Sii-nyaan 20:2 - LAWA A BOO SONBORE

² Á tɔɔ babaraa piɛ̃ wole kɛ kũ á da fɔlɔ biɛ nɛ, mà yǎa lɛ̀ duu goon. A din lɛ n lɛlɛ a miɛ̃ lɛ lɛa, ǹ nə́ bíi nɔ̀ɔn babaraan kiã, ǹ nə́ bíi *Sɛtaan dɔn.

LAWA A BOO SONBORE 2011

² Á tɔɔ babaraa piɛ̃ wole kɛ kũ á da fɔlɔ biɛ nɛ, mà yǎa lɛ̀ duu goon. A din lɛ n lɛlɛ a miɛ̃ lɛ lɛa, ǹ nə́ bíi nɔ̀ɔn babaraan kiã, ǹ nə́ bíi *Sɛtaan dɔn.

Sii-nyaan 20:2 ပူးပေါင်းရင်းမြစ်များ

Siin Giala 3:1

Dɛnaa Lawa don mànan mɛnɛn tumaa zɛnaa, miɛ̃ yiri goã wooro, á la ǹ tumaa nɛ. Á nɔ̀n da lɔ la kɛnɛn: «Lawa pɛ ka nɛ sonbore, mà ka baran dù gɔrɔ lɛ a da nɛ kɔ́n bii wa?»

Siin Giala 3:15

Ma á re baraabaa diɛ n laanka lɔ bii ni, ma da n tɔrɔ laanka lɔ tɔrɔ bii ni. Lɔ tɔrɔ á re n mìi yɔyɔrɛ, n dɔ á re lɔ tɔrɔ yawɛɛ a gòãtoro ganaa.»

Zɔbu 1:7

Dɛnaa Lawa nɔ̀n da Zɔ́ɔ lɛ la kɛnɛn: «Ma n boe maa kəni?» Zɔ́ɔ lɛ Dɛnaa Lawa lɛ si: «Ma ma woo n bibiə̃ kanaa, má kɔɔ̃naa wɔ.»

Izayii 24:22

Maǹ die ǹ lɛ soekɔn ka kòso nɛn bɛ́ lɔn nyankɔrɔ gole ne. Maǹ die goɛ̃ kòso ne. Bɛ kio, bɛ̀ á belebɔ, ǹ doamaa nɛ ǹ nə n bɔlɔ pɛ.

Izayii 27:1

Bɛa pinaa, Dɛnaa Lawa á re yui *Leviatan gialaa ka a gɔya sa kaka pàãdɛnaa kɛ nɛ, Leviatan lɛ n miɛ̃ baa-sili lɛa. Leviatan piɛ̃maa-n ka taasiɛ baraa nɛ. Dɛnaa Lawa á re bɛa mu li ǹ màn babaraa lɛ dii.

Ezekieli 47:5

Bɛ kio doo, á wusoo á gùrù yii duu goon zɔɔ̃. Bɛa bǎã a mu na á goã mu gole lɛa ma goã boe la ma á kuri wa. A giala, mu lɛ na á goã á dii lon, min ba boe la á kuri ka yɔrɔ kɔsɔ-n wa, yǎa bɛ̀ á mu biɛ doɛ̃.

Matiə 19:29

Bɛ̀ min mɛn ná a kionən toa walan masɛ tɔ taman yii, ǹ dɔɔ̃ngiĩn ni, ǹ miãnɛnɛn nɛ, ǹ di laanka ǹ dan nɛ, a nɛnyaanan nɛ, hinlaa a wuru ni, bɛa dɛnaa á die bɛ din tumaa a laman paabiɛ yii, a wusoo a nyin nyabaã dɔ yɛ.

Matiə 8:29

Ǹ nə́ yoo ǹ nə́ n lɛ dɛ: «Lawa a Nɛgiĩ ganaa, n wàa mɛn sii n wɔsɛn sii ni? Ma nə́ n daa dɔlɔ bɔ wɔsɛn ganaa kànaa bɛ̀ a biikoo ná a tɔn dɔ wa?»

Marki 4:15

Màn tɔrɔ lɛ mɛnaa zii mɛn lɛkoro-a, min tɛn nə goon ka bɛa zii kɛ lɛ nɛ. Bɛ̀ ǹ nə́ Lawa a boo lɛ ma lɔn, *Sɛtaan nə die, a bɛa boo kɛ lɛ bɔ a bɔ ǹ yiri ni.

Marki 5:7

á n lɛ dɛ kɔsɛkɔsɛ á pɛ: «N wàa dí n masɛ ganaa, Yezu, Lawa gole a Nɛ? Ma nə n gòã kuĩ ka Lawa tɔ nɛ, n nyan fuu nyaa ma-n wa.»

Zaã a sɛ́wɔ 12:31

Lawa n die kiri kuri kanaa lɛ la sisia. Sisia kəni, kanaa lɛ a mìilandɛnaa a bɔ a daa biikoo n ke.

Zaã a sɛ́wɔ 16:11

Á kiri-kurii ǹ la, a giala kiri nə́ n kuru kanaa kɛ a mìilandɛnaa la gɔrɔ.

Rɔmu minin 16:20

Kànaa ka boɛɛn nɛ, là nyantoro-kɔle Lawa á re *Sɛtaan tuturi ka gòã giulun. Wɔa Dɛnaa Yezu a bǐɛ̃ die a goã kun ka nɛ!

Ebrəə 2:14

Bɛa yɔrɔ kɛ la, mà laanka gɔ̀nɔn siĩ bɛ́ minin kɛn lɛn lon lɔn, a na á n zɛnaa Yezu dɔ-n miɛ̃, á daa yɛ a din minbuiin nɛbaa kɛ lɛ nɛ. Yezu na á bɛ lɛ zɛnaa, màn mɛn bɛ́ toɛ, a gɛ̀ barka nɛ, *Sɛtaan mɛn bɛ́ gɛ̀ a pàã ná a gɔn, a bɛ pàã ziziɛ̃,

Piɛrɛ1 5:8

Ka n yii dɔraa, ka ka dinin kũ. Kaa zɔ́ɔ *Sɛtaan lɛ n kɔɔ̃nɛɛ, ka yàra wɔɔsaa-wɔle bɛ́ lɔn. A n giɛ, a bɛ́ re doe min mɛn-a a kũ.

Piɛrɛ2 2:4

Lon a dia dí-a wolen mɛnɛn nə sii baraa zɛnaa, Lawa bɛn dinin toa wa. A na á ǹ kaa papaã ǹ bǎã wɔlɔ tì kɛ li, ǹ nə́ kòso-n walan, n yii diɛ kiri-kurii pinaa kɛ la.

Zude 1:6

Ka n yiri kɔ kɛ dɔ nɛ, lon a dia dí-a wolen mɛnɛn bɛ́ ǹ giã ǹ dia dí-a wolebaa-n wa, ǹ nə́ ǹ bǎã toa walan, Lawa na á bɛn gisĩ á ǹ kaa wɔlɔ tì li, á fɔlɔ biɛn kaa ǹ ganaa. Maǹ die goɛ̃ bɛ-n duduu yǎa kiri kuru ǹ lɛawaa gole kɛ a pinaa.

Sii-nyaan 12:13

Tɔɔ babaraa piɛ̃ wole lɛ bɛ́ á dɔ̃ mà maǹ ná asɛ zũ tán, a na á kiɛ̃ gɔrɔ, a n lɔ nɛgiĩ-yɛle kɛ kialan lui.

Sii-nyaan 12:15

Bɛ lɛ ganaa, miɛ̃ lɛ pisəə ka mu ni, bɛ n baa sii tán ka tà mu bɛ́ lɔn, mà a boo la a lɔ lɛ saa a kiɛ̃ nɛ.

Sii-nyaan 12:17

Bɛ lɛ ganaa, tɔɔ babaraa piɛ̃ wole lɛ foo yoo lɔ lɛ li parsiini, á kiɛ̃ á woo a nɛnyaan gialakunun gialaa, ǹsɛn mɛnɛn bɛ́ Lawa a dí-pɛn lɛ sii, ǹ nə́ n foo doɛ Yezu a boo ganaa.

Sii-nyaan 12:3

Kaãbaa ǹ sii gole kɔsɔ dɔ nə́ n din nyaa lon doo: Tɔɔ babaraa piɛ̃ wole tã ganganbiɛ goon ne. A mìi n sɔbaa, a bɛn nə fù. Kiibaa ǹ bafolo n we-n a mìi sɔbaa lɛ gogoonmaa ganaa.

Sii-nyaan 12:4

Á leere talakɔn sɔɔbaa ǹ wɔ nɔɔ ka a mui ni, á kaa tán. Á daa golee lɔ nɛ-yɛle lɛ yɔrɔ-a, bɛ̀ a ná a nɛ lɛ yɛ lɔn gɔrɔ, a kũ a sɔ̃.

Sii-nyaan 12:9

Ǹ nə́ tɔɔ babaraa piɛ̃ wole gangabiɛ lɛ kũ ǹ nə́ zũ kanaa. A din ni lɛlɛ a miɛ̃ kɛ lɛ lɛa, ǹ nə́ bíi: «Nɔ̀ɔn Babaraa,» hinlaa *Sɛtaan, a n kanaa min tumaa yiri siɛ̃. Ǹ nə́ zũ tán la kun ka a dia dí-a wolen tumaa nɛ.

Sii-nyaan 13:2

Ma Tɔɔ mɛn yɛ, a na á kɔnbɔ ka goe ne, a gòãn man nə́ kɔnbɔ ka gòon màn gole gòãn nɛ, a lɛ na á kɔnbɔ ka yàra lɛ nɛ. Tɔɔ babaraa piɛ̃-wole kɛ ná a din pàã kɔ la, ka a kii dankan nɛ ka boo sii la gole ne.

Sii-nyaan 13:4

Ǹ tumaa yoo, ǹ nə́ tɔɔ babaraa piɛ̃ wole kɛ guguru koe, a giala a ná a din pàã kɔ Tɔɔ goon kɛ la. Maǹ bɛa Tɔɔ lɛ dɔ guguru koe ka a dɔ wɔ bɛ́ lɔn, ǹ nə́ pii: «Min kɔ́n ba n zoɛ̃ kɔn ka Tɔɔ kɛ-n wa. Min kɔ́n dɔ a boe la a zia baa a ganaa wa.»

Sii-nyaan 20:10

Bɛ ganaa, ǹ nə́ nɔ̀ɔn babaraan kiã kɛ kũ, ǹ nə́ zũ kiribi tɛ panapana kɛ nɛ, ǹ goã ǹ nə́ Tɔɔ kɛ laanka a boo gii-dali soɛ-bɔle kɛ zũ bǎã mɛn nɛ ke lɛn. Ǹ tá re nɔmaa ǹ fuu yii walan baayɛlɛ ka tèlò ne yǎa duduu.

Sii-nyaan 20:7

Bɛ̀ lɛ̀ duu goon lɛ dɔ, ǹ tá re Sɛtaan boe kòso-n ǹ da.

Sii-nyaan 9:11

Min mɛn bɛ́ nɔmaa ǹ nyankɔrɔ zuzulu lɛduĩ, bɛ nə ǹ kii lɛa, á ǹ nyɛɛnaan sa boe. Maǹ bíi "Minin-Ziziɛ̃li", *Ebrəə bɔlɔ nɛ, maǹ bíi "Abadɔn", Grɛki bɔlɔ nɛ, maǹ bíi "Apoliɔn".