Sii-nyaan 2:3 - LAWA A BOO SONBORE

³ N tá n foo kuĩ, n fuu yɛ masɛ tɔ a lɛa, a n gù basã wa".

LAWA A BOO SONBORE 2011

³ N tá n foo kuĩ, n fuu yɛ masɛ tɔ a lɛa, a n gù basã wa.

Sii-nyaan 2:3 ပူးပေါင်းရင်းမြစ်များ

Loen 37:7

Giã kiĩni Dɛnaa Lawa li, n nə n foo doa a ganaa. Min mɛn a sii bɛ́ bǐɛ̃ koe, n foo baran busu li wa. Min mɛn bɛ́ yiri baraa boe a sii zɛnaa gɔ́ɔ̃ nɛ, n foo baran busu bɛ li wa.

Loen 69:7

Dɛnaa Lawa Pàãyiidɛnaa, min mɛnɛn foo bɛ́ doa nɛ n ganaa, n baran toa ma sìi da ǹ màn baa bɛn ganaa wa. Ma baran puusə kɔ wɔ n gamali wolen ganaa wa. Izirayeli a Lawa! Man bɛ nyankoe n la.

Misee 7:9

Wɔ bɛ́ n wɔ́ sii la Dɛnaa Lawa la, bɛ lɛ n ke, a foo yoo wɔ li. Wɔ doamaa-n wɔ bɛ lɛ a dɔlɔ si wɔ ganaa. Sɛnɛ, a pinaa á die, á die n mìi koɛ wɔa sii li, á die sonbore koe wɔ la. Á die wɔ wɛɛ a wɔ kaa wɔlɔ fúlu li, wɔ á die giɛ a peperebaa ǹ dí kɛ ganaa.

Marki 15:21

Sɔraasin lɛn bɛ́ woe, ǹ nə́ giĩ goon yɛ boe don die piɛ. Ǹ nə́ bɛ kũ ka pàã nɛ mà a Yezu a dere ǹ gɔn gũ. Giĩ lɛ tɔ n Simɔn, a n boe Sirɛni kiwi, a din a nɛnyaanan man Alɛksandrə laanka Rufusu ni.

Luku 14:27

Min mɛn bɛ́, a ba n yii boe a din-a masɛ a lɛa, a fuu si a ganaa, a kɔ masɛ kio lɛ wa, bɛa dɛnaa ba boe la a masɛ a kialandɛnaa baa wa.

Luku 18:1

Yezu boo giməə kɔ́n da a kialandɛnan manɛ, á nyaa ǹ nɛ mà min doamaa nɛ, a Lawa nyankɔ biikoo tumaa waáraa, a gù ná a giɛ̃ wa.

Luku 21:19

Ka n wen yii, bɛ á re toɛ ka nyin nyabaã yɛ.

Luku 5:5

Simɔn pɛ nɛ: «Mìinaa, wɔsɛn nə́ dí nya wɔ́ n dinin nɔmaa tèlò-n yǎa lɛ̀ waa, wɔ màn kɔ́n yɛ wa. Sɛnɛ, n din bɛ́ ń pɛ miɛ̃, ma á die maa zɔ̀ɔ lɛ zuĩ mu li.»

Luku 8:15

Màn tɔrɔ mɛn bɛ́ á mɛnaa tán sonbore bǎã nɛ, bɛ n kɔnboe ka min mɛnɛn bɛ́ n too koe boo lɛ-a, ǹ si, ǹ kũ foo sonbore laanka a telee wole ne. Bɛa dɛnan lɛn man goɛ̃ bɔlɔgoondɛnaabaa la, yǎa ǹ nɛ koe.»

Zaã a sɛ́wɔ 15:21

Maǹ die bɛ din tumaa zɛnɛɛ ka nɛ masɛ tɔ taman yii, a giala, min mɛn masɛ dia, ǹ ba bɛa dɛnaa doɛ̃ wa.

Rɔmu minin 12:12

Ka n nyɛnyɛɛ kaa foo-doa kɛ a lɛa. Ka n doa ka fuu si ka ganaa. Ka Lawa nyankɔ ka baran nɔmaa wa.

Rɔmu minin 16:12

Ma á fòo diɛ Trifɛnɛ laanka Trifozi ni, bɛn mɛnɛn bɛ́ dí nyɛɛ Dɛnaa nɛ, mà á fòo diɛ ma miãnɛn Pɛrsiisi ni, asɛ mɛn bɛ́ á dí gigiã nya Dɛnaa nɛ.

Rɔmu minin 2:7

A n die nyin nyabaã koe ǹ tɛnɛn la, min mɛnɛn bɛ́, ǹ nə́ n dinin kɔ sii bǐɛ̃ zɛnaa la biikoo tumaa waáraa, mà Lawa gugurubaa laanka tɔ sonbore kɔ ǹsɛn la, ǹ yii goã koo miɛ̃ yǎa duduu.

Rɔmu minin 8:25

Sɛnɛ, wɔ yii bɛ́ a ba màn mɛn-a wa, wɔ foo n doa-n bɛ lɛ ganaa, wɔ nə́ n yii diɛ la ka sii simaa nɛ.

Korɛnti1 13:7

Kɔn-narɛɛ n toɛ min nə ǹ miã a sã tumaa toa nɛ. A n toɛ min golee ǹ miã li ka sii tumaa nɛ. A din nə toɛ dɔn min foo-doa yɛ sii tumaa gɔ́ɔ̃ nɛ, a sii tumaa si a ganaa.

Korɛnti1 16:16

Bɛa min sonboren kɛn miãn laanka min mɛnɛn bɛ́ dí nyɛɛ kunun ǹ ni, ǹ nə́ ǹ nɔmaa gii kɔn, ka n doa ka bɛn lɛ si.

Korɛnti2 10:15

Ma miãn nə dí mɛn nya, ma a n din gole koe ka bɛ-n wa. Sɛnɛ, ma á taasɛ máa kaa goleemali á re gole koe, màn mɛn bɛ́ toɛ, ma boo la ma dí nya ka bii, dí mɛn bɛ́ gole parsiini. Lɛ doa ǹ bǎã mɛn nə n koa, ma a re bɛ la boe wa.

Korɛnti2 11:23

Maǹ Krita a dí-nyalin lɛa? Bɛ̀ á bɛ baa dinin, masɛ á bɛ lɛa má la ǹ nɛ; man boo diɛ ka min mɛn bɛ́ a yiri papaã ka lenlen. Man pii: Nɔmaa gɔ́ɔ̃ nɛ, maa wɔ la ǹ wɔ nɛ, kòso wɔ gɔ́ɔ̃ nɛ, maa wɔ la ǹ wɔ nɛ, duwəə gɔ́ɔ̃ nɛ, maa wɔ la ǹ wɔ-n duduu, sii gɔgɔrɛ mɛn bɛ́ min nə́ boe la a gã a gɔ́ɔ̃ nɛ, bɛ́ ma yɛ gunyin damata.

Korɛnti2 4:1

Lawa din na á bǐɛ̃ kɔ ma ganaa, á bɛa dí kɛ koa ma li. Bɛ lɛ n toɛ ma gù a basɛ̃ wa.

Korɛnti2 4:16

Bɛ lɛ n toɛ, maa foo tãbaa a nyɛɛ pin kɔ́n-a wa. Haalɛ ta ma gɔ̀nɔn siĩ n ziziɛ̃ boɛboɛ woe, ma telenboen nə màn dii biɛ lɛawaa gogoonmaa li.

Korɛnti2 5:9

Sɛnɛ, ta ma tá ma gɔ̀nɔn kɛ nɛ, ta ma ba a-n wa, man giɛ li, máa ma a din foo sii zɛnaa màn tumaa nyɛɛnɛ.

Korɛnti2 6:5

Ǹ nə́ ma dɛ, ǹ nə́ ma da kòso-n. Ǹ nə́ zaman gigiã gɔ́ɔ̃ tii, bɛ̀ ǹ nə ǹ kaa ma ganaa. Má lɛ kɔ dí kakan nyɛɛ ganaa. Má n din kurəə nyuù ganaa, ka màn-bii ni gunyin damata.

Galaasi minin 6:2

Ka n dɔ kɔn lɛ, ka kɔn a guĩ gũ. Bɛ̀ ka á zɛnɛɛ miɛ̃, ka ǹ *Krita a dí-pɛn lɛ sii.

Galaasi minin 6:9

Wɔ nyan nɔmaa ka sii bǐɛ̃ zɛnaa-n wa. A giala, bɛ̀ wɔ n gù basã wa, wɔ á re màn sonbore kuri, bɛ̀ a biikoo dɔ.

Filipi minin 2:16

ka yiikoonaabaa kɔ ǹ boo kɛ nyaa ǹ nɛ. Bɛ̀ ka á zɛnɛɛ miɛ̃, ma foo á re kɔɔ̃n koe ka ka nɛ, Krita a lɛawaa kɛ a pinaa; bɛ á re nyɛɛ, mà maa wen waa tumaa nɛ, ka maa dí nyɛɛ tumaa nɛ, mà ǹ goã kooro wa.

Filipi minin 4:3

Maa giĩ, nsɛ mɛn bɛ́ maa dí nya kun wole bɔlɔgoondɛnaa lɛa, ma nə n dɔ nyankoe, máa n nə n dɔ lɔn kɛn lɛ. A giala, mà ǹ nə́ zia baa kun ka ma nɛ, maa Boo Tii Kɔɔ̃n diɛ kɛ gɔ́ɔ̃ nɛ, ǹ laanka Klemaa nɛ, ka maa dí nya kun wole gialakun kɛ tumaa nɛ. Ǹ tɔn tá kiɛ̃-n nyin nyabaã sɛ́wɔ kɛ nɛ.

Kolɔɔsi minin 1:11

Lawa die a toa ka pàã gole kɔ, ká a din a boo sii la laanka a din a Lawabaa ǹ pàãdɛnaabaa kɛ barka nɛ, màn mɛn bɛ́ toɛ, ka sii si ma-a laanka gɔ̀lɔ̀baa yɛ fuu tumaa gɔ́ɔ̃ nɛ,

Tesaloniki1 1:3

Ka golee Lawa li mɛn nyaa ka kaa nya ǹ dín ni, ka sii mɛn da ka dinin mìi ni kaa Krita narɛɛ taman yii, ka bɛ́ n foo doɛ, ka á n yii diɛ wɔa Dɛnaa Yezu Krita a daa la lɔn, wɔ n bɛ yii pii wɔ Di Lawa yɔrɔ-a biikoo tumaa li.

Tesaloniki1 2:9

Dɔɔ̃nɔn lɛn, wɔ dí mɛn nya, wɔ nɔmaa mɛn dɔ wɔ, táa ka dinin yiri tá bɛ nɛ. Wɔ n wɔ́ dí nya penleen laanka tèlò ne, màn mɛn bɛ́ toɛ, wɔ baran goã guĩ lɛa ka kɔ́n mìi ni, wɔa Lawa a Boo Tii Kɔɔ̃n kɛ a pɛ ka-n biikoo li wa.

Tesaloniki1 5:12

Dɔɔ̃nɔn lɛn, min mɛnɛn bɛ́ dí nyɛɛ ka bii, wɔ ǹ ka nyankoe wáa ka ǹ guguru kɔ. Dɛnaa na á bɛn lɛn koa mà ǹ ka nyɛɛnaan bɔ, ǹ ka doroo.

Tesaloniki2 3:13

Dɔɔ̃nɔn lɛn, kasɛn baran nɔmaa ka sii sonbore zɛnaa-n wa.

Tesaloniki2 3:5

Dɛnaa die a Lawa narɛ ǹ foo wɔ ka nɛ, a *Krita a sii simaa kɔ ka la.

Tesaloniki2 3:8

Wɔ màn mɛn bii, wɔ bie wɔ́ a nyankɔ min kɔ́n la wa. Sɛnɛ, wɔ dinin man wɔ́ dí nya penleen laanka tèlò ne, wɔ́ fuu yɛ wɔ́ nɔmaa, màn mɛn bɛ́ toɛ, wɔ baran goã guĩ lɛa min kɔ́n mìi-n wa.

Timote1 4:10

Bɛ̀ n yaa wɔ á dí nyɛɛ, wɔ á yɔ kaka boe, wɔ foo bɛ́ doa-n Lawa yiikoonaa mɛn ganaa, bɛa lɛa nɛ, asɛ mɛn bɛ́ giɛ li a min tumaa kirisibaa, sanparɛ min mɛnɛn foo bɛ́ doa nɛ a ganaa.

Timote1 5:17

Ga Lawa a sɔmɔ walan wolen mɛnɛn bɛ́, ǹ dí nyɛɛ a yɔrɔ li, bɛn doamaa-n ka saraa paa nɛ. Sanparɛ ǹ mɛnɛn bɛ́, ǹ nə́ Lawa a boo laakalaa laanka minin daraa baa ǹ nya ǹ dí lɛa.

Ebrəə 10:36

Sonbore, ka laadoo tá sii simaa ganaa, ka boo la ka Lawa dùũ lɛ zɛnaa ka a lɛ pã, ka tɔn a lɛ-kɔ ǹ sii lɛ a zɛnaa yɛ.

Ebrəə 12:1

Bɛa siére zaman gole kɛ lɛ tá wɔ lɛnpɛnɛ, ǹ nə́ ǹ golee Lawa li sii nyɛɛ wɔ nɛ. Bɛ lɛ-n kəni, màn mɛn tumaa bɛ́ wɔa tɔ-wɔ sàabiɛ, ka daa wɔ n piã bɛ nɛ, ka sii baraa kɛ dɔ nɛ n pɛnɛ wɔ ganaa fufuu. Ka daa, baa si a kɔn daa mɛn nə n nyaa wɔ nɛ, wɔ bɛ si ka sii simaa nɛ.

Ebrəə 13:13

Ka daa wɔ dɔn nə soo, wɔ wo a li kiwi lɛ kio, wɔ dɔn na a din sìi kɛ lɛ si wɔ ganaa.

Ebrəə 6:10

Sonbore, Lawa a kɔkɔrɔ wa. A yiri a boe la a bɔ ka kaa nya ǹ dín ni wa. Ká Lawa din tɔ kɛ narɛ, ká dí nya ka dɔɔ̃n Lawa-nyankɔlen man lɛlɛ. Ka n tɔn nyɛɛ miɛ̃ ka pelo yii ni, Lawa lɛ yiri a boe bɛ dɔ-n wa.

Ebrəə 6:12

Wɔ ba li yoobaa ka kũ wa. Sɛnɛ, min mɛnɛn bɛ́ golee Lawa li, ǹ nə́ sii sii ǹ ganaa, yǎa ǹ Lawa a lɛ-kɔ ǹ mànan kɛn yii, ka tɔ lɛ wɔ ka bɛn bɛ́ lɔn.

Ebrəə 6:15

Abrahamu bɛ́ á n foo kũ, á sii si a ganaa, á yɛ Lawa ná a lɛ-kɔ ǹ sii lɛ zɛnaa, a ná a lɛ pã.

Piɛrɛ2 1:6

Ka n doa dɔn ka boo ma din la naa doɛ̃ ganaa, ka sii simaa naa boo ma din la ganaa, ka tɔn nyɛ́ɛ baa Lawa-n naa sii simaa kɛ ganaa.

Sii-nyaan 1:9

Masɛ Zaã, man ka dɔɔ̃n lɛa, man kun ka nɛ kaa fuun gɔ́ɔ̃ nɛ, ma nə́ n yii diɛ *Lawa a kiibaa kɛ a daa la, ma nə foo kuĩ, a giala man doa kɔn Yezu ni kun ka nɛ. Man gùli lɛa Patmɔsi gána nɛ, mu nə ǹ mɛn lɛ da bii, a giala mà man Lawa a boo diɛ, ka taãn pɛ kɛ nɛ Yezu nyaa ma nɛ.

Sii-nyaan 3:10

A giala n nə́ n foo kũ, ń maa boo kɛ kũ doɛ̃. Bɛ lɛ nɛ, koe bɛ́ re boe kanaa tumaa ganaa biikoo mɛn li, a n fuu nyɛɛ ǹ nɛ, bɛa biikoo li, ma dɔ á re n lɛduĩ.