Sii-nyaan 2:7 - LAWA A BOO SONBORE

⁷ «Too bɛ́ min mɛn lon, Lawa a Yiri Fu bɛ́ boo mɛn pii Lawa a sɔmɔn manɛ, a n too kɔ doɛ̃ a bɛ ma! «Min mɛn bɛ́ re gɔ̀lɔ̀ biɛ, ma á re lɛ koe la, yiikoonaabaa ǹ da mɛn bɛ́ Lawa a piɛ, a bɛa nɛ bii.»

LAWA A BOO SONBORE 2011

⁷ Too bɛ́ min mɛn lon, Lawa a Yiri Fu bɛ́ boo mɛn pii Lawa a sɔmɔn manɛ, a n too kɔ doɛ̃ a bɛ ma! Min mɛn bɛ́ re gɔ̀lɔ̀ biɛ, ma á re lɛ koe la, yiikoonaabaa ǹ da mɛn bɛ́ Lawa a piɛ, a bɛa nɛ bii.

Sii-nyaan 2:7 ပူးပေါင်းရင်းမြစ်များ

Siin Giala 2:9

Dɛnaa Lawa da tɔrɔ din tumaa bɔ tán la, siĩn yɔrɔ-a, ǹ nɛ dɔ n kɔɔ̃n lɛ-n. Á yiikoonaabaa ǹ da da dù gɔrɔ lɛ bii, ka sii bǐɛ̃ laanka sii baraa dɔ̃ ǹ da nɛ.

Suusun 11:30

Min pepere a nya ǹ dín man ka yiikoonaabaa ǹ da bɛ́ lɔn, Sii-dɔ̃li n yiikoonaabaa koe.

Suusun 13:12

Bɛ̀ min nə n yii da màn la á belebɔ nɛ, a foo n ziziɛ̃. Sɛnɛ, n yiri bɛ́ màn mɛn ganaa, bɛ̀ n bɛ yɛ, a n goon ka yiikoonaabaa da nɛ.

Suusun 15:4

Foo taã ǹ boo n ka yiikoonaabaa da bɛ́ lɔn. Sɛnɛ, boo baraa n foo ziziɛ̃.

Suusun 3:18

Sii-doɛ̃ lɛ n ka yiikoonaabaa ǹ da bɛ́ lɔn. A bɛ́ min mɛnɛn gɔn, ǹ yii n nyɛɛ nɛ.

Ezekieli 28:13

Ma nə ń goã Edɛn, Lawa a dù gɔrɔ kɛ nɛ. Ǹ ná a kungɔn dɔ ka kɔlɔ sonboren ne, ǹ ná a lɛnpɛnɛ nɛ: Kɔlɔ tã bonbon ne, a lɔɔdɛnaa nɛ, a fu ni, a buu buruu ni, a tɛ-pɛle ne, a buu buruu tì ni, a bɔlɔn nɛ, a tã nɛ, a bɔlɔn buu buruu dɛnaa nɛ. N maàn kɛn laanka n pìin ni, n nə ń bɛn zɛnaa ka sana nɛ. Maǹ nə́ ǹ zɛnaa ka sana nɛ n din a zɛnaa pinaa.

Ezekieli 31:8

Lawa a dù gɔrɔ kɛ nɛ, da kaka kɛ kɔn dɔ li wa. Siprɛsi da kɛ kɔn ba n zoɛ̃ a gùrù tenən ganaa wa, gɔ́rɔ da kɔn gùrùn ba n zoɛ̃ a gùrùn ganaa wa, da kɔn din ba n zoɛ̃ a ganaa ka siĩnbaa nɛ, Lawa a dù gɔrɔ kɛ-n wa.

Matiə 11:15

Toon bɛ́ ka lon, ka n too kɔ koe!

Matiə 13:43

Sɛnɛ, min peperen tá re tɛ pii ka wasa bɛ́ lɔn ǹ Díi Lawa a kiibaa ǹ bǎã kɛ nɛ. Toon bɛ́ ka lon, ka n too kɔ.

Matiə 13:9

Yezu tɔ́n kɛ pɛ, á ti a ganaa: «Toon bɛ́ ka lon, ka n too kɔ koe.»

Marki 4:9

Yezu tɔ́n pɛ ǹ nɛ: «Toon bɛ́ ka lon, ka n too kɔ koe!»

Marki 7:15

Màn woo màn boe kanaa a wɔ min *gɔ́ɔ̃ nɛ, bɛ bie min gɔgɔrɛ koe wa. Màn mɛn bɛ́ boe a din gɔ́ɔ̃ nɛ, bɛ lɛ na a gɔgɔrɛ koe. [

Marki 7:16

Toon bɛ́ ka lon, ka n too kɔ koe!]»

Luku 23:43

Yezu ná a lɛ si: «Masɛ n pii ni sonbore, pelo kɛ lɛ din ni, n tá re goɛ̃ kun ka masɛ nɛ Lawa a piɛ.»

Luku 8:8

Màn tɔrɔ lɛ mɛn bɛ́ á mɛnaa tán sonbore ne, bɛ́ bɔ, á nɛ kɔ, yǎa nɛ paabiɛ.» Yezu tɔ́n pɛ: «Toon bɛ́ ka lon, ka n too kɔ koe!»

Zaã a sɛ́wɔ 16:33

Man má kɛ pɛ ka nɛ, màn mɛn bɛ́ toɛ, ka goã là nyantoro la masɛ li. Kanaa kɛ gɔ́ɔ̃ nɛ ka n nɔmaa la, sɛnɛ, ka n foo taã, má gɔ̀lɔ̀baa si kanaa la.»

Korɛnti1 2:10

Sɛnɛ, Lawa bɛa sii-durii kɛ lɛ nyaa wɔsɛn nɛ Yiri Fu pàã ganaa. Taãn nɛ, Yiri Fu dinsɔɔ̃ n boe la a ga sii ganaa a dɔ̃, haalɛ Lawa a sii mɛn bɛ́ durii-n zuzulu, á bɛ tumaa doɛ̃.

Korɛnti2 12:4

Maǹ nə́ giĩ lɛ saa ǹ nə́ woo-n yǎa Lawa a piɛ. Á tɔ́n boon ma walan, a ná a boe la á wusii á pii wa, ǹ nə́ ǹ ba lɛ koe minbuiin nɛ la, mà a wusoo a pɛ wa.

Zaã1 2:13

Díin lɛn, man sɛ́wɔ diɛ ka la, a giala, min mɛn bɛ́ á goã a tan giala-kɔ waáraa, ka á bɛ doɛ̃. Tɔntɔraan lɛn, man sɛ́wɔ diɛ ka la, a giala, mà ka boo Min Baraa la.

Sii-nyaan 13:9

Kasɛn mɛnɛn bɛ́ sii doɛ̃, ka n too kɔ ka boo kɛ ma.

Sii-nyaan 14:13

Má tɔ́n lɛn goon ma boe lon pii ma nɛ: «Kɛ kiɛ̃: A saa sisia ganaa, min mɛnɛn bɛ́ giɛ̃ Dɛnaa a dí-nyɛɛ gɔ́ɔ̃ nɛ, bɛn foo á re kɔɔ̃n koe!» Lawa a Yiri Fu tɔ́n pɛ: «Hiĩ, taãnɛ. Ǹ tá re n susui ǹ dí kaka nyɛɛ kɛ a lɛa, a giala ǹ sii mɛn tumaa zɛnaa, á kɔ ǹ lɛ.»

Sii-nyaan 15:2

Má tɔ́n bǎã goon yɛ ka yìsi mu gole bɛ́ lɔn, ǹ nə́ damalon kɔ lɛ, tɛ n lɔloɛ nɛ a ganaa. Min mɛnɛn nə gɔ̀lɔ̀baa si Tɔɔ lɛ la, má wusoo má bɛn yɛ, ǹsɛn lɛn man nə́ n piã ka a nyín guguru kɔ nɛ, ǹ nə́ n piã ka a tɔ kɛ dɔ nɛ, ǹ nə́ kiɛ̃ minin ganaa màn nimii lɛ lɛa. Ǹ nə́ goã golee-n mu kɛ lɛ genli, ka Lawa a tùtun nə́ ǹ gɔn.

Sii-nyaan 2:11

«Too bɛ́ min mɛn lon, Yiri Fu bɛ́ boo mɛn pii Lawa a sɔmɔn manɛ, a n too kɔ doɛ̃ a bɛ ma! «Min mɛn bɛ́ re gɔ̀lɔ̀ biɛ, gɛ̀ paabaa ǹ wɔ a re doe bɛ ganaa wa.»

Sii-nyaan 2:17

«Too bɛ́ min mɛn lon, Yiri Fu bɛ́ boo mɛn pii Lawa a sɔmɔn manɛ, a n too kɔ doɛ̃ a bɛ ma! «Min mɛn bɛ́ re gɔ̀lɔ̀ biɛ, *maánə mɛn bɛ́ durii-n pelo, ma á re bɛ koe bɛ la. Ma á re kɔlɔ fu koe la, a tɔ soree n kiɛ̃ nɛ a ganaa, min kɔ́n ná a doɛ̃ wa, yǎa a din.»

Sii-nyaan 21:7

Min mɛnɛn bɛ́ re gɔ̀lɔ̀baa yii, ma din nə die bǐɛ̃ kɛ biɛ ǹ nɛ, ma á re ǹ Lawa biɛ, ǹ dɔn tá re n biɛ maa nɛnyaanan lɛa.

Sii-nyaan 22:14

Min mɛnɛn bɛ́ wusii ǹ siin kio, ǹ nə́ goɛ̃ *yoreen ne, bɛn foo á re kɔɔ̃n koe, a giala masɛ n lɛ koe ǹ la, ǹ yiikoonaabaa ǹ da nɛ bii, ǹ tá re we ka kiwi lɛ a kiɛnlɛn nɛ.

Sii-nyaan 22:17

Yiri Fu ni ka Lawa a sɔmɔ minin ni bɛn man pii: «Daa.» Min mɛn dɔ too bɛ́ á ma, a dɔ́ pɛ: «Daa.» Mu boro bɛ́ min mɛnɛn ganaa ǹ dɔn nə daa, bɛ̀ ǹ mɛn tá giɛ yiikoonaabaa ǹ mu li, a yɛ kooro.

Sii-nyaan 22:2

A n baa sii kiwi lɛ a zii gole kɛ la. Yiikoonaabaa ǹ da n zumii ni tà mu lɛ paǹan paanan li, da lɛ n nɛ koe gunyin fulupaa lɛ̀ goon gɔ́ɔ̃ nɛ, gunyin goon mui tumaa gɔ́ɔ̃ nɛ. A luu n dagòã lɛa, a n gánan tumaa a busu nyɛɛ.