Sii-nyaan 12:9 - LAWA A BOO SONBORE

⁹ Ǹ nə́ tɔɔ babaraa piɛ̃ wole gangabiɛ lɛ kũ ǹ nə́ zũ kanaa. A din ni lɛlɛ a miɛ̃ kɛ lɛ lɛa, ǹ nə́ bíi: «Nɔ̀ɔn Babaraa,» hinlaa *Sɛtaan, a n kanaa min tumaa yiri siɛ̃. Ǹ nə́ zũ tán la kun ka a dia dí-a wolen tumaa nɛ.

LAWA A BOO SONBORE 2011

⁹ Ǹ nə́ tɔɔ babaraa piɛ̃ wole gangabiɛ lɛ kũ ǹ nə́ zũ kanaa. A din ni lɛlɛ a miɛ̃ kɛ lɛ lɛa, ǹ nə́ bíi: «Nɔ̀ɔn Babaraa,» hinlaa *Sɛtaan, a n kanaa min tumaa yiri siɛ̃. Ǹ nə́ zũ tán la kun ka a dia dí-a wolen tumaa nɛ.

Sii-nyaan 12:9 ပူးပေါင်းရင်းမြစ်များ

Siin Giala 3:1

Dɛnaa Lawa don mànan mɛnɛn tumaa zɛnaa, miɛ̃ yiri goã wooro, á la ǹ tumaa nɛ. Á nɔ̀n da lɔ la kɛnɛn: «Lawa pɛ ka nɛ sonbore, mà ka baran dù gɔrɔ lɛ a da nɛ kɔ́n bii wa?»

Siin Giala 3:13

Dɛnaa Lawa pɛ lɔ lɛ nɛ: «Wàa na á baa ń kɛ zɛnaa?» Lɔ lɛ ná a lɛ si: «Miɛ̃ na á ma bebele, má da nɛ lɛ bii.»

KZS1 21:1

Bɛ kio, *Sɛtaan yoo Izirayeli gialaa, á Davida zulu á da minin nimii ganaa.

KZS2 18:21

Yiri lɛ pɛ Dɛnaa Lawa nɛ: «Man die woe ma Akaabu a Lawa a boo gii-dalin lɛn tumaa kaa soɛ bɔ ganaa.» Dɛnaa Lawa tɔ́n pɛ: «Woo n na a mìi dɔ li, n tá re boe la. Woo n zɛnaa miɛ̃.»

Loen 109:6

Ǹ nə́ kɛ pɛ dɔn dinin maa wɔ paǹ li: Min bɔ, bɛ yoo a gialaa a zɛ̀rɛ baali lɛa. Toa ǹ dɛnaa goã min babaraa lɛa, a n tele lon a gusin, sɛnɛ, a baran n dɔ lɛ wa.

Izayii 14:12

Sɔ̀ tɛ-pɛle, nsɛ baayɛlɛ a nɛ, a n siɛ lɔn kəni n tá niɛ̃ lon mɛnɛɛ? Ń bɔ lon ń mɛnaa! Ǹ nə́ n zũ tán, nsɛ mɛn goã tɔrɔn bɔyɛɛ ǹ kiɛ.

Izayii 27:1

Bɛa pinaa, Dɛnaa Lawa á re yui *Leviatan gialaa ka a gɔya sa kaka pàãdɛnaa kɛ nɛ, Leviatan lɛ n miɛ̃ baa-sili lɛa. Leviatan piɛ̃maa-n ka taasiɛ baraa nɛ. Dɛnaa Lawa á re bɛa mu li ǹ màn babaraa lɛ dii.

Izayii 65:25

Don gin laanka sère nɛ á re buu soɛ̃ kun. Yàra á re buu gere soɛ̃ ka dii bɛ́ lɔn. Miɛ̃ á re n din toe ka gusuũ ni. Maa kele sonbore kɛ la, sii baraa hinlaa kakaarɛbaa a re n zɛnɛɛ doo wa. Dɛnaa Lawa na á pɛ.

Ezekieli 28:16

N pii-kɔ lɛ bɛ́ á gole kɔ, kakaarɛbaa la n yii ni, ń nɔmaa ń sii baraa zɛnaa. Bɛ lɛ n ke ma á n diɛ kun ka min kooron ne, n wɔlɔ ń lui-n Lawa a kele kɛ ganaa. Nsɛ lon màn yiikoonaa minin-tamaali lɛ, ma á re n lui, ma n bɔ kɔlɔ tɛ-pɛlen kɛn bii.

Matiə 13:39

Zɔ́ɔ mɛn bɛ́ á buu babaraa lɛ pɛsɛ̃ wuru lɛ nɛ, Sɛtaan din nə ka bɛ nɛ. A kurii waáraa ke, kanaa a nya waáraa n ka bɛ nɛ. Dí-nyalin mɛnɛn bɛ́ kuri, bɛn man lon a dia dí-a wolen lɛa.

Matiə 24:24

A giala, min tɛn tá re die a soɛ kuru mà asɛ n Minin Nyin-sili lɛ lɛa, min tɛn dɔ á re die a soɛ kuru, mà asɛ n Lawa a boo gii-dali lɛa: Ǹ tá re sii a kɔnboe dadaran laanka kaãbaa ǹ sii kakan zɛnɛɛ ǹ minin yiri sã nɛ, bɛ̀ maǹ boe la dinin, maǹ Lawa a yii gɔgɔɔ̃ wolen kɛn lɛn yiri siɛ̃.

Matiə 25:41

Bɛ kio, kii lɛ á die pii a gɔsɛdɛnan lɛn manɛ: «Lawa bɛ́ á barka bɔ kasɛn mɛnɛn nɛ, ka n zɔ̃ ka n bɔ masɛ ganaa! Tɛ mɛn bɛ́ a ba nimi wa, Lawa zɛnaa *Sɛtaan laanka a dia dí-a wolen manɛ, ka wo walan.

Matiə 4:1

Bɛ kio, Yiri Fu mɛ Yezu nyɛɛnɛ, á woo-n diə gole ne, màn mɛn bɛ́ toɛ *Sɛtaan nə n da a gɔ́ɔ̃ li walan.

Matiə 4:10

Yezu tɔ́n pɛ nɛ: – N tan n nə n bɔ kànaa, Sɛtaan! A giala, a kiɛ̃maa tá Lawa a boo ne: «Kaa tán n Dɛnaa Lawa dinsɔɔ̃ yɔrɔ-a n na a guguru kɔ.»

Matiə 4:5

Bɛ kio, Sɛtaan nə́ woo ne Lawa a kion mìi ni Zeruzalɛmu kiwi sonbore kɛ nɛ,

Matiə 4:8

Sɛtaan nə́ wusoo á kũ doo á woo ne kele sasa goon mìi ni, á kanaa laanka a siĩnbaa din tumaa nyaa nɛ.

Luku 10:18

Yezu nə́ n toa ǹ ganaa: «*Sɛtaan nə́ bɔ lon á mɛnaa! Masɛ yii na á bɛ yɛ foaã nɛ ka la a tɛ-pɛ bɛ́ lɔn.

Luku 13:16

Sanparɛ ka lɔ kɛ nɛ, bɛ mɛn bɛ́ wɔ digolo Abrahamu a nɔ̀ɔn lɛa, *Sɛtaan nə́ nɔmiɛ a lɛ̀ fulukiwisi n ke, bɛ miã a si zɔ́ɔ la bie siĩni susu ǹ pii pinaa lɛ-n dinin wa?»

Luku 22:3

Zudaasi mɛn bɛ́ á goã kun ka Yezu a kialandɛnan lɛn nɛ, ǹ nə́ bíi Kariyɔtin giĩ, *Sɛtaan wɔ bɛ foo ne.

Luku 22:31

Dɛnaa pɛ: «Simɔn, Simɔn, n too kɔ. Sɛtaan na á nɔ̀n da mà Lawa zii kɔ asɛ la, asɛ nə ǹ duwəə ka ǹ bɛ́ wii duwii lɔn.

Luku 8:12

Min tɛnɛn man goon ka zii lɛkoro bǎã kɛ nɛ màn tɔrɔ mɛnaa a nɛ. Maǹ boo lɛ miɛ, sɛnɛ, *Sɛtaan nə die a boo lɛ bɔ a bɔ ǹ gɔ́ɔ̃ nɛ, màn mɛn bɛ́ toɛ, ǹ baran golee li ǹ kirisibaa wa.

Zaã a sɛ́wɔ 12:31

Lawa n die kiri kuri kanaa lɛ la sisia. Sisia kəni, kanaa lɛ a mìilandɛnaa a bɔ a daa biikoo n ke.

Zaã a sɛ́wɔ 14:30

Ma a die boo gigiã diɛ ka nɛ kɛ kio doo wa, a giala, kanaa lɛ a mìilandɛnaa lɛ á die. A wɔlɔ yii masɛ wɔ ganaa wa,

Zaã a sɛ́wɔ 16:11

Á kiri-kurii ǹ la, a giala kiri nə́ n kuru kanaa kɛ a mìilandɛnaa la gɔrɔ.

Zaã a sɛ́wɔ 8:44

Kaa díi n ka *Sɛtaan nɛ, ka ǹ giɛ li ka kaa díi foo sii zɛnaa. A kũ kanaa a giala kɔ waáraa ganaa, a dí n ka gɛ̀ dɛ nɛ. A lɛ kɔ sonbore ganaa wa, a giala, sonbore kɔ́n ba a gɔ́ɔ̃-n wa. Bɛ̀ á soɛ boe, a din lɛ mui sii na á zɛnɛɛ, a giala, a n soɛ-bɔle lɛa, soɛ a díi dɔ nɛ.

Nya ǹ dín 26:18

Man die n diɛ ǹ li n nə ǹ yii bũ, ǹ soo ǹ nə n bɔ wɔlɔ tì li, ǹ da wɔlɔ fúlu ganaa, ǹ nə n bɔ *Sɛtaan a pàã giulun ǹ da Lawa ganaa, màn mɛn bɛ́ toɛ, bɛ̀ ǹ nə́ golee masɛ li, Lawa nə n sii baraan toa ǹ nɛ, ǹ dɔn nə bǎã yɛ kun ka Lawa wɔn nɛ.»

Nya ǹ dín 5:3

Sɛnɛ, Piɛrɛ pɛ nɛ: «Ananiasi, wàa na á baa ń toa *Sɛtaan nə́ n gɔ́ɔ̃ tii kɛnɛn, á n diɛ soɛ bɔ ganaa Lawa a Yiri Fu ni? Táa ma nə n tán giɔ̀mɔ lɛ kɔ́n bɔ.

Rɔmu minin 16:18

A giala, bɛa minin kɛn lɛn bie dí nyɛɛ wɔa Dɛnaa Krita-n wa, maǹ dí nyɛɛ ǹ dinin nɔ̀ nɛ. Maǹ yiri baãnaanan siɛ̃, ka ǹ minin bebele ǹ boo paparɛn kɛn nɛ.

Rɔmu minin 16:20

Kànaa ka boɛɛn nɛ, là nyantoro-kɔle Lawa á re *Sɛtaan tuturi ka gòã giulun. Wɔa Dɛnaa Yezu a bǐɛ̃ die a goã kun ka nɛ!

Korɛnti2 11:14

Bɛ kɔ́n ba min tɔwɛɛ wa, a giala, *Sɛtaan dinmaa á boe la, a n din baa lon a dia dí-a wole tɛ fúludɛnaa lɛa.

Korɛnti2 11:3

Sɛnɛ, nyɛ́ɛ tá ma ganaa, máa ka yiri á die ziziɛ̃, ka miɛ̃ bɛ́ á Ɛvu yiri sã ka soɛ-n lɔn. Doa-kɔn sonbore *yoreen mɛn bɛ́ ka bii ka Krita nɛ, ma ba li máa ka n na, ka n bɔ bɛ ganaa wa.

Korɛnti2 12:7

Bɛa sii-nyaa kaka kɛ lɛ bɛ́ boe la, á maa din koa ǹ giala biɛ, bɛ lɛ nɛ, ǹ nə́ là paparɛ ǹ busu da ma gɔ̀nɔn nɛ, ka *Sɛtaan a dia dí-a wole bɛ́ lɔn, mà a ma dɛ a ma kurəə din-koa tumaa ganaa.

Korɛnti2 2:11

màn mɛn bɛ́ toɛ, *Sɛtaan nyan boo wɔ la wa. A giala, wɔ tá a nya ǹ dí doɛ̃.

Korɛnti2 4:4

A n tì a goleemali baãnaan kɛn dɔn ganaa. A giala, *Sɛtaan mɛn bɛ́ kanaa kɛ mìi la, bɛ na á ǹ yiri tã, màn mɛn bɛ́ toɛ, ǹ nyan Boo Tii Kɔɔ̃n a wɔlɔ fúlu kɛ yɛ wa. Bɛa wɔlɔ fúlu lɛ n *Krita a tɔ golebaa nyɛɛ, asɛ mɛn bɛ́ Lawa din a kɔnboe lɛa.

Efɛɛzi minin 4:14

Bɛ̀ á n baa miɛ̃, wɔ a re goɛ̃ ka nɛnyaanan bɛ́ lɔn doo wa. Min kɔ́n ba re boe la doo, a wɔ penpelen da ka piɛ̃ bɛ́ lɔn, a wɔ saa a wɔ bɔ wɔ yiri la, ka minin daraa ǹ gɔn kɔ́n nɛ wa. Min mɛnɛn bɛ́ li, ǹ wɔ bebere ǹ wɔ sã ka ǹ dinin sii-doɛ̃ nɛ, bɛn ba boe wɔ la wa.

Tesaloniki2 2:3

Ka nyan toa min kɔ́n ka yiri sã ka yɔrɔ kɔ́n nɛ wa. A giala, bɛ laan bɛ̀ a n zɛnaa, yǎa piã ka golee Lawa li-n nə we bɔrɔ, Lawa a Zɔ́ɔ babaraa kɛ dɔ nə n din nyɛɛ, asɛ mɛn doamaa bɛ́ nɛ a bɔ̀n baa.

Timote1 2:14

Aadã bie á n saa lɛn bebele ǹ boo li wa, a lɔ Ɛvu na á n saa li, á Lawa bɔlɔ tii.

Timote2 3:13

Min babaraan kɛn laanka minin yiri-sãlin kɛn, màn tá re miɛ bɛn baraabaa li. Ǹ tá re min kɔsɔn siɛ̃, ǹ dininmaan dɔn siɛ̃maa nɛ.

Ebrəə 2:14

Bɛa yɔrɔ kɛ la, mà laanka gɔ̀nɔn siĩ bɛ́ minin kɛn lɛn lon lɔn, a na á n zɛnaa Yezu dɔ-n miɛ̃, á daa yɛ a din minbuiin nɛbaa kɛ lɛ nɛ. Yezu na á bɛ lɛ zɛnaa, màn mɛn bɛ́ toɛ, a gɛ̀ barka nɛ, *Sɛtaan mɛn bɛ́ gɛ̀ a pàã ná a gɔn, a bɛ pàã ziziɛ̃,

Piɛrɛ1 5:8

Ka n yii dɔraa, ka ka dinin kũ. Kaa zɔ́ɔ *Sɛtaan lɛ n kɔɔ̃nɛɛ, ka yàra wɔɔsaa-wɔle bɛ́ lɔn. A n giɛ, a bɛ́ re doe min mɛn-a a kũ.

Zaã1 5:19

Wɔ á doɛ̃, wáa wɔ n Lawa wɔn lɛa, sɛnɛ, kanaa kɛ tumu n *Sɛtaan Baraa kɛ pàã giulun.

Zude 1:9

Lon a dia dí-a wolen goledɛnaa Miseli din bɛ zɛnaa wa. A laanka *Sɛtaan bɛ́ zia diɛ ǹ mɛn waáraa, ǹ nə́ kɔn liere koe Muizu gere ganaa, Miseli lɛ kɔ, á dɔlɔ da Sɛtaan mìi ni, a sɔ kɔ Muizu ganaa kɛ a lɛa wa. A na á pɛ kooro mà «Dɛnaa Lawa die a dɔlɔ bɔ n ganaa!»

Sii-nyaan 12:12

Bɛ lɛ a lɛa, kasɛn mɛnɛn bɛ́ lon, kaa bǎã ná a nɛ, ka n nyɛnyaa! Sɛnɛ, tán nɛ ka yìsi mu gole ne, bɔ̀n kasɛn yɛ! A giala Sɛtaan gisĩ ka li. A n doɛ̃ mà biikoo bǐɛ̃ ba a gɔn doo wa, a foo n yoo-n parsiini.»

Sii-nyaan 12:3

Kaãbaa ǹ sii gole kɔsɔ dɔ nə́ n din nyaa lon doo: Tɔɔ babaraa piɛ̃ wole tã ganganbiɛ goon ne. A mìi n sɔbaa, a bɛn nə fù. Kiibaa ǹ bafolo n we-n a mìi sɔbaa lɛ gogoonmaa ganaa.

Sii-nyaan 12:7

Bɛ na á n baa lon mànan kɔn-dɛ á yoo lɛa. Lon a dia dí-a wolen goledɛnaa Miseli, bɛ laanka lon a dia dí-a wole gialakunun kɛn nə́ zia baa tɔɔ babaraa piɛ̃ wole lɛ ganaa. Tɔɔ babaraa piɛ̃ wole lɛ dɔ laanka a dia dí-a wolen nə́ zia baa ǹ ganaa,

Sii-nyaan 12:8

sɛnɛ, ǹ boo ǹ la wa. Ǹ giã ǹ bǎã dɔ yɛ lon doo wa.

Sii-nyaan 13:14

Tɔɔ bibinaa lɛ pàã mɛn kɔ la, a na á goã tán minin yiri siɛ̃, ka bɛa kaãbaa ǹ siin lɛn nɛ, Tɔɔ lɛ yɔrɔ-a. Á pɛ tán minin manɛ, mà Tɔɔ bibinaa mɛn bɛ́ ǹ ná a mìi yaga, sɛnɛ, a ná a gã wa, mà ǹ nyín goon zɛnaa ka bɛ tɔ nɛ.

Sii-nyaan 16:14

*Sɛtaan yirin manɛ, ǹ nə́ kaãbaa ǹ siin zɛnɛɛ. Bɛa nɔ̀ɔn babaraa màn sɔɔ kɛ lɛ n woe tán paǹ tumaa a kiin li, ń giɛ, ǹ tá n lɛ soekɔn, ǹ die ǹ zia baa Lawa Pàãyiidɛnaa a lɛawaa gole kɛ a pinaa.

Sii-nyaan 18:2

Á n lɛ dɛ ka lɛn gole ne, á pɛ: «*Baabilonii lɛ mɛnaa! Baabilonii kiwi gole lɛ mɛnaa ka bolobolo! Kanna, a bǎã nə́ n baa nɔ̀ɔn baraan giã ǹ bǎã lɛa, yiri baraan tumaa a duru ǹ bǎã lɛa, bàan gɔ̀dɛnaa gìĩ-bɔle-an tumaa a giã ǹ bǎã lɛa.

Sii-nyaan 18:23

Bólon fúlu a re yii a-n doo wa. Tɔntɔraa kɔn-wɔle laanka a lɔ lɛ a re boe a-n doo wa. A din a pii-kɔlen man nə́ goã pàãdɛnan lɛa kanaa, a din dɔ na á goã tɔrɔn tumaa a minin yiri siɛ̃ ká a gɔ́ɔ̃ tìbaa ǹ dagòãn nɛ.»

Sii-nyaan 19:20

Tɔɔ lɛ laanka a boo gii-dali soɛ-bɔle mɛn bɛ́ á goã kaãbaa ǹ siin zɛnɛɛ a yɔrɔ-a, ǹ nə́ ǹ kũ ǹ nə́ ǹ kaa kòso-n. Tɔɔ lɛ a nyaǹ goã kiɛ̃-n min mɛnɛn ganaa, ǹ ná a nyin dɔ guguru koe, a na á bɛn yiri sã ka bɛa kaãbaa ǹ siin kɛn lɛn nɛ. Ǹ nə́ ǹ dinin paanan kũ ǹ nə́ ǹ zũ kiribi tɛ gole kɛ nɛ.

Sii-nyaan 2:13

Ma á doɛ̃, n bɛ́ giã-n bǎã mɛn nɛ, Sɛtaan dɔ a kii dankan nə doa-n walan. Sɛnɛ, n tá doa-n kɔn ka masɛ tɔ nɛ, n golee masɛ li daa wa, haalɛ ǹ bɛ́ ǹ nə́ maa siére bɔlɔgoondɛnaa Antipaasi dɛ á gã biikoo mɛn li ka li, Sɛtaan a giã ǹ bǎã kɛ lɛ nɛ.

Sii-nyaan 2:24

«Sɛnɛ, kasɛn Tiatiirin Lawa a sɔmɔ min gialakunun nə́ goã doa-n kɔn ka minin daraa ǹ yiri baraa kɛ-n wa. Minin kɛn bɛ́ mànan mɛnɛn bíi Sɛtaan a sii-durii zuzulun, kasɛn nə n daraa bɛn ganaa wa. Man pii ka nɛ, máa ma a re sii kɔsɔ diɛ kasɛn mìi-n doo wa.

Sii-nyaan 2:9

Ma á n fuun doɛ̃, ma á n doobaabaa dɔ doɛ̃, sɛnɛ, ka boo taãn nɛ, n tá pàãma lɛa! Min mɛnɛn bɛ́ n dinin biɛ Zuifun lɛa, ǹ nə́ ǹ ba a lɛa dɔn wa, bɛn bɛ́ boo baraa mɛn diɛ n wɔ paǹ li, ma á doɛ̃. Maǹ *Sɛtaan a lɛ-kaakun minin lɛa!

Sii-nyaan 20:10

Bɛ ganaa, ǹ nə́ nɔ̀ɔn babaraan kiã kɛ kũ, ǹ nə́ zũ kiribi tɛ panapana kɛ nɛ, ǹ goã ǹ nə́ Tɔɔ kɛ laanka a boo gii-dali soɛ-bɔle kɛ zũ bǎã mɛn nɛ ke lɛn. Ǹ tá re nɔmaa ǹ fuu yii walan baayɛlɛ ka tèlò ne yǎa duduu.

Sii-nyaan 20:8

Á re woe minin yiri siɛ̃ kanaa gùrù sii din tumaa nɛ, Gɔgə ne ka Magɔgə ne. Á re ǹ lɛ soekɔn ziabaa yii li, ǹ tá re mɔnɛɛ ka yìsi mu lɛkoro lɛ-a ǹ nyɔɔsɔ̃ bɛ́ lɔn.

Sii-nyaan 3:9

Min mɛnɛn bɛ́ n dinin biɛ Zuifun lɛa, ǹ nə́ ǹ ba a lɛa dɔn wa, maǹ soɛ boe, maǹ *Sɛtaan a lɛ-kaakun minin lɛa, ma á re ǹ kuĩ ka pàã nɛ, ǹ da kaa tán ka giulun. Ǹ tá re doɛ̃ ka bɛ nɛ, mà ma á ka narɛ.

Sii-nyaan 9:1

Lon a dia dí-a wole soorobaa ǹ wɔ tɔ́n a bɛn pɛ. Má yɛ leere goon bɔ lon á mɛ tán. Ǹ nə́ nɔmaa ǹ nyankɔrɔ zuzulu kɛ a goo nɛ kɔ la.

Sii-nyaan 9:20

Sɛnɛ, minbuiin gialakun mɛn goã, ǹ nə́ ǹ gã koen kɛn lɛn gɔ́ɔ̃-n wa, bɛa minin kɛn lɛn nə wusoo ǹ nya ǹ dín kio wa. Ǹ nɔ̀ɔnɔn guguru koe laanka dì wúlu boe lɛ da wa. Ǹ dinin man nə́ bɛa dìn lɛn zɛnaa ka sana nɛ, ka wɔrɔ nɛ, ka zan nɛ, ka kɔlɔ nɛ, ka gɔn nɛ. Ǹ yii a wɔlɔ yii wa, ǹ too a boo miɛ wa, ǹ ba tɔ we doɛ̃ wa.