Sii-nyaan 12:3 - LAWA A BOO SONBORE

³ Kaãbaa ǹ sii gole kɔsɔ dɔ nə́ n din nyaa lon doo: Tɔɔ babaraa piɛ̃ wole tã ganganbiɛ goon ne. A mìi n sɔbaa, a bɛn nə fù. Kiibaa ǹ bafolo n we-n a mìi sɔbaa lɛ gogoonmaa ganaa.

LAWA A BOO SONBORE 2011

³ Kaãbaa ǹ sii gole kɔsɔ dɔ nə́ n din nyaa lon doo: Tɔɔ babaraa piɛ̃ wole tã ganganbiɛ goon ne. A mìi n sɔbaa, a bɛn nə fù. Kiibaa ǹ bafolo n we-n a mìi sɔbaa lɛ gogoonmaa ganaa.

Sii-nyaan 12:3 ပူးပေါင်းရင်းမြစ်များ

Izayii 27:1

Bɛa pinaa, Dɛnaa Lawa á re yui *Leviatan gialaa ka a gɔya sa kaka pàãdɛnaa kɛ nɛ, Leviatan lɛ n miɛ̃ baa-sili lɛa. Leviatan piɛ̃maa-n ka taasiɛ baraa nɛ. Dɛnaa Lawa á re bɛa mu li ǹ màn babaraa lɛ dii.

Izayii 51:9

N yii kaa Dɛnaa Lawa, n yii kaa! N pàã gole nyaa. N yii kaa ka lɛlɛ lɛlɛ bɛ́ lɔn. N din bie ń goã ń màn baraa Rahabu dɛ, ń yìsi mu li ǹ tɔɔ babaraa piɛ̃ wole kɛ fɔ̃ wa?

Izayii 9:15

Gána lɛ a nyɛɛnaandɛnan nə́ ǹ zaman sã, ǹ bɛ́ min mɛnɛn nyɛɛnɛ, ǹ nə́ bɛn bɔ̀n baa.

Sii-nyaan 12:1

Kaãbaa ǹ sii gole nə́ n din nyaa lon: lɔ nɛ, á wasa wɔ a din ganaa dɔnkɛ lɛa, mui ná a gòãn giulun, leere fulupaa n pɛnɛɛ nɛ a mìi ganaa kii bafolo lɛa.

Sii-nyaan 12:13

Tɔɔ babaraa piɛ̃ wole lɛ bɛ́ á dɔ̃ mà maǹ ná asɛ zũ tán, a na á kiɛ̃ gɔrɔ, a n lɔ nɛgiĩ-yɛle kɛ kialan lui.

Sii-nyaan 12:17

Bɛ lɛ ganaa, tɔɔ babaraa piɛ̃ wole lɛ foo yoo lɔ lɛ li parsiini, á kiɛ̃ á woo a nɛnyaan gialakunun gialaa, ǹsɛn mɛnɛn bɛ́ Lawa a dí-pɛn lɛ sii, ǹ nə́ n foo doɛ Yezu a boo ganaa.

Sii-nyaan 12:4

Á leere talakɔn sɔɔbaa ǹ wɔ nɔɔ ka a mui ni, á kaa tán. Á daa golee lɔ nɛ-yɛle lɛ yɔrɔ-a, bɛ̀ a ná a nɛ lɛ yɛ lɔn gɔrɔ, a kũ a sɔ̃.

Sii-nyaan 12:7

Bɛ na á n baa lon mànan kɔn-dɛ á yoo lɛa. Lon a dia dí-a wolen goledɛnaa Miseli, bɛ laanka lon a dia dí-a wole gialakunun kɛn nə́ zia baa tɔɔ babaraa piɛ̃ wole lɛ ganaa. Tɔɔ babaraa piɛ̃ wole lɛ dɔ laanka a dia dí-a wolen nə́ zia baa ǹ ganaa,

Sii-nyaan 12:9

Ǹ nə́ tɔɔ babaraa piɛ̃ wole gangabiɛ lɛ kũ ǹ nə́ zũ kanaa. A din ni lɛlɛ a miɛ̃ kɛ lɛ lɛa, ǹ nə́ bíi: «Nɔ̀ɔn Babaraa,» hinlaa *Sɛtaan, a n kanaa min tumaa yiri siɛ̃. Ǹ nə́ zũ tán la kun ka a dia dí-a wolen tumaa nɛ.

Sii-nyaan 13:1

Bɛ lɛ ganaa, má tɔ́n Tɔɔ goon yɛ soe yìsi mu gole lɛ li. A bɛn nə fù, a mìi n sɔbaa. Kiibaa ǹ bafolo n we ne a bɛn gogoonmaa tumaa ganaa, sɔ kɔ Lawa ganaa ǹ boo n kiɛ̃ nɛ a mìi gogoonmaa tumaa ganaa.

Sii-nyaan 13:2

Ma Tɔɔ mɛn yɛ, a na á kɔnbɔ ka goe ne, a gòãn man nə́ kɔnbɔ ka gòon màn gole gòãn nɛ, a lɛ na á kɔnbɔ ka yàra lɛ nɛ. Tɔɔ babaraa piɛ̃-wole kɛ ná a din pàã kɔ la, ka a kii dankan nɛ ka boo sii la gole ne.

Sii-nyaan 13:4

Ǹ tumaa yoo, ǹ nə́ tɔɔ babaraa piɛ̃ wole kɛ guguru koe, a giala a ná a din pàã kɔ Tɔɔ goon kɛ la. Maǹ bɛa Tɔɔ lɛ dɔ guguru koe ka a dɔ wɔ bɛ́ lɔn, ǹ nə́ pii: «Min kɔ́n ba n zoɛ̃ kɔn ka Tɔɔ kɛ-n wa. Min kɔ́n dɔ a boe la a zia baa a ganaa wa.»

Sii-nyaan 15:1

Má wusoo má sii kɔsɔ yɛ á n din nyaa lon doo, a n foo biɛ na ǹ sii gole lɛa: Lon a dia dí-a wole sɔbaa nɛ, ǹ nə́ koe sɔbaa kũ ǹ gunun. Koen lɛn, a giala-nyɔmɔɔn man bɛn nɛ, a giala mà ǹ dinin man die Lawa foo yoo ǹ siin lɛn giala nyɔmiɛ.

Sii-nyaan 16:13

Má nɔ̀ɔn baraa màn sɔɔ yɛ, ǹ nə́ kɔnbɔ ka sɔmɔnɔn nɛ. Ǹ nə́ soo tɔɔ babaraa piɛ̃ wole kɛ lɛ nɛ, ka Tɔɔ kɔsɔ dɔ lɛ nɛ, ka ǹ boo gii-dali soɛ-bɔle kɛ lɛ nɛ.

Sii-nyaan 17:12

«A bɛn fù kɛ n kii fù giala pii, ǹ nə́ ǹ tɔn kiibaa yɛ bɔrɔ wa. Sɛnɛ, ǹ tá re pàã siɛ ǹ biikoo goon toto a kiibaa ǹ pàã zɛnaa kun ka Tɔɔ kɛ nɛ.

Sii-nyaan 17:16

N bɛn fù mɛn yɛ ka Tɔɔ lɛ dinmaa nɛ, naarɛbaali kɛ tìĩ á re boe ǹ tumaa nyin ni. Ǹ tá re a mànan tumaa sii la, ǹ nà a gɔ̀nɔn kooro da. Ǹ tá re a siĩ soɛ̃, ǹ tɛ kaa a wen ganaa.

Sii-nyaan 17:7

Lon a dia dí-a wole lɛ tɔ́n pɛ ma nɛ: «Wàa na á baa kɛ tá n tɔwɛɛ? Lɔ kɛ laanka Tɔɔ mɛn bɛ́ á saa, a mìi n sɔbaa a bɛn nə́ fù, ma á re ǹ sii-duriibaa giala pii n ni.

Sii-nyaan 19:12

A yii nànan man kuĩ ka tɛ buə̃ bɛ́ lɔn. Kiibaa ǹ bafolo gigiã na a mìi ganaa. Tɔ mɛn bɛ́ kiɛ̃ nɛ a ganaa, min kɔ́n ba bɛ doɛ̃ wa, yǎa a dinsɔɔ̃.

Sii-nyaan 20:2

Á tɔɔ babaraa piɛ̃ wole kɛ kũ á da fɔlɔ biɛ nɛ, mà yǎa lɛ̀ duu goon. A din lɛ n lɛlɛ a miɛ̃ lɛ lɛa, ǹ nə́ bíi nɔ̀ɔn babaraan kiã, ǹ nə́ bíi *Sɛtaan dɔn.