Sii-nyaan 13:12 - LAWA A BOO SONBORE

¹² Tɔɔ bibinaa lɛ na á pàã kɔ la, mà a sii tumaa zɛnaa ka asɛ din wɔ bɛ́ lɔn. Tɔɔ bibinaa mɛn bɛ́ ǹ ná a mìi yaga, ká a daa a gã, sɛnɛ, a busu lɛ lɛ nya, Tɔɔ paabaa ǹ wɔ kɛ lɛ na á goã tán minin tumaa kiɛ bɛ lɛ guguru kɔ ganaa ka pàã nɛ.

LAWA A BOO SONBORE 2011

¹² Tɔɔ bibinaa lɛ na á pàã kɔ la, mà a sii tumaa zɛnaa ka asɛ din wɔ bɛ́ lɔn. Tɔɔ bibinaa mɛn bɛ́ ǹ ná a mìi yaga, ká a daa a gã, sɛnɛ, a busu lɛ lɛ nya, Tɔɔ paabaa ǹ wɔ kɛ lɛ na á goã tán minin tumaa kiɛ bɛ lɛ guguru kɔ ganaa ka pàã nɛ.

Sii-nyaan 13:12 ပူးပေါင်းရင်းမြစ်များ

Tesaloniki2 2:4

Minbuiinin bɛ́ màn mɛn tumaa guguru koe, a n die n gòãn doɛ kɔn ka bɛ din tumaa nɛ, a zia da ǹ ganaa, yǎa a dinmaa die giɛ̃ tán Lawa a Kion, a pii mà asɛ n Lawa lɛa.

Sii-nyaan 13:2

Ma Tɔɔ mɛn yɛ, a na á kɔnbɔ ka goe ne, a gòãn man nə́ kɔnbɔ ka gòon màn gole gòãn nɛ, a lɛ na á kɔnbɔ ka yàra lɛ nɛ. Tɔɔ babaraa piɛ̃-wole kɛ ná a din pàã kɔ la, ka a kii dankan nɛ ka boo sii la gole ne.

Sii-nyaan 13:8

Tán mànan tumaa tá re a guguru koe, a saa kanaa giala kɔ waáraa ganaa, min mɛnɛn tumaa bɛ́ ǹ tɔ goã kiɛ̃-n Lawa a yiikoonaabaa ǹ sɛ́wɔ kɛ-n wa, bɛn tumaa á re a guguru koe. Sère Nɛ mɛn bɛ́ ǹ nə́ dɛ lɛlɛ, bɛ wɔ-n ka bɛa sɛ́wɔ kɛ lɛ nɛ.

Sii-nyaan 14:11

Ǹsɛn mɛnɛn bɛ́ Tɔɔ kɛ laanka a nyín guguru koe, a tɔ n kiɛ̃ nɛ ǹ ganaa, tèlò-n ka baayɛlɛ nɛ, ǹ ba re susui yii wa. Tɛ mɛn bɛ́ re ǹ kuĩ, a tɛmaa á re yui yǎa duduu.»

Sii-nyaan 14:9

Lon a dia dí-a wole sɔɔbaa ǹ wɔ daa kɛn lɛn kio, a n pii ka lɛn gole ne: «Min mɛn tumaa bɛ́ Tɔɔ kɛ lɛ guguru koe, ka a nyín kɛ nɛ, a n lɛ koe ǹ na a nyaǹ kɛ kiɛ̃ a nyanlɛ-a, hinlaa a gɔn ganaa,

Sii-nyaan 16:2

Lon a dia dí-a wole lɛ a bibinaa woo a wɔ binyəə tán. Bɛ ganaa, Tɔɔ lɛ a nyaǹ-kiɛ̃ goã min mɛnɛn tumaa ganaa, ǹ na a nyín dɔ guguru koe, baayɛrɛ babaraa bɔ ǹ tumaa ganaa, a n busi taãn-tãnɛ.

Sii-nyaan 17:8

N yii bɛ́ Tɔɔ mɛn ganaa, a yii goã koo, sɛnɛ, a yii a koo doo wa. Á re soe nɔmaa ǹ nyankɔrɔ zuzulu lɛ nɛ a wo a ziziɛ̃ ǹ bǎã nɛ. Tán minin mɛnɛn bɛ́ ǹ tɔ goã kiɛ̃-n yiikoonaabaa ǹ sɛ́wɔ kɛ nɛ kanaa giala kɔ waáraa wa, bɛ̀ bɛn nə́ yɛ, á re ǹ tɔwɛɛ. Taãn nɛ, a na á goã a yii n koo lɛlɛ, a yii ná a koo doo wa, sɛnɛ, a n die wusii a daa doo.

Sii-nyaan 19:20

Tɔɔ lɛ laanka a boo gii-dali soɛ-bɔle mɛn bɛ́ á goã kaãbaa ǹ siin zɛnɛɛ a yɔrɔ-a, ǹ nə́ ǹ kũ ǹ nə́ ǹ kaa kòso-n. Tɔɔ lɛ a nyaǹ goã kiɛ̃-n min mɛnɛn ganaa, ǹ ná a nyin dɔ guguru koe, a na á bɛn yiri sã ka bɛa kaãbaa ǹ siin kɛn lɛn nɛ. Ǹ nə́ ǹ dinin paanan kũ ǹ nə́ ǹ zũ kiribi tɛ gole kɛ nɛ.

Sii-nyaan 20:4

Má tɔ́n kii dankanan yɛ. Min mɛnɛn bɛ́ giã nɛ ǹ la, ǹ nə́ lɛ kɔ ǹ la, mà ǹ dinin nə kiri kuru. Min mɛnɛn bɛ́ ǹ nə́ gɛ̀ wɔ lɛlɛ, Yezu a boo taãn laanka Lawa a boo a lɛa, ka ǹ mɛnɛn bɛ́ ǹ goã Tɔɔ kɛ laanka a nyín guguru koe wa, ǹ lɛ dɔ kɔ ǹ ná a nyaǹ kiɛ̃ ǹ nyanlɛ-a ka ǹ gɔn nɛ wa, má wusoo má bɛn telenboenən yɛ. Bɛn tumaa wusoo ǹ nə́ yiikoonaabaa yɛ, ǹ nə́ giã pàã la kun ka Krita nɛ, yǎa lɛ̀ duu goon.