Sii-nyaan 14:2 - LAWA A BOO SONBORE

² Má lɛn goon ma boe lon die, a wuu n boe ka mu gole a kiɛ̃ wuu bɛ́ lɔn, ka la a paraa gole wuu bɛ́ lɔn. Lɛn wuun lɛn kaa kun nə ka n pɛ mà tùtu-dɛlen man loe loe ka tùtu ni.

LAWA A BOO SONBORE 2011

² Má lɛn goon ma boe lon die, a wuu n boe ka mu gole a kiɛ̃ wuu bɛ́ lɔn, ka la a paraa gole wuu bɛ́ lɔn. Lɛn wuun lɛn kaa kun nə ka n pɛ mà tùtu-dɛlen man loe loe ka tùtu ni.

Sii-nyaan 14:2 ပူးပေါင်းရင်းမြစ်များ

Samayeli2 6:5

Davida laanka Izirayeli minin lɛn tumaa na á goã bɛ̀ biɛ Dɛnaa Lawa yɔrɔ-a, bɛ̀ dɛ ǹ mànan tɔrɔ tumaa wuu li: gɔn sonbore wɔn nɛ, tùtu tɔrɔ tumaa laanka kɔnkoɛ̃nɛn nɛ, maàn nɛ, ka gɔn pere dɛ ǹ mànan nɛ.

KZS2 20:28

Ǹ nə́ daa kaa kiwi, tùtun wuu li, kɔnkoɛɛ̃nɛn wuu ni, ka bɛnən nɛ, yǎa Lawa a kion.

Loen 147:7

Ka loe lɔ ka barka da Dɛnaa Lawa nɛ. Ka loe lɔ ka tùtu da li, ka wɔa Lawa tɔ bɔ nɛ.

Loen 149:3

Ka bɛ̀ baa ka a guguru kɔ nɛ, ka maà laanka tùtu dɛ, ka a gugurukɔ nɛ.

Loen 33:2

Ka kɔnkoɛɛ̃n dɛ ka barka da Dɛnaa Lawa nɛ, ka tùtu nɛ fùdɛnaa dɛ ka a tɔ bɔ nɛ.

Loen 43:4

Bɛa biikoo li, ma á re doe n *wúlu bɔ ǹ bǎã kɛ nɛ. A giala, n din nə Lawa lɛa, ma foo kɔɔ̃n koe. Lawa, man die loe loe, ma tùtu da li, ma n tɔ bɔ nɛ, maa Lawa!

Loen 57:8

Á ke, ma foo á doa nɛ, Lawa, ma foo á doa nɛ. Man die loe loe, ma n tɔ bɔ nɛ.

Loen 92:3

A din goon nə ka kɛ dɔ nɛ, n yoo baayɛlɛ gɔrɔ, n na a kɔn-narɛɛ gole lɛ laakalaa. Tèlò-n doo, n na a bǐɛ̃ duduu kɛ lɛ pɛ.

Loen 93:4

Dɛnaa Lawa lɛ lon, a din lɛ n màn tumaa mìi la. Á gole á la mu dadaran wuu ni, á la yìsi mu a daa laanka a wo ka pàã-n kɛ tumaa nɛ.

Loen 98:5

Ka loe lɔ, ka tùtu dɛ Dɛnaa Lawa nɛ, ka tùtu dɛ ka màn kɔsɔn wuu lɔlɔ a ganaa.

Bɔ bɛ̀rɛbaa nɛ 19:16

A lɛawaa sɔɔbaa ǹ wɔ pinaa lɛ kəni, lɛ̀ bɛ́ á waa, la a ginii wuu bɔ, ka la a tɛ-pɛn nɛ, tɛmaa bara kaara kɔ́n nə́ n kɔ kele lɛ lɛ, bɛn wuu kaka goon bɔ. Zaman lɛ tumaa bìn da ǹ giã ǹ bǎã nɛ.

Bɔ bɛ̀rɛbaa nɛ 20:18

Izirayeli nɛnyaanan zaman lɛ tumaa na á goã la a ginii kɛ laanka bɛn wuu miɛ̃. Ǹ nə́ la a tɛ-pɛ lɛ dɔ yɛ, ka kele lɛ-n tɛmaa lɛa. Nyɛ́ɛ zaman lɛ kũ, ǹ nə́ golee tiãlɛa.

Izayii 17:13

Tɔrɔn gini n ka Yìsi mu gole a ginii bɛ́ lɔn. Bɛ̀ Dɛnaa Lawa paraa ǹ li, maǹ nə n mìi foɛ̃ ǹ wo sɔsɔɔ. Maǹ nə ǹ lui ka kele mìi ni ǹ piɛ̃ bɛ́ buu gere siɛ lɔn, ka la piɛ̃ bɛ́ gusuũ goɛ lɔn.

Ezekieli 43:2

Á ke, ma bɛ́ giɛ, bɛ̀ Izirayeli a Lawa a gugurubaa á ke á n toa lɛ̀giala li, á n die. A wuu na á goã boe ka mu gole wuu bɛ́ lɔn, a tɛ-pɛ kanaa tumaa fúlu.

Zakarii 9:14

Ka bɛ-n kəni, Dɛnaa Lawa n die yui lon ǹ mìi la, a kiɛ kɛ wo ka la a tɛ pɛ bɛ́ lɔn. Dɛnaa Lawa n die bɛn pii, a wo nyɛɛnɛ ka labara nɛ, boe gusin a lɛ̀gɔn la.

Korɛnti1 13:1

Haalɛ ta má minbuiinin bɔlɔ pɛ, má lon a dia dí-a wole dinin wɔ pɛ, bɛ̀ kɔn-narɛɛ ba ma lon wa, maa boo laakalaa lɛ a màn kɔ́n lɛa wa. A n goon ka màn wuu n boe, hinlaa ka fɔlɔ màn wuu bɛ́ lɔn.

Sii-nyaan 1:10

Dɛnaa a lɛawaa pinaa, Lawa a Yiri Fu ma kũ, má lɛn gole goon ma ma kio, a wuu goã boe kaka ka bɛn lɛn bɛ́ lɔn.

Sii-nyaan 1:15

A gòãn man tɛ pii ka zan nɛ, ǹ nə́ yo tɛ-a ǹ nə́ zɔnɔ. A lɛn wuu n boe, ka mu gole bɛ́ kiɛ tán lɔn.

Sii-nyaan 11:12

Siéren lɛn paanan nə́ tɔ́n lɛn gole goon ma lon, a n pii ǹ ni: «Ka dii ka da kànaa!» Ǹ nə́ kaa labara goon ne ǹ nə́ dii lon, ǹ zɔ́ɔn lɛn yii ni.

Sii-nyaan 11:15

Lon a dia dí-a wole sɔbaabaa ǹ wɔ tɔ́n a bɛn pɛ, lɛn dadaran nə́ bɔ lon ǹ nə́ pii: «Kanaa a kiibaa lɛ n wɔa Dɛnaa Lawa wɔ lɛa kanna, ká Krita kɛ nɛ. A n die goɛ̃ pàã la baraabaraa yǎa duduu.»

Sii-nyaan 15:2

Má tɔ́n bǎã goon yɛ ka yìsi mu gole bɛ́ lɔn, ǹ nə́ damalon kɔ lɛ, tɛ n lɔloɛ nɛ a ganaa. Min mɛnɛn nə gɔ̀lɔ̀baa si Tɔɔ lɛ la, má wusoo má bɛn yɛ, ǹsɛn lɛn man nə́ n piã ka a nyín guguru kɔ nɛ, ǹ nə́ n piã ka a tɔ kɛ dɔ nɛ, ǹ nə́ kiɛ̃ minin ganaa màn nimii lɛ lɛa. Ǹ nə́ goã golee-n mu kɛ lɛ genli, ka Lawa a tùtun nə́ ǹ gɔn.

Sii-nyaan 18:22

Tùtu-dɛlen ne, sàn kɔ ǹ màn-dɛlen ne, pìi-pɛlen ne, bɛn-pɛlen ne, min ba re bɛn kɔ́n a màn wuu miɛ a-n doo wa. Màn-zɛnaali kɔ́n ba re yii a-n doo wa, wii lɔ ǹ màn kɔ́n wuu a re boe a-n doo wa.

Sii-nyaan 5:8

A bɛ́ á sɛ́wɔ lɛ si biikoo mɛn li, màn yiikoonaa pàãdɛnaa sii kɛ laanka *min gole fuəwensii kɛ kaa tán Sère Nɛ lɛ giulun, tùtu n didie gɔn. Sana donkolon dɔ n didie tumaa gɔn, a piɛ̃maa-n ka màn gìĩ kɔɔ̃n-a nɛ. Bɛa màn gìĩ kɔɔ̃n-a lɛ n Lawa a min sonboren Lawa-nyankɔ giala pii.

Sii-nyaan 6:1

Bɛ kio, má yɛ Sère Nɛ lɛ sɛ́wɔ lɛ tã ǹ bǎã sɔbaa lɛ a bibinaa kɛ bũ, má màn yiikoonaa pàãdɛnaa sii lɛ a bibinaa lɛ ma á n lɛ dɛ, a lɛn bɔ ka la a paraa bɛ́ lɔn, á pɛ: «Daa!»

Sii-nyaan 8:7

Lon a dia dí-a wole bibinaa bɛ́ a ná a bɛn pɛ, la gii bɔ a nɛ kun ka tɛ nɛ, lɔlɛ-n kɔn ka mà nɛ, ǹ nə́ kaa tán la. Á tán talakɔn sɔɔbaa ǹ wɔ kũ ka lenlen, á dan talakɔn sɔɔbaa ǹ wɔ dɔ kũ, buu buruu mɛn tumaa bɛ́ tán la á bɛ dɔ kũ ka lenlen.