Sii-nyaan 17:3 - LAWA A BOO SONBORE

³ Lawa a Yiri Fu taasiɛ da ma ganaa, má yɛ, lon a dia dí-a wole ma saa á woo ma nɛ don bii. Má lɔ goon yɛ á giã Tɔɔ goon la, Tɔɔ lɛ n tã, a gɔ̀nɔn tumaa kiɛ̃maa-n ka sɔ kɔ Lawa ganaa ǹ boo ne. A mìi n sɔbaa, a bɛn nə fù.

LAWA A BOO SONBORE 2011

³ Lawa a Yiri Fu taasiɛ da ma ganaa, má yɛ, lon a dia dí-a wole ma saa á woo ma nɛ don bii. Má lɔ goon yɛ á giã Tɔɔ goon la, Tɔɔ lɛ n tã, a gɔ̀nɔn tumaa kiɛ̃maa-n ka sɔ kɔ Lawa ganaa ǹ boo ne. A mìi n sɔbaa, a bɛn nə fù.

Sii-nyaan 17:3 ပူးပေါင်းရင်းမြစ်များ

Kiin1 18:12

Sɛnɛ, ma bɛ́ re kiɛ̃ man bɔ n li lɔn gɔrɔ, táa Dɛnaa Lawa yiri n die n siɛ a wo n ne n wooǹ bǎã nɛ, bǎã mɛn bɛ́ masɛ n ma ba doɛ̃ wa, bɛ̀ má pɛ Akaabu ni, máa n tá kànaa, yǎa Akaabu kiɛ̃ a da bǎã kooro yaa, a n masɛ nyín boe. A da yaa a kũ maa tenmaa ganaa, man nyɛ́ɛ biɛ Dɛnaa Lawa yii ni.

Kiin2 2:16

ǹ nə́ pɛ nɛ: «Á ke, n dí-nyalin lɛn bii, giĩ posooro kaka tan. Toa ǹ wo ga n dɛnaagiĩ lɛ li. Kɔntan Dɛnaa Lawa yiri lɛ na á saa á woo zũ kele kɔn la, hinlaa nyankɔrɔ lɛ kɔn nɛ.» Yiliizee pɛ ǹ nɛ: «Ka baran min dia wa.»

Loe kɔɔ̃n kɔɔ̃n 8:5

Lɔ mɛn nə ke n toɛ diə gole li die, paraa-n denden a din foo dùũ wɔ gùrù ganaa? Man má n yii kaa pɔmu da kɛ giulun, n dan bɛ́ á n nɔ̀ si bǎã mɛn lɛ nɛ, a bɛ́ á n yɛ á n da kanaa bǎã mɛn lɛ nɛ.

Ezekieli 11:24

Lawa yiri daa ma saa á woo ma nɛ goa wolen lɛn li *Baabilonii gána nɛ. Lawa yiri na a bɛ nyaa ma nɛ sii-nyaa gɔ́ɔ̃ nɛ. Ma yii goã màn mɛn ganaa, bɛ daa á papaã á n bɔ ma lalan.

Ezekieli 3:12

Bɛ kio, Lawa yiri daa ma saa. Má tɔ́n lɛ-dɛ gole ma ma kio pii: «Dɛnaa Lawa tɔ nə n saa lon a gugurubaa ǹ bǎã kɛ nɛ!»

Ezekieli 8:3

Á màn kɔn dia ma la ka gɔn bɛ́ lɔn, á ma kũ ma mìi ka ganaa. Bɛ kio, Lawa a sii-nyaa gɔ́ɔ̃ nɛ, Lawa yiri ma saa lon, á woo ma nɛ Zeruzalɛmu. Wɔ ǹ kiɛnlɛ mɛn bɛ́ gɔ́ɔ̃ li, a yɔrɔ n dia-n gɔsɛ a lɛ̀gɔn la, a na á ma da tán walan. Ga Lawa lɛ li ǹ dì kɛ dɔ na á goã walan, Lawa bɛ́ a goã lɛ koe ǹ mɛn lɛ ganaa duduu wa.

Matiə 27:28

Ǹ ná a mɔnaan sɔlɔ ǹ nə́ ǹ bɔ a ganaa, ǹ nə́ dɔnkɛ tã wɔ a ganaa.

Nya ǹ dín 8:39

Ǹ bɛ́ ǹ nə́ soo ǹ nə́ n bɔ mu lɛ li, Yiri Fu Filipi saa. Giĩ lɛ yɛ a yii-n doo wa, sɛnɛ, a ná a zii gialakun kɛ tɔ wɔ ka nyɛnyɛɛ nɛ.

Tesaloniki2 2:4

Minbuiinin bɛ́ màn mɛn tumaa guguru koe, a n die n gòãn doɛ kɔn ka bɛ din tumaa nɛ, a zia da ǹ ganaa, yǎa a dinmaa die giɛ̃ tán Lawa a Kion, a pii mà asɛ n Lawa lɛa.

Sii-nyaan 1:10

Dɛnaa a lɛawaa pinaa, Lawa a Yiri Fu ma kũ, má lɛn gole goon ma ma kio, a wuu goã boe kaka ka bɛn lɛn bɛ́ lɔn.

Sii-nyaan 12:14

Sɛnɛ, ǹ nə́ giogialatã-a gole kɛ nyàan kɔ lɔ lɛ la, mà a yoo a wo a giã ǹ bǎã lɛ-n don gɔ́ɔ̃ nɛ, maǹ die toe walan, yǎa lɛ̀ sɔɔ ka talɛɛ, a wɔlɔ á re sɔsɔɔ koe miɛ̃ kɛ ganaa.

Sii-nyaan 12:3

Kaãbaa ǹ sii gole kɔsɔ dɔ nə́ n din nyaa lon doo: Tɔɔ babaraa piɛ̃ wole tã ganganbiɛ goon ne. A mìi n sɔbaa, a bɛn nə fù. Kiibaa ǹ bafolo n we-n a mìi sɔbaa lɛ gogoonmaa ganaa.

Sii-nyaan 12:6

Lɔ lɛ baa si á woo don gɔ́ɔ̃ nɛ, Lawa din na á bɛa bǎã lɛ yɔrɔ bɔ á koa nɛ, mà ǹ die ǹ too walan, yǎa lɛawaa duu goon biɛpaa ka pɔsɔrɔ (1 260).

Sii-nyaan 17:18

«Ma lɔ mɛn dɔ yɛ, kiwi gole mɛn bɛ́ kanaa tumaa a kiin lɛduĩ, bɛ n ka bɛ nɛ.»

Sii-nyaan 17:4

Lɔ lɛ mɔnaa mɛn wɔ, a na á goã sisia, a paǹ tɛn nə́ tã birəə ne, a paǹ tɛn nə́ tã bonbon, sana laanka gɛ̀fu sonbore, ka gii n pɛnɛɛ nɛ a paǹ tumaa ganaa ka zuzəə ne. Sana kaaran na á goã a gunun, a piɛ̃maa-n ka a din kũ doɛ̃baã ǹ *gɔ̀ gìĩ-bɔle-a kɛ nɛ.

Sii-nyaan 18:12

Sana nɛ, wɔrɔgiala nɛ, gɛ̀fu laanka gii tɔrɔ sonboren ne, mɔnaa wùsu nɔnɔɔ nɛ, a tã birəə ne ka a tã bonbon ne, soa mɔnaa nɛ, gɔn mɛn tɔrɔ bɛ́ a yii wa, ka bɛ nɛ, ka mànan mɛnɛn tumaa bɛ́ n zɛnɛɛ ka don a díi sɔ nɛ, ka gɔn sonbore ne, ka zan nɛ, ka fɔlɔ nɛ, ka kɔlɔ zɔzɔnɔn nɛ,

Sii-nyaan 18:16

ǹ nə́ pii: «Bɔ̀n woo bɔ̀n! Asɛ-n bɔ̀n kiwi gole kɛ yɛ! Nsɛ mɛn bɛ́ ń goã dɔnkɛ yii nɔnɔɔ we, a tã birə́ ne, a tã bonbon ne, sana n tɛ pii a paǹ yii ganaa, gɛ̀fu laanka gii tɔrɔ sonboren ne.

Sii-nyaan 21:10

Lawa a Yiri Fu gisĩ ma la, á ma saa, á woo ma nɛ kele gole sasa goon mìi ni: Kiwi sonbore ke, Zeruzalɛmu lɛa, má bɛ yɛ boe lon Lawa li gisĩ tán.

Sii-nyaan 4:2

Bɛ lɛ ganaa gɔrɔ, Lawa a Yiri Fu ma kũ á woo ma-n lon, má kii dankan goon yɛ tán, min kɔ́n nə́ giã-n la.