Sii-nyaan 18:9 - LAWA A BOO SONBORE

⁹ Kanaa a kiin mɛnɛn bɛ́, ǹ nə́ n gii wɔ a naarɛbaa ǹ siin kɛn nɛ, ka a nyaǹ gɛsɛ bɔ ǹ mànan kɛn nɛ, bɛ̀ ǹ nə́ kiwi lɛ a tɛ a kũ ǹ tɛmaa kɛ yɛ boe, ǹ tá re wuu pii ǹ nə n lala da.

LAWA A BOO SONBORE 2011

⁹ Kanaa a kiin mɛnɛn bɛ́, ǹ nə́ n gii wɔ a naarɛbaa ǹ siin kɛn nɛ, ka a nyaǹ gɛsɛ bɔ ǹ mànan kɛn nɛ, bɛ̀ ǹ nə́ kiwi lɛ a tɛ a kũ ǹ tɛmaa kɛ yɛ boe, ǹ tá re wuu pii ǹ nə n lala da.

Sii-nyaan 18:9 ပူးပေါင်းရင်းမြစ်များ

Siin Giala 19:28

Á n yii saa á ga Sodɔmu laanka Gomɔɔrɔ ganaa, ka ǹ lɛkoro lɛ-a bǎãn kɛn tumaa nɛ. Á tɛmaa yɛ yui tán kurukuru ka kùsì gole wɔ bɛ́ lɔn.

Loen 58:10

Ǹ nyan laan mà a n piɛ̃ a bún baa, Lawa a foo-busii á re ǹ goɛ, ka piɛ̃ gole bɛ́ lɔn, a kiɛ̃ ǹ nɛ.

Izayii 13:19

Lawa Sodɔmu laanka Gomɔɔrɔ yu lɔn lɛlɛ, a n die Baabilonii dɔ yui miɛ̃, asɛ kɛ lɛ gánan kiwi sonbore lɛa, a minin nə́ n dinin gole koe a paǹ li.

Izayii 30:33

Tɛ kɔn yɔrɔ boemaa nɛ haalɛ bibi, a n Asiiriin kii wɔ lɛa. Yala zuzulu pəmə goon gɔ́ɔ̃ nɛ, maǹ nə́ gɔn da kɔn la buurii ni tɛ lɛ wɔ lɛa. Dɛnaa Lawa lɛ gɔ́ɔ̃ ǹ piɛ̃ ke ka kiribi tɛdɛnaa bɛ́ lɔn, bɛ n die tɛ lɛ diɛ.

Zeremii 50:40

Dɛnaa Lawa a da ǹ boo á ke: Basaã mɛn Sodɔmu laanka Gomɔɔrɔ yɛ, ka ǹ lɛkoro-a kiwin ni, a din lɛ miã n die a dɔ yii. Min goon din ba re goɛ̃ a kiwin ni wa, minbuiin nɛ goon ba re goɛ̃ ǹ nɛ wa.

Zeremii 50:46

Ǹ mɛn waáraa bɛ̀ ǹ tá pii: «Ǹ nə́ Baabilonii kũ!», tán nə bìn diɛ, lɛ dɛ gole n boe gána tumaa nɛ.

Zeremii 51:8

Bǎã goon ne Baabilonii mɛnaa, á busu da a din ganaa. Ka gɛ̀ loe lɔ la! Ka nyɔɔ lɔ a busulɛn ganaa, kɔntan á re kaka koe!

Ezekieli 27:35

Yisi mu lɛkoro-a dɛnan kɛn tumaa foo n ziziɛ̃ nɛ n din a lɛa. Gɔ̀nɔn bìn diɛ a nɛn ǹ kiin kɛn la wa, nyɛ́ɛ n bɛn gialaa, ǹ yɔrɔ yii ziziɛ̃.

Timəə dí-pɛn 29:23

Tɔrɔn tumaa n die pii bɛa biikoo li: «Wàa na á baa, Dɛnaa Lawa gána kɛ baa kɛnɛn? Wàa mɛn sii na á da bɛa foo-yoo gole kɛ ganaa?»

Timote1 5:11

Lɔ giɔɔrɔ tenən kɛn, n nyan bɛn tɔ kiɛ̃ wa. A giala, bɛn foo dùũ nə ǹ nyɛnɛɛ, ǹ wɔlɔ lui *Krita ganaa, ǹ kiɛ wusoo a wɔ zuũ li ganaa.

Sii-nyaan 14:11

Ǹsɛn mɛnɛn bɛ́ Tɔɔ kɛ laanka a nyín guguru koe, a tɔ n kiɛ̃ nɛ ǹ ganaa, tèlò-n ka baayɛlɛ nɛ, ǹ ba re susui yii wa. Tɛ mɛn bɛ́ re ǹ kuĩ, a tɛmaa á re yui yǎa duduu.»

Sii-nyaan 17:2

Kanaa a kiin tumaa nə́ n dinin kɔ a din kũ doɛ̃baã siin kɛn la, tán minbuiin tumaa lɛ kɔ á ǹ bebere ka a din kũ doɛ̃baã siin kɛn nɛ, ǹ nə́ ziziɛ̃.»

Sii-nyaan 18:18

Ǹ nə́ n lɛ dii kiwi lɛ a tɛ a kũ ǹ tɛmaa kɛ ganaa, ǹ nə́ pii: «Kiwi mɛn na á goã n zoɛ̃ kɔn ka kiwi gole kɛ nɛ?»

Sii-nyaan 18:20

Lon mànan lɛn, ka n nyɛnyaa a ziziɛ̃ kɛ a lɛa! Lawa a minin ni, ka a dia dí-a wolen ne, ka a boo gii-dalin ni, ka n nyɛnyaa! A giala a bɛ́ á sii baraa mɛn zɛnaa ka nɛ, Lawa na á bɛ lɛ a kiri kuru la.

Sii-nyaan 18:3

A giala á tɔrɔn tumaa a minin bebere ka a din kũ doɛ̃baã sii babaraan kɛn nɛ. Kanaa a kiin tumaa nə́ ǹ din kɔ a din kũ doɛ̃baã siin kɛn la kun ni. Kanaa a pii-kɔlen tumaa pàãman baa, ka a gɔn màn damata kɛ nɛ.»

Sii-nyaan 18:7

A bɛ́ á n din tɔ gole kɔ a gɔn màn sonboren kɛn lɛa lɔn, fuu laanka koe die ǹ bɔ a dɔ ganaa miɛ̃ bɛ doo. A n pii a din gɔ́ɔ̃ nɛ: «Man kii lɛa tán kànaa, ma bie giɔɔrɔ lɛa wa, ma a re gɛ̀ koɛ doɛ̃ ka duduu wa.»

Sii-nyaan 19:3

Ǹ nə́ wusoo ǹ nə́ pɛ doo: «Aleluya! Lawa tɔ bɔ! Kiwi gole lɛ a tɛmaa yoo, a tɛ n kuĩ baraabaraa yǎa duduu.»

Sii-nyaan 2:22

Bɛ lɛ n toɛ, ma á re busu diɛ a ganaa a piì ni. Min mɛnɛn dɔn bɛ́ ǹ nə́ naarɛbaa zɛnaa kun ka asɛ lɔ kɛ nɛ, ǹ sii bɔnɛɛn mɛnɛn zɛnaa kun ni, bɛ̀ ǹ wusoo ǹ kio-n wa, ma á re fuu gole nyɛɛ ǹ dɔn nɛ.