Sii-nyaan 13:4 - LAWA A BOO SONBORE

⁴ Ǹ tumaa yoo, ǹ nə́ tɔɔ babaraa piɛ̃ wole kɛ guguru koe, a giala a ná a din pàã kɔ Tɔɔ goon kɛ la. Maǹ bɛa Tɔɔ lɛ dɔ guguru koe ka a dɔ wɔ bɛ́ lɔn, ǹ nə́ pii: «Min kɔ́n ba n zoɛ̃ kɔn ka Tɔɔ kɛ-n wa. Min kɔ́n dɔ a boe la a zia baa a ganaa wa.»

LAWA A BOO SONBORE 2011

⁴ Ǹ tumaa yoo, ǹ nə́ tɔɔ babaraa piɛ̃ wole kɛ guguru koe, a giala a ná a din pàã kɔ Tɔɔ goon kɛ la. Maǹ bɛa Tɔɔ lɛ dɔ guguru koe ka a dɔ wɔ bɛ́ lɔn, ǹ nə́ pii: «Min kɔ́n ba n zoɛ̃ kɔn ka Tɔɔ kɛ-n wa. Min kɔ́n dɔ a boe la a zia baa a ganaa wa.»

Sii-nyaan 13:4 ပူးပေါင်းရင်းမြစ်များ

Bɔ bɛ̀rɛbaa nɛ 15:11

Dɛnaa, die n ka n bɛ́ lɔn lawan bii? Die n ka n bɛ́ lɔn, a siĩnbaa n yii kɛnɛn? Die n ka n bɛ́ lɔn, màn gole lɛa, màn yii guguru-a dɔ lɛa, a n boe kaãbaa ǹ siin zɛnaa la? Min kɔ́n!

Izayii 46:5

Ka ǹ boe la ka ma zɔ́ɔ̃ kɔn ka die ne? Ka ǹ ma biɛ goon ka die ne? Ka ǹ ma zoɛ̃ kɔn ka die ne mà wɔ goã goon?

Korɛnti2 4:4

A n tì a goleemali baãnaan kɛn dɔn ganaa. A giala, *Sɛtaan mɛn bɛ́ kanaa kɛ mìi la, bɛ na á ǹ yiri tã, màn mɛn bɛ́ toɛ, ǹ nyan Boo Tii Kɔɔ̃n a wɔlɔ fúlu kɛ yɛ wa. Bɛa wɔlɔ fúlu lɛ n *Krita a tɔ golebaa nyɛɛ, asɛ mɛn bɛ́ Lawa din a kɔnboe lɛa.

Timəə dí-pɛn 9:2

Sanparɛ Anaaki tɔrɔn kɛn mɔnaa nɛ, sɔsɔrɔ dɔn. Ka tá doɛ̃, ǹ bin pɛ, ká ma dɔn dinin mà die n boe la a golee Anaaki tɔrɔn kɛn nyɛɛnɛ?

Tesaloniki2 2:4

Minbuiinin bɛ́ màn mɛn tumaa guguru koe, a n die n gòãn doɛ kɔn ka bɛ din tumaa nɛ, a zia da ǹ ganaa, yǎa a dinmaa die giɛ̃ tán Lawa a Kion, a pii mà asɛ n Lawa lɛa.

Sii-nyaan 12:3

Kaãbaa ǹ sii gole kɔsɔ dɔ nə́ n din nyaa lon doo: Tɔɔ babaraa piɛ̃ wole tã ganganbiɛ goon ne. A mìi n sɔbaa, a bɛn nə fù. Kiibaa ǹ bafolo n we-n a mìi sɔbaa lɛ gogoonmaa ganaa.

Sii-nyaan 12:4

Á leere talakɔn sɔɔbaa ǹ wɔ nɔɔ ka a mui ni, á kaa tán. Á daa golee lɔ nɛ-yɛle lɛ yɔrɔ-a, bɛ̀ a ná a nɛ lɛ yɛ lɔn gɔrɔ, a kũ a sɔ̃.

Sii-nyaan 13:11

Má tɔ́n wusoo doo, má Tɔɔ kɔsɔ yɛ soe tán. A bɛn nə paa ka sère nɛ wɔ bɛ́ lɔn, sɛnɛ, a n boo diɛ ka tɔɔ babaraa piɛ̃ wole kɛ wɔ bɛ́ lɔn.

Sii-nyaan 13:15

Ǹ nə́ pàã din kɔ Tɔɔ paabaa ǹ wɔ lɛ la, mà a boo la a yiikoonaabaa ǹ piɛ̃ da Tɔɔ bibinaa lɛ nyín lɛ nɛ, ń giɛ nyín lɛ á boe la a boo da doɛ̃. Min mɛn tumaa bɛ́ a goã a nyín lɛ guguru koe wa, á pɛ, mà ǹ bɛ tumaa dɛ a gã.

Sii-nyaan 13:2

Ma Tɔɔ mɛn yɛ, a na á kɔnbɔ ka goe ne, a gòãn man nə́ kɔnbɔ ka gòon màn gole gòãn nɛ, a lɛ na á kɔnbɔ ka yàra lɛ nɛ. Tɔɔ babaraa piɛ̃-wole kɛ ná a din pàã kɔ la, ka a kii dankan nɛ ka boo sii la gole ne.

Sii-nyaan 17:14

Ǹ tá re zia biɛ Sère Nɛ kɛ ganaa. Sɛnɛ, Sère Nɛ lɛ á re gɔ̀lɔ̀ biɛ. A giala a din nə dɛnaan Dɛnaa lɛa, a n kiin tumaa a Kii lɛa. Min mɛnɛn bɛ́ Lawa nə́ ǹ bíi á ǹ bɔ, ǹ nə́ bɔlɔgoondɛnan lɛa, bɛn dɔn tá re gɔ̀lɔ̀ biɛ kun ni.»

Sii-nyaan 18:18

Ǹ nə́ n lɛ dii kiwi lɛ a tɛ a kũ ǹ tɛmaa kɛ ganaa, ǹ nə́ pii: «Kiwi mɛn na á goã n zoɛ̃ kɔn ka kiwi gole kɛ nɛ?»

Sii-nyaan 9:20

Sɛnɛ, minbuiin gialakun mɛn goã, ǹ nə́ ǹ gã koen kɛn lɛn gɔ́ɔ̃-n wa, bɛa minin kɛn lɛn nə wusoo ǹ nya ǹ dín kio wa. Ǹ nɔ̀ɔnɔn guguru koe laanka dì wúlu boe lɛ da wa. Ǹ dinin man nə́ bɛa dìn lɛn zɛnaa ka sana nɛ, ka wɔrɔ nɛ, ka zan nɛ, ka kɔlɔ nɛ, ka gɔn nɛ. Ǹ yii a wɔlɔ yii wa, ǹ too a boo miɛ wa, ǹ ba tɔ we doɛ̃ wa.

Samayeli1 17:24

Bɛa giĩ kɛ lɛ, Izirayeli minin lɛn bɛ́ ǹ nə́ yɛ, nyɛ́ɛ nə́ ǹ kũ parsiini ǹ nə́ baa si.