Sii-nyaan 11:9 - LAWA A BOO SONBORE

⁹ Zaman tumaa a minin ni, gánan tumaa nɛ, bɔlɔ tumaa pɛlen ne, tɔrɔ din tumaa nɛ, ǹ tá re die giɛ ǹ geren ganaa yǎa lɛawaa sɔɔ ka talɛɛ, ǹ ba re lɛ koe mà ǹ nə ǹ bĩ wa.

LAWA A BOO SONBORE 2011

⁹ Zaman tumaa a minin ni, gánan tumaa nɛ, bɔlɔ tumaa pɛlen ne, tɔrɔ din tumaa nɛ, ǹ tá re die giɛ ǹ geren ganaa yǎa lɛawaa sɔɔ ka talɛɛ, ǹ ba re lɛ koe mà ǹ nə ǹ bĩ wa.

Sii-nyaan 11:9 ပူးပေါင်းရင်းမြစ်များ

Kiin1 13:22

Dɛnaa Lawa bɛ́ á goã á pɛ n nɛ mà n baran toa n màn bii bǎã mɛn lɛ-n wa, mà n baran toa n mu dɔ mi a-n wa, n nə n lɛ goa n woo màn bii walan, ń mu mi a nɛ. Bɛ lɛ tɔ ganaa, n tá re giɛ̃. Sɛnɛ, ǹ nə ǹ digolon bĩ yala mɛn nɛ, n gere ba re n bĩ walan wa.»

Boo-laakalaali 6:3

Ta min na á nɛgiĩ paabiɛ yɛ, á lɛ̀ gigiã yɛ kanaa, ta a lɛ̀ lɛ n mɔnaa-n lɔn, bɛ̀ a yii-nyɛɛ yɛ wa, ka bɛ dɔ nɛ, bɛ̀ a bĩ ǹ yala yɛ wa, man pii máa nɛ mɛn bɛ́ á yɛ gere lɛa, máa bɛ á soɛ nɛ.

Izayii 33:1

Nsɛ mɛn bɛ́ basaã koe, n wɔ n ka bɔ̀n nɛ, nsɛ mɛn bɛ́ basaã tɔn nə n yɛ wa, nsɛ mɛn bɛ́ minin yiri siɛ̃ ǹ nə́ ǹ tɔn nə nsɛ yiri sã wa! Bɛ̀ n basaã kɔ n nya ǹ mɛn waáraa, ǹ tá re basaã koe n ne. Bɛ̀ n minin yiri sã n nya biikoo mɛn li, ǹ tá re n dɔ yiri siɛ̃.

Zeremii 7:33

Bɛa geren lɛn tá re zèwon laanka tolokan màn-bii biɛ, min kɔn dɔ a re ǹ lui wa.

Matiə 7:2

Ka bɛ́ ka miãn zɛ̀rɛ biɛ lɔn ke, Lawa n die ka dɔn zɛ̀rɛ biɛ miɛ̃. Ka bɛ́ ka miãn wɔ zoɛ̃ màn mɛn ganaa, Lawa n die ka dɔn wɔ zoɛ̃ bɛ lɛ ganaa.

Sii-nyaan 10:11

Ǹ nə́ tɔ́n pɛ ma nɛ: «Yǎa n wusii n woe Lawa a boo gii diɛ gána gigiã minin ni, tɔrɔ gigiã nɛ, bɔlɔ totoro pɛle gigiã nɛ, ka kii gigiã nɛ.»

Sii-nyaan 11:11

Sɛnɛ, lɛawaa sɔɔ ka talɛɛ lɛ kio, yiikoonaabaa kɔ ǹ piɛ̃ bɔ Lawa li, á daa kaa ǹ nɛ, ǹ nə́ yoo ǹ nə́ golee lon. Min mɛn tumaa nə́ ǹ yɛ, nyɛ́ɛ gole nə́ ǹ kũ.

Sii-nyaan 13:7

Lawa na á lɛ kɔ la, mà a zia baa a din a minin ganaa, a boo ǹ la. Gána tumaa, zaman tumaa, bɔlɔ totoro pɛle tumaa, tɔrɔ din tumaa ná a lɛ si.

Sii-nyaan 17:15

Lon a dia dí-a wole lɛ tɔ́n pɛ ma-n doo: «N mun mɛnɛn tumaa yɛ naarɛbaali kɛ a giã ǹ bǎã nɛ, bɛn man gánan minin lɛa, ka zaman nɛ, ka tɔrɔn nɛ, ka bɔlɔ totoro pɛlen ne.

Sii-nyaan 5:8

A bɛ́ á sɛ́wɔ lɛ si biikoo mɛn li, màn yiikoonaa pàãdɛnaa sii kɛ laanka *min gole fuəwensii kɛ kaa tán Sère Nɛ lɛ giulun, tùtu n didie gɔn. Sana donkolon dɔ n didie tumaa gɔn, a piɛ̃maa-n ka màn gìĩ kɔɔ̃n-a nɛ. Bɛa màn gìĩ kɔɔ̃n-a lɛ n Lawa a min sonboren Lawa-nyankɔ giala pii.

Sii-nyaan 5:9

Maǹ nə́ goã loe tii loe kɛnɛn: «Ń kɔnbɔ n sɛ́wɔ kɛ si, ń kɔnbɔ n na a lɛ tã ǹ bǎãn kɛn bũ, a giala, n din ni ǹ nə́ n baa *wúlu màn lɛa. Ń minin pii ka n din mà nɛ, ń kɔ Lawa la, ǹ nə́ zaman gigiã lɛa, tɔrɔ tumaa lɛa, gána tumaa minin lɛa, ǹ nə́ bɔlɔ tumaa pii.