Sii-nyaan 18:3 - LAWA A BOO SONBORE

³ A giala á tɔrɔn tumaa a minin bebere ka a din kũ doɛ̃baã sii babaraan kɛn nɛ. Kanaa a kiin tumaa nə́ ǹ din kɔ a din kũ doɛ̃baã siin kɛn la kun ni. Kanaa a pii-kɔlen tumaa pàãman baa, ka a gɔn màn damata kɛ nɛ.»

LAWA A BOO SONBORE 2011

³ A giala á tɔrɔn tumaa a minin bebere ka a din kũ doɛ̃baã sii babaraan kɛn nɛ. Kanaa a kiin tumaa nə́ ǹ din kɔ a din kũ doɛ̃baã siin kɛn la kun ni. Kanaa a pii-kɔlen tumaa pàãman baa, ka a gɔn màn damata kɛ nɛ.»

Sii-nyaan 18:3 ပူးပေါင်းရင်းမြစ်များ

Izayii 47:15

N nə́ n din nɔmaa ka gɔn nɔɔ nɛ bɛa minin lɛn li, a kũ n tenmaa waáraa ganaa. Ǹ bɛ́ màn mɛn lɛa n gɔn kanna kəni, bɛ n ke: Kanna, maǹ woe paǹ tumaa li, ǹ kɔn ba boe la a n kirisibaa wa.

Zeremii 51:34

Baabiloniin kii Nebukadenezɔɔrɔ ma ziziɛ̃ lenlen, á n la bɔ ma ganaa ka tasa gɔ́ɔ̃ kooro bɛ́ lɔn. Á ma mui ka mu li ǹ màn babaraa kɛ bɛ́ lɔn. Ma gɔn màn giɔ̀mɔ kakan kɛn, á n nɔ̀ kã ka bɛn nɛ. Bɛ kio, á ma loo.

Zeremii 51:7

Baabilonii na á goã ka mu mi ǹ kaaran bɛ́ lɔn, sana lɛa Dɛnaa Lawa gɔn. A n gàãn yui kanaa a tɔrɔn tumaa li. Kanaa a tɔrɔn man nə́ goã a duvɛ̃ mii, yǎa a ǹ yii kuĩ.

Busii pɛ 4:5

Min mɛnɛn nə goã màn kɔɔ̃n bii, bɛn man giɛ̃ tán zii mìi ni. Min mɛnɛn nə too naforo gɔ́ɔ̃ nɛ, bɛn man yisi gugusi ka ǹ gɔn nɛ.

Nahumu 3:4

Ninivu sii baraa zɛnaa á la yii ni. A siĩnbaa taman yii, a n ka kɔrɔbaali bɛ́ lɔn, minin yiri sii. A n ka dagòãdɛnaa bɛ́ lɔn, minin yiri sii. Bɛ lɛ taman yii, tɔrɔ gigiã ná a bɛ̀rɛ baa.

Luku 7:25

Sɛnɛ, ka n ka woo ga wàa mɛn ganaa? Min mɛn bɛ́ nyaǹ bɔ ǹ mɔnaan nə́ goã a ganaa? Táa min mɛnɛn bɛ́ mɔnaa sonboren we, ǹ gɔn màn nə́ gigiã, bɛn man pàãma kion dadaran nɛ. ZAÃ lɛ goã miɛ̃ wa.

Timote1 5:11

Lɔ giɔɔrɔ tenən kɛn, n nyan bɛn tɔ kiɛ̃ wa. A giala, bɛn foo dùũ nə ǹ nyɛnɛɛ, ǹ wɔlɔ lui *Krita ganaa, ǹ kiɛ wusoo a wɔ zuũ li ganaa.

Sii-nyaan 14:8

Lon a dia dí-a wole paabaa ǹ wɔ kɔ bibinaa lɛ kio lɛ, a n pii: «*Baabilonii lɛ mɛnaa! Baabilonii kiwi gole lɛ mɛnaa ka bolobolo! Asɛ mɛn bɛ́ á tɔrɔn tumaa a minin bebere, a ǹ baa naarɛbaali taãn-taãnan lɛa.»

Sii-nyaan 17:2

Kanaa a kiin tumaa nə́ n dinin kɔ a din kũ doɛ̃baã siin kɛn la, tán minbuiin tumaa lɛ kɔ á ǹ bebere ka a din kũ doɛ̃baã siin kɛn nɛ, ǹ nə́ ziziɛ̃.»

Sii-nyaan 18:19

Maǹ nə́ goã gusuũ goɛ kiɛ ǹ mìi ni, ǹ nə́ wuu pii, ǹ nə́ n duwii, ǹ nə́ n lɛ dii: «Bɔ̀n woo bɔ̀n! Asɛ-n bɔ̀n gole kiwi gole lɛ yɛ! A din a pàãmabaa na á yìsi mu la ǹ dí-nyali tumaa baa pàãma lɛa. Sɛnɛ, a màn lɛ tumaa á ke á papaã biikoo goon toto dinsɔɔ̃ gɔ́ɔ̃ nɛ.»

Sii-nyaan 18:23

Bólon fúlu a re yii a-n doo wa. Tɔntɔraa kɔn-wɔle laanka a lɔ lɛ a re boe a-n doo wa. A din a pii-kɔlen man nə́ goã pàãdɛnan lɛa kanaa, a din dɔ na á goã tɔrɔn tumaa a minin yiri siɛ̃ ká a gɔ́ɔ̃ tìbaa ǹ dagòãn nɛ.»

Sii-nyaan 18:7

A bɛ́ á n din tɔ gole kɔ a gɔn màn sonboren kɛn lɛa lɔn, fuu laanka koe die ǹ bɔ a dɔ ganaa miɛ̃ bɛ doo. A n pii a din gɔ́ɔ̃ nɛ: «Man kii lɛa tán kànaa, ma bie giɔɔrɔ lɛa wa, ma a re gɛ̀ koɛ doɛ̃ ka duduu wa.»

Sii-nyaan 18:9

Kanaa a kiin mɛnɛn bɛ́, ǹ nə́ n gii wɔ a naarɛbaa ǹ siin kɛn nɛ, ka a nyaǹ gɛsɛ bɔ ǹ mànan kɛn nɛ, bɛ̀ ǹ nə́ kiwi lɛ a tɛ a kũ ǹ tɛmaa kɛ yɛ boe, ǹ tá re wuu pii ǹ nə n lala da.