Sii-nyaan 19:9 - LAWA A BOO SONBORE

⁹ Lon a dia dí-a wole goon tɔ́n pɛ ma nɛ: «A kiɛ̃ sɛ́wɔ nɛ: Ǹ min mɛnɛn bíi Sère Nɛ a kɔn-wɔ ǹ zɔ́n màn-bii kɛ ganaa, bɛn foo á re kɔɔ̃n koe.» Á wusoo á pɛ doo: «Lawa din na á pɛ miɛ̃.»

LAWA A BOO SONBORE 2011

⁹ Lon a dia dí-a wole goon tɔ́n pɛ ma nɛ: «A kiɛ̃ sɛ́wɔ nɛ: Ǹ min mɛnɛn bíi Sère Nɛ a kɔn-wɔ ǹ zɔ́n màn-bii kɛ ganaa, bɛn foo á re kɔɔ̃n koe.» Á wusoo á pɛ doo: «Lawa din na á pɛ miɛ̃.»

Sii-nyaan 19:9 ပူးပေါင်းရင်းမြစ်များ

Izayii 8:1

Dɛnaa Lawa pɛ ma nɛ: «Sɛ́wɔ kiɛ̃ ǹ goo gole saa, n kɛ kiɛ̃ la foaã nɛ: Wo naforo ganaa fufuu, n mìi fɔ̃ a ganaa, n kokoo.»

Abakuku 2:2

Dɛnaa Lawa ma lɛ si á pɛ: Ma bɛ́ sii mɛn nyɛɛ n nɛ, a kiɛ̃. A kiɛ̃ goon la màn mɛn bɛ́ toɛ, ǹ boo la ǹ pɛ foaã nɛ.

Luku 22:16

A giala, masɛ n pii ka nɛ: Masɛ a re kɛ miã kɔsɔ bii doo duduu wa, yǎa a zɛnaa ǹ mìi taãn-taãn kɛ a lɛ pã pinaa, *Lawa a kiibaa ǹ bǎã nɛ.»

Timote1 1:15

Kɛ n boo taãn lɛa, min tumaa doamaa nɛ a si, a waa la mà Yezu Krita na á daa kanaa, màn mɛn bɛ́ toɛ, a sii baraa-zɛnaalin kirisibaa, sanparɛ masɛ mɛn wɔ bɛ́ á là da.

Timote1 4:9

Min tumaa doamaa nɛ, a waa boo kɛ la, a si taãn lɛa.

Timote2 2:11

Kɛ n boo lɛa, min doamaa bɛ́ a waa boo mɛn la: «Bɛ̀ wɔ́ gã kun Krita nɛ, wɔ yii á re goɛ̃ koo kun ni.

Tiitii 3:8

Bɛ lɛ n boo taãn lɛa, min nə́ boe la, a n foo doa a ganaa. Man giɛ li, máa n bɛ lɛ pɛ n laa parsiini, ń giɛ golee Lawa li wolen tá n tele, ǹ dí sonboren nyali taãnan baa. Màn mɛn bɛ́ siĩni, a là n minbuiinin ganaa, bɛ lɛ n ka bɛ nɛ.

Sii-nyaan 1:1

Yezu *Krita siin mɛnɛn nyaa, bɛa sɛ́wɔ n ke. Lawa na á ǹ kɔ la, mà siin mɛnɛn bɛ́ re n zɛnɛɛ kànaa ka boɛɛn nɛ, mà a ǹ nyaa a bɛ̀rɛn manɛ. Yezu ná a lon a dia dí-a wole dia a bɛ̀rɛ ZAÃ la, mà a bɛn nyaa nɛ.

Sii-nyaan 1:19

«N yii bɛ́ á siin mɛnɛn yɛ, ka ǹ mɛnɛn bɛ́ n zɛnɛɛ sisia, ka ǹ mɛnɛn bɛ́ re n zɛnɛɛ bɛ kio, bɛn tumaa kiɛ̃.

Sii-nyaan 10:4

La a paraa sɔbaa lɛn nə gini, ǹ nə́ boo mɛn da, ma bɛ́ máa man kiɛ̃, má lɛn goon ma boe lon, á n pii ma nɛ: «La a paraa sɔbaa kɛ boo mɛn da, a gũ n gɔ́ɔ̃ nɛ, n nyan kiɛ̃ wa.»

Sii-nyaan 14:13

Má tɔ́n lɛn goon ma boe lon pii ma nɛ: «Kɛ kiɛ̃: A saa sisia ganaa, min mɛnɛn bɛ́ giɛ̃ Dɛnaa a dí-nyɛɛ gɔ́ɔ̃ nɛ, bɛn foo á re kɔɔ̃n koe!» Lawa a Yiri Fu tɔ́n pɛ: «Hiĩ, taãnɛ. Ǹ tá re n susui ǹ dí kaka nyɛɛ kɛ a lɛa, a giala ǹ sii mɛn tumaa zɛnaa, á kɔ ǹ lɛ.»

Sii-nyaan 17:1

Lon a dia dí-a wolen mɛnɛn bɛ́ ǹ nə́ goã ka koe mànan nɛ ǹ gunun, bɛn goon nə́ n zɔ̃ á dɔ ma li, á pɛ ma nɛ: «Ǹ bɛ́ re dɔlɔ boe lɔ naarɛbaali gole kɛ ganaa ka yɔrɔ mɛn nɛ, daa, ma á re bɛ nyɛɛ n nɛ, kiwi gole mɛn bɛ́ ǹ nə́ dɔ pɛrɛ damata lɛkoro lɛ-a.

Sii-nyaan 17:17

A giala Lawa na á taasiɛ goon wɔ ǹ foo ne, mà ǹ nə n pàã tumaa kaa kun ǹ dí nya tɔ kɛ nɛ, yǎa Lawa a boo-diɛn lɛn tumaa lɛ piɛ̃.

Sii-nyaan 2:1

Yezu pɛ ma nɛ: «Sɛ́wɔ kɛ kiɛ̃ n dia Efɛɛzin Lawa a sɔmɔ a lon a dia dí-a wole la: «Masɛ mɛn bɛ́ leere sɔbaa n ma gusin ni, má n tɔ we sana bolon koa ǹ bǎã sɔbaa bii, man pii ka nɛ:

Sii-nyaan 2:12

Sɛ́wɔ kɛ kiɛ̃ n dia Pɛrgamun Lawa a sɔmɔ a lon a dia dí-a wole la: «Masɛ mɛn bɛ́ gɔya sa lɛn paanan lɛbɔle n maa wɔ lɛa, man pii ka nɛ:

Sii-nyaan 2:18

Sɛ́wɔ kɛ kiɛ̃ n dia Tiatiirin Lawa a sɔmɔ a lon a dia dí-a wole la: «Masɛ Lawa a Nɛgiĩ a boo n ke, masɛ mɛn bɛ́ ma yii nànan nə́ ka tɛ buə̃ bɛ́ lɔn, ma gòãn nə́ tɛ pii ka zan nɛ ǹ nə́ zɔnɔ, man pii n ni:

Sii-nyaan 2:8

Sɛ́wɔ kɛ kiɛ̃ n dia Simirnin Lawa a sɔmɔ a lon a dia dí-a wole la: «Masɛ mɛn bɛ́ bibinaa lɛa, má n giala-nyɔmɔɔ dɔ lɛa, má goã má gã, sɛnɛ, má wusoo má yiikoonaabaa yɛ, man pii ka nɛ:

Sii-nyaan 21:5

Min mɛn bɛ́ kii dankan nɛ, bɛ́ tɔ́n pɛ: «Kanna, má màn tumaa zɛnaa dii lɛa.» Á tɔ́n pɛ ma nɛ: «Kɛ kiɛ̃, a giala, masɛ a boon man taãn lɛa, ǹ nə́ kɔnboe ka foo doamaa nɛ.»

Sii-nyaan 22:6

Lon a dia dí-a wole lɛ tɔ́n pɛ ma nɛ: «Boon kɛn man taãn lɛa, ǹ nə́ kɔnboe ka foo doamaa nɛ. Dɛnaa Lawa na á lɛ kɔ a boo gii-dalin la ka a din yiri ni, a ná a lon a dia dí-a wole dia, mà sii mɛnɛn bɛ́ re n zɛnɛɛ sisia mà a wo bɛ pɛ a dí-nyalin manɛ.»

Sii-nyaan 3:1

Sɛ́wɔ kɛ kiɛ̃ n dia Sardən Lawa a sɔmɔ a lon a dia dí-a wole la: «Masɛ mɛn bɛ́ Lawa a yiri sɔbaa laanka a leere sɔbaa kɛ-n ma gɔn, man pii ka nɛ: Ma tá n nya ǹ dí doɛ̃. Tɔ nə n ganaa mà n yii n koo, sɛnɛ, a taãnbaa li ń gã!

Sii-nyaan 3:14

Sɛ́wɔ kɛ kiɛ̃ n dia Lawodiseen Lawa a sɔmɔ a lon a dia dí-a wole la: «Masɛ mɛn bɛ́ ǹ nə́ ma bíi «A n miɛ̃», masɛ mɛn bɛ́ Lawa a siére bɔlɔgoondɛnaa taãn lɛa, masɛ mɛn bɛ́ Lawa a màn-zɛnaan tumaa bɔ ma nɛ, man pii n ni:

Sii-nyaan 3:20

N too kɔ, ma tá n kiɛnlɛ-a, man dii. Bɛ̀ min mɛn ma lɛn ma, a ná a kiɛnlɛ bũ ma nɛ, ma á re we ǹ dɛnaa a kion, ma màn bii kun ni, wɔ dinin min paa.

Sii-nyaan 3:7

Sɛ́wɔ kɛ kiɛ̃ n dia Filadɛlfiin Lawa a sɔmɔ a lon a dia dí-a wole la: «Masɛ mɛn bɛ́ sonbore lɛa, man taãn lɛa, Davida a goo nɛ n ma gɔn, bɛ̀ má kiɛnlɛ tã, min kɔ́n ba boe la a bũ wa, bɛ̀ má bũ, min kɔ́n ba boe la a tã wa, ma bɛ́ màn mɛn pii, á ke: