Sii-nyaan 11:2 - LAWA A BOO SONBORE

² Sɛnɛ, Lawa a Kion lɛ a kanaa sumu gole ke, n nyan bɛ zɔɔ̃ wa, a giala, maǹ nə́ bɛ kɔ tɔrɔ kɔsɔn la, ǹsɛn mɛnɛn bɛ́ re Zeruzalɛmu kiwi sonbore kɛ tɔtɔrɛ yǎa mui pusiwenpaa.

LAWA A BOO SONBORE 2011

² Sɛnɛ, Lawa a Kion lɛ a kanaa sumu gole ke, n nyan bɛ zɔɔ̃ wa, a giala, maǹ nə́ bɛ kɔ tɔrɔ kɔsɔn la, ǹsɛn mɛnɛn bɛ́ re Zeruzalɛmu kiwi sonbore kɛ tɔtɔrɛ yǎa mui pusiwenpaa.

Sii-nyaan 11:2 ပူးပေါင်းရင်းမြစ်များ

Loen 79:1

Asaafu a loe goon ne. Lawa! Tɔrɔ kɔsɔn nə́ daa n bǎã lɛ kũ, ǹ nə́ si. Ǹ nə́ *gɔ̀ lɔ n Guguru Kɔ ǹ Kion sonbore kɛ ganaa, ǹ nə́ Zeruzalɛmu yu, ǹ nə́ baa kɛbɔlɔ kooro lɛa.

Izayii 48:2

A da yaa, ka nə n dinin bíi "kiwi sonbore a minin". Ka nə n doɛ Izirayeli a Lawa ganaa, asɛ mɛn tɔ bɛ́ Lawa Pàãyiidɛnaa.

Izayii 5:5

Sisia, ma bɛ́ re màn mɛn zɛnɛɛ maa rezɛ̃ wuru lɛ nɛ, bɛ á ke: Gɔ̀rɔ mɛn bɛ́ a lɛnpɛnɛ, man die bɛ wurii ma bɔ a ganaa, tɔɔn nə sɔ̃. Kungɔn mɛn bɛa lɛnpɛnɛ, man die yala boe bɛ́ ganaa, kiɛ̃ wolen nə tɔtɔrɔ.

Izayii 52:1

N yii kaa, n yii kaa, n pàã nyaa *Siɔn. N mɔnaa sonboren wɔ Zeruzalɛmu, nsɛ kiwi sonbore. A giala, tiin ni ka min mɛnɛn bɛ́ gɔ̀dɛnan lɛa, bɛn gòã á re miɛ n li doo wa.

Busii pɛ 1:10

Á ke, zɔ́ɔn nə́ n gɔn dia, ǹ nə́ a naforo tumaa goa. Min kooron dinin nə́ wɔ a kion sonbore kɛ nɛ. A da yaa, Dɛnaa Lawa nə ǹ kurəə mà ǹ nyan wɔ kun ka a zaman kɛ-n wa.

Ezekieli 4:6

Bɛ̀ bɛa lɛawaan lɛn lɛ pã, n bɔyaa n waa n gusin a wàã dɔ la, n nə n toɛ̃ ka Zudaa minin kɛn dɔn sii baraa a guĩ ni lɛawaa pusi gɔ́ɔ̃ nɛ. Ǹ sii baraa zɛnaa lɛ̀n mɛnɛn gɔ́ɔ̃ nɛ, ma a lɛawaa gogoon kɔ n la, ǹ gogoonmaa wɔ lɛa.

Ezekieli 42:20

Á gùrù sii lɛ tumaa zɔɔ̃. Ǹ tumaa a sasabaa na á goã goon. A gogoonmaa, gùrù yii biɛsooro. Bǎã mɛn bɛ́ bǎã sonbore lɛa, kungɔn kɛ lɛ na á bɛ laanka bǎã kooro kɛ na kɔn.

Minin nimi 14:34

Ka n ka woo ga gána lɛ-a, ka lɛawaa pusi. Lɛawaa goon nə die lɛ̀ goon bǎã siɛ: ka n die n toɛ̃ ka kaa sãn lɛn guĩ ni lɛ̀ pusi gɔ́ɔ̃ nɛ. Màn mɛn tá gòãn dii masɛ ganaa nɛ, ka á re bɛ doɛ̃.

Matiə 27:53

ǹ nə́ soo ǹ nə́ ǹ bɔ yala-n. Yezu yii a kaa a bɔ geren bii kio, ǹ nə́ wɔ Zeruzalɛmu kiwi lɛ gɔ́ɔ̃ nɛ, min gigiã nə́ ǹ yɛ walan.

Matiə 4:5

Bɛ kio, Sɛtaan nə́ woo ne Lawa a kion mìi ni Zeruzalɛmu kiwi sonbore kɛ nɛ,

Matiə 5:13

Ka dinin lɛn man goon ka yìsi bɛ́ lɔn kanaa kɛ lɛ gɔ́ɔ̃ nɛ. Sɛnɛ bɛ̀ yìsi a yìsibaa soo á n bɔ a nɛ, a n siɛ lɔn a tɔn yìsi baa doo? A ba màn kɔ́n bǐɛ̃ koe doo wa, yǎa n zuĩ kanaa, minin nə tɔtɔrɔ ǹ gòã giulun.

Luku 21:24

Ǹ tá re zia biɛ ǹ ganaa, ǹ nə ǹ tɛnɛn dɛ ǹ gã, ǹ wo ǹ gialakunun ni gána kɔsɔn kɛn tumaa nɛ kòso nɛn lɛa. Tɔrɔ kɔsɔn tá re basaã koe Zeruzalɛmu kiwi lɛ nɛ, Lawa din nə biikoo mɛn kɔ ǹ la, yǎa bɛ́ kiɛ̃.

Ebrəə 10:29

Sɛnɛ, min mɛn bɛ́ Lawa a Nɛgiĩ kɛ puusə koe, á n giɛ Lawa a lɛ kɔ kɔn la ǹ mà kɛ lɛ ganaa sàn kɔ ǹ màn lɛa, mà mɛn bɛ́ a ná a yoreen kɔ, á n boo baraa diɛ Lawa a bǐɛ̃baa ǹ Yiri Fu kɛ ganaa, ka a taasɛ mà bɛ doamaa-n ka dɔlɔ baraa-n wa?

Sii-nyaan 11:11

Sɛnɛ, lɛawaa sɔɔ ka talɛɛ lɛ kio, yiikoonaabaa kɔ ǹ piɛ̃ bɔ Lawa li, á daa kaa ǹ nɛ, ǹ nə́ yoo ǹ nə́ golee lon. Min mɛn tumaa nə́ ǹ yɛ, nyɛ́ɛ gole nə́ ǹ kũ.

Sii-nyaan 11:3

Bɛa biikoo li ma á re a Siére màn paa diɛ, ǹ wɔ ǹ mɔnaan yii n kokoro ka boroo bɛ́ lɔn, ǹ da Lawa a boo gii da yǎa lɛawaa duu goon biɛpaa ka pɔsɔrɔ (1 260) kɛ lɛ piɛ̃.»

Sii-nyaan 12:6

Lɔ lɛ baa si á woo don gɔ́ɔ̃ nɛ, Lawa din na á bɛa bǎã lɛ yɔrɔ bɔ á koa nɛ, mà ǹ die ǹ too walan, yǎa lɛawaa duu goon biɛpaa ka pɔsɔrɔ (1 260).

Sii-nyaan 21:10

Lawa a Yiri Fu gisĩ ma la, á ma saa, á woo ma nɛ kele gole sasa goon mìi ni: Kiwi sonbore ke, Zeruzalɛmu lɛa, má bɛ yɛ boe lon Lawa li gisĩ tán.

Sii-nyaan 21:2

Kiwi sonbore ke, Zeruzalɛmu dii lɛa, má tɔ́n bɛ yɛ boe lon Lawa li gisĩ tán. Á n yɔrɔ bɔ ka lɔ tii bɛ́ n yɔrɔ boe lɔn, a tɔn wo zuũ kion.

Sii-nyaan 22:19

Bɛ̀ ǹ dɛnaa dɔ́ màn boɛɛn kooro bɔ lɛ, ǹ dɛnaa gii mɛn bɛ́ yiikoonaabaa ǹ da nɛ kɛ nɛ, ka kiwi sonbore kɛ nɛ, a siin mɛnɛn bɛ́ kiɛ̃-n sɛ́wɔ kɛ nɛ, Lawa á re bɛ kuri ǹ dɛnaa lon.