Sii-nyaan 19:4 - LAWA A BOO SONBORE

⁴ *Min gole fuəwensii kɛ laanka màn yiikoonaa pàãdɛnaa sii kɛ yoo ǹ nə́ kaa tán Lawa yɔrɔ-a, Lawa mɛn bɛ́ giã-n kii dankan nɛ, ǹ ná a guguru kɔ, ǹ nə́ pɛ: «Taarɛ, a n miɛ̃! Lawa tɔ bɔ!»

LAWA A BOO SONBORE 2011

⁴ *Min gole fuəwensii kɛ laanka màn yiikoonaa pàãdɛnaa sii kɛ yoo ǹ nə́ kaa tán Lawa yɔrɔ-a, Lawa mɛn bɛ́ giã-n kii dankan nɛ, ǹ ná a guguru kɔ, ǹ nə́ pɛ: «Taarɛ, a n miɛ̃! Lawa tɔ bɔ!»

Sii-nyaan 19:4 ပူးပေါင်းရင်းမြစ်များ

KZS1 16:36

Barka Dɛnaa Lawa, Izirayeli a Lawa. Barka nə n wɔ lɛa duduu yǎa duduu!» Zaman tumaa pɛ mà hiĩ mà a n miɛ̃! Ka Dɛnaa Lawa tɔ bɔ!

Nehemii 5:13

Bɛ kio, má maa dɔnkɛ gole lɛkoro kũ, má zuzuu má pɛ: «Bɛ̀ min mɛn kɔ a da ǹ boo lɛ wa, Lawa n die bɛa dɛnaa lɛ kuĩ a zuzuu miɛ̃, a bɔ a kion a da kanaa, a wɔlɔ n sɔsɔɔ a gɔn mànan ganaa. Ǹ dɛnaa n die n zuzui miɛ̃, a n toa walan bii-a a gɔn kooro ne.» Zaman lɛ tumaa nə́ n toa mà a n miɛ̃. Ǹ nə́ Dɛnaa Lawa guguru kɔ. Boo mɛn lɛ nə n da, zaman lɛ bɛa sii zɛnaa.

Nehemii 8:6

Ɛsidrasi barka da Dɛnaa Lawa, Lawa gole lɛ nɛ, zaman lɛ tumaa tɔ́n na a lɛ si, ǹ nə́ n gɔnɔn goa lon "mà a n miɛ̃! Mà a n miɛ̃!" Bɛ kio, ǹ nə́ n kuməə tán ǹ lɛ la Dɛnaa Lawa yɔrɔ-a, ǹ ná a guguru kɔ.

Loen 104:35

Sii baraa-zɛnaali kɛn die ǹ papaã ǹ nə n bɔ tán la, n nyan min baraan kɛn toa kanaa doo wa. Man kɔnboe ma barka da Dɛnaa Lawa nɛ ka ma foo tumaa nɛ, ma pɛ, máa aleluya! Ka Dɛnaa Lawa tɔ bɔ!

Loen 106:48

Barka Dɛnaa Lawa, Izirayeli a Lawa. Barka nə n wɔ lɛa duduu yǎa duduu. Zaman tumaa pɛ: Hiĩ, a n miɛ̃! Aleluya, ka Dɛnaa Lawa tɔ bɔ!

Loen 41:13

N nə́ n dɔ ma lɛ, maa zɛ̀rɛbaabaã taman yii, biikoo tumaa li, n din nə ma tamaɛ n din yɔrɔ-a.

Loen 72:19

Barka tá Lawa Gole lɛ ganaa, yǎa duduu. Kanaa din tumaa die a pã ka a gugurubaa nɛ. A n baa miɛ̃, a n baa miɛ̃!

Loen 89:52

Dɛnaa Lawa, n zɔ́ɔn nə́ sɔ kaa la. N din nə kii mɛn bɔ ń koa, maǹ bɛ dɔ puusə koe.

Zeremii 28:6

– Hiĩ, a n zɛnaa miɛ̃! N boo mɛn da sisia, Dɛnaa Lawa die a bɛ zɛnaa! Ǹ mànan mɛnɛn tumaa goa Lawa a kion ǹ nə́ woo ǹ ne Baabilonii, a wusoo a da ka bɛn nɛ, ka goa-wolen kɛn tumaa nɛ!

Matiə 28:20

Ma dí mɛn tumaa pɛ ka nɛ, ka ǹ daraa ǹ ganaa ǹ nə ǹ nya. Ka dɔ̃: Ma á kun ka-n baraabaraa, yǎa kanaa a nya pinaa.»

Matiə 6:13

Sii mɛn bɛ́ damagɔ́ɔ̃li ǹ sii lɛa, bɛ wɔlɔ lui wɔ ganaa, sɛnɛ, wɔ kanbaa baraa ganaa. [A giala kiibaa nɛ, pàã nɛ ka gugurubaa nɛ, bɛn manə n din wɔ lɛa miɛ̃, yǎa duduu. A n miɛ̃.]

Korɛnti1 14:16

Sonbore, bɛ̀ n Lawa nyankɔ, n barka da Lawa nɛ ka n yiri dinsɔɔ̃ nɛ, min mɛn bɛ́ too-kɔle kooro lɛa, bɛ n siɛ lɔn a pɛ mà «A n miɛ̃» n barka da Lawa-n lɛ kio? A giala, n bɛ́ boo mɛn diɛ a boe la á bɛ doɛ̃ wa.

Sii-nyaan 15:7

Tɔɔ yiikoonaa pàãdɛnaa sii kɛ goon sana kaaran yii sɔbaa kɔ lon a dia dí-a wole sɔbaa kɛ la, kaaranan lɛn piɛ̃maa nɛ, ka Lawa a foo-yoo ne, asɛ mɛn bɛ́ a yii n koo baraabaraa yǎa duduu.

Sii-nyaan 19:1

Bɛ kio, má ma, ka min gigiã lɛn nə boe lon, ǹ nə́ pii: «Aleluya! Lawa tɔ bɔ! Gɔ̀lɔ̀baa nɛ, ka gugurubaa nɛ, ka pàãyiidɛnaabaa nɛ, bɛn man wɔa Lawa wɔ lɛa.

Sii-nyaan 19:3

Ǹ nə́ wusoo ǹ nə́ pɛ doo: «Aleluya! Lawa tɔ bɔ! Kiwi gole lɛ a tɛmaa yoo, a tɛ n kuĩ baraabaraa yǎa duduu.»

Sii-nyaan 19:6

Má ma doo ka zaman gole lɛn nə boe, a wuu n boe ka mu bɛ́ n toe màn nɛ lɔn, ka la a paraa bɛ́ lɔn, á goã pii: «Aleluya! Lawa tɔ bɔ! A giala mà wɔa Dɛnaa Lawa Pàãyiidɛnaa n kiibaa ǹ pàã la!

Sii-nyaan 5:14

Màn yiikoonaa pàãdɛnaa sii kɛ na á goã ǹ lɛ sii: «Taarɛ. A n miɛ̃!» Min golen kɛn dɔn nə́ kaa tán-a ǹ nə́ ǹ guguru koe.