Sii-nyaan 16:1 - LAWA A BOO SONBORE

¹ Má lɛn gole ma boe Lawa a kion, a n pii lon a dia dí-a wole sɔbaa kɛ nɛ: «Ka wo Lawa a foo-yoo paan sɔbaa kɛ binyəə tán la.»

LAWA A BOO SONBORE 2011

¹ Má lɛn gole ma boe Lawa a kion, a n pii lon a dia dí-a wole sɔbaa kɛ nɛ: «Ka wo Lawa a foo-yoo paan sɔbaa kɛ binyəə tán la.»

Sii-nyaan 16:1 ပူးပေါင်းရင်းမြစ်များ

Loen 79:6

Tɔrɔ kɔsɔn mɛnɛn bɛ́ ǹ ba n doɛ̃ wa, n foo-yoo kɛ kaa bɛn la. Gánan mɛnɛn bɛ́ ǹ ba n guguru koe wa, a kaa bɛn la.

Zeremii 10:25

Tɔrɔn mɛnɛn bɛ ǹ ba n doɛ̃ wa, ka min mɛnɛn bɛ́ ǹ ba n tɔ bíi wa, n foo n siĩni a yoo bɛn li. A giala, ǹ nə́ n zaman lɛ kokoo, Zakɔba ǹ nə́ n ziziɛ̃ lenlen. Ǹ nə́ ǹ gána lɛ ziziɛ̃.

Ezekieli 10:2

Mɔnaa gole goã giĩ mɛn lɛ ganaa, Lawa tɔ́n pɛ bɛ nɛ: «Bɔ wotoro gòãn lɛn bii, lon màn yiikoonaan lɛn giulun, n wo n gɔn pã tɛ nàn kɛ nɛ lon màn yiikoonaan lɛn bii, n pɛsɛ̃ Zeruzalɛmu kiwi lɛ la.» Giĩ lɛ kiɛ̃, á wɔ ma din yii ni.

Ezekieli 22:31

Bɛ lɛ nɛ ma foo tɔ́n yoo ǹ li, má ǹ tumaa dɛ lenlen, ka tɛ bɛ́ màn kuĩ lɔn. Má ǹ zɛnaa ǹ sii lɛ a dɔlɔ da ǹ mìi ni. Ma din Dɛnaa Lawa a da ǹ boo ne.

Sofonii 3:8

Dɛnaa Lawa a da ǹ boo á ke: Ka n yii da lɛawaa kɛ la kəni, man die zɛ̀rɛ diɛ ka la! A n ma gɔ́ɔ̃ nɛ ma zaman tumaa sɔkɔn, ma gánan tumaa kaa kun, màn mɛn bɛ́ toɛ, ma maa foo-yoo baraa kɛ kaa ǹ la. Hĩĩ, maa foo-yoo tɛ kɛ n die tán din tumaa kukuĩ.

Sii-nyaan 11:19

Lawa a kion mɛn bɛ́ lon, bɛ nə́ n lɛ bũ, má *lɛ kɔ kɔn la ǹ goo lɛ yɛ. Bɛ ganaa, la tɛ pɛpɛ, la gigini, la gii dadaran nə́ kaa, tán bìn da.

Sii-nyaan 14:15

Lon a dia dí-a wole goon kɔsɔ soo Lawa a Kion, á n lɛ dɛ kaka, a n pii giã labara lalan wole lɛ nɛ: «N sɛ̌n gɔya lɛ kanaa, n màn kuru, a giala màn kurii biikoo dɔ. Tán mànan lɛn nə́ ma, ǹ nə́ kɔnbɔ ka kurii ni!»

Sii-nyaan 14:18

Lon a dia dí-a wole kɔsɔ dɔ-n doo, tɛ da ǹ pàã ná a lon, á bɔ *wúlu bɔ ǹ bǎã paǹ li á daa. Sɛ̌n gɔya lɛbɔle-a bɛ́ ǹ miã mɛn gɔn, á paraa bɛ li: «N sɛ̌n gɔya lɛ kanaa, n tán a rezɛ̃ nɛ kɔ ǹ gɔnɔn kɛn tumaa kuru ni, a giala, rezɛ̃ nɛ lɛ ma.»

Sii-nyaan 15:1

Má wusoo má sii kɔsɔ yɛ á n din nyaa lon doo, a n foo biɛ na ǹ sii gole lɛa: Lon a dia dí-a wole sɔbaa nɛ, ǹ nə́ koe sɔbaa kũ ǹ gunun. Koen lɛn, a giala-nyɔmɔɔn man bɛn nɛ, a giala mà ǹ dinin man die Lawa foo yoo ǹ siin lɛn giala nyɔmiɛ.

Sii-nyaan 16:17

Lon a dia dí-a wole sɔbaabaa ǹ wɔ dɔ tɔ́n a kaaran kɛ pɛsɛ̃ piɛ̃ li. Lɛn gole goon bɔ Lawa a Kion, a n boe kii dankan paǹ li, a n pii: «A n zɛnaa kəni!»

Samayeli1 15:18

Dɛnaa Lawa bɛ́ n diɛ woe, a na á pɛ n nɛ: «Woo, n zia da bɛa Amalɛki tɔrɔ sii baraa-zɛnaalin kɛn ganaa, yǎa n nə ǹ tumaa dii lenlen ǹ nyɛɛ.»

Samayeli1 15:3

Sisia kəni, wo Amalɛki tɔrɔn gialaa, n nə ǹ dɛ n nə ǹ gɔn màn tumaa ziziɛ̃ lenlen. N baran n tɛn toa ǹ nɛ wa. Giĩn laanka lɔn nɛ, nɛnyaanan laanka nɛ tiɛɛ̃nɛn nɛ, diin laanka sèren ne, nyɔɔmaan laanka dundunun ni, ǹ tumaa dɛ.»