Sii-nyaan 13:2 - LAWA A BOO SONBORE

² Ma Tɔɔ mɛn yɛ, a na á kɔnbɔ ka goe ne, a gòãn man nə́ kɔnbɔ ka gòon màn gole gòãn nɛ, a lɛ na á kɔnbɔ ka yàra lɛ nɛ. Tɔɔ babaraa piɛ̃-wole kɛ ná a din pàã kɔ la, ka a kii dankan nɛ ka boo sii la gole ne.

LAWA A BOO SONBORE 2011

² Ma Tɔɔ mɛn yɛ, a na á kɔnbɔ ka goe ne, a gòãn man nə́ kɔnbɔ ka gòon màn gole gòãn nɛ, a lɛ na á kɔnbɔ ka yàra lɛ nɛ. Tɔɔ babaraa piɛ̃-wole kɛ ná a din pàã kɔ la, ka a kii dankan nɛ ka boo sii la gole ne.

Sii-nyaan 13:2 ပူးပေါင်းရင်းမြစ်များ

Kiin2 2:24

Yiliizee nə́ n bɔyaa á ga ǹ ganaa, á lɛn baraa bíi ǹ li ka Dɛnaa Lawa tɔ nɛ. Bɛ kio, yǎa don màn dadaraa paa babaraa soo da lɛ-n, ǹ nə́ bɛa nɛ tenən lɛn min pusiwenpaa wɔ̃woɛ̃ kɔn.

Loen 22:21

Ma kirisibaa gɛ̀ kakaarɛ wɔ ganaa, ma kanbaa kɛa ginin kɛn sɔ ganaa.

Suusun 17:12

Ǹ don màn babaraa mɛn a nɛn dɛ, bɛa dɔmalɛ á soɛ baãnaa a dɔmalɛ nɛ a gàãn pinaa.

Suusun 28:15

Nyɛɛnaadɛnaa baraa mɛn bɛ́ boe doobaa zaman yii ni, bɛ n goon ka yàra mɛn bɛ́ wɔɔsiɛ̃, ka gòon màn gole mɛn bɛ́ parɛ.

Izayii 5:29

Yàran bɛ́ wɔɔsaa we lɔn ǹ sɔraasin man wɔɔsaa we miɛ̃. Maǹ lɛ biɛ ka yàra nɛn bɛ́ lɔn. Maǹ gini ka don màn nə́ ke, á màn kũ lɔn, á woe ne, min kɔn ná a doe-n dɔn a si la wa.

Zeremii 13:23

Etiopii min tá boe la a n gɔ̀nɔn ki bɔyaa? Goe á boe la a na a sisiabaa kɛ bɔ a din ganaa? Haayii! Kasɛn mɛnɛn dɔn lɛ mui ka sii baraa zɛnaa nɛ, ka ǹ siɛ lɔn ka boo sii bǐɛ̃ zɛnaa la.

Zeremii 5:6

Bɛ lɛ nɛ, daã gòã li ǹ yàra á re ǹ kuĩ, don ginin nə ǹ sɔ̃. Goe tá re n yii diɛ ǹ la kunu ǹ kiwin ganaa, a minin kũ ǹ soo waáraa. Sonbore, ǹ sii baraan nə́ mɔnaa á la yii ni, ǹ bɔlɔgoonbaãdɛnaabaa kɛ a n nimii doɛ̃ wa.

Ozee 11:10

A nɛn tá re tɔ we Dɛnaa Lawa kio, asɛ áre lɛ biɛ ka yàra bɛ́ lɔn, Á re lɛ biɛ sonbore! Ǹ tá re n toɛ lɛ̀nyɛɛnɛ ǹ da ka baa nɛ, ǹ gɔ̀nɔn nə́ bìn diɛ.

Amɔɔsi 3:12

Dɛnaa Lawa na á pɛ: Bɛ̀ yàra tɔɔn-lɛduə̃li a tɔɔ kũ, ta a na á sɔ̃ á toa a gòã paa kɛ li hinlaa a too lɛkoro li, a n bɛ lɛ baɛ̃, a bɔ a lɛ-a. Izirayeli minin mɛnɛn bɛ́ giã-n Samarii kiwi, giã ǹ bǎã sonboren ne, ma dɔ n die bɛn lɛn gialakun boɛɛn sii, ǹ zɔ́ɔn la miɛ̃.

Amɔɔsi 5:19

A n die giĩ kɔn wɔ biɛ baa sii yàra nyɛɛnɛ, yǎa a wo n da gòon màn gole kɔsɔ lɛ. A n die giĩ kɔn wɔ biɛ, á woo n dɔ a kion, mà a nə n gɔn doɛ kigiala ganaa, yǎa miɛ̃ sɔn dɔ a ganaa.

Abakuku 1:8

Ǹ sùin baa la goen wɔ nɛ. Don ginin mɛnɛn bɛ́ woe dɔ doe wasamiɛ̃nɛ, ǹ kakaarɛbaa la bɛn wɔ nɛ. Ǹ sùidɛnan man boe sɔsɔɔ die, ǹ nə́ paparɛ. Maǹ yui ka giogiatã-a bɛ́ lɔn woe a siĩ siɛ.

Timote2 4:17

Sɛnɛ, Dɛnaa din nə́ n dɔ ma lɛ. Á pàã kɔ ma la, màn mɛn bɛ́ toɛ, ma boo lɛ tumaa laakalaa, tɔrɔ kɔsɔn tumaa ma. Dɛnaa ma si gɛ̀ la!

Piɛrɛ1 5:8

Ka n yii dɔraa, ka ka dinin kũ. Kaa zɔ́ɔ *Sɛtaan lɛ n kɔɔ̃nɛɛ, ka yàra wɔɔsaa-wɔle bɛ́ lɔn. A n giɛ, a bɛ́ re doe min mɛn-a a kũ.

Sii-nyaan 12:13

Tɔɔ babaraa piɛ̃ wole lɛ bɛ́ á dɔ̃ mà maǹ ná asɛ zũ tán, a na á kiɛ̃ gɔrɔ, a n lɔ nɛgiĩ-yɛle kɛ kialan lui.

Sii-nyaan 12:15

Bɛ lɛ ganaa, miɛ̃ lɛ pisəə ka mu ni, bɛ n baa sii tán ka tà mu bɛ́ lɔn, mà a boo la a lɔ lɛ saa a kiɛ̃ nɛ.

Sii-nyaan 12:9

Ǹ nə́ tɔɔ babaraa piɛ̃ wole gangabiɛ lɛ kũ ǹ nə́ zũ kanaa. A din ni lɛlɛ a miɛ̃ kɛ lɛ lɛa, ǹ nə́ bíi: «Nɔ̀ɔn Babaraa,» hinlaa *Sɛtaan, a n kanaa min tumaa yiri siɛ̃. Ǹ nə́ zũ tán la kun ka a dia dí-a wolen tumaa nɛ.

Sii-nyaan 13:12

Tɔɔ bibinaa lɛ na á pàã kɔ la, mà a sii tumaa zɛnaa ka asɛ din wɔ bɛ́ lɔn. Tɔɔ bibinaa mɛn bɛ́ ǹ ná a mìi yaga, ká a daa a gã, sɛnɛ, a busu lɛ lɛ nya, Tɔɔ paabaa ǹ wɔ kɛ lɛ na á goã tán minin tumaa kiɛ bɛ lɛ guguru kɔ ganaa ka pàã nɛ.

Sii-nyaan 13:4

Ǹ tumaa yoo, ǹ nə́ tɔɔ babaraa piɛ̃ wole kɛ guguru koe, a giala a ná a din pàã kɔ Tɔɔ goon kɛ la. Maǹ bɛa Tɔɔ lɛ dɔ guguru koe ka a dɔ wɔ bɛ́ lɔn, ǹ nə́ pii: «Min kɔ́n ba n zoɛ̃ kɔn ka Tɔɔ kɛ-n wa. Min kɔ́n dɔ a boe la a zia baa a ganaa wa.»

Sii-nyaan 16:10

Lon a dia dí-a wole lɛ a soorobaa ǹ wɔ ná a wɔ binyəə Tɔɔ lɛ a kii dankan ganaa. A pàã giulun minin tumaa papaã wɔlɔ tì li. Min tumaa goã sɔn doe a din lɛwɔn ganaa là-paparɛɛ gɔn.

Sii-nyaan 17:12

«A bɛn fù kɛ n kii fù giala pii, ǹ nə́ ǹ tɔn kiibaa yɛ bɔrɔ wa. Sɛnɛ, ǹ tá re pàã siɛ ǹ biikoo goon toto a kiibaa ǹ pàã zɛnaa kun ka Tɔɔ kɛ nɛ.

Sii-nyaan 19:20

Tɔɔ lɛ laanka a boo gii-dali soɛ-bɔle mɛn bɛ́ á goã kaãbaa ǹ siin zɛnɛɛ a yɔrɔ-a, ǹ nə́ ǹ kũ ǹ nə́ ǹ kaa kòso-n. Tɔɔ lɛ a nyaǹ goã kiɛ̃-n min mɛnɛn ganaa, ǹ ná a nyin dɔ guguru koe, a na á bɛn yiri sã ka bɛa kaãbaa ǹ siin kɛn lɛn nɛ. Ǹ nə́ ǹ dinin paanan kũ ǹ nə́ ǹ zũ kiribi tɛ gole kɛ nɛ.

Sii-nyaan 2:13

Ma á doɛ̃, n bɛ́ giã-n bǎã mɛn nɛ, Sɛtaan dɔ a kii dankan nə doa-n walan. Sɛnɛ, n tá doa-n kɔn ka masɛ tɔ nɛ, n golee masɛ li daa wa, haalɛ ǹ bɛ́ ǹ nə́ maa siére bɔlɔgoondɛnaa Antipaasi dɛ á gã biikoo mɛn li ka li, Sɛtaan a giã ǹ bǎã kɛ lɛ nɛ.

Sii-nyaan 20:2

Á tɔɔ babaraa piɛ̃ wole kɛ kũ á da fɔlɔ biɛ nɛ, mà yǎa lɛ̀ duu goon. A din lɛ n lɛlɛ a miɛ̃ lɛ lɛa, ǹ nə́ bíi nɔ̀ɔn babaraan kiã, ǹ nə́ bíi *Sɛtaan dɔn.