Sii-nyaan 16:7 - LAWA A BOO SONBORE

⁷ Má lɛn goon ma boe wúlu bɔ Lawa ganaa ǹ bǎã genli, a n pii: «Hiĩ, Dɛnaa Lawa Pàãyiidɛnaa, n kiri-kuru ǹ yɔrɔn kɛn tá taãnɛ, ǹ nə́ pepere dɔn!»

LAWA A BOO SONBORE 2011

⁷ Má lɛn goon ma boe wúlu bɔ Lawa ganaa ǹ bǎã genli, a n pii: «Hiĩ, Dɛnaa Lawa Pàãyiidɛnaa, n kiri-kuru ǹ yɔrɔn kɛn tá taãnɛ, ǹ nə́ pepere dɔn!»

Sii-nyaan 16:7 ပူးပေါင်းရင်းမြစ်များ

Izayii 6:6

Sɛnɛ, lon màn yiikoonaa tɛ-pɛle lɛ goon piɛ̃ á daa ma li, tɛ nàn ná a gɔn, á kũ ka giɔ nɛ boe-n Lawa a *wúlu bɔ ǹ bǎã nɛ.

Ezekieli 10:2

Mɔnaa gole goã giĩ mɛn lɛ ganaa, Lawa tɔ́n pɛ bɛ nɛ: «Bɔ wotoro gòãn lɛn bii, lon màn yiikoonaan lɛn giulun, n wo n gɔn pã tɛ nàn kɛ nɛ lon màn yiikoonaan lɛn bii, n pɛsɛ̃ Zeruzalɛmu kiwi lɛ la.» Giĩ lɛ kiɛ̃, á wɔ ma din yii ni.

Ezekieli 10:7

Lon màn yiikoonaa lɛ goon nə́ n gɔn wɔ tɛ lɛ nɛ a din genli, á tɛ nàn lɛ kɔn bɔ. Á tɛ nàn lɛ kaa bɛa giĩ lɛ gɔn. A dɔ́ si, yǎa a soo.

Sii-nyaan 1:8

Wɔa Dɛnaa Lawa mɛn bɛ́ á goã a tan, a na a tan, a n die die, a n Pàãyiidɛnaa lɛa, bɛ́ pɛ: «Ma din nə bibinaa lɛa, ma din nə giala-nyɔmɔɔ dɔ lɛa.»

Sii-nyaan 13:10

Min mɛnɛn doamaa bɛ́ nɛ ǹ bɛ̀rɛn baa, bɛn tá re woe bɛ̀rɛbaa ǹ bǎã nɛ. Gɔya gɛ̀ doamaa bɛ́ nɛ a min mɛnɛn dɛ, bɛn tá re gɔya gɛ̀ we. Bɛ lɛ a lɛa nɛ, kasɛn mɛnɛn bɛ́ tɔn Lawa a minin lɛa, ka doamaa-n ka n foo kũ, ka sii si ka ganaa.

Sii-nyaan 14:10

bɛa dɛnaa á re Lawa a foo yoo ǹ duvɛ̃ mii, ǹ mɛn lɛ bɛ́ Lawa a foo yoo gole paan kɛ nɛ, á re fuu yii kiribi tɛ kɛ nɛ, lon a dia dí-a wole sonboren kɛn laanka Sère Nɛ kɛ yɔrɔ-a.

Sii-nyaan 14:18

Lon a dia dí-a wole kɔsɔ dɔ-n doo, tɛ da ǹ pàã ná a lon, á bɔ *wúlu bɔ ǹ bǎã paǹ li á daa. Sɛ̌n gɔya lɛbɔle-a bɛ́ ǹ miã mɛn gɔn, á paraa bɛ li: «N sɛ̌n gɔya lɛ kanaa, n tán a rezɛ̃ nɛ kɔ ǹ gɔnɔn kɛn tumaa kuru ni, a giala, rezɛ̃ nɛ lɛ ma.»

Sii-nyaan 19:2

A kiri-kurii n taãnɛ, a n pepere! Naarɛbaali gole mɛn bɛ́ á goã kanaa tumaa yiri ziziɛ̃, ka a din kũ doɛ̃baã sii ni, á kiri wɔ bɛ ganaa. Á dɔlɔ bɔ a ganaa, a giala mà á Lawa dí-nyalin dɛ lɛlɛ ǹ nə́ gã.»

Sii-nyaan 6:9

Sère Nɛ lɛ bɛ́ á sɛ́wɔ lɛ tã ǹ bǎã lɛ a soorobaa ǹ wɔ bũ, min mɛnɛn bɛ́ ǹ nə́ ǹ dɛ, ǹ Lawa a boo diɛ a lɛa, ka ǹ siérebaa ka peperebaa-n a lɛa nɛ, má ǹ telenboenən yɛ Lawa a *wúlu bɔ ǹ bǎã giulun.