Sii-nyaan 17:5 - LAWA A BOO SONBORE

⁵ Ǹ nə́ tɔ giməə kiɛ̃ a nyanlɛ-a. Bɛa tɔ giməə lɛ giala mà "*Baabilonii gole mɛn bɛ́ naarɛbaa laanka sii gɔgɔrɛ tumaa a náa lɛa kanaa gɔ́ɔ̃ nɛ".

LAWA A BOO SONBORE 2011

⁵ Ǹ nə́ tɔ giməə kiɛ̃ a nyanlɛ-a. Bɛa tɔ giməə lɛ giala mà "*Baabilonii gole mɛn bɛ́ naarɛbaa laanka sii gɔgɔrɛ tumaa a náa lɛa kanaa gɔ́ɔ̃ nɛ".

Sii-nyaan 17:5 ပူးပေါင်းရင်းမြစ်များ

Izayii 3:9

Ǹ yɔrɔ gɔ́ɔ̃ din nə ǹ zɛnaa ǹ siin nyɛɛ. Ǹ ba ǹ sii baraan duri wa, maǹ nə ǹ pii ǹ lɛ-a ka Sodɔmu minin wɔ bɛ́ lɔn. Koe n ka kɛ nɛ, maǹ bɔ̀n yɔrɔ boe ǹ dinin wɔ lɛa.

Ezekieli 16:35

Nsɛ Zeruzalɛmu, lɔ kɔrɔ, n too kɔ Dɛnaa Lawa a boo ganaa kəni:

Filipi minin 3:19

Ǹ giala-nyɔmɔɔ á re ziziɛ̃, a giala, mà ǹ gɔ̀nɔn foo sii mànan manə ǹ Lawa lɛa. Sii mɛn doamaa bɛ́ a sìi da ǹ ganaa, manə n dinin koɛ ka bɛ nɛ, ǹ nə́ taasiɛ we kanaa kɛ a mànan dininsɔɔ̃nɔn ganaa.

Tesaloniki2 2:7

A tá a piã ǹ dí lɛ gialaa nyɛɛ ka durii-n gɔrɔ. Sɛnɛ, màn mɛn lɛ bɛ́ kurii, yǎa bɛ nə n boe bii-a, siin lɛn nə tɔn nə n zɛnɛɛ.

Sii-nyaan 1:20

Leere sɔbaa ke ń yɛ ma gusin ni, ka sana bolon koa ǹ bǎã sɔbaa kɛ nɛ, ǹ bɛ́ sii-duriin mɛnɛn giala pii, ǹ nə́ ke: Leere sɔbaa kɛ n Lawa a sɔmɔ sɔbaan kɛn lon a dia dí-a wolen lɛa, sana bolon koa ǹ bǎã sɔbaa kɛ n Lawa a sɔmɔ sɔbaa kɛ lɛa.»

Sii-nyaan 11:8

Ǹ bɛ́ ǹ nə́ Dɛnaa dere gɔn ganaa kiwi gole mɛn nɛ, ǹ geren tá re goɛ̃ tán-a bɛa kɔn yɛ ǹ bǎã nɛ. A din kiwi kɛ lɛ nɛ ǹ nə́ bíi ka tɔ giməə ne, mà "Sodɔmu", ka "Ezipti".

Sii-nyaan 14:8

Lon a dia dí-a wole paabaa ǹ wɔ kɔ bibinaa lɛ kio lɛ, a n pii: «*Baabilonii lɛ mɛnaa! Baabilonii kiwi gole lɛ mɛnaa ka bolobolo! Asɛ mɛn bɛ́ á tɔrɔn tumaa a minin bebere, a ǹ baa naarɛbaali taãn-taãnan lɛa.»

Sii-nyaan 16:19

Kiwi gole lɛ nə́ n talakɔn sɔɔ, gánan tumaa a kiwin nə́ bɔ ǹ nə́ kaa. Lawa nə́ n yiri koa *Baabilonii kiwi gole kɛ a zɛnaa ǹ sii ni, á da Lawa a foo-yoo ǹ duvɛ̃ mii ganaa, ǹ mɛn lɛ bɛ́ Lawa a foo-yoo gole paan kɛ nɛ.

Sii-nyaan 17:1

Lon a dia dí-a wolen mɛnɛn bɛ́ ǹ nə́ goã ka koe mànan nɛ ǹ gunun, bɛn goon nə́ n zɔ̃ á dɔ ma li, á pɛ ma nɛ: «Ǹ bɛ́ re dɔlɔ boe lɔ naarɛbaali gole kɛ ganaa ka yɔrɔ mɛn nɛ, daa, ma á re bɛ nyɛɛ n nɛ, kiwi gole mɛn bɛ́ ǹ nə́ dɔ pɛrɛ damata lɛkoro lɛ-a.

Sii-nyaan 17:2

Kanaa a kiin tumaa nə́ n dinin kɔ a din kũ doɛ̃baã siin kɛn la, tán minbuiin tumaa lɛ kɔ á ǹ bebere ka a din kũ doɛ̃baã siin kɛn nɛ, ǹ nə́ ziziɛ̃.»

Sii-nyaan 17:7

Lon a dia dí-a wole lɛ tɔ́n pɛ ma nɛ: «Wàa na á baa kɛ tá n tɔwɛɛ? Lɔ kɛ laanka Tɔɔ mɛn bɛ́ á saa, a mìi n sɔbaa a bɛn nə́ fù, ma á re ǹ sii-duriibaa giala pii n ni.

Sii-nyaan 18:2

Á n lɛ dɛ ka lɛn gole ne, á pɛ: «*Baabilonii lɛ mɛnaa! Baabilonii kiwi gole lɛ mɛnaa ka bolobolo! Kanna, a bǎã nə́ n baa nɔ̀ɔn baraan giã ǹ bǎã lɛa, yiri baraan tumaa a duru ǹ bǎã lɛa, bàan gɔ̀dɛnaa gìĩ-bɔle-an tumaa a giã ǹ bǎã lɛa.

Sii-nyaan 18:21

Bɛ ganaa, lon a dia dí-a wole kaka goon tɔ́n kɔlɔ saa, a gugurubaa n ka wii lɔ ǹ gii bɛ́ lɔn, á zũ yìsi mu li, á pɛ: «Kɔlɔ kɛ nə n zũ ka pàã mɛn nɛ, maǹ die Baabilonii kiwi gole kɛ dɔ zuĩ tán miɛ̃, min kɔ́n ná a re yii doo wa.

Sii-nyaan 19:2

A kiri-kurii n taãnɛ, a n pepere! Naarɛbaali gole mɛn bɛ́ á goã kanaa tumaa yiri ziziɛ̃, ka a din kũ doɛ̃baã sii ni, á kiri wɔ bɛ ganaa. Á dɔlɔ bɔ a ganaa, a giala mà á Lawa dí-nyalin dɛ lɛlɛ ǹ nə́ gã.»

Sii-nyaan 7:3

«Ka n dinin kũ. Tán nɛ, yìsi mu gole ne hinlaa dan nɛ, ka nyan sii kɔ́n zɛnaa bɛn man bɔrɔ wa, yǎa wɔsɛn nə nyaǹ kiɛ̃ wɔa Lawa a dí-nyalin nyanlɛ ganaa wɔ nya.»