Sii-nyaan 11:3 - LAWA A BOO SONBORE

³ Bɛa biikoo li ma á re a Siére màn paa diɛ, ǹ wɔ ǹ mɔnaan yii n kokoro ka boroo bɛ́ lɔn, ǹ da Lawa a boo gii da yǎa lɛawaa duu goon biɛpaa ka pɔsɔrɔ (1 260) kɛ lɛ piɛ̃.»

LAWA A BOO SONBORE 2011

³ Bɛa biikoo li ma á re a Siére màn paa diɛ, ǹ wɔ ǹ mɔnaan yii n kokoro ka boroo bɛ́ lɔn, ǹ da Lawa a boo gii da yǎa lɛawaa duu goon biɛpaa ka pɔsɔrɔ (1 260) kɛ lɛ piɛ̃.»

Sii-nyaan 11:3 ပူးပေါင်းရင်းမြစ်များ

Siin Giala 37:34

Zakɔba ná a din a wɔ ǹ mɔnaa kũ á toɛ̃, á gɛ̀ koa ǹ mànan wɔ a din ganaa, a ná a nɛgiĩ lɛ a gɛ̀ wuu pɛ, lɛawaa damata gɔ́ɔ̃ nɛ.

Samayeli2 3:31

Davida pɛ Zoabu laanka Zoabu a tá-kun wolen lɛn tumaa nɛ: «Ka kaa mɔnaan tɔtoɛ̃, ka gɛ̀ koa ǹ mɔnaan wɔ, ka mɛ Abnɛɛrɛ gere nyɛɛnɛ, ka a gɛ̀ wuu pɛ.» Kii Davida din na á goã tɔ we gere lɛ kio.

Kiin1 21:27

Akaabu bɛ́ á bɛa boon lɛn ma, á na a mɔnaan kũ á tɔtoɛ̃, á gɛ̀ koa ǹ mɔnaa wɔ a din-a, á n lɛ sɔɔ. A na á goã wɛɛ tán ka bɛa gɛ̀ koa ǹ mɔnaa lɛ nɛ a ganaa. A na á goã tɔ dɔ we ne sɛlɛlɛ nɛ.

Kiin2 19:1

Kii Ezekiasi bɛa boon kɛn lɛn ma lɔn, a foo ziziɛ̃, á ná a mɔnaan kũ á ǹ tɔtoɛ̃, á gɛ̀ koa ǹ mɔnaa wɔ a din-a á woo Dɛnaa Lawa a kion.

KZS1 21:16

Davida nə́ n yii saa lon, á Dɛnaa Lawa a lon a dia dí-a wole lɛ yɛ golee ne lon laanka tán bii ni, a gɔya sa kooromaa nɛ a gɔn, á bɔyaa á dia Zeruzalɛmu la. Davida laanka min golen nə́ tɔ́n kaa tán ǹ lɛ la, boro n koe ne ǹ lɛ.

Nehemii 9:1

A din mui lɛ a lɛawaa fuəwensiibaa ǹ wɔ pinaa, Izirayeli minin lɛn nə́ gɛ̀ koa ǹ mɔnaan wɔ, ǹ gɔ̀nɔn yii n tii lɛa, ǹ nə́ n sɔkɔn lɛ-sɔɔ taman yii.

Zɔbu 16:15

Má gɛ̀ koa ǹ mɔnaa wɔ ma din ganaa, má n mìi dɔ ma li, má giã tán gusuũ li.

Loen 69:11

Má wuu pɛ, má n lɛ sɔɔ, bɛ lɛ dɔ a lɛa, ǹ nə́ sɔ kaa ma la.

Izayii 22:12

Bɛa pinaa kɛ nɛ, Dɛnaa Lawa Pàãyiidɛnaa na á goã li mà ka wuu pɛ, ka n lɛ dɛ, ka n mìi kɔɔ̃, ka gɛ̀ koa ǹ mɔnaan wɔ.

Zeremii 1:10

A dɔ̃ mà pelo, mà man pàã koe n la, tɔrɔn laanka gánan mìi la: N tá re màn woɛ̃, n màn dɛ n kaa. N tá re ziziɛ̃, n wuru. N tá re doe, n zumu.

Busii pɛ 2:10

Siɔn a min golen nə́ giã tán furu-n, ǹ ba boo kɔn diɛ wa. Maǹ tii folo kiɛ ǹ dinin mìi ni, ǹ nə́ gɛ̀ koa ǹ mɔnaan wɔ. Zeruzalɛmu a nɛlɔn nə́ n mìi kuməə tán.

Ezekieli 4:6

Bɛ̀ bɛa lɛawaan lɛn lɛ pã, n bɔyaa n waa n gusin a wàã dɔ la, n nə n toɛ̃ ka Zudaa minin kɛn dɔn sii baraa a guĩ ni lɛawaa pusi gɔ́ɔ̃ nɛ. Ǹ sii baraa zɛnaa lɛ̀n mɛnɛn gɔ́ɔ̃ nɛ, ma a lɛawaa gogoon kɔ n la, ǹ gogoonmaa wɔ lɛa.

Zowɛli 1:13

Lawa a wúlu-bɔlen lɛn, ka gɛ̀ koa ǹ mɔnaan wɔ, ka wuu pɛ. Kasɛn mɛnɛn bɛ́ *wúlu bɔ ǹ bǎã kɛa dí nyɛɛ, ka n lɛ dɛ. Kasɛn mɛnɛn bɛ́ dí nyɛɛ maa Lawa nɛ, ka n yɔrɔ kɔsɛ, ka lɛ̀ waa nɛ. A giala, minin ba die ka belee laanka duvɛ̃ nɛ Lawa gɔ ǹ wɔ lɛa, Lawa a kion doo wa.

Zonaasi 3:5

Ninivu minin lɛn nə bɛ ma lɔn, ǹ nə́ gole Lawa a boo li. Ǹ nə́ lɛ dia, mà min tumaa nə n lɛ sɔɔ. A saa min golen ganaa, a wo nɛnyaanan yaa, ǹ nə́ gɛ̀ koa ǹ mɔnaan wɔ ǹ dinin ganaa ǹ nə́ nyaa mà ǹsɛn nə́ wusoo ǹ sii baraan kio.

Zonaasi 3:8

Boroon doamaa nɛ ǹ goã minbuiinin laanka tɔɔn ganaa, ǹ nə n lɛ dɛ Lawa ganaa ka ǹ parsiini. Didie nə n taasɛ a wusoo a sii baraan kio, kakaarɛbaa ǹ siin mɛnɛn bɛ́ a gɔn lɛa, a bɛn kaa.

Minin nimi 11:26

Ǹ min gole pɔsɔbaa mɛn lɛ tɔ kiɛ̃, ǹ min paa golee giã ǹ bǎã lɛ nɛ, ǹsɛn nə wo mɔnaa zìã lɛ li wa. Goon tɔ n Ɛldaadi, kɛ dɔ tɔ n Medaadi. Lawa yiri lɛ gisĩ ǹ dɔn la, ǹ nə́ Lawa a boo gii-dali baa ǹ sii zɛnaa giã ǹ bǎã lɛ nɛ.

Matiə 11:21

«Kasɛn Koraazɛn minin kɛn, bɔ̀n nə kaa wɔ lɛa! Kasɛn Bɛtsayidaa minin kɛn, bɔ̀n nə kaa wɔ lɛa! A giala kaãbaa ǹ siin mɛnɛn bɛ́ ǹ nə́ n zɛnaa kaa piɛ, bɛ̀ bɛn man nə́ n zɛnaa Tiiri kiwi laanka Sidɔn kiwi babaraan kɛn nɛ, bɛ̀ ǹ nə́ boroon wɔ ǹ dinin ganaa, ǹ nə́ ton kaa ǹ dinin ganaa haalɛ bibi, ǹ nə́ nyaa mà ǹsɛn nə́ n taasɛ ǹ nə́ wusoo ǹ sii baraan kio.

Matiə 18:16

Sɛnɛ, bɛ̀ á n piã, wusoo n min paa hinlaa min sɔɔ kũ, n nə ǹ kaa kunun n ni, màn mɛn bɛ́ toɛ, "Sii lɛ din tumaa nə n yɔrɔ bɔ siére paa hinlaa sɔɔ yɔrɔ-a", ka Lawa a boo bɛ́ pii lɔn.

Luku 10:13

«Kasɛn Koraazɛn minin kɛn, bɔ̀n nə kaa wɔ lɛa. Kasɛn Bɛtsayidaa minin kɛn, bɔ̀n nə kaa wɔ lɛa. A giala kaãbaa ǹ sii gigiã nə́ n zɛnaa kaa kiwi. Bɛ̀ bɛn man nə́ n zɛnaa Tiiri laanka Sidɔn kiwi babaraan kɛn nɛ, bɛ̀ bɛn minin nə́ wusoo ǹ sii baraan kio haalɛ bibi, ǹ nə́ boroo wɔ, ǹ nə́ ton kaa ǹ dinin-a, ǹ nə́ ǹ yɔrɔ-kɔsiɛ nyaa.

Luku 24:48

Ka dinin lɛn man bɛ lɛ a siéren lɛa.

Zaã a sɛ́wɔ 15:27

Ka dɔn tá re siére biɛ masɛ a lɛa, a giala, ka á kun ka masɛ nɛ, haalɛ maa siin lɛn giala kɔ waáraa.

Zaã a sɛ́wɔ 3:27

ZAÃ tɔ́n pɛ ǹ nɛ: «Min ba boe la a màn kɔ́n yɛ, bɛ̀ Lon a Lawa ná a kɔ la wa.

Nya ǹ dín 1:8

Sɛnɛ, bɛ̀ Lawa a Yiri Fu gisĩ ka la ǹ mɛn waáraa, ka á re pàã yii. Bɛa biikoo li, ka á re maa siéren biɛ, ka masɛ boo da Zeruzalɛmu kiwi, Zudee gána din tumaa nɛ ka Samarii gána nɛ, yǎa ka woe doe kanaa paǹ din tumaa ganaa.»

Nya ǹ dín 13:31

Min mɛnɛn nə kɔ lɛ ǹ nə́ bɔ Galilee á woo Zeruzalɛmu yaa, á n din nyaa bɛn manɛ lɛawaa damata gɔ́ɔ̃ nɛ. Bɛa minin kɛn lɛn man a siéren lɛa sisia zaman lɛ yɔrɔ-a.

Nya ǹ dín 2:32

Bɛa Yezu kɛ lɛ, Lawa ná a yii kaa á bɔ geren bii, wɔsɛn tumaa n bɛa siéren lɛa.

Nya ǹ dín 3:15

Ka bɛ́ ka nyin-kɔle dinmaa kɔ minin la ǹ nə́ dɛ, Lawa na á yii kaa á bɔ geren bii. Wɔsɛn dinin man bɛa siéren lɛa.

Korɛnti1 12:28

A n miɛ̃, Lawa tɔ́n siin kɛn koa a sɔmɔ-n: bibinaa nɛ, dia dí-a wolen manɛ, a paabaa ǹ wɔ, Lawa a boo gii-dalin manɛ, a sɔɔbaa ǹ wɔ, minin-daraalin manɛ. Bɛ kio, kaãbaa ǹ sii-zɛnaalin manɛ. Bɛ kio doo, busu-nyalin manɛ, ka dɔ minin lɛ wolen ne, ka sii nyɛɛnaan-bɔlen ne, ka bɔlɔ soree pɛlen ne.

Korɛnti2 13:1

Maa gunyin sɔɔbaa ǹ wɔ n ke, má n die die kaa piɛ. «Sii tumaa n die n yɔrɔ boe ka siére paa hinlaa sɔɔ a boo ne», ka Lawa a sɛ́wɔ bɛ́ á pɛ lɔn.

Efɛɛzi minin 4:11

A din lɛ dɔ na á bǐɛ̃ totoron zɛnaa minbuiinin ni: Á minin kɔnɔn baa dia dí-a wolen lɛa, á kɛn baa Lawa a boo gii-dalin lɛa. Á ǹ tɛnɛn baa Boo Tii Kɔɔ̃n laakalaalin lɛa, á gialakunun baa ga Lawa a sɔmɔ walan wolen lɛa, ǹ nə́ minin darɛɛ.

Timəə dí-pɛn 17:6

Sɛnɛ, ka toa ka boo ma siére paa hinlaa sɔɔ lɛ-n, ka tɔn nə ǹ dɛnaa dɛ a gã. Ka nyan toa ka dɛ min goon toto lɛ gɔ́ɔ̃ ǹ boo li wa.

Timəə dí-pɛn 19:15

Siére goon toto a boe la a yoo min gialaa mà a na á gɛ̀ dɛ, mà a na á sii baraa zɛnaa, hinlaa mà a na á sã wa. Haalɛ ta sii mɛn tɔrɔ din ni ǹ dɛnaa zɛnaa, a yɔrɔ doamaa nɛ a n bɔ siére paa hinlaa sɔɔ a da ǹ boo li.

Sii-nyaan 1:5

Yezu lɛ n siére sonbore lɛa, a din yii na á kaa bibinaa nɛ á n bɔ geren bii, a n kanaa a kiin tumaa mìi la. Min mɛn bɛ́ a wɔ narɛ, a din na á wɔ si wɔa sii baraan la ka a gɛ̀ nɛ.

Sii-nyaan 11:2

Sɛnɛ, Lawa a Kion lɛ a kanaa sumu gole ke, n nyan bɛ zɔɔ̃ wa, a giala, maǹ nə́ bɛ kɔ tɔrɔ kɔsɔn la, ǹsɛn mɛnɛn bɛ́ re Zeruzalɛmu kiwi sonbore kɛ tɔtɔrɛ yǎa mui pusiwenpaa.

Sii-nyaan 11:6

Pàã tá ǹ lon ǹ nə́ boe la ǹ lon lɛ tã, la ná a doɛ tán ǹ Lawa a dí-pɛ ǹ biikoo kɛ li wa. Pàã tá ǹ lon ǹ nə́ boe la ǹ mu tumaa bɔyaa ǹ baa mà lɛa. Bɛ̀ ǹ nə́ golee li, ǹ tá boe la ǹ koe tɔrɔ tumaa bɔ tán ganaa.

Sii-nyaan 12:6

Lɔ lɛ baa si á woo don gɔ́ɔ̃ nɛ, Lawa din na á bɛa bǎã lɛ yɔrɔ bɔ á koa nɛ, mà ǹ die ǹ too walan, yǎa lɛawaa duu goon biɛpaa ka pɔsɔrɔ (1 260).

Sii-nyaan 13:5

Tɔɔ babaraa piɛ̃ wole lɛ na á lɛ kɔ la, mà a din-koa ǹ boon da, ka sɔ kaa Lawa la ǹ boon ne. Á pàã kɔ la, mà a goã la yǎa mui pusiwenpaa.

Sii-nyaan 19:10

Má kaa tán lon a dia dí-a wole lɛ giulun, máa ma na a guguru koe. Sɛnɛ, á pɛ ma nɛ: «N nyan toa n bɛ zɛnaa wa! Lawa din sɔɔ̃ guguru kɔ. Masɛ dɔ n Lawa a dí-nyali lɛa ka n dɔ bɛ́ lɔn, ka n dɔɔ̃nɔn mɛnɛn bɛ́ Yezu boo taãn nyaa ǹ nɛ, a nə́ ǹ gɔn.» Yezu boo taãn mɛn nyaa, a din ni Yiri Fu nyaa Lawa a boo gii-dalin dɔn manɛ.

Sii-nyaan 20:4

Má tɔ́n kii dankanan yɛ. Min mɛnɛn bɛ́ giã nɛ ǹ la, ǹ nə́ lɛ kɔ ǹ la, mà ǹ dinin nə kiri kuru. Min mɛnɛn bɛ́ ǹ nə́ gɛ̀ wɔ lɛlɛ, Yezu a boo taãn laanka Lawa a boo a lɛa, ka ǹ mɛnɛn bɛ́ ǹ goã Tɔɔ kɛ laanka a nyín guguru koe wa, ǹ lɛ dɔ kɔ ǹ ná a nyaǹ kiɛ̃ ǹ nyanlɛ-a ka ǹ gɔn nɛ wa, má wusoo má bɛn telenboenən yɛ. Bɛn tumaa wusoo ǹ nə́ yiikoonaabaa yɛ, ǹ nə́ giã pàã la kun ka Krita nɛ, yǎa lɛ̀ duu goon.