Sii-nyaan 20:9 - LAWA A BOO SONBORE

⁹ Ǹ nə́ ke ǹ nə́ soo kanaa paǹ tumaa li, ǹ nə́ die, Zeruzalɛmu kiwi mɛn bɛ́ kɔɔ̃n Lawa ganaa, a din a minin giã ǹ bǎã lɛa, ǹ nə́ bɛ lɛnpɛnɛ. Sɛnɛ, tɛ bɔ lon á daa ǹ tumaa kũkũ.

LAWA A BOO SONBORE 2011

⁹ Ǹ nə́ ke ǹ nə́ soo kanaa paǹ tumaa li, ǹ nə́ die, Zeruzalɛmu kiwi mɛn bɛ́ kɔɔ̃n Lawa ganaa, a din a minin giã ǹ bǎã lɛa, ǹ nə́ bɛ lɛnpɛnɛ. Sɛnɛ, tɛ bɔ lon á daa ǹ tumaa kũkũ.

Sii-nyaan 20:9 ပူးပေါင်းရင်းမြစ်များ

Siin Giala 19:24

Bɛa biikoo li, Dɛnaa kiribi tɛdɛnaa kaa Sodɔmu kiwi laanka Gomɔɔrɔ kiwi la, ka la bɛ́ kiɛ lɔn. Bɛ na á goã boe Dɛnaa din li lon.

Kiin2 6:15

Lawa a min Yiliizee lɛ a dí-nyali yoo baayɛlɛ yiisoone á soo, bɛ̀ sɔraasin nə́ ke ka sùin ni, ka ziabaa ǹ wotoron ne, ǹ nə́ kiwi lɛ lɛnpɛnɛ. Á n toa Yiliizee ganaa: «Dɛnaagiĩ, eebe! Wɔsɛn man die wàa zɛnɛɛ?»

Zɔbu 38:18

N tá tán kɛa pəməbaa doɛ̃? A pɛ ma ma kəni, n din bɛ́ bɛa sii lɛ tumaa doɛ̃.

Loen 106:18

Tɛ kɔn dɔ gisĩ ǹ minin lɛn la, á ǹ kũ, tɛ lɛ bɛa min baraan kɛn lɛn ziziɛ̃.

Loen 87:2

Kiwi lɛ laanka a kiɛnlɛn tá kɔɔ̃n Dɛnaa Lawa ganaa, á la kiwin tumaa nɛ, Izirayeli gána lɛ nɛ.

Loen 97:3

Tɛ n tɔ we a nyɛɛnɛ, a na a zɔ́ɔn tiɛ̃ paǹ tumaa li.

Izayii 30:33

Tɛ kɔn yɔrɔ boemaa nɛ haalɛ bibi, a n Asiiriin kii wɔ lɛa. Yala zuzulu pəmə goon gɔ́ɔ̃ nɛ, maǹ nə́ gɔn da kɔn la buurii ni tɛ lɛ wɔ lɛa. Dɛnaa Lawa lɛ gɔ́ɔ̃ ǹ piɛ̃ ke ka kiribi tɛdɛnaa bɛ́ lɔn, bɛ n die tɛ lɛ diɛ.

Izayii 37:36

Dɛnaa Lawa a lon a dia dí-a wole soo, á min duu paabiɛ ka pɔkiwisi ka sooro (185 000) dɛ Asiirii minin giã ǹ bǎã nɛ. A lɛawaa baayɛlɛ, sɔraasin lɛn nə́ yoo. Á ke, bɛ̀ geren nə́ ke tán bǎã yii ni.

Ezekieli 38:16

N tá re die maa zaman Izirayeli minin lɛn gialaa, n kɔ n lɛ ka labara bɛ́ lɔn. Bɛ n die n zɛnɛɛ biikoo giala nyɔmiɛ̃ waáraa. Ma á re nsɛ Gɔgu diɛ, n wo maa gána minin lɛn gialaa, màn mɛn bɛ́ toɛ, tɔrɔ kɔsɔn nə maa Lawabaa dɔ̃.

Ezekieli 38:22

Ma á re piɛ̃ busu laanka zia biɛ dɔlɔ lɛa ma da ka mìi ni, bɛ minin dɛdɛ. N laanka n sɔraasin kɛn nɛ ka zaman kɔsɔn kɛ nɛ, ma á re la gole kiɛ ka la ka gii ni, kiribi tɛdɛnaa ń kun ni.

Ezekieli 38:9

«N din ni, n sɔraasin tumaa laanka tɔrɔ gigiã kɔsɔn mɛnɛn bɛ́ kunun n ni, ka die ka yoo ka piɛ̃ gole bɛ́ lɔn ka wo gána lɛ gialaa, ka wo kɔ lɛ ka labara wɔ bɛ́ lɔn.»

Ezekieli 39:6

Ma á re tɛ kiɛ Magɔgu gána kɛ laanka tà lɛ-a minin kɛn la, ǹ mɛnɛn bɛ́ taasɛ, mà ǹsɛn tá là nyantoro la. Ǹ tá re doɛ̃ bɛa biikoo li, mà masɛ din nə Dɛnaa Lawa lɛa.

Misee 2:13

Min mɛn lɛ bɛ́ zii buĩ ǹ ni, bɛ lɛ n woe ǹ nyɛɛnɛ. A zii mɛn bũ ǹ ni, ǹ nə́ bɔ ka bɛ nɛ, ǹ nə́ soo. Ǹ kii lɛ mɛ ǹ nyɛɛnɛ, Dɛnaa Lawa mɛ ǹ nyɛɛnɛ.

Abakuku 1:6

Á ke, man die *Baabilonii minin kiɛ ka-a, ǹsɛn mɛnɛn bɛ́ kakaarɛ, ǹ nə́ ǹ ba makara doɛ̃ wa. Maǹ woe bǎã tumaa nɛ, ǹ wo gánan kũ, ǹ mɛnɛn bɛ́ ǹ ba ǹ wɔ lɛa wa.

Minin nimi 11:1

Ǹ kɔn pinaa, zaman lɛ zùũzùũ si. Bɛ kɔɔ̃n kɔ Dɛnaa Lawa ganaa wa. A bɛ́ á ǹ lɛ ma, a foo yoo taãn-taãnɛ. Dɛnaa Lawa tɔ́n bɔ̀n da zaman lɛ ganaa ka tɛ nɛ. Bɛa tɛ lɛ giã ǹ bǎã lɛ lɛkoro kũ.

Minin nimi 16:35

Min biɛpaa ka posooro mɛn dɔ goã wúlu boe ka da yon gìĩ kɔɔ̃n lɛ nɛ, Dɛnaa Lawa tɛ dɛ á da bɛn dɔn-a ǹ nə́ kũ ǹ yii n koo.

Luku 17:29

Sɛnɛ, Lɔti soo á n bɔ Sodɔmu ǹ mɛn pinaa, Lawa na á tɛ laanka kiribi bɔ lon á kaa kiwi lɛ a minin la ka la bɛ́ lɔn, á ǹ tumaa dɛ.

Luku 19:43

A giala lɛawaan tá re die, n zɔ́ɔn tá re n lɛnpɛnɛ, ǹ nə n yɔrɔ bɔ taãn-taãnɛ, ǹ nə n lɛ gɛwaa n paǹ din tumaa ganaa.

Luku 21:20

«Ka bɛ́ re zia gɔnɔn yii ǹ mɛn waáraa Zeruzalɛmu kiwi lɛnpɛnɛ, ka dɔ̃ mà a yu biikoo dɔ.

Luku 9:54

Kialandɛnaa Zaaki laanka ZAÃ bɛ́ ǹ nə́ bɛ yɛ, ǹ nə́ pɛ: «Dɛnaa, n tá li wɔsɛn nə pɛ wáa tɛ bɔ lon a kaa minin kɛn la a ǹ kũ?»

Timəə dí-pɛn 23:14

Yala fɔ̃ ǹ màn doamaa nɛ a goã kun ka zia-baalin lɛn gogoonmaa a mànan nɛ. Bɛ̀ ǹ mɛn woo gòɛrɛ kɔ, a yala fɔ̃ nɛ, bɛ kio a tii nyanaa nɛ, bɛ̀ a kɔ a gòɛrɛ lɛ.

Tesaloniki2 1:8

A n die die tɛ buə̃ bii, min mɛnɛn bɛ́ ǹ nə́ n piã ka Lawa doɛ̃ nɛ, ǹ nə́ n piã ka wɔa Dɛnaa Yezu a Boo Tii Kɔɔ̃n kɛ dɔ nɛ, a dɔlɔ bɔ bɛn ganaa.

Ebrəə 13:13

Ka daa wɔ dɔn nə soo, wɔ wo a li kiwi lɛ kio, wɔ dɔn na a din sìi kɛ lɛ si wɔ ganaa.

Sii-nyaan 11:5

Bɛ̀ min mɛn tá giɛ li mà a sii baraa zɛnaa ǹ nɛ, tɛ n soe ǹ lɛ-n bɛ̀ a ǹ zɔ́ɔn kũkũ. Bɛ lɛ nɛ, bɛ̀ min mɛn ga ǹ lɛ li, bɛa dɛnaa n die giɛ̃ bɛa yɔrɔ kɛ lɛ la.

Sii-nyaan 13:13

Bɛa Tɔɔ paabaa ǹ wɔ lɛ na á goã kaãbaa ǹ sii dadaran zɛnɛɛ, á goã tɛ gisĩ lon kiɛ tán la, min din tumaa yii ni.