Sii-nyaan 18:8 - LAWA A BOO SONBORE

⁸ Bɛ lɛ a lɛa nɛ, koen mɛnɛn tumaa bɛ́ a wɔ lɛa, ǹ tá re die kiɛ la pinin goon toto: busu ni, gɛ̀-koa nɛ, bòo ne, ka tɛ mɛn bɛ́ re kuĩ. A giala Dɛnaa Lawa mɛn bɛ́ á kiri wɔ a ganaa, Pàãyiidɛnaa nɛ.

LAWA A BOO SONBORE 2011

⁸ Bɛ lɛ a lɛa nɛ, koen mɛnɛn tumaa bɛ́ a wɔ lɛa, ǹ tá re die kiɛ la pinin goon toto: busu ni, gɛ̀-koa nɛ, bòo ne, ka tɛ mɛn bɛ́ re kuĩ. A giala Dɛnaa Lawa mɛn bɛ́ á kiri wɔ a ganaa, Pàãyiidɛnaa nɛ.

Sii-nyaan 18:8 ပူးပေါင်းရင်းမြစ်များ

Zɔbu 9:19

Bɛ̀ má pàã sii da a nɛ, a din dɔ n pàã lɛ lɛa. Bɛ̀ ga sonbore li ni, die n die a kiri we?

Loen 62:11

Ka baran n foo doa baraabaa sii zɛnaa ǹ gɔnɔn ganaa wa, màn mɛn bɛ́ n sii ka pàã nɛ, ka baran n yiri koa màn kɔn ganaa bɛ gɔ́ɔ̃-n wa. Bɛ̀ kaa naforon tá mɔnɛɛ, ka baran n foo kɔ bɛn la wa.

Izayii 27:1

Bɛa pinaa, Dɛnaa Lawa á re yui *Leviatan gialaa ka a gɔya sa kaka pàãdɛnaa kɛ nɛ, Leviatan lɛ n miɛ̃ baa-sili lɛa. Leviatan piɛ̃maa-n ka taasiɛ baraa nɛ. Dɛnaa Lawa á re bɛa mu li ǹ màn babaraa lɛ dii.

Izayii 9:14

Min golen laanka kiãn man a mìi lɛa, Lawa a boo gii-dali soɛ-bɔlen kɛn man a mui lɛa.

Zeremii 50:31

Taãn nɛ, Din koa wole Baabilonii, ma lɛ nə n li. Dɛnaa Lawa Pàãyiidɛnaa a da ǹ boo ne. Kanna kəni, maa yoo n gialaa ǹ lɛawaa n ka kɛ nɛ.

Zeremii 50:34

Sɛnɛ pàã tá ǹ si sii la wole lon. A tɔ n "Dɛnaa Lawa Pàãyiidɛnaa". A n die ǹ zia gii diɛ ka pàã nɛ. Màn mɛn bɛ́ toɛ, a nyɛ́ɛ da Baabilonii ganaa, a yii-nyɛɛ kɔ tán tumaa la.

Zeremii 51:58

Dɛnaa Lawa Pàãyiidɛnaa n kɛ pii: Kungɔn dadaran mɛnɛn bɛ́ Baabilonii lɛnpɛnɛ, bɛn tumaa ziziɛ̃. Tɛ á re kiɛnlɛ sɔsɔrɔn kɛn kuĩ. Tɔrɔn manə n dinin nɔmɛɛ kooro, gánan man dí nyɛɛ tɛ nɛ!

Zeremii 51:6

Ka baa si, ka n wɔlɔ sɔsɔɔ kɔ Baabilonii ganaa! Didie tumaa ga a din li! Ka bɛ nɛ, ka a re giɛ̃, a sii baraan lɛa wa. A giala, Dɛnaa Lawa a dɔlɔ bɔ biikoo ne. A kɔnbɔ ka màn mɛn nɛ, a n die bɛ lɛ a saraa koe la.

Zowɛli 2:11

Dɛnaa Lawa na a zia-baalin lɛn nyɛɛnɛ, a n paraa we. A sɔraasin lɛn man gigiã, ǹ ná a bɔlɔ sii. Dɛnaa Lawa a lɛawaa lɛ, lɛawaa gole ne á nyɛ́ɛ dɔ din diɛ. Die n die n boe a nɛ?

Korɛnti1 10:22

Hinlaa, wɔ n zoɛ̃ wáa wɔ ga Dɛnaa lɛ li? Ka ǹ taasɛ mà wɔ pàã la Dɛnaa wɔ nɛ?

Sii-nyaan 11:17

bɛ̀ ǹ nə́ pii: «Dɛnaa Lawa Pàãyiidɛnaa, nsɛ mɛn bɛ́ n tan, n goã n tan, wɔ a barka diɛ n nɛ. A giala n dí nya ka n pàãyiidɛnaabaa nɛ, n nə́ n kiibaa koa.

Sii-nyaan 17:16

N bɛn fù mɛn yɛ ka Tɔɔ lɛ dinmaa nɛ, naarɛbaali kɛ tìĩ á re boe ǹ tumaa nyin ni. Ǹ tá re a mànan tumaa sii la, ǹ nà a gɔ̀nɔn kooro da. Ǹ tá re a siĩ soɛ̃, ǹ tɛ kaa a wen ganaa.

Sii-nyaan 17:18

«Ma lɔ mɛn dɔ yɛ, kiwi gole mɛn bɛ́ kanaa tumaa a kiin lɛduĩ, bɛ n ka bɛ nɛ.»

Sii-nyaan 18:17

A pàãmabaa ǹ màn damata lɛ yii papaã biikoo goon toto dinsɔɔ̃ gɔ́ɔ̃ nɛ!» Yìsi mu la ǹ goo a goledɛnan nɛ, ka ǹ zii tɔ-wɔlen ne, ka goo lɛ a dabaalin ni, ka min mɛnɛn tumaa bɛ́ dí nyɛɛ mu la, bɛn tumaa nə́ n zɔ̃ ǹ nə́ giã tiãlɛa.

Sii-nyaan 18:19

Maǹ nə́ goã gusuũ goɛ kiɛ ǹ mìi ni, ǹ nə́ wuu pii, ǹ nə́ n duwii, ǹ nə́ n lɛ dii: «Bɔ̀n woo bɔ̀n! Asɛ-n bɔ̀n gole kiwi gole lɛ yɛ! A din a pàãmabaa na á yìsi mu la ǹ dí-nyali tumaa baa pàãma lɛa. Sɛnɛ, a màn lɛ tumaa á ke á papaã biikoo goon toto dinsɔɔ̃ gɔ́ɔ̃ nɛ.»

Sii-nyaan 19:3

Ǹ nə́ wusoo ǹ nə́ pɛ doo: «Aleluya! Lawa tɔ bɔ! Kiwi gole lɛ a tɛmaa yoo, a tɛ n kuĩ baraabaraa yǎa duduu.»