Sii-nyaan 13:3 - LAWA A BOO SONBORE

³ A mìin lɛn goon ne ka maǹ nə mà bɔ a ganaa lɛlɛ ká a daa a gã, sɛnɛ, a busu lɛ lɛ nya. Tán min din tumaa goã giɛ a ganaa ka kaãbaa nɛ, bɛ̀ ǹ kɔ lɛ.

LAWA A BOO SONBORE 2011

³ A mìin lɛn goon ne ka maǹ nə mà bɔ a ganaa lɛlɛ ká a daa a gã, sɛnɛ, a busu lɛ lɛ nya. Tán min din tumaa goã giɛ a ganaa ka kaãbaa nɛ, bɛ̀ ǹ kɔ lɛ.

Sii-nyaan 13:3 ပူးပေါင်းရင်းမြစ်များ

Ezekieli 30:24

Sɛnɛ, ma á re pàã koe Baabiloniin kii kɛ la, ma ma din a gɔya sa wɔ a gɔn. Ma Faarahɔn mɛn lɛ gɔnɔn yiyiɛ, á re gigini tán-a a zɔ́ɔn yɔrɔ-a, a kere.

Luku 2:1

Bɛa biikoo kɛ lɛ li, Rɔmu minin kii gole gole Oguti dí pɛ, mà min woo min tá asɛ a pàã giulun, mà ǹ bɛ tɔ kiɛ̃.

Zaã a sɛ́wɔ 12:19

*Fariziɛ̃n nə́ tɔ́n pɛ kɔn nɛ mà haya! Mà ǹ yii bɛ́ a ganaa, mà ǹ ba re boe sii kɔ́n la wa. Mà min tumaa á ke toɛ̃ koe a kio lɛ!

Nya ǹ dín 8:13

Simɔn lɛ dɔ́ Lawa-nyankɔle baa, á lɛ kɔ batɛmu kɛ ganaa. A goã n boe Filipi kio doo wa. A bɛ́ á sii-nyaa ǹ siin laanka kaãbaa ǹ sii dadaran kɛn yɛ n zɛnɛɛ, sonbore, a dɔ nə́ n kaãbaa parsiini.

Sii-nyaan 13:12

Tɔɔ bibinaa lɛ na á pàã kɔ la, mà a sii tumaa zɛnaa ka asɛ din wɔ bɛ́ lɔn. Tɔɔ bibinaa mɛn bɛ́ ǹ ná a mìi yaga, ká a daa a gã, sɛnɛ, a busu lɛ lɛ nya, Tɔɔ paabaa ǹ wɔ kɛ lɛ na á goã tán minin tumaa kiɛ bɛ lɛ guguru kɔ ganaa ka pàã nɛ.

Sii-nyaan 13:14

Tɔɔ bibinaa lɛ pàã mɛn kɔ la, a na á goã tán minin yiri siɛ̃, ka bɛa kaãbaa ǹ siin lɛn nɛ, Tɔɔ lɛ yɔrɔ-a. Á pɛ tán minin manɛ, mà Tɔɔ bibinaa mɛn bɛ́ ǹ ná a mìi yaga, sɛnɛ, a ná a gã wa, mà ǹ nyín goon zɛnaa ka bɛ tɔ nɛ.

Sii-nyaan 17:10

Kii lɛ a sooro a kiibaa nya, a sɔrɔbaa ǹ wɔ á tɔn kiibaa la, a sɔbaabaa ǹ wɔ tɔn kii baa wa, sɛnɛ, ta á kii baa a re beleboe kiibaa la wa.

Sii-nyaan 17:11

Tɔɔ mɛn bɛ́ á goã, a ná a banban doo wa, a din nə kiin lɛn kiwisibaa ǹ wɔ lɛa. Sɛnɛ, a na á n nimi kun ka kii sɔbaa kɛ nɛ, asɛ lɛ n woe a ziziɛ̃ ǹ bǎã ganaa.

Sii-nyaan 17:13

Kii fù lɛ tumaa a taasiɛ n goon, ǹ nə́ ǹ boo sii la ǹ pàã sii tumaa kɔ Tɔɔ kɛ la.

Sii-nyaan 17:17

A giala Lawa na á taasiɛ goon wɔ ǹ foo ne, mà ǹ nə n pàã tumaa kaa kun ǹ dí nya tɔ kɛ nɛ, yǎa Lawa a boo-diɛn lɛn tumaa lɛ piɛ̃.

Sii-nyaan 17:6

Má yɛ, ǹ Lawa a min sonboren mɛnɛn dɛ, bɛn mà na á goã lɔ lɛ yii-a. Min mɛnɛn nə́ foo doa ǹ min baa Yezu wɔ gɔn la, lɔ lɛ na á bɛn mà mi, a ná a yii-a ka yɔ bɛ́ lɔn. Ma bɛ́ má yɛ lɔn, tɔwaa gole ma kũ.

Sii-nyaan 17:8

N yii bɛ́ Tɔɔ mɛn ganaa, a yii goã koo, sɛnɛ, a yii a koo doo wa. Á re soe nɔmaa ǹ nyankɔrɔ zuzulu lɛ nɛ a wo a ziziɛ̃ ǹ bǎã nɛ. Tán minin mɛnɛn bɛ́ ǹ tɔ goã kiɛ̃-n yiikoonaabaa ǹ sɛ́wɔ kɛ nɛ kanaa giala kɔ waáraa wa, bɛ̀ bɛn nə́ yɛ, á re ǹ tɔwɛɛ. Taãn nɛ, a na á goã a yii n koo lɛlɛ, a yii ná a koo doo wa, sɛnɛ, a n die wusii a daa doo.