ á re ǹ Lawa biɛ, Lawa pepere bɔlɔgoondɛnaa lɛa.»

Minin nimi 9:16

A na á goã miɛ̃ baraabaraa. Tɛmaa bara lɛ na á goã n kumii kion lɛ ganaa, tèlò-n a na á goã ka tɛ bɛ́ lɔn.

Zaã a sɛ́wɔ 1:14

Bɛa Boo kɛ lɛ na á n baa minbuiin nɛ lɛa, á giã wɔ bii. Wɔ́ a gugurubaa yɛ, Díi Lawa din bɛ́ á gugurubaa mɛn kɔ a Nɛgiĩ goon toto la. Bǐɛ̃baa laanka sonborebaa tá a lon parsiini.

Zaã a sɛ́wɔ 14:23

Yezu pɛ nɛ: – Bɛ̀ min mɛn tá masɛ narɛ, bɛa dɛnaa tá re masɛ a boo sii. Maa Díi dɔ á re bɛa dɛnaa narɛ, ma laanka maa Díi á re die bɛa dɛnaa li, wɔ giã a li.

Korɛnti2 6:16

Lawa a kion a wàa n boe la a goã kun ka min kooron wúlu bɔ ǹ mànan nɛ? A giala, wɔ ǹ Lawa yiikoonaa a kion lɛa. Ka a din bɛ́ á pɛ lɔn: «Ma á re giɛ̃ ǹ bii, ma goã ǹ li. Ma á re ǹ Lawa biɛ, ǹ tá re maa zaman biɛ.»

Korɛnti2 6:18

Ma á re kaa díi biɛ, ka dɔn tá re maa nɛgiĩn biɛ ka maa nɛlɔn nɛ. Dɛnaa Pàãyiidɛnaa na á pɛ miɛ̃.»

Tesaloniki1 3:11

Wɔ Di Lawa dinmaa laanka wɔa Dɛnaa Yezu die ǹ zii kɔ wɔ la, wɔ da bɔ ka li!

Ebrəə 11:16

Sonbore, maǹ nə́ goã giɛ dikion li, màn mɛn bɛ́ soɛ ǹ miãn manɛ, bɛ giala, mà lon wɔ ke. Bɛ lɛ nɛ, bɛ̀ bɛa minin kɛn lɛn tá Lawa bíi, mà ǹsɛn Lawa, a ba sìi lɛa a ganaa wa. Á kiwi zɛnaa ǹ nɛ dinin.

Ebrəə 8:10

Ma bɛ́ re lɛ kɔ kɔn la dii mɛn we ka Izirayeli tɔrɔ minin kɛn nɛ, bɛ á ke: Ma din Dɛnaa n pii, máa bɛa lɛawaan kɛn lɛn kiɛ̃ kio, man die maa dí-pɛn we ǹ yiri ni, man die ǹ kiɛ̃ ǹ foo ganaa. Ma á re goɛ̃ ǹ Lawa lɛa, ǹ dɔn tá re goɛ̃ ma din a tɔrɔ lɛa.

Ebrəə 8:2

A n wúlu bɔ ǹ dí nyɛɛ *wúlu bɔ ǹ bǎã nɛ, bɛ giala, mà Lawa a kion taãn kɛ nɛ. Lawa din na á bɛa kion lɛ dɔ, min bie á dɔ wa.

Sii-nyaan 10:4

La a paraa sɔbaa lɛn nə gini, ǹ nə́ boo mɛn da, ma bɛ́ máa man kiɛ̃, má lɛn goon ma boe lon, á n pii ma nɛ: «La a paraa sɔbaa kɛ boo mɛn da, a gũ n gɔ́ɔ̃ nɛ, n nyan kiɛ̃ wa.»

Sii-nyaan 10:8

Ma goã má lɛn mɛn ma lon, bɛ́ wusoo á pɛ ma-n doo: «Lon a dia dí-a wole mɛn bɛ́ golee-n lon yìsi mu gole la ka tán nɛ, ka sɛ́wɔ boɛɛn lɛ buĩmaa nɛ a gɔn, wo sɛ́wɔ lɛ si la.»

Sii-nyaan 12:10

Má lɛn gole goon ma, boe lon, a n pii: «Sisia wɔa Lawa na á gɔ̀lɔ̀baa yɛ! A ná a din pàã nyaa, a ná a kiibaa saa. Sisia, a bɛ́ á min mɛn bɔ á baa kii lɛa, pàã n bɛ gɔn! A giala wɔ dɔɔ̃nɔn biɛ-kɔle na á fɔ̃, asɛ mɛn bɛ́ á goã ǹ biɛ koe tèlò-n ka baayɛlɛ nɛ, wɔa Lawa yɔrɔ-a, ǹ nə́ bɔ lon ǹ nə́ zũ tán.

Sii-nyaan 21:7

Min mɛnɛn bɛ́ re gɔ̀lɔ̀baa yii, ma din nə die bǐɛ̃ kɛ biɛ ǹ nɛ, ma á re ǹ Lawa biɛ, ǹ dɔn tá re n biɛ maa nɛnyaanan lɛa.

Sii-nyaan 22:3

Bɔ̀n ba min yii walan doo wa. Lawa laanka Sère Nɛ a kii dankan tá re goɛ̃ kiwi lɛ nɛ, a dí-nyalin nə́ die a guguru koe walan.

Sii-nyaan 7:15

Bɛ lɛ n toɛ ǹ tá golee ne, Lawa a kii dankan yɔrɔ-a, ǹ nə́ Lawa guguru koe baayɛlɛ ka tèlò ne Lawa a Kion. Min mɛn bɛ́ kii dankan lɛ nɛ, bɛ á re a din a wúlu kumii ǹ la.