Sii-nyaan 11:8 - LAWA A BOO SONBORE

⁸ Ǹ bɛ́ ǹ nə́ Dɛnaa dere gɔn ganaa kiwi gole mɛn nɛ, ǹ geren tá re goɛ̃ tán-a bɛa kɔn yɛ ǹ bǎã nɛ. A din kiwi kɛ lɛ nɛ ǹ nə́ bíi ka tɔ giməə ne, mà "Sodɔmu", ka "Ezipti".

LAWA A BOO SONBORE 2011

⁸ Ǹ bɛ́ ǹ nə́ Dɛnaa dere gɔn ganaa kiwi gole mɛn nɛ, ǹ geren tá re goɛ̃ tán-a bɛa kɔn yɛ ǹ bǎã nɛ. A din kiwi kɛ lɛ nɛ ǹ nə́ bíi ka tɔ giməə ne, mà "Sodɔmu", ka "Ezipti".

Sii-nyaan 11:8 ပူးပေါင်းရင်းမြစ်များ

Siin Giala 13:13

Bɛa kiwi lɛ dɔ a minin man nə́ goã we Lawa lon parsiini, ka ǹ zɛnaa ǹ sii babaraan nɛ.

Siin Giala 19:24

Bɛa biikoo li, Dɛnaa kiribi tɛdɛnaa kaa Sodɔmu kiwi laanka Gomɔɔrɔ kiwi la, ka la bɛ́ kiɛ lɔn. Bɛ na á goã boe Dɛnaa din li lon.

Bɔ bɛ̀rɛbaa nɛ 20:2

«Ma din nə Dɛnaa lɛa, n Lawa lɛ nɛ, ma soo n ne, má n bɔ Ezipti gána a bɛ̀rɛbaa nɛ:

Bɔ bɛ̀rɛbaa nɛ 3:7

Dɛnaa pɛ: «Má maa zaman lɛ a nɔmaa yɛ Ezipti gána nɛ, má ǹ lɛ-dɛ ma ǹ lɛduə̃li baraan kɛn dɛ gɔn. Sonbore, ma tá ǹ fuun lɛn doɛ̃.

Izayii 3:9

Ǹ yɔrɔ gɔ́ɔ̃ din nə ǹ zɛnaa ǹ siin nyɛɛ. Ǹ ba ǹ sii baraan duri wa, maǹ nə ǹ pii ǹ lɛ-a ka Sodɔmu minin wɔ bɛ́ lɔn. Koe n ka kɛ nɛ, maǹ bɔ̀n yɔrɔ boe ǹ dinin wɔ lɛa.

Zeremii 23:14

Zeruzalɛmu a Lawa a boo gii-dalin dɔn li, ma yii n sii bɔbɔnɛɛn ganaa: Maǹ naarɛbiɛ, maǹ soɛ boe. Ǹ giala n kun ka min baraan nɛ, Bɛa yɔrɔ lɛ la, min kɔn ba n nyɛnɛɛ sii baraa-n wa. Masɛ yii li, maǹ nə́ kɔnbɔ ka Sodɔmu minin ni. Zeruzalɛmu minin man nə́ kɔnbɔ ka Gomɔɔrɔ minin ni.

Zeremii 26:23

Ǹ nə́ bɔ ka Uria nɛ Ezipti gána nɛ ǹ nə́ daa nɛ, ǹ nə́ woo-n kii lɛ li. Zozakimu nə ǹ da a dɛ ganaa, ǹ ná a gere zũ geren kaa ǹ nyankɔrɔ gole kɛ nɛ.

Ezekieli 16:46

N gololɔ n ka Samarii kiwi kɛ nɛ gɔsɛ a lɛ̀gɔn la, kun ka a lɛkoro lɛ-a kiwin ni. N diɛ̃lɔ n ka Sodɔmu kiwi kɛ nɛ gusin a lɛ̀gɔn la, kun ka a lɛkoro lɛ-a kiwin ni.

Ezekieli 16:49

Á ke, ǹ dɔɔ̃nlɔ Sodɔmu laanka a lɛkoro lɛ-a kiwin sii baraa n ka kɛ nɛ: Maǹ nə́ goã n dinin gole koe. A giala, maǹ nə́ kã, ǹ nə́ là nyantoro la, ǹ ba n taasɛ ka sii kɔn nɛ wa. Ǹ nə n dɔ doobaan laanka nɔmaa wolen lɛ wa.

Ezekieli 23:19

Á màn da a kɔrɔbaa lɛ li, á minin yiri gisĩ a tenmaa waáraa a kɔrɔbaa kɛ nɛ, a tá Ezipti-n lɛ a biikoo li.

Ezekieli 23:27

Bɛa biikoo li, ma á re n kurii n gɛsɛbaa ǹ siin kɛn lɛn zɛnaa ganaa, ka n kɔrɔbaa kɛ nɛ, ń bɔ nɛ Ezipti gána nɛ. N ba re n yii din siɛ n ga ǹ ganaa doo wa, n yiri din ba re die ka Ezipti gána kɛ-n doo wa.

Ezekieli 23:3

Maǹ nə́ goã kɔrɔbaa zɛnɛɛ Ezipti gána nɛ, bɛ̀ ǹ bɛ́ tɔn ten dinin. Maǹ nə́ ǹ foo bii tatama walan, ǹ nə́ n gɔn tatalaa ǹ nyɔn ganaa.

Ezekieli 23:8

A kɔrɔbaa mɛn lɛ giala kɔ Ezipti gána nɛ, a bɛ lɛ da wa. A giala, maǹ nə́ goã giɛ̃ kun ni haalɛ a tenmaa waáraa, ǹ nə́ goã a nɛniɛbaa ǹ nyɔn kɛn kuĩ, bɛ̀ ǹ da naarɛbaa ganaa.

Ezekieli 37:11

Lawa tɔ́n pɛ ma nɛ: – Minbuiin a nɛ, gere wen kɛn lɛn, Izirayeli tɔrɔn lɛn tumaa a kaa-kun ni. Á ke, Izirayeli tɔrɔn lɛn man pii: «Wɔ wen nə́ laa, foo doa ǹ bǎã ba wɔ lon doo wa, wɔa wɔ ziziɛ̃.»

Amɔɔsi 4:11

Má bɔ̀n da ka ganaa, ká ma goã má da Sodɔmu laanka Gomɔɔrɔ ganaa lɔn lɛlɛ. Ka n ka tɛ gɔn lɛ bɛ́ lɔn, ǹ nə́ bɔ ǹ nə́ bɔ tɛ-n. Sɛnɛ, a laan bɛ yii ni, ka n gɔ́ɔ̃ dɔn bii ká wusoo ká daa ma li wa. Dɛnaa Lawa a da ǹ boo ne.

Matiə 10:15

Lawa bɛ́ re kiri we Sodɔmu laanka Gomɔɔrɔ kiwi min baraan kɛn ganaa ǹ mɛn pinaa, bɛn dɔlɔ á re goɛ̃ puusə ǹ wɔ ganaa.

Nya ǹ dín 9:4

Á boo-diɛ lɛ ma pii ni: «Sooli, wàa na á baa n tá fuu nyɛɛ masɛ nɛ.»

Ebrəə 13:12

Bɛ lɛ a lɛa nɛ, Yezu dɔ́ gɛ̀ wɔ kiwi lɛ kio, á zaman lɛ *yoreen kɔ ka a din mà nɛ.

Ebrəə 6:6

Bɛ̀ ǹ nə́ ǹ goleemali daa kanna, ǹ ba boe la ǹ yɛ doo wa. A n ka maǹ Lawa a Nɛgiĩ lɛ dere gɔn ganaa doo, ǹ nə́ sìi diɛ a ganaa zaman tumaa yɔrɔ-a.

Piɛrɛ2 2:6

Lawa tɛ da Sodɔmu laanka Gomɔɔrɔ kiwi babaraan kɛn ganaa, ǹ nə́ kũ, ǹ nə́ ton baa. Bɛ na á n zɛnaa yiri kɔmala ǹ sii lɛa, á n nyaa piã-wɔlen kɛn manɛ, mà bɛ lɛ miã á die ǹ dɔn yii.

Zude 1:7

Doo, Sodɔmu laanka Gomɔɔrɔ kiwi babaraan kɛn, ka ǹ lɛ-a ǹ kiwin dɔn nə́ zɛnaa, ka lon a dia dí-a wolen lɛn wɔ bɛ́ lɔn. Ǹ nə́ n dinin kɔ naarɛbaa la, siin mɛnɛn bɛ́ ǹ ba kɔnboe ka zɛnaa-n wa, maǹ nə́ goã giɛ li ǹ bɛn zɛnaa. Pelo, tɛ nyabaã wole nə ǹ mìi-n dɔlɔ lɛa, bɛ n sii lɛa a nə́ n gɔn wɛɛ min tumaa nɛ.

Sii-nyaan 11:13

A din biikoo goon kɛ lɛ li, tán bìn-diɛ bɔbɔnɛɛ goon nə́ n zɛnaa. Á kiwi lɛ a talakɔn fùbaa ǹ wɔ dɛ á kaa. Min duu sɔbaa dɔ́ gã bɛa tán bìn-diɛ kɛ lɛ gɔ́ɔ̃ nɛ. Min mɛnɛn nə n bɔ a nɛ, nyɛ́ɛ gole bɛn kũ, ǹ nə́ lon a Lawa tɔ guguru kɔ.

Sii-nyaan 11:9

Zaman tumaa a minin ni, gánan tumaa nɛ, bɔlɔ tumaa pɛlen ne, tɔrɔ din tumaa nɛ, ǹ tá re die giɛ ǹ geren ganaa yǎa lɛawaa sɔɔ ka talɛɛ, ǹ ba re lɛ koe mà ǹ nə ǹ bĩ wa.

Sii-nyaan 14:20

Bɛa yala lɛ n kiwi lɛkoro-a, ǹ nə́ rezɛ̃ lɛ yɔyɔrɛ a nɛ. Mà na á soo yala lɛ nɛ ka mu tii bɛ́ lɔn, yǎa kilo biɛsɔɔ (300), a zuzulubaa dɔ mɛtərə goon ka talɛɛ.

Sii-nyaan 14:8

Lon a dia dí-a wole paabaa ǹ wɔ kɔ bibinaa lɛ kio lɛ, a n pii: «*Baabilonii lɛ mɛnaa! Baabilonii kiwi gole lɛ mɛnaa ka bolobolo! Asɛ mɛn bɛ́ á tɔrɔn tumaa a minin bebere, a ǹ baa naarɛbaali taãn-taãnan lɛa.»

Sii-nyaan 16:19

Kiwi gole lɛ nə́ n talakɔn sɔɔ, gánan tumaa a kiwin nə́ bɔ ǹ nə́ kaa. Lawa nə́ n yiri koa *Baabilonii kiwi gole kɛ a zɛnaa ǹ sii ni, á da Lawa a foo-yoo ǹ duvɛ̃ mii ganaa, ǹ mɛn lɛ bɛ́ Lawa a foo-yoo gole paan kɛ nɛ.

Sii-nyaan 17:1

Lon a dia dí-a wolen mɛnɛn bɛ́ ǹ nə́ goã ka koe mànan nɛ ǹ gunun, bɛn goon nə́ n zɔ̃ á dɔ ma li, á pɛ ma nɛ: «Ǹ bɛ́ re dɔlɔ boe lɔ naarɛbaali gole kɛ ganaa ka yɔrɔ mɛn nɛ, daa, ma á re bɛ nyɛɛ n nɛ, kiwi gole mɛn bɛ́ ǹ nə́ dɔ pɛrɛ damata lɛkoro lɛ-a.

Sii-nyaan 17:18

«Ma lɔ mɛn dɔ yɛ, kiwi gole mɛn bɛ́ kanaa tumaa a kiin lɛduĩ, bɛ n ka bɛ nɛ.»

Sii-nyaan 17:5

Ǹ nə́ tɔ giməə kiɛ̃ a nyanlɛ-a. Bɛa tɔ giməə lɛ giala mà "*Baabilonii gole mɛn bɛ́ naarɛbaa laanka sii gɔgɔrɛ tumaa a náa lɛa kanaa gɔ́ɔ̃ nɛ".

Sii-nyaan 18:10

Fuu mɛn bɛ́ a mìi ni, ǹ tá re nyɛ́ɛ biɛ bɛ nɛ, ǹ wo giã tiãlɛa, ǹ nə́ pii: «Bɔ̀n woo bɔ̀n! Bɔ̀n gole Baabilonii kiwi gole pàãdɛnaa lɛ yɛ! A dɔlɔ bɔ ma-a ǹ gɔn yii n ke biikoo goon toto dinsɔɔ̃ nɛ!»

Sii-nyaan 18:18

Ǹ nə́ n lɛ dii kiwi lɛ a tɛ a kũ ǹ tɛmaa kɛ ganaa, ǹ nə́ pii: «Kiwi mɛn na á goã n zoɛ̃ kɔn ka kiwi gole kɛ nɛ?»

Sii-nyaan 18:2

Á n lɛ dɛ ka lɛn gole ne, á pɛ: «*Baabilonii lɛ mɛnaa! Baabilonii kiwi gole lɛ mɛnaa ka bolobolo! Kanna, a bǎã nə́ n baa nɔ̀ɔn baraan giã ǹ bǎã lɛa, yiri baraan tumaa a duru ǹ bǎã lɛa, bàan gɔ̀dɛnaa gìĩ-bɔle-an tumaa a giã ǹ bǎã lɛa.

Sii-nyaan 18:21

Bɛ ganaa, lon a dia dí-a wole kaka goon tɔ́n kɔlɔ saa, a gugurubaa n ka wii lɔ ǹ gii bɛ́ lɔn, á zũ yìsi mu li, á pɛ: «Kɔlɔ kɛ nə n zũ ka pàã mɛn nɛ, maǹ die Baabilonii kiwi gole kɛ dɔ zuĩ tán miɛ̃, min kɔ́n ná a re yii doo wa.

Sii-nyaan 18:24

Dɔlɔ na á n bɔ Baabilonii ganaa, a giala mà ǹ nə́ Lawa a boo gii-dalin laanka a min sonboren dɛ walan. Min mɛnɛn bɛ́ ǹ nə ǹ dɛ tán la, a din kiwi kɛ lɛ a lɛa nɛ.