Sii-nyaan 17:12 - LAWA A BOO SONBORE

¹² «A bɛn fù kɛ n kii fù giala pii, ǹ nə́ ǹ tɔn kiibaa yɛ bɔrɔ wa. Sɛnɛ, ǹ tá re pàã siɛ ǹ biikoo goon toto a kiibaa ǹ pàã zɛnaa kun ka Tɔɔ kɛ nɛ.

LAWA A BOO SONBORE 2011

¹² A bɛn fù kɛ n kii fù giala pii, ǹ nə́ ǹ tɔn kiibaa yɛ bɔrɔ wa. Sɛnɛ, ǹ tá re pàã siɛ ǹ biikoo goon toto a kiibaa ǹ pàã zɛnaa kun ka Tɔɔ kɛ nɛ.

Sii-nyaan 17:12 ပူးပေါင်းရင်းမြစ်များ

Sii-nyaan 10:11

Ǹ nə́ tɔ́n pɛ ma nɛ: «Yǎa n wusii n woe Lawa a boo gii diɛ gána gigiã minin ni, tɔrɔ gigiã nɛ, bɔlɔ totoro pɛle gigiã nɛ, ka kii gigiã nɛ.»

Sii-nyaan 12:3

Kaãbaa ǹ sii gole kɔsɔ dɔ nə́ n din nyaa lon doo: Tɔɔ babaraa piɛ̃ wole tã ganganbiɛ goon ne. A mìi n sɔbaa, a bɛn nə fù. Kiibaa ǹ bafolo n we-n a mìi sɔbaa lɛ gogoonmaa ganaa.

Sii-nyaan 13:1

Bɛ lɛ ganaa, má tɔ́n Tɔɔ goon yɛ soe yìsi mu gole lɛ li. A bɛn nə fù, a mìi n sɔbaa. Kiibaa ǹ bafolo n we ne a bɛn gogoonmaa tumaa ganaa, sɔ kɔ Lawa ganaa ǹ boo n kiɛ̃ nɛ a mìi gogoonmaa tumaa ganaa.

Sii-nyaan 17:16

N bɛn fù mɛn yɛ ka Tɔɔ lɛ dinmaa nɛ, naarɛbaali kɛ tìĩ á re boe ǹ tumaa nyin ni. Ǹ tá re a mànan tumaa sii la, ǹ nà a gɔ̀nɔn kooro da. Ǹ tá re a siĩ soɛ̃, ǹ tɛ kaa a wen ganaa.

Sii-nyaan 18:10

Fuu mɛn bɛ́ a mìi ni, ǹ tá re nyɛ́ɛ biɛ bɛ nɛ, ǹ wo giã tiãlɛa, ǹ nə́ pii: «Bɔ̀n woo bɔ̀n! Bɔ̀n gole Baabilonii kiwi gole pàãdɛnaa lɛ yɛ! A dɔlɔ bɔ ma-a ǹ gɔn yii n ke biikoo goon toto dinsɔɔ̃ nɛ!»

Sii-nyaan 18:17

A pàãmabaa ǹ màn damata lɛ yii papaã biikoo goon toto dinsɔɔ̃ gɔ́ɔ̃ nɛ!» Yìsi mu la ǹ goo a goledɛnan nɛ, ka ǹ zii tɔ-wɔlen ne, ka goo lɛ a dabaalin ni, ka min mɛnɛn tumaa bɛ́ dí nyɛɛ mu la, bɛn tumaa nə́ n zɔ̃ ǹ nə́ giã tiãlɛa.

Sii-nyaan 18:19

Maǹ nə́ goã gusuũ goɛ kiɛ ǹ mìi ni, ǹ nə́ wuu pii, ǹ nə́ n duwii, ǹ nə́ n lɛ dii: «Bɔ̀n woo bɔ̀n! Asɛ-n bɔ̀n gole kiwi gole lɛ yɛ! A din a pàãmabaa na á yìsi mu la ǹ dí-nyali tumaa baa pàãma lɛa. Sɛnɛ, a màn lɛ tumaa á ke á papaã biikoo goon toto dinsɔɔ̃ gɔ́ɔ̃ nɛ.»